iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPadஇல் FaceTime வீடியோ அமைப்புகளை மாற்றுதல்

FaceTime செயலியில் அழைப்பின் போது நீங்கள் போர்ட்ரெய்ட் பயன்முறை, ஸ்டுடியோ லைட், Center Stage ஆகியவற்றை ஆன் அல்லது ஆஃப் செய்யலாம், கேமராக்களுக்கு இடையில் மாறலாம் அல்லது உங்கள் கேமராவை ஆன் அல்லது ஆஃப் செய்யலாம்.

போர்ட்ரெய்ட் பயன்முறை மூலம் பின்னணியை மங்கலாக்குதல்

ஆதரிக்கப்படும் மாடல்களில் போர்ட்ரெய்ட் பயன்முறையை ஆன் செய்யலாம், போர்ட்ரெய்ட் பயன்முறை தானாகவே பின்னணியை மங்கலாக்கி உங்களை மட்டுமே ஃபோகஸ் செய்யும், “கேமரா” செயலியில் உள்ள போர்ட்ரெய்ட் பயன்முறையும் இதேபோல் செயல்படும்.

  1. iPadஇல் உள்ள FaceTime செயலியில் அழைப்பின்போது, உங்கள் டைலைத் தட்டவும். மூன்றாம் தரப்பு “வீடியோ கான்ஃபரன்ஸிங்” வீடியோ செயலியில் நீங்கள் அழைப்பில் இருக்கும்போது, கட்டுப்பாட்டு மையத்தைத் திறந்து, செயலியின் பெயரைத் தட்டவும்.

  2. “போர்ட்ரெய்ட்” என்பதைத் தட்டவும்.

    போர்ட்ரெய்ட் பயன்முறையை ஆஃப் செய்ய, அந்த பட்டனை மீண்டும் தட்டவும்.

போர்ட்ரெய்ட் பயன்முறையில், பின்னணியில் உள்ள பிளர் அளவைச் சரிசெய்ய, கட்டுப்பாட்டு மையத்தைத் திறந்து, FaceTimeஐத் தட்டி (அல்லது மூன்றாம் தரப்பு வீடியோ கான்ஃபரன்ஸிங் செயலியின் பெயர்), “போர்ட்ரெய்ட்” ஸ்லைடரைப் பயன்படுத்தவும்.

உங்கள் முகத்தை ஹைலைட் செய்தல்

ஆதரிக்கப்படும் மாடல்களில், ஸ்டுடியோ லைட்டை ஆன் செய்யலாம், இது பின்னணியை மங்கச் செய்து உங்கள் முகத்தை ஒளிரச் செய்யும்.

  1. iPadஇல் உள்ள FaceTime செயலியில் அழைப்பின்போது, உங்கள் டைலைத் தட்டவும். மூன்றாம் தரப்பு “வீடியோ கான்ஃபரன்ஸிங்” வீடியோ செயலியில் நீங்கள் அழைப்பில் இருக்கும்போது, கட்டுப்பாட்டு மையத்தைத் திறந்து, செயலியின் பெயரைத் தட்டவும்.

  2. ஸ்டுடியோ லைட்டைத் தட்டவும்.

    ஸ்டுடியோ லைட் பயன்முறையை ஆஃப் செய்ய, அந்த பட்டனை மீண்டும் தட்டவும்.

“ஸ்டுடியோ லைட்” பயன்முறையில் ஒளியளவைச் சரிசெய்ய, கட்டுப்பாட்டு மையத்தைத் திறந்து, FaceTimeஐத் தட்டி (அல்லது மூன்றாம் தரப்பு வீடியோ கான்ஃபரன்ஸிங் செயலியின் பெயர்), “ஸ்டுடியோ லைட்” ஸ்லைடரைப் பயன்படுத்தவும்.

Center Stage அம்சத்தை ஆஃப் அல்லது ஆன் செய்தல்

ஆதரிக்கப்படும் மாடல்களில், நீங்கள் Center Stage அம்சத்தைப் பயன்படுத்தலாம். இது FaceTime அழைப்பின் போது உங்கள் முகம் காட்சிப் புலத்துக்கு வெளியே செல்லும்போது உங்கள் முன்புற கேமராவை ஃப்ரேமுக்கு தானாகவே சரிசெய்யும்.

  1. iPadஇல் உள்ள FaceTime செயலியில் அழைப்பின்போது, உங்கள் டைலைத் தட்டவும். மூன்றாம் தரப்பு “வீடியோ கான்ஃபரன்ஸிங்” வீடியோ செயலியில் நீங்கள் அழைப்பில் இருக்கும்போது, கட்டுப்பாட்டு மையத்தைத் திறந்து, செயலியின் பெயரைத் தட்டவும்.

  2. Center Stage அம்சம் இயல்பாகவே ஆன் செய்யப்பட்டிருக்கும். Center Stage அம்சத்தைத் தட்டி ஆன் செய்யவும்.

    Center Stage அம்சத்தை ஆஃப் செய்ய, அதை மீண்டும் தட்டவும்.

சில iPad மாடல்களில், Center Stage பட்டன் உங்கள் டைலில் தோன்றும். Center Stage அம்சத்தை ஆன் செய்ய, உங்கள் டைலைத் தட்டி, Center Stage பட்டன்-ஐத் தட்டலாம்.

பின்புற கேமராவிற்கு மாறுதல்

  1. iPadஇல் உள்ள FaceTime செயலியில் அழைப்பின்போது, உங்கள் டைலைத் தட்டவும்.

  2. “திருப்பு” என்பதைத் தட்டவும்.

மீண்டும் முன்பக்க கேமராவிற்கு மாற, “திருப்பு” என்பதை மீண்டும் தட்டவும்.

குறிப்பு: பின்புற கேமராவைப் பயன்படுத்தும்போது 1x என்பதைத் தட்டி படத்தைப் பெரிதாக்கலாம். அதை மீண்டும் தட்டினால் படம் இயல்பான அளவிற்கு மாறும்.

உங்கள் கேமராவை ஆஃப் செய்தல்

  1. iPadஇல் உள்ள FaceTime செயலியில் அழைப்பின்போது, FaceTime கட்டுப்பாடுகள் காட்டப்படவில்லை எனில் அவற்றைக் காட்ட திரை மீது தட்டவும்.

  2. “கேமரா ஸ்விட்ச்” பட்டன்-ஐத் தட்டவும்.

    கேமராவை மீண்டும் ஆன் செய்ய “கேமரா ஸ்விட்ச்” பட்டன்-ஐத் தட்டவும்.

இவற்றையும் பாருங்கள்iPadஇல் வீடியோ கான்ஃபரன்ஸிங் அம்சங்களைப் பயன்படுத்துதல்iPadஇல் FaceTime ஆடியோ அமைப்புகளை மாற்றுதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.