iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPad கீபோர்டில் இமோஜி, Memoji மற்றும் ஸ்டிக்கர்களைச் சேர்த்தல்

நீங்கள் டைப் செய்யும்போது, மெசேஜ்களிலும் ஆவணங்களிலும் நீங்கள் நினைப்பதை வெளிப்படுத்த இமோஜி, Memoji, ஸ்டிக்கர்கள் ஆகியவற்றை உள்ளிடுவதற்கு நீங்கள் iPad கீபோர்டைப் பயன்படுத்தலாம்.

இமோஜி, Memoji அல்லது ஸ்டிக்கரைச் சேர்த்தல்

உரையை மாற்றவும் வார்த்தைகளை உயிர்ப்பிக்கவும் இமோஜி கீபோர்டைப் பயன்படுத்தவும்.

  1. இமோஜி கீபோர்டுக்கு மாற, உரைப் புலத்தைத் தட்டி பிறகு “இமோஜி” பட்டன் அல்லது கீபோர்டை மாற்றுவதற்கான கீ-ஐத் தட்டவும்.

    திரையின் மேல் பகுதியில் உள்ள “குறிப்புகள்” செயலியில் குறிப்பு திறக்கப்பட்டுள்ளது, திரையின் கீழ் பகுதியில் இமோஜி கீபோர்டு திறக்கப்பட்டுள்ளது.

  2. இமோஜி, Memoji மற்றும் ஸ்டிக்கர்களைத் தேடிப்பார்க்க இடது அல்லது வலதுபுறமாக ஸ்வைப் செய்யவும் அல்லது அந்த வகைக்குச் செல்ல இமோஜி கீபோர்டுக்குக் கீழே உள்ள குறியீட்டைத் தட்டவும்.

    நீங்கள் சமீபத்தில் பயன்படுத்திய இமோஜி, Memoji மற்றும் ஸ்டிக்கர்கள், இமோஜி கீபோர்டில் “அடிக்கடிப் பயன்படுத்துபவை” பிரிவில் காட்டப்படும்.

  3. உங்கள் உரைப் புலத்தைச் சேர்க்க ஒரு படத்தைத் தட்டவும்.

    வெவ்வேறு தோல் நிறங்கள் போன்ற இமோஜி மாறுபாடுகளைப் பார்க்க, இமோஜியைத் தொட்டுப் பிடித்து பிறகு உங்கள் விரலை இழுத்து, நீங்கள் விரும்பும் மாறுபாட்டின் மீது விடவும்.

  4. வழக்கமான கீபோர்டுக்குத் திரும்ப ABCஐத் தட்டவும்.

உதவிக்குறிப்பு: டைப் செய்ய நீங்கள் கீபோர்டைப் பயன்படுத்தும்போது, வார்த்தைகளுக்குப் பதிலாகப் பயன்படுத்தப்படக்கூடிய இமோஜி கீபோர்டுக்கு மேலே காட்டப்படும்; இமோஜியைத் தட்டி, உரைக்குப் பதிலாக அந்த இடத்தில் இமோஜியைப் பயன்படுத்தலாம்.

Apple Intelligence* ஆன் செய்யப்பட்டிருந்தால் Genmoji என அழைக்கப்படும் பிரத்தியேக இமோஜியை நீங்கள் உருவாக்கலாம். Genmoji மூலம் நீங்களே இமோஜியை உருவாக்குதல் என்பதைப் பார்க்கவும்.

iPad கீபோர்டு மூலம் ஸ்டிக்கரை உருவாக்குதல்

ஆதரிக்கப்படும் செயலிகளில், உங்கள் iPad கீபோர்டு மூலம் மெசேஜை டைப் செய்யும்போது, உங்கள் புகைப்பட லைப்ரரியில் உள்ள படங்களைப் பயன்படுத்தி நீங்கள் புதிய ஸ்டிக்கரை உருவாக்கலாம்.

  1. இமோஜி கீபோர்டுக்கு மாற, உரைப் புலத்தைத் தட்டி பிறகு “இமோஜி” பட்டன் அல்லது கீபோர்டை மாற்றுவதற்கான கீ-ஐத் தட்டவும்.

  2. “ஸ்டிக்கர்கள்” பட்டன்-ஐத் தட்டிய பிறகு “ஸ்டிக்கர்களைச் சேர்” பட்டன்-ஐத் தட்டவும்.

    உங்கள் புகைப்பட லைப்ரரியில் தேட, திரையின் மேலே உள்ள தேடல் புலத்தில் ஒரு சொல்லை உள்ளிடவும். இல்லையெனில் “நபர்கள்” அல்லது “விலங்குகள்” போன்ற ஒரு வகையைத் தட்டவும்.

  3. நீங்கள் பயன்படுத்த விரும்பும் புகைப்படத்தைத் தட்டி, “ஸ்டிக்கரைச் சேர்” என்பதைத் தட்டவும்.

    ஸ்டிக்கர் தானாகவே உங்கள் ஸ்டிக்கர் சேகரிப்பில் சேர்க்கப்படும்.

iPad கீபோர்டைப் பயன்படுத்தி Memojiஐ உருவாக்குதல் அல்லது திருத்துதல்

ஆதரிக்கப்படும் செயலிகளில், உங்கள் iPad கீபோர்டைப் பயன்படுத்தி மெசேஜை டைப் செய்யும்போது Memojiஐ உருவாக்கலாம். நீங்கள் ஏற்கெனவே உருவாக்கிய Memojiஐத் திருத்தலாம், நீக்கலாம் அல்லது நகலெடுக்கலாம்.

  1. இமோஜி கீபோர்டுக்கு மாற, உரைப் புலத்தைத் தட்டி பிறகு “இமோஜி” பட்டன் அல்லது கீபோர்டை மாற்றுவதற்கான கீ-ஐத் தட்டவும்.

  2. உங்கள் முதல் Memojiஐ உருவாக்க, Memoji பட்டன்-ஐத் தட்டி, “சேர்” பட்டன்-ஐத் தட்டவும். இல்லையெனில் திருத்தவோ, நீக்கவோ, நகலெடுக்கவோ, கூடுதல் Memojiஐ உருவாக்கவோ “மேலும்” பட்டன்-ஐத் தட்டவும்.

  3. உங்கள் Memojiஐ உருவாக்க திரையில் உள்ள வழிமுறைகளைப் பின்பற்றி “முடிந்தது” என்பதைத் தட்டவும்.

    Memoji உங்கள் Memoji சேகரிப்பில் தானாகச் சேர்க்கப்படும்.

*Apple Intelligence அம்சம், பின்வரும் மொழிகளுக்கான ஆதரவுடன் பீட்டா பதிப்பில் கிடைக்கிறது: ஆங்கிலம், டேனிஷ், டச்சு, பிரெஞ்சு, ஜெர்மன், இத்தாலியன், நார்வேஜியன், போர்ச்சுகீஸ், ஸ்பானிஷ், ஸ்வீடிஷ், துருக்கிஷ், சீனம் (எளிமைப்படுத்தப்பட்டது), சீனம் (பாரம்பரியம்), ஜப்பானியம், கொரியன் மற்றும் வியட்நாமீஸ். குறிப்பிட்ட சில மொழிகள் அல்லது வட்டாரங்களில் சில அம்சங்கள் கிடைக்காமல் இருக்கலாம். மொழி மற்றும் அம்சத்தின் கிடைக்கும்தன்மை மற்றும் சிஸ்டம் தேவைகள் குறித்துக் கூடுதல் தகவல்களைத் தெரிந்துகொள்ள, Apple Intelligenceஐப் பெறுவது எப்படி? என்ற Apple உதவிக் கட்டுரையைப் பார்க்கவும்.
இவற்றையும் பாருங்கள்iPadஇல் மெசேஜஸ் செயலியில் ஸ்டிக்கர்களை அனுப்புதல்மார்க்-அப்புடன் ஸ்டிக்கரைச் சேர்த்தல்iPadஇல் உள்ள உங்கள் புகைப்படங்களிலிருந்து ஸ்டிக்கர்களை உருவாக்குதல்iPadஇல் மெசேஜஸ் செயலியில் Memojiஐ உருவாக்கி அனுப்புதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.