நீங்கள் சென்ற இடங்களை iPad மேப்ஸ் செயலியில் பார்த்து நிர்வகித்தல்

Wi-Fi + Cellular மாடல்களில் “சென்ற இடங்கள்” அம்சம் நீங்கள் இதுவரை எங்கெல்லாம் சென்றிருக்கிறீர்கள் என்பதைப் பார்க்க உதவும், எனவே நீங்கள் அதே இடங்களுக்கு எளிதாக மீண்டும் செல்லலாம், பிறருடன் பகிர்ந்துகொள்ளலாம். சமீபத்திய பயணத்தின்போது எந்த உணவகத்திற்குச் சென்றீர்கள் போன்ற விவரங்கள் உட்பட, இதற்கு முன்பு சென்ற இடங்களைப் பார்க்க அதைப் பயன்படுத்தலாம், தொகுப்புகளாக வகைப்படுத்திக் கொள்ளலாம் அல்லது பிறருடன் பகிர்ந்துகொள்ளலாம். “சென்ற இடங்கள்” முழுமையாக என்கிரிப்ட் செய்யப்பட்டிருக்கும் என்பதால் Apple அவற்றைப் படிக்க முடியாது. மேலும், ஒத்திசைக்கப்பட்ட உங்கள் சாதனங்கள் அனைத்திலும் அவை காட்டப்படும்.

குறிப்பு: “சென்ற இடங்கள்” அம்சம் சில நாடுகள் அல்லது வட்டாரங்களில் கிடைப்பதில்லை.

“சென்ற இடங்கள்” அம்சத்தை ஆன் செய்தல்

மேப்ஸ் செயலியைத் திறக்கும்போது, “சென்ற இடங்கள்” அம்சத்தை ஆன் செய்யுமாறு கேட்கப்படலாம், இல்லையெனில்,

  1. iPadஇல் அமைப்புகள்  செயலிக்குச் செல்லவும்.

  2. “செயலிகள்” என்பதைத் தட்டி “மேப்ஸ்” என்பதைத் தட்டவும்.

  3. “இருப்பிடம்” என்பதைத் தட்டி, “துல்லியமான இருப்பிடம்” என்பதையும் “பார்வையிட்ட இடங்கள்” என்பதையும் ஆன் செய்யவும்.

  4. அமைப்புகள் செயலிக்குச் சென்று, “தனியுரிமை & பாதுகாப்பு” என்பதைத் தட்டவும்.

  5. “இருப்பிடச் சேவைகள்” என்பதைத் தட்டிய பிறகு அந்த அம்சத்தை ஆன் செய்யவும்.

  6. “சிஸ்டம் சேவைகள்” என்பதைத் தட்டி, “முக்கியமான இடங்கள் & வழிகள்” என்பதைத் தட்டிய பிறகு அந்த அம்சத்தை ஆன் செய்யவும்.

இதுவரை சென்ற இடங்களைப் பார்த்தல்

  1. உங்கள் iPad சாதனத்தில் உள்ள மேப்ஸ் செயலிக்குச் செல்லவும்.

  2. “இடங்கள்” என்பதைத் தட்டி, “பார்வையிட்ட இடங்கள்” என்பதைத் தட்டிய பிறகு பின்வருவனவற்றில் ஒன்றைச் செய்யவும்:

    • தேடல்: பெயர், வகை, முகவரி அல்லது குறிப்புகளின் அடிப்படையில் ஓர் இடத்தைத் தேடலாம்.

    • ஃபில்டர்: தேதி, வகை அல்லது நகரத்திற்கான ஃபில்டரைப் பயன்படுத்தித் தேடலாம்.

    • சென்ற அனைத்து இடங்களையும் பார்த்தல்: “சென்றவை அனைத்தும்” என்பதைத் தட்டவும்.

சென்ற இடங்களை நிர்வகித்தல்

  1. உங்கள் iPad சாதனத்தில் உள்ள மேப்ஸ் செயலிக்குச் செல்லவும்.

  2. “இடங்கள்” என்பதைத் தட்டி, “சென்ற இடங்கள்” என்பதைத் தட்டவும்.

  3. ஓர் இடத்தை அடுத்துள்ள, “மேலும்” (பிளேஸ் கார்டின் வலதுபுறம் இருக்கும்) என்பதைத் தட்டி, பின்வருவனவற்றில் ஒன்றைச் செய்யவும்:

    • உங்கள் இடங்களில் சேர்க்க: “இடங்களில் சேர்” என்பதைத் தட்டவும்.

    • சென்ற இடத்தைப் பகிர்தல்: “பகிர்” என்பதைத் தட்டவும்.

    • தனிப்பட்ட குறிப்பைச் சேர்த்தல்: “குறிப்பைச் சேர்” என்பதைத் தட்டவும்.

    • சென்ற இடத்தைத் திருத்துதல்: “தவறான இருப்பிடம்” என்பதைத் தட்டவும்.

    • சென்ற இடத்தை அகற்றுதல்: “அகற்று” என்பதைத் தட்டவும்.

நீங்கள் சென்ற இடங்களை மேப்ஸ் எவ்வளவு காலம் தக்கவைக்க வேண்டும் என்பதை மாற்றுதல்

இந்த அம்சத்தை அமைக்கும்போது சென்ற இடங்களைச் சேமிப்பதற்கான நேரஅளவை நீங்கள் தேர்வுசெய்திருந்தால், அதை எப்போது வேண்டுமானாலும் மாற்றலாம்.

  1. உங்கள் iPad சாதனத்தில் உள்ள மேப்ஸ் செயலிக்குச் செல்லவும்.

  2. “இடங்கள்” என்பதைத் தட்டி, “சென்ற இடங்கள்” என்பதைத் தட்டவும்.

  3. கீழே ஸ்க்ரால் செய்து “இடங்களை வைத்திரு” என்பதைத் தட்டி, கால அளவைத் தேர்வுசெய்யவும்.

இதுவரை சென்ற இடங்களின் விவரங்களை அழித்தல்

  1. உங்கள் iPad சாதனத்தில் உள்ள மேப்ஸ் செயலிக்குச் செல்லவும்.

  2. “இடங்கள்” என்பதைத் தட்டி, “சென்ற இடங்கள்” என்பதைத் தட்டவும்.

  3. கீழே ஸ்க்ரால் செய்து “வரலாற்றை அழி” என்பதைத் தட்டவும்.

இவற்றையும் பாருங்கள்iPadஇல் உள்ள மேப்ஸில் இடங்களைப் பகிர்தல்iPad சாதனத்தில் உள்ள மேப்ஸில், இடங்கள் குறித்த தகவல்களைப் பெறுதல்iPadஇல் உள்ள மேப்ஸ் செயலியில் உள்ள “இடங்கள்” பக்கத்தில் இடங்களையும் குறிப்புகளையும் சேர்த்தல்iPadஇல் உள்ள மேப்ஸில் இடங்களைப் பகிர்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.