iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPadஇல் உள்ள கேலண்டர் செயலியில் அழைப்புகளை அனுப்புதல்

“கேலண்டர்” செயலியில், மீட்டிங் மற்றும் நிகழ்வுக்கான அழைப்புகளை அனுப்பலாம். iCloud, Microsoft Exchange மற்றும் சில CalDAV சர்வர்களும் மீட்டிங்குக்கான அழைப்புகளை அனுப்ப உங்களை அனுமதிக்கின்றன. (அனைத்துக் கேலண்டர் சர்வர்களும் அனைத்து அம்சத்தையும் ஆதரிக்கவில்லை.)

தொடங்குவதற்கு முன்பு

நீங்கள் திட்டமிட்ட நிகழ்வுகளுக்கு நபர்களை அழைப்பதற்கு முன்பு, உங்கள் கேலண்டர் கணக்குகள் ஆன் செய்யப்பட்டுள்ளதா என்பதை உறுதிசெய்ய வேண்டும்.

  1. iPadஇல் அமைப்புகள்  செயலிக்குச் செல்லவும்.

  2. “செயலிகள்” என்பதைத் தட்டி, “கேலண்டர்” என்பதைத் தட்டவும்.

  3. “கேலண்டர் கணக்குகள்” என்பதைத் தட்டவும், ஒரு கணக்கைத் தேர்ந்தெடுத்து, கேலண்டர் ஆன் செய்யப்பட்டுள்ளதா என்று சரிபார்க்கவும்.

    கேலண்டர்களை எப்படிச் சேர்ப்பது என்பது குறித்த கூடுதல் தகவல்களுக்கு, பல கேலண்டர்களை அமைத்தல் என்பதைப் பார்க்கவும்.

நிகழ்வுக்கு மற்றவர்களை அழைத்தல்

நீங்கள் திட்டமிட்ட ஒரு நிகழ்வுக்கு நபர்களை அழைக்கலாம்.

  1. iPadஇல் கேலண்டர் செயலிக்குச் செல்லவும்.

  2. நிகழ்வைத் தட்டி, திரையின் மேற்புறத்திற்கு அருகில் உள்ள “திருத்து” என்பதைத் தட்டவும்.

  3. அழைப்பாளர்களைத் தட்டவும்.

  4. பின்வருவனவற்றில் ஒன்றைச் செய்யவும்:

    • உங்கள் தொடர்புகளிலிருந்து ஒரு பெயரைச் சேர்க்க: தொடர்பின் பெயரை உள்ளிட்டு, பெயரைத் தட்டி, “முடிந்தது” பட்டன்-ஐத் தட்டவும்.

      தொடர்புகளைத் தேர்ந்தெடுக்க, “சேர்” பட்டன்-ஐத் தட்டவும்.

      குறிப்பு: தொடர்பில் மின்னஞ்சல் முகவரி அல்லது ஃபோன் எண் இருக்க வேண்டும் (சீனா மற்றும் இந்தியாவில் ஆதரிக்கப்படுகிறது). தொடர்புத் தகவலைச் சேர்த்தல் மற்றும் பயன்படுத்துதல் என்பதைப் பார்க்கவும்.

    • மின்னஞ்சல் முகவரியைச் சேர்க்க: மின்னஞ்சல் முகவரியை உள்ளிட்டு, “ரிட்டர்ன்” பட்டனைத் தட்டி, “முடிந்தது” பட்டன்-ஐத் தட்டவும்.

    • ஃபோன் எண்ணைச் சேர்க்க: ஃபோன் எண்ணை உள்ளிட்டு, “ரிட்டர்ன்” பட்டனைத் தட்டி, “முடிந்தது” பட்டன்-ஐத் தட்டவும்.

      குறிப்பு: ஃபோன் எண்ணுக்கு கேலண்டர் அழைப்பை அனுப்பும் வசதி சீனா மற்றும் இந்தியாவில் மட்டுமே ஆதரிக்கப்படுகிறது.

  5. அழைப்பை ஏற்றுக்கொள்வதை விருப்பத்திற்குரியதாக மாற்ற, அழைப்பாளர்கள் என்பதைத் தட்டி, அழைக்கப்பட்ட ஒருவரின் பெயரில் இடதுபுறம் ஸ்வைப் செய்து, பிறகு “கட்டாயமில்லை என மாற்று” என்பதைத் தட்டவும்.

யாரெனும் மீட்டிங்கை நிராகரிக்கும் போது உங்களுக்குத் தெரிவிக்க விரும்பவில்லை என்றால், அமைப்புகள் > செயலிகள் > கேலண்டர் என்பதற்குச் சென்று, “அழைப்பாளர் நிராகரிப்புகளைக் காட்டு” என்பதை ஆஃப் செய்யவும்.

குறிப்பு: Microsoft Exchange மற்றும் பிற எக்ஸ்சேஞ்ச் சர்வர்களில், ஒரு நிகழ்வை திட்டமிடுபவர் நீங்கள் இல்லையென்றாலும் கூட, அதைச் செய்பவர்களை நீங்கள் அழைக்கலாம்.

பங்கேற்பாளர்களுக்கு விரைவாக மின்னஞ்சல் அனுப்புதல்

ஒரு நிகழ்வின் பங்கேற்பாளர்கள் அனைவருக்கும் மின்னஞ்சல் அனுப்பலாம்—உதாரணமாக, நிகழ்வு விவரங்களைப் பகிரலாம்.

  1. iPadஇல் கேலண்டர் செயலிக்குச் செல்லவும்.

  2. பங்கேற்பாளர்களைக் கொண்ட நிகழ்வைத் தட்டவும்.

  3. அழைப்பாளர்கள் என்பதை தட்டி, அழைப்பாளர்களுக்கு மின்னஞ்சல் அனுப்பும் பட்டன்-ஐத் தட்டவும்.

இவற்றையும் பாருங்கள்iPadஇல் உள்ள கேலண்டர் செயலியில் அழைப்புகளுக்குப் பதிலளித்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.