iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

உங்கள் புகைப்படங்கள் மற்றும் வீடியோக்களை iCloudஇல் பேக்-அப் செய்து ஒத்திசைத்தல்

உங்கள் புகைப்படங்களையும் வீடியோக்களையும் iCloudஇல் பாதுகாப்பாக சேமித்து வைக்க iCloud புகைப்படங்களைப் பயன்படுத்தலாம். “iCloud புகைப்படங்கள்” அம்சத்தை உங்கள் அனைத்துச் சாதனங்களிலும் ஆன் செய்திருந்தால், iPadஇல் நீங்கள் எடுத்த புகைப்படங்களையும் வீடியோக்களையும் வேறு சாதனங்களில் பார்க்க முடியும். இணைய உலாவி மூலம் iCloudஇல் உள்ள உங்கள் புகைப்படங்களையும் வீடியோக்களையும் நீங்கள் அணுகலாம்.

iCloud புகைப்படங்கள் ஆன் செய்யப்பட்டிருக்கும்போது, நீங்கள் எடுத்த புகைப்படங்களும் வீடியோக்களும் தானாக பதிவேற்றப்படும் மற்றும் முழு தெளிவுத்திறனில் அவற்றின் அசல் ஃபார்மெட்டில் சேமிக்கப்படும். ஒரு சாதனத்தில் இருந்து உங்கள் புகைப்பட தொகுப்பில் நீங்கள் செய்யும் மாற்றங்கள் உங்கள் பிற சாதனங்களிலும் பிரதிபலிக்கின்றன.

குறிப்பு: உங்கள் அனைத்துச் சாதனங்களிலும் ஒரே Apple கணக்கில் உள்நுழைந்திருப்பதையும், அந்தச் சாதனங்கள் இந்தக் குறைந்தபட்ச சிஸ்டம் தேவைகளைப் பூர்த்தி செய்வதையும் உறுதிசெய்யவும்: iOS 8.3, iPadOS 13.1, macOS 10.10.3 அல்லது அதற்குப் பிந்தைய பதிப்பு அல்லது iCloud for Windows 7.x அல்லது அதற்குப் பிந்தைய பதிப்பைக் கொண்ட Windows சாதனம்.

மேலும் அறிந்துகொள்ள, உங்கள் அனைத்துச் சாதனங்களிலும் iCloud புகைப்படங்களை அமைத்தல் என்ற இணைப்பைப் பார்க்கவும்.

iCloud புகைப்படங்களை ஆன் செய்தல்

  1. iPadஇல் அமைப்புகள்  செயலிக்குச் செல்லவும்.

  2. உங்கள் பெயரைத் தட்டி iCloud என்பதைத் தட்டவும்.

  3. “ஃபோட்டோஸ்” என்பதைத் தட்டி, “இந்த iPadஐ ஒத்திசைக்கவும்” என்பதை ஆன் செய்யவும்.

iCloud நீங்கள் எடுக்கும் ஒவ்வொரு புகைப்படத்தையும் வீடியோவையும் iCloudக்குத் தானாகப் பதிவேற்றுவதால் உங்கள் புகைப்படங்களும் வீடியோக்களும் பேக்-அப் செய்யப்பட்டு ஒத்திசைக்கப்படும். இதன் மூலம் உங்கள் லைப்ரரியில் இருந்து அவற்றை எந்த சாதனத்தில் இருந்தும் எப்போது வேண்டுமானாலும் அணுகலாம்.

உங்கள் புகைப்படங்களும் வீடியோக்களும் iCloudஇல் பேக்-அப் செய்யப்பட்டுள்ளனவா என்று பார்த்தல்

“iCloud புகைப்படங்கள்” அம்சம் உங்கள் புகைப்படங்களை iCloud உடன் ஒத்திசைக்கிறதா என்பதைச் சரிபார்ப்பதன் மூலம், iPadக்கு ஏதாவது நடந்தாலும் புகைப்படங்களின் பிரதிகள் உங்களிடம் பாதுகாப்பாக இருப்பதை உறுதிசெய்யலாம். ஒத்திசைவு இடைநிறுத்தப்பட்டிருந்தால், புகைப்படங்கள் iCloudஇல் பேக்-அப் செய்யப்படவில்லை என்று அர்த்தம்.

  1. iPadஇல் உள்ள ஃபோட்டோஸ் செயலிக்குச் செல்லவும்.

  2. “சேகரிப்புகள்” என்பதைத் தட்டவும்.

  3. திரையின் மேல் வலது மூலையில், உங்கள் ஒத்திசைவு நிலையின் முன்னோட்டத்தைப் பார்க்கலாம். பின்வருவனவற்றில் ஏதேனும் ஒன்றை நீங்கள் பார்க்கலாம்:

    • மஞ்சள் பேட்ஜ்: iCloud ஒத்திசைவு இடைநிறுத்தப்பட்டது. விவரங்களைப் பார்க்க, உங்கள் கணக்கு ஐகானைத் தட்டவும்.

    • மஞ்சள் எச்சரிக்கை ஐகான்: உங்கள் iCloud சேமிப்பகம் கிட்டத்தட்ட நிரம்பிவிட்டது. விவரங்களைப் பார்க்க, உங்கள் கணக்கு ஐகானைத் தட்டவும்.

    • சிவப்பு ஆச்சரியக்குறி: உங்கள் iCloud சேமிப்பகம் நிரம்பிவிட்டது. கூடுதல் iCloud சேமிப்பகத்தைப் பெறுதல் என்பதைப் பார்க்கவும்.

    • நீல பேட்ஜ்: பகிர்ந்த லைப்ரரி அல்லது பகிர்ந்த ஆல்பத்திலிருந்து உங்களுக்கு அறிவிப்புகள் வந்துள்ளன. விவரங்களைப் பார்க்க, உங்கள் கணக்கு ஐகானைத் தட்டவும்.

    • உங்கள் கணக்கு ஐகானைச் சுற்றி பகுதியளவு நிரப்பப்பட்ட நீல வட்டம்: புகைப்படங்கள் iCloudஇல் பதிவேற்றப்பட்டுக் கொண்டிருக்கின்றன. விவரங்களைப் பார்க்க, உங்கள் கணக்கு ஐகானைத் தட்டவும்.

    • உங்கள் கணக்கு ஐகானைச் சுற்றி பகுதியளவு நிரப்பப்பட்ட சாம்பல் நிற அவுட்லைன்: பதிவேற்றங்கள் இடைநிறுத்தப்பட்டுள்ளன. விவரங்களைப் பார்க்க, உங்கள் கணக்கு ஐகானைத் தட்டவும்.

  4. மேலும் விவரங்களைப் பார்க்க உங்கள் கணக்கைத் தட்டவும். கணக்குச் சுயவிவரத்திற்குக் கீழே, iCloud உடன் உங்கள் iPad கடைசியாக ஒத்திசைக்கப்பட்ட விவரம் காட்டப்படும்.

iPadஇல் “சேமிப்பகத்தை உகந்ததாக்குதல்” அம்சத்தை ஆஃப் செய்தல்

உங்கள் iPad சேமிப்பகத்தை முழுவதுமாகப் பயன்படுத்திக் கொள்ள iCloud புகைப்படங்கள் உதவும். “iPad சேமிப்பகத்தை உகந்ததாக்கவும்” அம்சம் ஆன் செய்யப்பட்டிருந்தால், உங்கள் iPadஇல் உள்ள முழுத் தெளிவுத்திறன் புகைப்படங்களும் வீடியோக்களும் அவற்றின் அசல் வடிவத்தில் iCloudஇல் சேமிக்கப்பட்டு, இடத்தைச் சேமிக்கும் வகையிலான பதிப்புகளாக உங்கள் iPadஇல் சேமிக்கப்படும். iPad சேமிப்பகத்தை உகந்ததாக்கு” அம்சம் இயல்பாக ஆன் செய்யப்பட்டிருக்கும் என்றாலும், நீங்கள் அதை ஆஃப் செய்து கொள்ளலாம்.

  1. iPadஇல் அமைப்புகள்  செயலிக்குச் செல்லவும்.

  2. உங்கள் பெயரைத் தட்டி iCloud என்பதைத் தட்டவும்.

  3. ஃபோட்டோஸ் செயலியைத் தட்டி, “பதிவிறக்கு, அசல்களை வைத்திரு” என்பதைத் தட்டவும்.

கூடுதல் iCloud சேமிப்பகத்தைப் பெறுதல்

நீங்கள் பதிவேற்றிய புகைப்படங்கள் மற்றும் வீடியோக்கள் உங்கள் சேமிப்பகத் திட்டத்தின் வரம்பை மீறிவிட்டால், கூடுதல் சேமிப்பகம் மற்றும் கூடுதல் அம்சங்களைப் பெற iCloud+க்கு மேம்படுத்தவும். iCloud+க்குச் சந்தா சேருதல் கட்டுரையைப் பார்க்கவும்.

இவற்றையும் பாருங்கள்iPadஇல் iCloudஐப் பயன்படுத்துதல்iCloud பயனர் வழிகாட்டி: உங்கள் சாதனங்கள் அனைத்திலும் தகவல்களைச் சமீபத்திய நிலையில் iCloud எப்படி வைத்திருக்கிறதுiCloud பயனர் வழிகாட்டி: உங்கள் சாதனங்கள் அனைத்திலும் iCloud புகைப்படங்களை அமைத்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.