iPadஇல் அழைப்பைச் செய்தல்

உங்கள் iPadஇல் ஃபோன் அழைப்பைச் செய்ய பல வழிகள் உள்ளன: கீபேடில் உள்ள எண்ணை டயல் செய்யவும், பிடித்த அல்லது சமீபத்திய அழைப்பைத் தட்டவும் அல்லது உங்கள் தொடர்புகள் பட்டியலில் உள்ள எண்ணைத் தேர்வுசெய்யவும்.

குறிப்பு: உங்கள் iPadஇல் ஃபோன் செயலி இல்லையெனில், நீங்கள் App Storeஇல் இருந்து பதிவிறக்கலாம்.

ஃபோன் செயலியின் திரையின் இடதுபுறத்தில் பிடித்தமான தொடர்புகள் காட்டப்பட்டுள்ளன. “பிடித்தவை” என்பதற்குக் கீழே, சமீபத்திய அழைப்புகள் மற்றும் வாய்ஸ்மெயில்களின் பட்டியல் உள்ளது. திரையின் வலதுபுறத்தில் தொடர்புத் தகவலும், திரையின் மேல் வலதுபுறத்தில் கீபேடு பட்டனும் காட்டப்பட்டுள்ளது.

எண்ணை டயல் செய்தல்

Siri: ஓர் எண்ணை அழைக்க அல்லது டயல் செய்யSiriஐக் கேளுங்கள் அம்சத்தைப் பயன்படுத்துதல். ஒவ்வொரு இலக்கத்தையும் தனித்தனியாகப் பேசவும்-உதாரணமாக, “நான்கு ஒன்று ஐந்து, ஐந்து ஐந்து ஐந்து….” அமெரிக்காவில் உள்ள 800 பகுதி குறியீட்டைப் பொறுத்தவரை “எண்ணூறு” என்று நீங்கள் சொல்லலாம். Siriஐப் பயன்படுத்துவது எப்படி என்று அறிக.

இல்லையெனில், Siriஐப் பயன்படுத்தாமல் இதைச் செய்யலாம்:

  1. iPadஇல் உள்ள ஃபோன் செயலிக்குச் செல்லவும்.

  2. மேல் வலது மூலையில் உள்ள “வட்ட கிரிட்” பட்டன்-ஐத் தட்டி, பின்வருவனவற்றில் ஒன்றைச் செய்யவும்:

    • கீபேடைப் பயன்படுத்தி எண்ணை உள்ளிட: பிழை ஏற்பட்டால், “நீக்கு” பட்டன்-ஐத் தட்டவும்.

    • கடைசி எண்ணை ரீடயல் செய்ய: நீங்கள் டயல் செய்த கடைசி எண்ணைப் பார்க்க “அழைப்பு” பட்டன்-ஐத் தட்டி, அந்த எண்ணை அழைக்க “அழைப்பு” பட்டன்-ஐத் தட்டவும்.

    • நீங்கள் நகலெடுத்த எண்ணை ஒட்ட: கீபேடின் மேலே உள்ள ஃபோன் எண்ணைத் தட்ட, பிறகு “ஒட்டு” என்பதைத் தட்டவும்.

    • சாஃப்ட் (2 வினாடி) இடைநிறுத்தத்தை உள்ளிட: கமா தோன்றும் வரை ஸ்டார் (*) கீயைத் தொட்டுப் பிடிக்கவும்.

    • கடினமான இடைநிறுத்தத்தை உள்ளிடவும் (டயல் பட்டனைத் தட்டும் வரை டயல்களை இடைநிறுத்த): செமிகோலன் தோன்றும் வரை பவுண்டு (#) கீயைத் தொட்டுப் பிடிக்கவும்.

    • சர்வதேச அழைப்புகளுக்கான “+” கீயை உள்ளிட: “+” தோன்றும் வரை “0” கீயைத் தொட்டுப் பிடிக்கவும்.

  3. அழைப்பைத் தொடங்க “அழைப்பு” பட்டன்-ஐத் தட்டவும்.

அழைப்பை முடிக்க “அழைப்பை முடி” பட்டன்-ஐத் தட்டவும்.

உங்களுக்குப் பிடித்தமானவற்றில் இருந்து தொடர்புகளைச் சேர்த்தல் அல்லது அகற்றுதல்

  1. iPadஇல் உள்ள ஃபோன் செயலிக்குச் செல்லவும்.

  2. “ஃபில்டர்” பட்டன் என்பதைத் தட்டி, அழைப்புகள் என்பதைத் தட்டவும்.

  3. “பிடித்தவை” பிரிவில் ஒரு தொடர்பைச் சேர்க்க, திரையின் மேல் இடது மூலையில் உள்ள “திருத்து” என்பதைத் தட்டி, பின்வருவனவற்றில் ஒன்றைச் செய்யவும்:

    • பிடித்தவை பிரிவில் முதல் முறையாக ஒன்றைச் சேர்க்கிறீர்கள் என்றால்: “பிடித்தவையில் சேர்” என்பதைத் தட்டவும்.

    • நீங்கள் “பிடித்தவை” பட்டியலில் ஏற்கெனவே ஒன்றைச் சேர்த்திருந்தால்: “பிடித்தவையில் திருத்து” என்பதைத் தட்டி, “சேர்” பட்டன்-ஐத் தட்டவும்.

  4. ஒரு தொடர்பைத் தட்டி, இயல்புநிலைத் தகவல்தொடர்பு முறையையும் (எ.கா., மெசேஜ், அழைப்பு, வீடியோ) விருப்பமான எண்ணையும் தேர்வுசெய்து, “முடிந்தது” பட்டன்-ஐத் தட்டவும்.

  5. “பிடித்தவையில்” உள்ள ஒரு தொடர்பை அகற்ற, “திருத்து” என்பதைத் தட்டி, “பிடித்தவையில்” திருத்து என்பதைத் தட்டி, நீங்கள் அகற்ற விரும்பும் தொடர்பின் மேல் இடது மூலையில் உள்ள “அகற்று” பட்டன்-ஐத் தட்டி, “முடிந்தது” பட்டன்-ஐத் தட்டவும்.

”பிடித்தமானவர்கள்” பிரிவில் உள்ள ஒருவரைத் தொடர்புகொள்ள, அவரின் பெயரைத் தட்டவும்.

சமீபத்திய அழைப்பை ரீடயல் செய்தல் அல்லது அதற்குத் திரும்பச் செல்லுதல்

  1. iPadஇல் உள்ள ஃபோன் செயலிக்குச் செல்லவும்.

  2. “ஃபில்டர்” பட்டன் என்பதைத் தட்டி, அழைப்புகள் என்பதைத் தட்டவும்.

  3. திரையின் இடதுபுறத்தில் உள்ள “சமீபத்தியவை” பட்டியலில், பெயர் அல்லது எண்ணைத் தட்டவும்.

    அழைப்பு அல்லது அழைப்பவர் பற்றிய தகவல் திரையின் வலதுபுறம் காட்டப்படும்.

  4. அழைப்பைத் திரும்பச் செய்ய அல்லது அழைப்பிற்குச் செல்ல, திரையின் வலதுபுறத்தில் உள்ள அழைப்பாளரின் பெயர் அல்லது எண்ணுக்குக் கீழே உள்ள “அழைப்பு” பட்டன்-ஐத் தட்டவும்.

உங்கள் தொடர்புகள் பட்டியலில் உள்ள ஒருவரை அழைத்தல்

Siri: Siriஐக் கேளுங்கள் அம்சத்தைப் பயன்படுத்தி இதுபோன்ற எதையேனும் சொல்லுங்கள்: Call Eliza’s mobile.” Siriஐ எப்படிப் பயன்படுத்துவது என்பதை அறிக.

இல்லையெனில் பின்வருவனவற்றைச் செய்யவும்:

  1. iPadஇல் உள்ள ஃபோன் செயலிக்குச் செல்லவும்.

  2. திரையின் மேல் வலது மூலையில் உள்ள தேடல் புலத்தைத் தட்டி, நீங்கள் அழைக்க விரும்பும் தொடர்பின் பெயரை டைப் செய்து, தேடல் முடிவுகளில் அவரின் பெயர் காட்டப்படும்போது அதைத் தட்டவும்.

  3. திரையின் வலதுபுறம் உள்ள தொடர்பு கார்டில், “ஃபோன்” பட்டனைத் தட்டி, நீங்கள் அழைக்க விரும்பும் எண்ணைத் தட்டவும்.

கவனத்திற்கு: ஆபத்தான சூழ்நிலைகளுக்கு வழிவகுக்கும் கவனச்சிதறல்களைத் தவிர்ப்பது குறித்த முக்கியமான தகவலுக்கு, iPadக்கான முக்கியப் பாதுகாப்புத் தகவல்கள் பிரிவைப் பார்க்கவும்.

*Apple Intelligence அம்சம், பின்வரும் மொழிகளுக்கான ஆதரவுடன் பீட்டா பதிப்பில் கிடைக்கிறது: ஆங்கிலம், டேனிஷ், டச்சு, ஃபிரெஞ்சு, ஜெர்மன், இத்தாலியன், நார்வீஜியன், போர்ச்சுகீஸ், ஸ்பானிஷ், ஸ்வீடிஷ், டர்க்கிஷ், சீனம் (எளிமைப்படுத்தப்பட்டது), சீனம் (பாரம்பரியம்), ஜப்பானியம், கொரியன் மற்றும் வியட்நாமீஸ். குறிப்பிட்ட சில மொழிகள் அல்லது வட்டாரங்களில் சில அம்சங்கள் கிடைக்காமல் இருக்கலாம். மொழி மற்றும் அம்சத்தின் கிடைக்கும்தன்மை மற்றும் சிஸ்டம் தேவைகள் குறித்துக் கூடுதல் தகவல்களைத் தெரிந்துகொள்ள, Apple Intelligenceஐப் பெறுவது எப்படி? என்ற Apple உதவிக் கட்டுரையைப் பார்க்கவும்.
இவற்றையும் பாருங்கள்உங்கள் iPadஇல் அழைப்புகளையும் மெசேஜ்களையும் அனுமதிக்க iPhoneஐப் பயன்படுத்துதல்iPadஇல் உள்வரும் அழைப்புகளுக்குப் பதிலளித்தல் அல்லது நிராகரித்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.