iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPad சாதனத்தில் உள்ள உடல்நலம் செயலியில் உங்கள் மனநிலையைப் பதிவுசெய்தல்

உங்கள் மனநல ஆரோக்கியத்தைக் கண்காணிக்க, உங்களின் தற்காலிக உணர்ச்சி மாற்றங்களையும் அன்றாட மனநிலைகளையும் பிரதிபலித்துப் பதிவுசெய்யலாம். உடற்பயிற்சி, உறக்கம், சூரிய ஒளியில் செலவிட்ட நேரம் மற்றும் மைண்ட்ஃபுல் மினிட்ஸ் போன்ற வாழ்க்கை முறைக் காரணிகளுடன் உங்கள் மனநிலைக்கு உள்ள தொடர்பு குறித்து நீங்கள் அறிந்துகொள்ளலாம்.

உங்கள் மனநிலையைப் பதிவுசெய்தல்

உடல்நலம் செயலியில் தற்போதைய மனநிலையை “சற்று இனிமையானது” என்று அடையாளம் காட்டும் திரை. உணர்ச்சியின் அளவை மாற்ற திரையின் கீழ்ப்பகுதியில் ஒரு ஸ்லைடர் உள்ளது.

  1. உங்கள் iPad சாதனத்தில் உள்ள உடல்நலம் செயலிக்குச் செல்லவும்.

  2. “தேடு” பட்டன் என்பதைத் தட்டி, “மனநலம்” என்பதைத் தட்டி, “மனநிலை” என்பதைத் தட்டவும்.

  3. இது உங்களின் முதல் பதிவு எனில், “தொடங்குக” என்பதைத் தட்டவும். இல்லையெனில், “பதிவு செய்” என்பதைத் தட்டவும்.

    உதவிக்குறிப்பு: முந்தைய நாளுக்கான உங்கள் மனநிலையைப் பதிவுசெய்ய, மேல் வலது மூலையில் உள்ள “கேலண்டர்” பட்டன்-ஐத் தட்டி, ஒரு நாளைத் தட்டி, “பதிவு செய்” என்பதைத் தட்டவும்.

  4. பின்வருவனவற்றில் ஒன்றைத் தேர்வுசெய்யவும்:

    • உணர்ச்சியைப் பதிவுசெய்ய: “இப்போது நீங்கள் எப்படி உணர்கிறீர்கள்” என்பதைத் தட்டி, “அடுத்து” என்பதைத் தட்டவும்.

    • மனநிலையைப் பதிவுசெய்ய: “இன்று உங்கள் ஒட்டுமொத்த உணர்வு” என்பதைத் தட்டி, “அடுத்து” என்பதைத் தட்டவும்.

  5. உங்கள் உணர்வைக் குறிப்பிட, ஸ்லைடரை இழுத்து “அடுத்து” என்பதைத் தட்டவும்.

  6. உங்கள் உணர்வை விவரிக்கும் வகையில் ஏதேனும் வார்த்தைகளைத் தட்டி (கட்டாயமில்லை), “அடுத்து” என்பதைத் தட்டவும்.

  7. உங்களுக்கு ஏற்பட்டிருக்கக்கூடிய மிகப்பெரிய தாக்கத்தை விவரிக்கும் வார்த்தை (விருப்பத்திற்குரியது) மீது தட்டி, “முடிந்தது” என்பதைத் தட்டவும்.

உங்கள் மீது மிகப்பெரிய தாக்கத்தை ஏற்படுத்துவது பற்றி விவரித்திருந்தால், கூடுதல் தகவல்களை உள்ளிட “கூடுதல் சூழல்” என்பதைத் தட்டலாம்.

இதுவரையிலான உங்கள் மனநிலையைப் பார்வையிடுதல்

  1. உங்கள் iPad சாதனத்தில் உள்ள உடல்நலம் செயலிக்குச் செல்லவும்.

  2. “தேடு” பட்டன் என்பதைத் தட்டி, “மனநலம்” என்பதைத் தட்டி, “மனநிலை” என்பதைத் தட்டவும்.

  3. “வரைபடங்களில் காட்டு” என்பதைத் தட்டி, பின்வருவனவற்றில் ஒன்றைச் செய்யவும்:

    • காலப்போக்கில் உங்கள் மனநிலையைப் பார்க்க: விளக்கப்பட அட்டவணையின் மேலே உள்ள நேர வரம்பு தேர்வுகளிலிருந்து விருப்பத்தைத் தட்டவும்.

    • நீங்கள் பதிவு செய்துள்ளவற்றின் வகைகளைக் காட்ட: அந்த நிலைகளை கிராஃபில் பார்க்க “நிலைகள்” என்பதைத் தட்டி, “தினசரி மனநிலைகள்” அல்லது “தருண உணர்ச்சிகள்” என்பதைத் தட்டவும்.

    • உங்கள் விவரங்களுடன் தொடர்புடைய காரணிகளைக் காட்ட: “இணைப்புகள்” என்பதைத் தட்டி, உங்கள் மனநிலை குறித்து நீங்கள் பதிவுசெய்துள்ள பல்வேறு காரணிகளை ஸ்க்ரால் செய்து பார்க்கவும்.

    • நீங்கள் உள்ளிட்டவற்றுடன் தொடர்புடைய வாழ்க்கை முறை காரணிகளைப் பார்க்க: “வாழ்க்கையின் காரணிகள்” என்பதைத் தட்டி, உங்கள் மனநிலை உள்ளீடுகளுடன் அதைப் பார்க்க “வாழ்க்கை முறை காரணி” என்பதைத் தட்டவும்.

      ஒவ்வொரு வாழ்க்கை முறைக் காரணிக்கும் அடுத்துள்ள “தகவலைக் காட்டு” பட்டன்-ஐத் தட்டுவதன் மூலம் அது உங்கள் மனநல ஆரோக்கியத்தில் எவ்வாறு தாக்கத்தை ஏற்படுத்தும் என்பதைப் பற்றி மேலும் தெரிந்துகொள்ளலாம்.

இவற்றையும் பாருங்கள்iPad சாதனத்தில் உள்ள உடல்நலம் செயலியில் மனநலனை மதிப்பீடு செய்தல்iPad சாதனத்தில் iCloudஇல் உங்கள் உடல்நலம் செயலியின் தரவுகளை பேக்-அப் எடுத்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.