iPadOS 26
iPadOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPadમાં Apple Musicથી નવું સંગીત શોધો

જ્યારે તમે Apple Musicને સબ્સ્ક્રાઇબ કરો છો ત્યારે તમે નવા અને નોંધપાત્ર સંગીત, સંગીત વીડિયો, પ્લેલિસ્ટ વગેરે બ્રાઉઝ કરી શકો છો.

ડાબી બાજુએ સાઇડબાર અને જમણી બાજુએ નવો સેક્શન બતાવતી નવી સ્ક્રીન. ઉપર ફીચર કરેલું સંગીત બતાવતી નવી સ્ક્રીન. વધુ ફીચર કરેલા સંગીત અને વીડિયો જોવા માટે તમે ડાબી બાજુ સ્વાઇપ કરો. ટ્રેંડિંગ ગીત સેક્શન નીચે દેખાય છે. મિનિપ્લેયર નીચે છે.

નવું રિલીઝ, ફીચર કરેલ સંગીત વગેરે શોધો

  1. તમારા iPadમાં સંગીત ઍપ પર જાઓ.

  2. નવું સંગીત શોધવા માટે “નવું” પર ટૅપ કરો પછી નીચેનામાંથી કોઈ પણ એક કરો :

    • ફીચર્ડ સંગીત એક્સપ્લોર કરવા માટે : સ્ક્રીનની ટોચ પર ફીચર કરેલા ગીત અને વીડિયોમાં સ્વાઇપ કરો.

    • સંગીત નિષ્ણાતો દ્વારા બનાવેલાં પ્લેલિસ્ટ બ્રાઉઝ કરવા માટે : સંગીત નિષ્ણાત દ્વારા બનાવેલાં ઘણાં પ્લેલિસ્ટમાંથી એક પર ટૅપ કરો.

    • નવું સંગીત એક્સપ્લોર કરવા માટે : “તાજેતરનાં ગીત” હેડિંગની નીચે ગીત પર ટૅપ કરો અથવા “નવા રિલીઝ”ની નીચે સૂચીમાં આપેલા ઍલ્બમ સ્વાઇપ કરો.

    • ટ્રેંડમાં શું છે તે જુઓ : ટ્રેંડિંગ ગીત હેડિંગની નીચે ગીત પર ટૅપ કરો. વધુ ગીત જોવા માટે ડાબે સ્વાઇપ કરો.

    • વિશ્વભરના ટોચનાં ગીત સાંભળો : દૈનિક ટોચનાં 100 પ્લેલિસ્ટમાંથી એક પર ટૅપ કરો. આ પ્લેલિસ્ટમાં સમગ્ર વિશ્વના દેશોમાં આજના સૌથી લોકપ્રિય ગીત દર્શાવવામાં આવ્યા છે.

    • આગામી ઍલ્બમમાંથી ગીત સાંભળવા માટે : “ટૂંક સમયમાં આવી રહ્યું છે”ની નીચે ઍલ્બમ પર ટૅપ કરો પછી ગીત પ્લે કરવા માટે ઉપલબ્ધ ગીત પર ટૅપ કરો.

    • સંગીત વીડિયો જોવા માટે : સંગીત વીડિયો પર ટૅપ કરો પછી ફીચર્ડ સંગીત વીડિયો અથવા સંગીત વીડિયોના પ્લેલિસ્ટ પર ટૅપ કરો.

    • દિવસના સૌથી લોકપ્રિય ગીત પ્લે કરવા માટે : ચાર્ટ પર ટૅપ કરો પછી ગીત, પ્લેલિસ્ટ, ઍલ્બમ અથવા સંગીત વીડિયો પ્લે કરવા માટે તેના પર ટૅપ કરો. તમે પસંદ કરેલી શૈલીમાં ટોચનાં ગીત અને સંગીત વીડિયો જોવા માટે સ્ક્રીનની ટોચ પર તમામ શૈલીઓ પર ટૅપ કરો.

    • તમારી મનપસંદ શૈલીઓને બ્રાઉઝ કરવા માટે : “શૈલી અનુસાર બ્રાઉઝ કરો” પર ટૅપ કરો, શૈલી પસંદ કરો પછી સંગીત નિષ્ણાંત દ્વારા પસંદ કરાયેલા સંગીતનો આનંદ માણવા માટે ફીચર્ડ પ્લેલિસ્ટ, ગીત, ઍલ્બમ, કલાકાર અથવા રેડિયો સ્ટેશન પર ટૅપ કરો.

    • તમારા મૂડ સાથે મૅચ થતું સંગીત પ્લે કરવા માટે : મૂડ અને ઍક્ટિવિટી પર ટૅપ કરો પછી ફીલ ગુડ, રૉમૅન્સ અથવા પાર્ટી જેવા પ્લેલિસ્ટ પર ટૅપ કરો.

નોટ : વધુ સંગીત જોવા માટે ઍલ્બમ આર્ટ પર ડાબી બાજુ સ્વાઇપ કરો. સેક્શનમાં તમામ સંગીત—ઉદાહરણ તરીકે, નવું રિલીઝ—જોવા માટે સેક્શનના નામની બાજુમાં “ફૉરવર્ડ” બટન પર ટૅપ કરો.

વર્ષના તમારા સૌથી વધુ પ્લે કરવામાં આવેલા સંગીતને શોધો

તમે Apple Musicને સબ્સ્ક્રાઇબ કર્યું હોય (અને પાત્ર બનવા માટે પૂરતું સંગીત પ્લે કર્યું હોય) તેવા દરેક વર્ષ માટે Apple Music એક રીપ્લે પર્સનલ ચાર્ટ બનાવે છે, જેમાં તમે સૌથી વધુ પ્લે કરેલાં ગીતોને રેંકિંગ આપે છે.

  1. તમારા iPadમાં સંગીત ઍપ પર જાઓ.

  2. સાઇડબારમાં હોમ પર ટૅપ કરો પછી રીપ્લે કરવા માટે નીચે સ્વાઇપ કરો : વર્ષ અનુસાર તમારાં ટોચનાં ગીત પછી વર્ષ પર ટૅપ કરો.

તમે replay.music.apple.com પર સમગ્ર વર્ષ દરમિયાન તમારા સાંભળવા વિષેની ગહન માહિતી પણ મેળવી શકો છો. Apple સપોર્ટ લેખ Apple Music રીપ્લે કેવી રીતે મેળવવું જુઓ.

તમે પહેલાં ક્યારેય ન પ્લે કર્યું હોય તેવું સંગીત શોધો

તમારી સાંભળવાની હિસ્ટરી અને ટેસ્ટ પ્રોફાઇલનો ઉપયોગ કરીને Apple Music એવા સંગીતની ભલામણ કરે છે જે તમે પહેલાં ક્યારેય પ્લે ન કર્યું હોય અને કદાચ તમને ગમશે.

  1. તમારા iPadમાં સંગીત ઍપ પર જાઓ.

  2. સાઇડબારમાં હોમ પર ટૅપ કરો પછી “તમારા માટે સ્ટેશન” સુધી નીચે સ્વાઇપ કરો.

  3. ડિસ્કવરી સ્ટેશન પર ટૅપ કરો.

નવી સંગીત સૂચનાઓ ચાલુ અથવા બંધ કરો

  1. તમારા iPadમાં સંગીત ઍપ પર જાઓ.

  2. સાઇડબારમાં હોમ પર ટૅપ કરો પછી “મારું અકાઉંટ” બટન અથવા તમારા પ્રોફાઇલ ફોટો પર ટૅપ કરો.

  3. સૂચનાઓ પર ટૅપ કરો પછી નવું સંગીત ચાલુ (અથવા બંધ) કરો.

Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.