iPadOS 26
iPadOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPadમાં ઑફલાઇન નકશા ડાઉનલોડ કરો

તમે ક્ષેત્રનો નકશો સેવ કરી શકો છો અને તમારું iPad ઑફલાઇન હોય ત્યારે તેનો ઉપયોગ કરી શકો છો.

તમે Wi-Fi અથવા મોબાઇલ સર્વિસ સેવાને ઍક્સેસ કરી શકતા નથી ત્યારે પણ સ્થળ કાર્ડમાં કલાક અને રેટિંગ જેવી માહિતી જોઈ શકો છો, ડ્રાઇવિંગ, વૉકિંગ, સાયક્લિંગ અથવા ટ્રાંઝિટમાં પ્રવાસ માટે વળાંક-દર-વળાંક દિશા નિર્દેશનો મેળવી શકો છો અને તમારા આગમનનો અંદાજિત સમય જોઈ શકો છો.

નોટ : ઑફલાઇન નકશા સિલેક્ટ કરેલા ક્ષેત્રોમાં ઉપલબ્ધ છે. દેશ અને વિસ્તાર પ્રમાણે ફીચર બદલાય છે. ઑટોમૅટિક રીતે અપડેટ કરવાનું ડિફૉલ્ટ રૂપે ચાલુ છે.

રાષ્ટ્રીય ઉદ્યાનના નકશા સાથે iPad . ઉદ્યાનની આસપાસ હૅન્ડલવાળા લંબચોરસથી ફ્રેમ કરવામાં આવી છે જેને મુવ કરીને ડાઉનલોડ કરવા માટેના નકશાની સાઇઝ બદલી શકાય છે. સિલેક્ટ કરેલા નકશાની ડાઉનલોડ સાઇઝ નકશામાં નીચે દર્શાવવામાં આવી છે. “રદ કરો” અને “ડાઉનલોડ કરો” બટન સ્ક્રીનમાં નીચે છે.

નકશા ડાઉનલોડ કરવા માટે

  1. તમારા iPadમાં નકશો ઍપ પર જાઓ.

  2. નીચેનામાંથી કોઈ પણ એક કરો :

    • પિન માર્કર દેખાય ત્યાં સુધી નકશાને ટચ અને હોલ્ડ કરીને પછી ડાઉનલોડ પર ટૅપ કરો.

    • સર્ચ ફીલ્ડની બાજુમાં તમારા ફોટો અથવા પ્રથમાક્ષર પર ટૅપ કરીને ઑફલાઇન નકશા પર ટૅપ કરીને “નવું” પર ટૅપ કરો પછી સર્ચ ફીલ્ડમાં કોઈ લોકેશન એંટર કરો અથવા “વર્તમાન લોકેશન” પર ટૅપ કરો.

  3. સિલેક્ટ કરેલા ક્ષેત્રને ઍડજસ્ટ કરીને પછી ડાઉનલોડ પર ટૅપ કરો.

    તમે ડાઉનલોડ કરેલા નકશાની સાઇઝ ઓછી કરવા માટે નાનું ક્ષેત્ર સિલેક્ટ કરો.

ડાઉનલોડ કરેલા નકશા જો તમે તમારાં સેટિંગ્સમાં ફેરફાર ન કરો તો ઑટોમૅટિક રીતે અપડેટ થાય છે.

તમે ડાઉનલોડ કરેલા નકશાને ખોલવા અથવા સંપાદિત કરવા માટે

તમે ઑફલાઇન ઉપયોગ કરવા માટે ડાઉનલોડ કરેલો કોઈ પણ નકશો તમારી ઑફલાઇન નકશાની યાદીમાં દેખાશે.

  1. તમારા iPadમાં નકશો ઍપ પર જાઓ.

  2. સર્ચ ફીલ્ડની બાજુમાં તમારા ફોટો અથવા પ્રથમાક્ષર પર ટૅપ કરીને પછી ઑફલાઇન નકશા પર ટૅપ કરો.

  3. નીચેનામાંથી કોઈ પણ એક કરો :

    • નકશો ખોલો : તેના નામ પર ટૅપ કરો.

    • નકશાનું નામ બદલો : નકશા પર ડાબી બાજુ સ્વાઇપ કરીને પછી “નામ બદલો” પર ટૅપ કરો.

    • નકશામાં સમાવિષ્ટ ક્ષેત્રને બદલો : નકશાના નામ પર ટૅપ કરીને પછી નકશાની ઇમેજ પર “સાઇઝ બદલો” પર ટૅપ કરો.

નકશાનો ડેટા ડાઉનલોડ કરવાનું કંટ્રોલ કરો

તમે તમારી ડેટા સ્ટોરેજ જરૂરિયાતો અને પ્રાથમિકતાના આધારે નકશો ડાઉનલોડ અથવા અપડેટ કરવાના સમય જેવાં સેટિંગ્સ બદલી શકો છો.

  1. તમારા iPadમાં નકશો ઍપ પર જાઓ.

  2. સર્ચ ફીલ્ડની બાજુમાં તમારા ફોટો અથવા પ્રથમાક્ષર પર ટૅપ કરીને પછી ઑફલાઇન નકશા પર ટૅપ કરો.

  3. નીચેનામાંથી કોઈ પણ એક કરો :

    • મોબાઇલ સર્વિસથી ડાઉનલોડ કરો : “માત્ર Wi-Fi” પર ટૅપ કરીને પછી “Wi-Fi + Cellular” સિલેક્ટ કરવા માટે ટૅપ કરો.

    • તમામ નકશાને ઑટોમૅટિક રીતે અપડેટ કરો : “ઑટોમૅટિક રીતે અપડેટ કરો” ચાલુ કરો.

    • ઉપયોગમાં ન લેવાતા નકશાને ઑટોમૅટિક રીતે ડિલીટ કરો : “સ્ટોરેજ ઑપ્ટિમાઇઝ કરો” ચાલુ કરો.

    • ઑનલાઇન નકશાનો ઉપયોગ કરો : “માત્ર ઑફલાઇન નકશાનો ઉપયોગ કરો” બંધ કરો.

ડાઉનલોડ કરેલા નકશાને કાઢી નાખવા માટે

તમે તમારા iPadમાં સ્ટોરેજની જગ્યા ખાલી કરવા માટે ડાઉનલોડ કરેલા નકશાને કાઢી શકો છો.

  1. તમારા iPadમાં નકશો ઍપ પર જાઓ.

  2. સર્ચ ફીલ્ડની બાજુમાં તમારા ફોટો અથવા પ્રથમાક્ષર પર ટૅપ કરીને પછી ઑફલાઇન નકશા પર ટૅપ કરો.

  3. નીચેનામાંથી કોઈ પણ એક કરો :

    • નકશાને મૅન્યુઅલ રીતે કાઢી નાખો : નકશા પર ડાબી બાજુ સ્વાઇપ કરીને પછી “ડિલીટ કરો” પર ટૅપ કરો.

    • ઉપયોગમાં ન લેવાતા નકશાને ઑટોમૅટિક રીતે ડિલીટ કરો : “સ્ટોરેજ ઑપ્ટિમાઇઝ કરો” ચાલુ કરો.

આ પણ જુઓiPadમાં નકશો ઍપમાં સ્થળ સર્ચ કરોiPad (Wi-Fi + Cellular મૉડલ)માં મોબાઇલ સર્વિસ સેટ અપ કરોઑફલાઇન અનુવાદ અથવા ઑન-ડિવાઇસ મોડ માટે ભાષાઓ ડાઉનલોડ કરોiPadમાં પૉડકાસ્ટ ડાઉનલોડ કરો, સેવ કરો, કાઢી નાખો અને શેર કરો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.