iPadOS 26
iPadOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPadમાંની ઍપ્સમાં VoiceOverનો ઉપયોગ કરો

તમે તમારા iPadમાં Safari, નકશો વગેરે જેવી આવતી તમામ બિલ્ટ-ઇન ઍપ્સમાં VoiceOverનો ઉપયોગ કરી શકો છો. VoiceOver ઓળખથી તમે વેબપેજ પર અને ઍપમાં ઇમેજ અને સ્ક્રીન એલિમેંટ દ્વારા ઍક્સેસિબિલિટીની માહિતી ન આપવામાં આવી હોય તો પણ તેનાં વર્ણન મેળવી શકો છો.

Safariમાં વેબ બ્રાઉઝ કરવા માટે

  1. VoiceOver ચાલુ હોય ત્યારે તમારા iPadમાં Safari ઍપ પર જાઓ.

  2. નીચેનામાંથી કોઈ પણ એક કરો :

    • વેબ પર સર્ચ કરવા માટે : અડ્રેસ ફીલ્ડ સિલેક્ટ કરો, કીબોર્ડ બતાવવા માટે ડબલ-ટૅપ કરો અને પછી સર્ચ કરવા માટે શબ્દ, વાક્યાંશ અથવા URL એંટર કરો. “જાઓ” પર ડબલ-ટૅપ કરો અથવા સર્ચ સૂચન સિલેક્ટ કરો પછી ડબલ-ટૅપ કરો.

    • સ્કિપ કરીને વેબપેજ પર આગામી એલિમેંટ પર જવા માટે : રોટરને હેડિંગ, લિંક અને ફૉર્મ કંટ્રોલ જેવા એલિમેંટના પ્રકાર પર સેટ કરો અને પછી ઉપર અથવા નીચે સ્વાઇપ કરો.

    • વેબ બ્રાઉઝિંગ માટે રોટર સેટિંગ્સ સેટ કરવા માટે : સેટિંગ્સ  > ઍક્સેસિબિલિટી > VoiceOver > રોટર પર જાઓ. આઇટમની સ્થિતિ ફરી બદલવા માટે આઇટમને સિલેક્ટ કરો અથવા સિલેક્શન હટાવો અથવા “ક્રમ ફરી ગોઠવો” બટનને ઉપર અથવા નીચે ડ્રૅગ કરો.

    • નૅવિગેટ કરતી વખતે ઇમેજ સ્કિપ કરવા માટે : સેટિંગ્સ  > ઍક્સેસિબિલિટી > VoiceOver > ઇમેજ નૅવિગેટ કરો પર જાઓ. તમે તમામ ઇમેજને સ્કિપ કરવાનું પસંદ કરી શકો છો અથવા માત્ર વર્ણનો વગરની ઇમેજને સ્કિપ કરવાનું પસંદ કરી શકો છો.

    • વાંચવામાં અને નૅવિગેશનમાં સરળતા માટે પેજ ક્લટર ઘટાડો : Safariના અડ્રેસ ફીલ્ડમાં “વિકલ્પ ફૉર્મેટ કરો” બટનને સિલેક્ટ કરો, ડબલ-ટૅપ કરો, “રીડર વ્યૂ બતાવો” (તમામ વેબપેઝ માટે ઉપલબ્ધ નથી) સિલેક્ટ કરો પછી ડબલ-ટૅપ કરો.

ટિપ : જો તમે iPadમાં Apple એક્સટર્નલ કીબોર્ડનો ઉપયોગ કરો છો તો તમે વેબ બ્રાઉઝિંગ માટે સિંગલ-કીથી ક્વિક નૅવિગેશનનો ઉપયોગ કરી શકો છો.

નકશોમાં નૅવિગેટ કરો

  1. VoiceOver ચાલુ હોય ત્યારે તમારા iPadમાં નકશો ઍપ પર જાઓ.

  2. નીચેનામાંથી કોઈ પણ એક કરો :

    • નકશા દ્વારા તમારું વર્તમાન લોકેશન ટ્રૅક કરવાની રીતને કંટ્રોલ કરવા માટે : “ટ્રૅકિંગ” બટન સિલેક્ટ કરો અને જ્યાં સુધી તમને ઇચ્છિત ટ્રૅકિંગ વિકલ્પ સાંભળવા ન મળે ત્યાં સુધી ડબલ-ટૅપ કરો.

      • ટ્રૅકિંગ ચાલુ : નકશામાં તમારું વર્તમાન લોકેશન ઑટોમૅટિક રીતે કેંદ્રમાં આવે છે.

      • હેડિંગ સાથે ટ્રૅકિંગ ચાલુ : નકશામાં તમારું વર્તમાન લોકેશન ઑટોમૅટિક રીતે કેંદ્રમાં આવે છે અને ફેરવે છે જેથી તમે જે હેડિંગ જોઈ રહ્યાં છો તે સ્ક્રીનમાં ઉપર હોય. આ મોડમાં તમે શેરી અને ધ્યાન ખેંચતા સ્થાને પહોંચો ત્યારે iPad તેના નામ બોલીને સંભળાવે છે.

      • ટ્રૅકિંગ બંધ : નકશામાં તમારું વર્તમાન લોકેશન ઑટોમૅટિક રીતે કેંદ્રમાં આવતું નથી.

    • નકશો એક્સપ્લોર કરવા માટે : તમારી આંગળીને સ્ક્રીનની આસપાસ ડ્રૅગ કરો અથવા બીજી આઇટમ પર મુવ થવા માટે ડાબે અથવા જમણે સ્વાઇપ કરો.

    • ઝૂમ ઇન અથવા આઉટ કરવા માટે : નકશો સિલેક્ટ કરો, રોટરને ઝૂમ પર સેટ કરો પછી એક આંગળીથી ઉપર અથવા નીચે સ્વાઇપ કરો.

    • નકશાને પૅન કરો : નકશો સિલેક્ટ કરો પછી ત્રણ આંગળીથી સ્વાઇપ કરો.

    • નકશા પર લોકેશન અને પિન બ્રાઉઝ કરો : નકશો સિલેક્ટ કરો, રોટરને રસપ્રદ સ્થાનો પર સેટ કરો પછી એક આંગળીથી ઉપર અથવા નીચે સ્વાઇપ કરો.

    • રસ્તાને ફૉલો કરો : તમારી આંગળીને રસ્તા પર નીચે હોલ્ડ કરો, જ્યાં સુધી તમને “ફૉલો કરવા માટે પૉઝ કરો“ ન સંભળાય ત્યાં સુધી રાહ જુઓ પછી તમારી આંગળીને રસ્તાની બાજુએ મુવ કરો.

    • લોકેશન વિષે માહિતી મેળવવા માટે : લોકેશન સિલેક્ટ કરો (ઉદાહરણ તરીકે, વ્યવસાય, લૅન્ડમાર્ક અથવા પિન) પછી માહિતી કાર્ડ ખોલવા માટે ડબલ-ટૅપ કરો. દિશાનિર્દેશ, શેરીનું સરનામું, ફોન નંબર, વ્યવસાયના કલાક અને ગ્રાહકના રિવ્યૂ જેવી માહિતી સાંભળવા માટે ડાબે અથવા જમણે સ્વાઇપ કરો.

    • પ્રારંભિક પૉઇંટ સુધી માર્ગદર્શન મેળવવા માટે : જ્યારે તમે નકશામાં ચાલવા માટેના દિશા નિર્દેશો શરૂ કરો છો ત્યારે iPad તમને સાઉંડનો ઉપયોગ કરીને પ્રારંભિક પૉઇંટ તરફ જવાનું માર્ગદર્શન આપે છે.

PDF વાંચો

પુસ્તક અને ફાઇલ ઍપ્સમાં તમે PDF વાંચવા માટે VoiceOverનો ઉપયોગ કરી શકો છો. VoiceOver ફોર્મ, ટેબલ અને યાદી જેવી વિગતવાર માહિતી પણ વર્ણવે છે.

ફોટો અને વીડિયો લેવા માટે

  1. VoiceOver ચાલુ હોય ત્યારે તમારા iPadમાં કૅમેરા ઍપ પર જાઓ. VoiceOver વ્યૂફાઇંડરમાં ઑબજેક્ટનું વર્ણન કરે છે.

  2. કૅમેરા મોડ સિલેક્ટ કરો પછી ફોટો અથવા વીડિયો જેવા મોડ વચ્ચે સ્વિચ કરવા માટે એક આંગળીથી ઉપર અથવા નીચે સ્વાઇપ કરો.

  3. ફોટો લેવા અથવા વીડિયો રેકોર્ડ કરવાનું શરૂ કરવા અથવા બંધ કરવા માટે સ્ક્રીન પર બે આંગળીથી ડબલ-ટૅપ કરો.

વૉઇસ મેમો રેકોર્ડિંગ ટ્રિમ કરવા માટે

તમે “વૉઇસ મેમો” ઍપમાં રેકોર્ડિંગને સંપાદિત કરવા માટે VoiceOverનો ઉપયોગ કરી શકો છો.

  1. VoiceOver ચાલુ હોય ત્યારે તમારા iPadમાં વૉઇસ મેમો ઍપ પર જાઓ.

  2. તમે જે રેકોર્ડિંગ ટ્રિમ કરવા માંગો છો તેને સિલેક્ટ કરો અને પછી ડબલ-ટૅપ કરો.

  3. ઉપર જમણી બાજુએ “સંપાદિત કરો” સિલેક્ટ કરો પછી ડબલ-ટૅપ કરો.

  4. “ટ્રિમ કરો” બટન સિલેક્ટ કરો અને પછી ડબલ-ટૅપ કરો.

  5. વેવફોર્મ ઓવરવ્યૂમાં “ટ્રિમ શરૂ કરવા” અથવા “ટ્રિમ સમાપ્ત કરવા” સિલેક્ટ કરો, ડબલ-ટૅપ અને હોલ્ડ કરો પછી શરૂઆતના અથવા અંતના સમયને ઍડજસ્ટ કરવા માટે ઉપર અથવા નીચે સ્વાઇપ કરો.

  6. “ટ્રિમ કરો” સિલેક્ટ કરો અને પછી ડબલ-ટૅપ કરો.

  7. “સેવ કરો” સિલેક્ટ કરો અને પછી ડબલ-ટૅપ કરો.

  8. “પૂર્ણ” સિલેક્ટ કરો અને પછી ડબલ-ટૅપ કરો.

વિઝ્યુઅલ હવામાન ડેટાને સાઉંડ તરીકે સાંભળો

હવામાન ઍપમાં અમુક નકશા ઇંકોડેડ કરવામાં આવ્યા છે જેનાથી તમે બદલાતા ટોન અથવા પિચ તરીકે ડેટા સાંભળી શકો છો. ઉદાહરણ તરીકે, સ્ક્રીન પર વિઝ્યુઅલ ઍનિમેશનમાં હવામાનની સ્થિતિની તીવ્રતામાં ફેરફાર થવાથી તમે સાઉંડના વિવિધ પ્રકારનો ઉપયોગ કરીને તેનું વર્ણન કરી શકો છો.

  1. VoiceOver ચાલુ હોય ત્યારે તમારા iPadમાં હવામાન ઍપ પર જાઓ.

  2. વર્ષણ, પવન અથવા હવાની ગુણવત્તાના નકશાનું લોકેશન પેજ ખોલો.

  3. જ્યાં સુધી તમને કોઈ ટોન અથવા “હવામાન નકશો સ્નૅપશૉટ” શબ્દો ન સંભળાય ત્યાં સુધી નકશાને ડબલ-ટૅપ કરીને હોલ્ડ કરો. જો તમને બોલાયેલી સૂચનાઓ સાંભળાય તો તેને ફૉલો કરો.

    જ્યારે તમે તમારી આંગળી અથવા પૉઇંટરને સોનિફાઇડ નકશા પર રન કરો છો ત્યારે બદલાતી વૅલ્યૂને દર્શાવવા માટે પિચ શિફ્ટ થાય છે.

ગણિતનાં સમીકરણો વાંચો

VoiceOver વેબ (MathMLનો ઉપયોગ કરીને ઇંકોડેડ) પર અને Numbers અને Keynote જેવી Appleની સપોર્ટેડ ઍપ્સમાં ગણિતનાં સમીકરણો વાંચી શકે છે.

  • સમીકરણ સાંભળવા : VoiceOverને ટેક્સ્ટ હંમેશાંની જેમ વાંચીને સંભળાવાની અનુમતિ આપો. VoiceOver સમીકરણ વાંચવાનું શરૂ કરે તે પહેલાં “math” કહે છે.

  • સમીકરણ એક્સપ્લોર કરવા : સિલેક્ટેડ સમીકરણને ફુલ સ્ક્રીન પર ડિસ્પ્લે કરવા માટે તેના પર ડબલ-ટૅપ કરો અને એક સમયે એક એલિમેંટ મુવ કરો. સમીકરણના એલિમેંટ વાંચવા માટે ડાબે અથવા જમણે સ્વાઇપ કરો. પ્રતીકો, નાની અભિવ્યક્તિઓ, મધ્યમ અભિવ્યક્તિઓ અથવા મોટી અભિવ્યક્તિઓ સિલેક્ટ કરવા માટે રોટરનો ઉપયોગ કરો પછી તે સાઇઝના આગલા એલિમેંટને સાંભળવા માટે ઉપર અથવા નીચે સ્વાઇપ કરો. સિલેક્ટેડ એલિમેંટમાં ડ્રિલ નીચે કરવા માટે તેના પર ડબલ-ટૅપ કરો પછી એક સમયે એલિમેંટનો એક ભાગ વાંચવા માટે ડાબી અથવા જમણી બાજુ સ્વાઇપ કરો.

VoiceOver દ્વારા બોલવામાં આવતાં સમીકરણોને નેમેથ કોડ તેમજ યુનિફાઇડ ઇંગ્લિશ બ્રેલ, બ્રિટિશ અંગ્રેજી, ફ્રેંચ અને ગ્રીક દ્વારા ઉપયોગમાં લેવાતા કોડનો પણ ઉપયોગ કરીને બ્રેલ ડિવાઇસ પર પણ આઉટપુટ કરી શકાય છે. જુઓ : VoiceOverથી બ્રેલ ડિસ્પ્લેનો ઉપયોગ કરો.

VoiceOver ઓળખનો ઉપયોગ કરો

VoiceOver ઓળખથી તમે વેબપેજ પર અને ઍપમાં ઇમેજ અને સ્ક્રીન એલિમેંટ દ્વારા ઍક્સેસિબિલિટીની માહિતી ન આપવામાં આવી હોય તો પણ તેનાં વર્ણન મેળવી શકો છો.

મહત્ત્વપૂર્ણ : તમને નુકસાન કે ઈજા પહોંચી શકે, ભારે જોખમભરી સ્થિતિ હોય, નૅવિગેશન કરવાનું હોય અથવા નિદાન કરવાનું હોય અથવા કોઈ પણ તબીબી સમસ્યાની સારવાર કરાવવાની હોય તેવા સંજોગોમાં તમારે VoiceOverની ઓળખ પર ભરોસો કરવો જોઈએ નહિ.

  1. સેટિંગ્સ  > ઍક્સેસિબિલિટી > VoiceOver > VoiceOver ઓળખ પર જાઓ.

  2. નીચેનામાંથી કોઈ પણ એક ચાલુ કરો :

    • ઇમેજનું વર્ણન : ઍપ્સમાં રહેલી અને વેબ પરની ઇમેજનું વર્ણન મેળવો.

    • સ્ક્રીનની ઓળખ : ઍપ્સમાં સ્ક્રીન એલિમેંટનું વર્ણન મેળવો.

    • ટેક્સ્ટની ઓળખ : ઇમેજમાં મળેલી ટેક્સ્ટનું વર્ણન મેળવો.

  3. ફીડબેક શૈલી પર ટૅપ કરો પછી “બોલો”, “સાઉંડ પ્લે કરો” અથવા “કંઈ ન કરો” પસંદ કરો.

આ પણ જુઓiPadમાં VoiceOver ચાલુ કરો અને તેની પ્રૅક્ટિસ કરોiPad પરની ચોક્કસ ઍપ્સ માટે વિઝ્યુઅલ ઍક્સેસિબિલિટી સેટિંગ્સ કસ્ટમાઇઝ કરોiPadમાં વિઝન માટે ઍક્સેસિબિલિટી ફીચર
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.