iPadOS 26
iPadOS 18
આ કંટ્રોલમાં ફેરફાર કરવાથી આ પેજ ઑટોમૅટિક રીતે અપડેટ થઈ જશે.

iPadમાં iCloud કૅલેંડર શેર કરો

કૅલેંડર ઍપમાં તમે અન્ય iCloud યૂઝર સાથે iCloud કૅલેંડર શેર કરી શકો છો. જ્યારે તમે કૅલેંડર શેર કરો છો ત્યારે અન્ય લોકો તેને જોઈ શકે છે અને તમે તેમને ઇવેંટ ઉમેરવા અથવા બદલવાની મંજૂરી આપી શકો છો. તમે રીડ-ઓન્લી વર્ઝન પણ શેર કરી શકો છો જેને કોઈ પણ જોઈ શકે છે પણ બદલી શકતું નથી.

iCloud કૅલેંડર બનાવો

  1. તમારા iPadમાં કૅલેંડર ઍપ પર જાઓ.

  2. ઉપર ડાબી બાજુએ “કૅલેંડર” બટન પર ટૅપ કરો.

  3. “કૅલેંડર ઉમેરો” પર ટૅપ કરો.

  4. “કૅલેંડર ઉમેરો” પર ટૅપ કરો, નવા કૅલેંડર માટે નામ એંટર કરો અને પછી “પૂર્ણ” પર ટૅપ કરો.

    જો iCloud તમારું ડિફૉલ્ટ કૅલેંડર ન હોય તો અકાઉંટ પર ટૅપ કરો અને પછી iCloud પર ટૅપ કરો. તમારાં કૅલેંડર સેટિંગ્સ બદલો જુઓ.

iCloud કૅલેંડર શેર કરો

તમે iCloudમાં એક અથવા વધુ લોકો સાથે કૅલેંડર શેર કરી શકો છો. તમે જે લોકોને આમંત્રણ આપો છો તેમને કૅલેંડરમાં જોડાવાનું આમંત્રણ મળે છે.

  1. તમારા iPadમાં કૅલેંડર ઍપ પર જાઓ.

  2. ઉપર ડાબી બાજુએ “કૅલેંડર” બટન પર ટૅપ કરો.

  3. તમે શેર કરવા ઇચ્છતા હોવ તે iCloud કૅલેંડરની બાજુમાં “માહિતી” બટન પર ટૅપ કરો.

  4. તમારા કૉન્ટૅક્ટને બ્રાઉઝ કરવા માટે વ્યક્તિ ઉમેરો પર ટૅપ કરો પછી નામ અથવા ઇમેલ અડ્રેસ એંટર કરો અથવા “ઉમેરો” બટન પર ટૅપ કરો.

    નોટ : iCloud કૅલેંડર શેર કરવા માટે તમારા કૉન્ટૅક્ટ પાસે ઇમેલ અડ્રેસ હોવું જરૂરી છે. સંપર્ક માહિતી ઉમેરો અને તેનો ઉપયોગ કરો જુઓ.

  5. “ઉમેરો” પર ટૅપ કરો.

શેર કરેલા કૅલેંડરમાં વ્યક્તિનો ઍક્સેસ બદલો

તમે કોઈ વ્યક્તિને તમારું કૅલેંડર શેર કરવા માટે આમંત્રિત કર્યા પછી તમે કૅલેંડરને સંપાદિત કરવાની તેમની ક્ષમતા ચાલુ અથવા બંધ કરી શકો છો અથવા તે વ્યક્તિ સાથે કૅલેંડર શેર કરવાનું બંધ કરી શકો છો.

  1. તમારા iPadમાં કૅલેંડર ઍપ પર જાઓ.

  2. “કૅલેંડર” બટન પર ટૅપ કરો, શેર કરેલા કૅલેંડરની બાજુમાં “માહિતી” બટન પર ટૅપ કરો પછી વ્યક્તિ પર ટૅપ કરો.

  3. નીચેનામાંથી કોઈ પણ એક કરો :

    • સંપાદિત કરવાની અનુમતિ ચાલુ અથવા બંધ કરો.

    • “શેરિંગ બંધ કરો” પર ટૅપ કરો.

શેર કરેલાં કૅલેંડર માટે સૂચનાઓ બંધ કરો

તમે શેર કરી રહ્યાં હોવ તે કૅલેંડરમાં જ્યારે કોઈ વ્યક્તિ ફેરફાર કરે ત્યારે તમને ફેરફારની સૂચના આપવામાં આવે છે. શેર કરેલાં કૅલેંડર માટે તમે સૂચનાઓ પ્રાપ્ત કરવા માંગતા ન હોવ તો તેને બંધ કરી શકો છો.

  1. સેટિંગ્સ  > સૂચનાઓ > કૅલેંડર > સૂચનાઓ કસ્ટમાઇઝ કરો પર જાઓ.

  2. શેર કરેલા કૅલેંડરમાં ફેરફાર બંધ કરો.

કોઈ પણ વ્યક્તિ સાથે ફક્ત વાંચી શકાય તેવું કૅલેંડર શેર કરો

  1. તમારા iPadમાં કૅલેંડર ઍપ પર જાઓ.

  2. “કૅલેંડર” બટન પર ટૅપ કરો પછી તમે શેર કરવા ઇચ્છતા હોવ તે iCloud કૅલેંડરની બાજુમાં “માહિતી” બટન પર ટૅપ કરો.

  3. સાર્વજનિક કૅલેંડર ચાલુ કરો અને પછી તમારા કૅલેંડરનું URL કૉપિ કરવા અથવા મોકલવા માટે “લિંક શેર કરો” પર ટૅપ કરો.

  4. URL મોકલવા માટેની પદ્ધતિ—મેસેજ, Mail વગેરે પસંદ કરો.

તમે જેને પણ URL મોકલો છો તે macOS માટે કૅલેંડર જેવી સુસંગત ઍપનો ઉપયોગ કરીને કૅલેંડરને સબ્સ્ક્રાઇબ કરવા માટે તે URLનો ઉપયોગ કરી શકે છે.

કૅલેંડર ડિલીટ કરો

  1. તમારા iPadમાં કૅલેંડર ઍપ પર જાઓ.

  2. ઉપર ડાબી બાજુએ “કૅલેંડર” બટન પર ટૅપ કરો.

  3. તમે ડિલીટ કરવા ઇચ્છતા હોવ તે iCloud કૅલેંડરની બાજુમાં “માહિતી” બટન પર ટૅપ કરો.

  4. લિસ્ટની નીચે “કૅલેંડર ડિલીટ કરો” પર ટૅપ કરો.

આ પણ જુઓiPadમાં કૅલેંડરમાં ઇવેંટ બનાવો અને સંપાદિત કરો
Morty Proxy This is a proxified and sanitized view of the page, visit original site.
મદદરૂપ થયું?
અક્ષરની સીમા 250
મહત્તમ અક્ષરની સીમા 250 છે.
તમારા પ્રતિસાદ બદલ ખૂબ ખૂબ આભાર.
Morty Proxy This is a proxified and sanitized view of the page, visit original site.