iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPad-ലെ ‘കലണ്ടറി’ൽ ക്ഷണങ്ങൾ അയയ്ക്കാൻ

‘കലണ്ടർ’ ആപ്പിൽ, നിങ്ങൾക്ക് മീറ്റിങ്, ഇവന്റ് എന്നിവയുടെ ക്ഷണങ്ങളും അയയ്ക്കാവുന്നതാണ്. iCloud, Microsoft Exchange, ചില CalDAV സെർവറുകൾ എന്നിവയും മീറ്റിങ് ക്ഷണങ്ങൾ അയയ്ക്കാൻ നിങ്ങളെ അനുവദിക്കുന്നു. (എല്ലാ കലണ്ടർ സെർവറുകളും എല്ലാ ഫീച്ചറുകളെയും പിന്തുണയ്ക്കുന്നില്ല.)

നിങ്ങൾ ആരംഭിക്കുന്നതിന് മുൻപ്

നിങ്ങൾ ഷെഡ്യൂൾ ചെയ്ത ഇവന്റുകളിലേക്ക് ആളുകളെ ക്ഷണിക്കുന്നതിനുമുമ്പ്, നിങ്ങളുടെ കലണ്ടർ അക്കൗണ്ടുകൾ ഓൺ ചെയ്തിട്ടുണ്ടെന്ന് ഉറപ്പാക്കേണ്ടതുണ്ട്.

  1. നിങ്ങളുടെ iPad-ലെ ‘ക്രമീകരണം’  ആപ്പിലേക്ക് പോകൂ.

  2. ‘ആപ്പുകൾ’ ടാപ്പ് ചെയ്യൂ, തുടർന്ന് ‘കലണ്ടർ’ ടാപ്പ് ചെയ്യൂ.

  3. ‘കലണ്ടർ അക്കൗണ്ടുകൾ’ ടാപ്പ് ചെയ്ത് ഒരു അക്കൗണ്ട് സെലക്റ്റ് ചെയ്യൂ, തുടർന്ന് ‘കലണ്ടർ’ ഓണാണോ എന്ന് പരിശോധിക്കൂ.

    കലണ്ടറുകൾ ചേർക്കുന്നതെങ്ങനെയെന്നതിനെ കുറിച്ചുള്ള കൂടുതൽ വിവരങ്ങൾക്ക്, ഒന്നിലധികം കലണ്ടറുകൾ സജ്ജീകരിക്കൂ എന്നത് കാണൂ.

ഒരു ഇവന്റിലേക്ക് മറ്റുള്ളവരെ ക്ഷണിക്കൂ

നിങ്ങൾ ഷെഡ്യൂൾ ചെയ്ത ഒരു ഇവന്റിലേക്ക് ആളുകളെ ക്ഷണിക്കാം.

  1. നിങ്ങളുടെ iPad-ലെ കലണ്ടർ ആപ്പിലേക്ക് പോകൂ.

  2. ഇവന്റിൽ ടാപ്പ് ചെയ്യൂ, എന്നിട്ട് സ്ക്രീനിന്റെ മുകളിൽ അടുത്തുള്ള ‘എഡിറ്റ് ചെയ്യൂ’ എന്നതിൽ ടാപ്പ് ചെയ്യൂ.

  3. ‘ക്ഷണിതാക്കൾ’ ടാപ്പ് ചെയ്യൂ.

  4. താഴെ പറയുന്നവയിലേതെങ്കിലും ചെയ്യൂ:

    • നിങ്ങളുടെ കോൺടാക്റ്റുകളിൽ നിന്ന് ഒരു പേര് ചേർക്കൂ: ഒരു കോൺടാക്റ്റിന്റെ പേര് നൽകി ആ പേരിൽ ടാപ്പ് ചെയ്യൂ, തുടർന്ന് ‘കഴിഞ്ഞു’ ബട്ടൺ ടാപ്പ് ചെയ്യൂ.

      കോൺടാക്റ്റുകൾ സെലക്റ്റ് ചെയ്യാൻ നിങ്ങൾക്ക് ‘ചേർക്കൂ’ ബട്ടൺ എന്നതിൽ ടാപ്പ് ചെയ്യുകയുമാവാം.

      കുറിപ്പ്: കോൺടാക്റ്റിന് ഒരു ഇ-മെയിൽ വിലാസമോ ഫോൺ നമ്പറോ ഉണ്ടായിരിക്കണം (ചൈനയിലും ഇന്ത്യയിലും പിന്തുണയ്ക്കുന്നു). കോൺടാക്റ്റ് വിവരങ്ങൾ ചേർക്കുകയും ഉപയോഗിക്കുകയും ചെയ്യൂ എന്നത് കാണൂ.

    • ഒരു ഇ-മെയിൽ വിലാസം ചേർക്കൂ: ഒരു ഇ-മെയിൽ വിലാസം നൽകി ‘റിട്ടേണി’ൽ ടാപ്പ് ചെയ്ത് ‘കഴിഞ്ഞു’ ബട്ടൺ ടാപ്പ് ചെയ്യൂ.

    • ഒരു ഫോൺ നമ്പർ ചേർക്കാൻ: ഒരു ഫോൺ നമ്പർ നൽകി ‘റിട്ടേണി’ൽ ടാപ്പ് ചെയ്ത് ‘കഴിഞ്ഞു’ ബട്ടൺ ടാപ്പ് ചെയ്യൂ.

      കുറിപ്പ്: ഒരു ഫോൺ നമ്പറിലേക്ക് ഒരു കലണ്ടർ ക്ഷണം അയയ്ക്കുന്നതിനെ ചൈനയിലും ഇന്ത്യയിലും മാത്രമേ പിന്തുണയ്ക്കുന്നുള്ളൂ.

  5. ഒരു ക്ഷണം ഓപ്ഷണൽ ആക്കാൻ, ‘ക്ഷണിതാക്കൾ’ ടാപ്പ് ചെയ്ത്, ക്ഷണിക്കപ്പെട്ട ഒരു വ്യക്തിയിൽ ഇടത്തേക്ക് സ്വൈപ്പ് ചെയ്ത്, ‘ഓപ്ഷണൽ ആക്കൂ’ ടാപ്പ് ചെയ്യൂ.

ഒരാൾ നിങ്ങളുടെ മീറ്റിങ് നിരസിക്കുമ്പോൾ നിങ്ങൾക്ക് അറിയിപ്പ് ലഭിക്കേണ്ടതില്ലെങ്കിൽ, ക്രമീകരണം  > ആപ്പുകൾ > കലണ്ടർ എന്നതിലേക്ക് പോകൂ, തുടർന്ന് ‘നിരസിച്ച ക്ഷണങ്ങൾ കാണിക്കൂ’ ഓഫ് ചെയ്യൂ.

കുറിപ്പ്: ഇവന്റ് ഷെഡ്യൂൾ ചെയ്ത ആൾ നിങ്ങളല്ലെങ്കിലും Microsoft Exchange, മറ്റ് ചില എക്സ്ചേഞ്ച് സെർവറുകൾ എന്നിവ ഉപയോഗിച്ച് ഒരു ഇവന്റിലേക്ക് നിങ്ങൾക്ക് ആളുകളെ ക്ഷണിക്കാവുന്നതാണ്.

പങ്കെടുക്കുന്നവർക്ക് പെട്ടെന്ന് ഇ-മെയിൽ ചെയ്യൂ

ഒരു ഇവന്റിലെ പങ്കെടുക്കുന്ന എല്ലാവർക്കും നിങ്ങൾക്ക് ഇ-മെയിൽ അയയ്ക്കാം-ഉദാഹരണത്തിന്, ഇവന്റ് വിശദാംശങ്ങൾ പങ്കിടാൻ.

  1. നിങ്ങളുടെ iPad-ലെ കലണ്ടർ ആപ്പിലേക്ക് പോകൂ.

  2. പങ്കെടുക്കുന്നവരുള്ള ഒരു ഇവന്റിൽ ടാപ്പ് ചെയ്യൂ.

  3. ‘ക്ഷണിതാക്കൾ’ എന്നതിൽ ടാപ്പ് ചെയ്യൂ, തുടർന്ന് ‘ക്ഷണിതാക്കൾക്ക് Mail അയയ്ക്കൂ’ ബട്ടൺ ടാപ്പ് ചെയ്യൂ.

ഇതും കാണൂiPad-ലെ ‘കലണ്ടറി’ൽ ക്ഷണങ്ങൾക്ക് മറുപടി നൽകാൻ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.