iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPad-ൽ ഫോട്ടോ ആൽബങ്ങൾ സൃഷ്ടിച്ച് അവ ഉപയോഗിച്ച് പ്രവർത്തിക്കൂ

നിങ്ങളുടെ ഫോട്ടോകളും വീഡിയോകളും കാണാനും ഓർഗനൈസ് ചെയ്യാനും ‘ഫോട്ടോസ്’ ആപ്പിൽ ആൽബങ്ങൾ ഉപയോഗിക്കൂ. നിങ്ങൾക്ക് ആൽബങ്ങളുടെ പേര് മാറ്റാനും അവ പുനഃക്രമീകരിക്കാനും ഡിലീറ്റ് ചെയ്യാനും ഒന്നിലധികം ആൽബങ്ങൾ ഉൾക്കൊള്ളാൻ ഫോൾഡറുകൾ സൃഷ്ടിക്കാനും കഴിയും.

‘ഫോട്ടോസ്’ ആപ്പ് ആൽബങ്ങളിലേക്ക് തുറന്നിരിക്കുന്നു. വ്യക്തിഗതം സെലക്റ്റ് ചെയ്തിരിക്കുന്നു. ബാക്കി iPad സ്ക്രീൻ ഒരു ഗ്രിഡിലെ ആൽബങ്ങളുടെ ലഘുചിത്രങ്ങൾ കാണിക്കുന്നു.

നിങ്ങൾ ‘iCloud ഫോട്ടോസ്’ ഉപയോഗിക്കുകയാണെങ്കിൽ, ആൽബങ്ങൾ iCloud-ൽ സംഭരിക്കപ്പെടും. ഒരേ Apple അക്കൗണ്ടിൽ സൈൻ ഇൻ ചെയ്തിരിക്കുന്ന എല്ലാ ഡിവൈസുകളിലും അവ അപ് ടു ഡേറ്റും ആക്സസ് ചെയ്യാവുന്നതുമാണ്. iCloud ഉപയോഗിച്ച് നിങ്ങളുടെ ഫോട്ടോകളും വീഡിയോകളും ബാക്ക്അപ്പ് ചെയ്ത് സിങ്ക് ചെയ്യൂ കാണൂ.

ഒരു പുതിയ ആൽബം സൃഷ്ടിക്കൂ

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. ലൈബ്രറി സൈഡ്ബാറിലെ ‘ആൽബങ്ങളി’ൽ ടാപ്പ് ചെയ്യൂ, തുടർന്ന് ‘എല്ലാ ആൽബങ്ങളും’ ടാപ്പ് ചെയ്യൂ (അല്ലെങ്കിൽ ‘ശേഖരങ്ങളി’ൽ ടാപ്പ് ചെയ്യൂ, തുടർന്ന് ‘ആൽബങ്ങളി’ൽ ടാപ്പ് ചെയ്യൂ).

  3. ‘ചേർക്കൂ’ ബട്ടൺ ടാപ്പ് ചെയ്യൂ ‘പുതിയ ആൽബം’ ടാപ്പ് ചെയ്യൂ.

  4. ആൽബത്തിന് ഒരു പേര് നൽകി, ഫോട്ടോകൾ ചേർത്ത്, ആൽബത്തെ പ്രതിനിധീകരിക്കാൻ ഒരു മുഖ്യ ഫോട്ടോ തിരഞ്ഞെടുക്കൂ.

  5. ‘സൃഷ്ടിക്കൂ’ ടാപ്പ് ചെയ്യൂ.

നിങ്ങൾ മറ്റുള്ള ആളുകളുമായി കൂട്ടുപ്രവർത്തനം നടത്തുന്ന ഒരു ആൽബം സൃഷ്ടിക്കുന്നതിന്, പങ്കിട്ട ആൽബങ്ങൾ സൃഷ്ടിക്കൂ കാണൂ.

ആൽബങ്ങൾ തരംതിരിക്കൂ

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. ലൈബ്രറി സൈഡ്ബാറിലെ ‘ആൽബങ്ങളി’ൽ ടാപ്പ് ചെയ്യൂ, തുടർന്ന് ‘എല്ലാ ആൽബങ്ങളും’ ടാപ്പ് ചെയ്യൂ (അല്ലെങ്കിൽ ‘ശേഖരങ്ങളി’ൽ ടാപ്പ് ചെയ്യൂ, തുടർന്ന് ‘ആൽബങ്ങളി’ൽ ടാപ്പ് ചെയ്യൂ).

  3. ‘കൂടുതൽ’ ബട്ടൺ ടാപ്പ് ചെയ്ത് ഒരു തരംതിരിക്കൽ ഓപ്ഷൻ തിരഞ്ഞെടുക്കൂ.

    നിങ്ങൾ ‘ഇഷ്ടാനുസൃത ക്രമ പ്രകാരം തരംതിരിക്കൂ’ തിരഞ്ഞെടുക്കുകയാണെങ്കിൽ, ഒരു ആൽബം തൊട്ടുപിടിക്കൂ, തുടർന്ന് അതിനെ ഒരു പുതിയ സ്ഥാനത്തേക്ക് വലിക്കൂ.

  4. ആൽബങ്ങൾ മാത്രം കാണിക്കാനോ ഫോൾഡറുകൾ മാത്രം കാണിക്കാനോ ‘കൂടുതൽ’ ബട്ടൺ ടാപ്പ് ചെയ്യൂ, ‘ഫിൽട്ടർ’ ടാപ്പ് ചെയ്യൂ, തുടർന്ന് ഒരു ഓപ്ഷൻ തിരഞ്ഞെടുക്കൂ.

ആൽബങ്ങളുടെ ലിസ്റ്റിന്റെ ഫോർമാറ്റ് മാറ്റാൻ, ‘കൂടുതൽ’ ബട്ടൺ ടാപ്പ് ചെയ്യൂ, തുടർന്ന് ‘ലിസ്റ്റ് കാഴ്ച’യോ ‘മുഖ്യ ഫോട്ടോ’യോ സെലക്റ്റ് ചെയ്യൂ.

ഒരു ആൽബത്തിന്റെ പേര് മാറ്റൂ

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. ‘ശേഖരങ്ങ’ളിൽ ടാപ്പ് ചെയ്യൂ, തുടർന്ന് ‘ആൽബങ്ങ’ളിൽ ടാപ്പ് ചെയ്യൂ.

  3. നിങ്ങൾക്ക് പേരുമാറ്റേണ്ട ആൽബത്തിൽ തൊട്ടുപിടിക്കൂ.

  4. ‘ടൈറ്റിലും ഫോട്ടോകളും എഡിറ്റ് ചെയ്യൂ’ ടാപ്പ് ചെയ്യൂ.

  5. ടെക്സ്റ്റ് ഫീൽഡിൽ പുതിയ പേര് നൽകൂ, തുടർന്ന് ‘കഴിഞ്ഞു’ ടാപ്പ് ചെയ്യൂ.

ഒരു ആൽബത്തിൽ നിന്നുള്ള ഫോട്ടോകൾ പങ്കിടൂ

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. ‘ശേഖരങ്ങ’ളിൽ ടാപ്പ് ചെയ്യൂ, തുടർന്ന് ‘ആൽബങ്ങ’ളിൽ ടാപ്പ് ചെയ്യൂ.

  3. ഒരു ആൽബം തുറക്കാൻ അതിൽ ടാപ്പ് ചെയ്യൂ.

  4. ‘സെലക്റ്റ് ചെയ്യൂ’ ടാപ്പ് ചെയ്യൂ, തുടർന്ന് നിങ്ങൾ പങ്കിടാൻ ആഗ്രഹിക്കുന്ന ഇനങ്ങളിൽ ടാപ്പ് ചെയ്യൂ. അല്ലെങ്കിൽ ആൽബത്തിലെ എല്ലാം പങ്കിടാൻ ‘സെലക്റ്റ് ചെയ്യൂ’ ടാപ്പ് ചെയ്ത് ‘എല്ലാം സെലക്റ്റ് ചെയ്യൂ’ ടാപ്പ് ചെയ്യൂ.

  5. ‘പങ്കിടൂ’ ബട്ടൺ ടാപ്പ് ചെയ്യൂ, തുടർന്ന് AirDrop, സന്ദേശങ്ങൾ അല്ലെങ്കിൽ Mail പോലുള്ള ഒരു പങ്കിടൽ ഓപ്ഷൻ തിരഞ്ഞെടുക്കൂ.

ഒരു ആൽബം ഡിലീറ്റ് ചെയ്യൂ

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. ‘ശേഖരങ്ങ’ളിൽ ടാപ്പ് ചെയ്യൂ, തുടർന്ന് ‘ആൽബങ്ങ’ളിൽ ടാപ്പ് ചെയ്യൂ.

  3. നിങ്ങൾക്ക് ഡിലീറ്റ് ചെയ്യേണ്ട ആൽബത്തിൽ തൊട്ടുപിടിക്കൂ.

  4. ‘ആൽബം ഡിലീറ്റ് ചെയ്യൂ’ ടാപ്പ് ചെയ്യൂ.

കുറിപ്പ്: നിങ്ങൾ ഒരു ആൽബം ഡിലീറ്റ് ചെയ്യുമ്പോൾ, അതിനുള്ളിലെ ഫോട്ടോകളും വീഡിയോകളും നിങ്ങളുടെ ഫോട്ടോ ലൈബ്രറിയിലും അവ ചേർത്ത മറ്റേതെങ്കിലും ആൽബങ്ങളിലും നിലനിൽക്കും.

ഫോൾഡറുകളിൽ ആൽബങ്ങൾ ഓർഗനൈസ് ചെയ്യൂ

നിങ്ങളുടെ ആൽബങ്ങൾ ഓർഗനൈസ് ചെയ്യാൻ നിങ്ങൾക്ക് ഫോൾഡറുകൾ സൃഷ്ടിക്കാം. നിങ്ങൾ ഒരു ഫോൾഡർ സൃഷ്ടിച്ചുകഴിഞ്ഞാൽ, അത് ‘ആൽബങ്ങളു’ടെ ശേഖരത്തിൽ ദൃശ്യമാകും.

  1. നിങ്ങളുടെ iPad-ലെ ഫോട്ടോസ് ആപ്പിലേക്ക് പോകൂ.

  2. ലൈബ്രറി സൈഡ്ബാറിലെ ‘ആൽബങ്ങളി’ൽ ടാപ്പ് ചെയ്യൂ, തുടർന്ന് ‘എല്ലാ ആൽബങ്ങളും’ ടാപ്പ് ചെയ്യൂ (അല്ലെങ്കിൽ ‘ശേഖരങ്ങളി’ൽ ടാപ്പ് ചെയ്യൂ, തുടർന്ന് ‘ആൽബങ്ങളി’ൽ ടാപ്പ് ചെയ്യൂ).

  3. ‘ചേർക്കൂ’ ബട്ടൺ ടാപ്പ് ചെയ്യൂ, തുടർന്ന് ‘പുതിയ ഫോൾഡർ’ ടാപ്പ് ചെയ്യൂ.

  4. ഫോൾഡറിന് പേര് നൽകിയ ശേഷം അതിലേക്ക് ആൽബങ്ങൾ ചേർക്കൂ.

  5. ‘സൃഷ്ടിക്കൂ’ ടാപ്പ് ചെയ്യൂ.

ഒരു ഫോൾഡറിൽ നിന്ന് ഒരു ആൽബം നീക്കംചെയ്യാൻ, അത് തുറക്കാൻ ഫോൾഡറിൽ ടാപ്പ് ചെയ്ത്, ഒരു ആൽബം തൊട്ടുപിടിക്കൂ, തുടർന്ന് ‘ഫോൾഡറിൽ നിന്ന് നീക്കം ചെയ്യൂ’ ടാപ്പ് ചെയ്യൂ.

ഇതും കാണൂiPad-ലെ ആൽബങ്ങളിൽ ഫോട്ടോകളും വീഡിയോകളും ചേർക്കൂ, ഡിലീറ്റ് ചെയ്യൂ, കണ്ടെത്തൂiPad-ലെ ആൽബങ്ങളിൽ ഫോട്ടോകളും വീഡിയോകളും ഫിൽട്ടർ ചെയ്ത് തരംതിരിക്കൂiPad-ലെ ‘ഫോട്ടോസി’ൽ പങ്കിട്ട ആൽബങ്ങൾ സൃഷ്ടിക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.