iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

നിങ്ങളുടെ കണ്ണിന്റെ ചലനം ഉപയോഗിച്ച് iPad നിയന്ത്രിക്കൂ

കണ്ണിന്റെ ട്രാക്കിങ്ങിനൊപ്പം, നിങ്ങളുടെ കണ്ണുകൾ മാത്രം ഉപയോഗിച്ച് നിങ്ങൾക്ക് iPad നിയന്ത്രിക്കാം. ഒരു ഓൺസ്ക്രീൻ പോയിന്റർ നിങ്ങളുടെ കണ്ണിന്റെ ചലനത്തെ പിന്തുടരുകയും, നിങ്ങൾ ഒരു ഇനം നോക്കി നിങ്ങളുടെ നോട്ടം നേരെയാക്കിപിടിക്കുമ്പോൾ അല്ലെങ്കിൽ ഡ്വെൽ ചെയ്യുമ്പോൾ, നിങ്ങൾ ഒരു ടാപ്പ് പോലുള്ള ഒരു പ്രവർത്തനം നടത്തുകയും ചെയ്യുന്നു. കണ്ണിന്റെ ട്രാക്കിങ് സജ്ജീകരിക്കാനും നിയന്ത്രിക്കാനും ഉപയോഗിക്കുന്ന എല്ലാ ഡാറ്റയും ഡിവൈസിൽ പ്രോസസ് ചെയ്യുന്നു.

നിങ്ങൾ ആരംഭിക്കുന്നതിന് മുൻപ്

കണ്ണിന്റെ ട്രാക്കിങ് iPad-ലെ ബിൽറ്റ്-ഇൻ, മുൻവശ ക്യാമറ ഉപയോഗിക്കുന്നു. മികച്ച ഫലങ്ങൾക്കായി, ക്യാമറ നിങ്ങളുടെ മുഖം വ്യക്തമായി കാണുന്നുണ്ടെന്നും നിങ്ങളുടെ മുഖത്ത് മതിയായ വെളിച്ചമുണ്ടെന്നും ഉറപ്പാക്കൂ. iPad നിങ്ങളുടെ മുഖത്ത് നിന്ന് ഏകദേശം ഒന്നര അടി അകലെ ഒരു സ്ഥിരതയുള്ള പ്രതലത്തിലായിരിക്കണം.

കണ്ണിന്റെ ട്രാക്കിങ് പിന്തുണയ്ക്കുന്ന iPad മോഡലുകളിൽ ലഭ്യമാണ്.

കണ്ണിന്റെ ട്രാക്കിങ് ഓൺ ചെയ്യൂ

  1. ക്രമീകരണം  > അക്സസബിലിറ്റി > കണ്ണിന്റെ ട്രാക്കിങ് എന്നതിലേക്ക് പോയി, കണ്ണിന്റെ ട്രാക്കിങ് ഓൺ ചെയ്യൂ.

  2. കണ്ണിന്റെ ട്രാക്കിങ് കാലിബ്രേറ്റ് ചെയ്യാൻ സ്ക്രീനിലെ നിർദേശങ്ങൾ പിന്തുടരൂ. സ്ക്രീനിന് ചുറ്റുമുള്ള വിവിധ ലൊക്കേഷനുകളിൽ ഒരു ഡോട്ട് ദൃശ്യമാകുമ്പോൾ, നിങ്ങളുടെ കണ്ണുകൾ കൊണ്ട് അതിന്റെ ചലനം പിന്തുടരൂ.

    കുറിപ്പ്: നിങ്ങൾ ഓരോ തവണയും കണ്ണിന്റെ ട്രാക്കിങ് ഓണാക്കുമ്പോൾ അത് കാലിബ്രേറ്റ് ചെയ്യേണ്ടതുണ്ട്.

കണ്ണിന്റെ ട്രാക്കിങ് ഉപയോഗിക്കൂ

നിങ്ങൾ കണ്ണിന്റെ ട്രാക്കിങ് ഓൺ ചെയ്ത് കാലിബ്രേറ്റ് ചെയ്തതിനുശേഷം, ഒരു ഓൺസ്ക്രീൻ പോയിന്റർ നിങ്ങളുടെ കണ്ണുകളുടെ ചലനത്തെ പിന്തുടരുന്നു. ഡിഫോൾട്ടായി, നിങ്ങൾ സ്ക്രീനിലെ ഒരു ഇനത്തിൽ നോക്കുമ്പോൾ, ഇനത്തിന് ചുറ്റും ഒരു ഔട്ട്ലൈൻ ദൃശ്യമാകും.

‘ഇനത്തിലേക്ക് സ്നാപ്പ് ചെയ്യൂ’ ഓഫാക്കിയിട്ടുണ്ടെങ്കിൽ, സ്ക്രീനിലെ ഒരു ലൊക്കേഷനിൽ നിങ്ങൾ നോട്ടം നേരെപിടിക്കുമ്പോൾ, നിങ്ങൾ നോക്കുന്ന സ്ഥലത്ത് ഡ്വെൽ പോയിന്റർ പ്രത്യക്ഷപ്പെടുകയും ഡ്വെൽ ടൈമർ ആരംഭിക്കുകയും ചെയ്യുന്നു (ഡ്വെൽ പോയിന്റർ സർക്കിൾ നിറയാൻ തുടങ്ങുന്നു). ഡ്വെൽ ടൈമർ പൂർത്തിയാകുമ്പോൾ, ഒരു പ്രവർത്തനം—ഡിഫോൾട്ടായി ടാപ്പ്-നടക്കുന്നു.

അധിക ഓൺസ്ക്രീൻ ആംഗ്യങ്ങൾ അല്ലെങ്കിൽ ഫിസിക്കൽ ബട്ടൺ അമർത്തലുകൾ നടത്താൻ, AssistiveTouch മെനു ഉപയോഗിക്കൂ. AssistiveTouch ഉപയോഗിക്കൂ എന്നത് കാണൂ.

കണ്ണിന്റെ ട്രാക്കിങ് വീണ്ടും കാലിബ്രേറ്റ് ചെയ്യൂ

നിങ്ങളുടെ മുഖത്തിന്റെയോ iPad-ന്റെയോ സ്ഥാനം നിങ്ങൾ മാറ്റുകയാണെങ്കിൽ, റീകാലിബ്രേഷൻ ആവശ്യമാണെങ്കിൽ കണ്ണിന്റെ ട്രാക്കിങ് കാലിബ്രേഷൻ ഓട്ടോമാറ്റിക്കായി ആരംഭിക്കുന്നു. നിങ്ങൾക്ക് മാനുവലായി കണ്ണിന്റെ ട്രാക്കിങ് കാലിബ്രേഷൻ ആരംഭിക്കാനും കഴിയും.

  1. നിങ്ങളുടെ സ്ക്രീനിന്റെ മുകളിലെ ഇടത് കോണിൽ നോക്കി നിങ്ങളുടെ നോട്ടം നേരെ പിടിക്കൂ.

    ഡ്വെൽ പോയിന്റർ പ്രത്യക്ഷപ്പെടുകയും ഡ്വെൽ ടൈമർ ആരംഭിക്കുകയും ചെയ്യുന്നു (ഡ്വെൽ പോയിന്റർ സർക്കിൾ നിറയാൻ തുടങ്ങുന്നു). ഡ്വെൽ ടൈമർ പൂർത്തിയാകുമ്പോൾ, കണ്ണിന്റെ ട്രാക്കിങ് കാലിബ്രേഷൻ ആരംഭിക്കുന്നു.

  2. കണ്ണിന്റെ ട്രാക്കിങ് കാലിബ്രേറ്റ് ചെയ്യാൻ സ്ക്രീനിലെ നിർദേശങ്ങൾ പിന്തുടരൂ. സ്ക്രീനിന് ചുറ്റുമുള്ള വിവിധ ലൊക്കേഷനുകളിൽ ഒരു ഡോട്ട് ദൃശ്യമാകുമ്പോൾ, നിങ്ങളുടെ കണ്ണുകൾ കൊണ്ട് അതിന്റെ ചലനം പിന്തുടരൂ.

കാലിബ്രേഷൻ വീണ്ടും ആരംഭിക്കാനോ മറ്റ് കോണുകളിലേക്ക് പ്രവർത്തനങ്ങൾ അസൈൻ ചെയ്യാനോ സ്ക്രീനിന്റെ ഏത് മൂലയിലേക്കാണ് നോക്കേണ്ടതെന്നത് നിങ്ങൾക്ക് മാറ്റാം. ഡ്വെൽ കൺട്രോൾ സജ്ജീകരിക്കൂ കാണൂ.

കണ്ണിന്റെ ട്രാക്കിങ്ങിനുള്ള ഓപ്ഷനുകൾ സജ്ജമാക്കൂ

നിങ്ങളുടെ നോട്ടത്തോട് കണ്ണിന്റെ ട്രാക്കിങ് പോയിന്റർ എങ്ങനെയാണ് പ്രതികരിക്കേണ്ടത് എന്നതിനുള്ള ഓപ്ഷനുകൾ നിങ്ങൾക്ക് സജ്ജമാക്കാം.

  1. ക്രമീകരണം  > ആക്സസബിലിറ്റി > കണ്ണിന്റെ ട്രാക്കിങ് എന്നതിലേക്ക് പോയി, താഴെപ്പറയുന്നവയിൽ ഏതെങ്കിലും ക്രമപ്പെടുത്തൂ:

    • സ്മൂത്തിങ്: പോയിന്ററിന്റെ ചലനം സുഗമമാക്കാൻ ഈ മൂല്യം കൂട്ടൂ. അല്ലെങ്കിൽ പോയിന്ററിനെ കൂടുതൽ പ്രതികരണശേഷിയുള്ളതാക്കാൻ ഈ മൂല്യം കുറയ്ക്കൂ.

    • ഇനത്തിലേക്ക് സ്നാപ്പ് ചെയ്യൂ: നിങ്ങൾ നോക്കുന്ന സ്ഥലത്തോട് ഏറ്റവും അടുത്തുള്ള സ്ക്രീനിലെ ഇനത്തിലേക്ക് കണ്ണിന്റെ ട്രാക്കിങ് പോയിന്റർ ഓട്ടോമാറ്റിക്കായി നീക്കൂ.

    • കീബോർഡ് കീകളിൽ സൂം ചെയ്യൂ: നിങ്ങൾ കീബോർഡിൽ ഡ്വെൽ ചെയ്യുമ്പോൾ, നിങ്ങൾ നോക്കുന്ന കീബോർഡിന്റെ സെക്ഷനിൽ സൂം ഇൻ ചെയ്യൂ. ടാപ്പ് ചെയ്യാൻ ഒരു കീയിൽ വീണ്ടും ഡ്വെൽ ചെയ്യൂ.

    • ഓട്ടോമാറ്റിക്കായി മറയ്ക്കൂ: നിർദിഷ്ട സമയത്തേക്ക് നിങ്ങളുടെ നോട്ടം നേരെയാക്കി പിടിച്ചു നിൽക്കുമ്പോൾ ’കണ്ണിന്റെ ട്രാക്കിങ് പോയിന്റർ’ കാണിക്കൂ. നിങ്ങളുടെ കണ്ണുകൾ ചലിക്കുമ്പോൾ, പോയിന്റർ ഓട്ടോമാറ്റിക്കായി മങ്ങുന്നു.

    • ഡ്വെൽ കൺട്രോൾ: ഡ്വെൽ കൺട്രോൾ ഓണാക്കുകയോ ഓഫാക്കുകയോ ചെയ്യൂ. ഡിഫോൾട്ട് ഡ്വെൽ പ്രവർത്തനവും ഡ്വെൽ ടൈമർ ദൈർഘ്യവും പോലുള്ള ഡ്വെൽ കൺട്രോളിനുള്ള ക്രമീകരണങ്ങൾ ക്രമപ്പെടുത്താൻ ഡ്വെൽ കൺട്രോൾ സജ്ജീകരിക്കൂ എന്നത് കാണൂ.

    • മുഖം കാണിക്കൂ മാർഗനിർദേശം: നിങ്ങളുടെ സ്ഥാനം ക്രമപ്പെടുത്തുന്നതിനുള്ള സഹായം ലഭിക്കുന്നതിന് ‘മുഖം കാണിക്കൂ മാർഗനിർദേശം’ ഓണാക്കുകയോ ഓഫാക്കുകയോ ചെയ്യൂ.

കണ്ണിന്റെ ട്രാക്കിങ് പോയിന്ററിന്റെ വലുപ്പമോ നിറമോ മാറ്റാൻ, ക്രമീകരണം > ആക്സസബിലിറ്റി > പോയിന്റർ കൺട്രോൾ എന്നതിലേക്ക് പോകൂ. പോയിന്ററിനെ കാണാൻ എളുപ്പമാക്കൂ എന്നത് കാണൂ.

ഒരു എക്സ്റ്റേണൽ കണ്ണിന്റെ ട്രാക്കിങ് ഡിവൈസ് iPad-നൊപ്പം ഉപയോഗിക്കൂ

iPad നിയന്ത്രിക്കാൻ നിങ്ങൾക്ക് Made for iPhone (MFi) കണ്ണിന്റെ ട്രാക്കിങ് ഡിവൈസും ഉപയോഗിക്കാം.

  1. നിങ്ങളുടെ ഡിവൈസിനെ Lightning അല്ലെങ്കിൽ (നിങ്ങളുടെ iPad മോഡലിനെ ആശ്രയിച്ച്) USB-C കണക്റ്റർ ഉപയോഗിച്ച് iPad-ലേക്ക് കണക്റ്റ് ചെയ്യാൻ കണ്ണിന്റെ ട്രാക്കിങ് ഡിവൈസ് നിർമ്മാതാവിന്റെ നിർദേശങ്ങൾ പാലിക്കുക.

  2. ഡിവൈസിന്റെ കംപാനിയൻ ആപ്പ് ഉപയോഗിച്ച് നിങ്ങളുടെ കണ്ണിന്റെ ട്രാക്കിങ് ഡിവൈസ് സജ്ജീകരിക്കൂ.

  3. ക്രമീകരണം  > ആക്സസബിലിറ്റി > ടച്ച് > AssistiveTouch എന്നതിലേക്ക് പോയി, AssistiveTouch ഓൺ ചെയ്യൂ.

  4. നിങ്ങളുടെ നോട്ടം ഇനത്തിൽ സ്ഥിരമായി നിൽക്കുമ്പോൾ സ്ക്രീനിലെ ഒരു ഇനവുമായി ഇന്ററാക്റ്റ് ചെയ്യാൻ നിങ്ങൾ ആഗ്രഹിക്കുന്നുവെങ്കിൽ, ഡ്വെൽ കൺട്രോൾ ഓണാക്കൂ.

    ഡിഫോൾട്ട് ഡ്വെൽ പ്രവർത്തനവും ഡ്വെൽ ടൈമർ ദൈർഘ്യവും പോലുള്ള ഡ്വെൽ കൺട്രോളിനുള്ള ക്രമീകരണങ്ങൾ ക്രമപ്പെടുത്താൻ ഡ്വെൽ കൺട്രോൾ സജ്ജീകരിക്കൂ എന്നത് കാണൂ.

  5. നിങ്ങളുടെ കണ്ണിന്റെ ട്രാക്കിങ് ഡിവൈസിനായി അധിക ഓപ്ഷനുകൾ സജ്ജമാക്കാൻ, ഡിവൈസുകൾ ടാപ്പ് ചെയ്യൂ (പോയിന്റർ ഡിവൈസുകൾക്ക് താഴെ), ഡിവൈസിന്റെ പേരിൽ ടാപ്പ് ചെയ്യൂ, തുടർന്ന് ഇനിപ്പറയുന്നവയിലേതെങ്കിലും ക്രമപ്പെടുത്തൂ:

    • അധിക ബട്ടണുകൾ ഇഷ്ടാനുസൃതമാക്കൂ: ഫിസിക്കൽ സ്വിച്ച് ഉപയോഗിച്ച് പ്രവർത്തനങ്ങൾ നടത്തൂ (നിങ്ങളുടെ കണ്ണിന്റെ ട്രാക്കിങ് ഡിവൈസ് പിന്തുണയ്ക്കുന്നുണ്ടെങ്കിൽ).

    • ഇനത്തിലേക്ക് സ്നാപ്പ് ചെയ്യൂ: നിങ്ങൾ നോക്കുന്ന സ്ഥലത്തോട് ഏറ്റവും അടുത്തുള്ള സ്ക്രീനിലെ ഇനത്തിലേക്ക് പോയിന്റർ ഓട്ടോമാറ്റിക്കായി നീക്കൂ.

    • ഓട്ടോമാറ്റിക്കായി മറയ്ക്കൂ: നിർദിഷ്ട സമയത്തേക്ക് നിങ്ങളുടെ നോട്ടം നേരെയാക്കി പിടിച്ചു നിൽക്കുമ്പോൾ ’കണ്ണിന്റെ ട്രാക്കിങ് പോയിന്റർ’ കാണിക്കൂ. നിങ്ങളുടെ കണ്ണുകൾ ചലിക്കുമ്പോൾ, പോയിന്റർ ഓട്ടോമാറ്റിക്കായി മങ്ങുന്നു.

പോയിന്ററിന്റെ നിറവും വലിപ്പവും മാറ്റാൻ, ക്രമീകരണം > ആക്സസബിലിറ്റി > പോയിന്റർ കൺട്രോൾ എന്നതിലേക്ക് പോകൂ. iPad-നൊപ്പം മൗസോ ട്രാക്ക്പാഡോ ഉപയോഗിക്കുമ്പോൾ പോയിന്ററിനെ എളുപ്പത്തിൽ കാണാൻ സഹായിക്കൂ കാണൂ.

ഇതും കാണൂiPad-ലെ മൊബിലിറ്റിക്കുള്ള ആക്സസബിലിറ്റി ഫീച്ചറുകൾ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.