iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPad-ലെ വോള്യം ക്രമപ്പെടുത്താൻ

വോള്യം ബട്ടണുകൾ, Siri അല്ലെങ്കിൽ കൺട്രോൾ സെന്റർ ഉപയോഗിച്ച് മീഡിയ, അലേർട്ടുകൾ, ശബ്ദ ഇഫക്റ്റുകൾ എന്നിവയുടെ വോള്യം ക്രമപ്പെടുത്തൂ.

വോള്യം ക്രമീകരിക്കാൻ വോള്യം ബട്ടണുകൾ അല്ലെങ്കിൽ Siri ഉപയോഗിക്കൂ

അലേർട്ടുകൾ, സൗണ്ട് ഇഫക്റ്റുകൾ, ഗാനങ്ങൾ, മറ്റ് മീഡിയ എന്നിവയുടെ വോള്യം ക്രമീകരിക്കാൻ iPad-ലെ വോള്യം ബട്ടണുകൾ ഉപയോഗിക്കൂ. (വോള്യം ബട്ടണുകൾ നിങ്ങളുടെ മോഡലിനെ ആശ്രയിച്ച് നിങ്ങളുടെ ഡിവൈസിന്റെ വശത്തോ മുകളിലോ ആണ്.)

ഓഡിയോ അലേർട്ടുകളും അറിയിപ്പുകളും നിശബ്ദമാക്കാൻ നിങ്ങൾക്ക് കൺട്രോൾ സെന്റർ ഉപയോഗിക്കാം.

കുറിപ്പ്: സംഗീതം, പോഡ്കാസ്റ്റുകൾ, സിനിമകൾ, ടിവി ഷോകൾ എന്നിവയിൽ നിന്നുള്ള ഓഡിയോ ‘ശല്യപ്പെടുത്തരുത്’ മ്യൂട്ട് ചെയ്യില്ല.

വോള്യം കൂട്ടാനോ കുറയ്ക്കാനോ നിങ്ങൾക്ക് Siri ഉപയോഗിക്കാം.

Siri: ‘Turn up the volume’ എന്നതുപോലെ എന്തെങ്കിലും Siri-യോട് ചോദിക്കൂ. Siri എങ്ങനെ ഉപയോഗിക്കാമെന്ന് അറിയൂ.

മുന്നറിയിപ്പ്: കേൾവിക്കുറവ് ഒഴിവാക്കുന്നതിനെ കുറിച്ചുള്ള പ്രധാന വിവരങ്ങൾക്ക് പ്രധാന സുരക്ഷാ വിവരങ്ങൾ എന്നത് കാണൂ.

മുൻവശത്ത് നിന്ന് കാണിക്കുന്ന രണ്ട് വ്യത്യസ്ത iPad മോഡലുകൾ. ഇടതുവശത്തുള്ള മോഡലിന് മുകളിൽ വലത് വശത്തുള്ള വോള്യം ബട്ടണുകളും മുകളിൽ വലത് വശത്ത് ടോപ്പ് ബട്ടണും ഉണ്ട്. വലതുവശത്തുള്ള മോഡലിൽ മുകളിൽ ഇടതുവശത്ത് വോള്യം ബട്ടണുകളും മുകളിൽ വലതുവശത്ത് ടോപ്പ്/Touch ID ബട്ടണും ഉണ്ട്.

റിങ്ങറും അലേർട്ട് വോള്യങ്ങളും ലോക്ക് ചെയ്യൂ

ക്രമീകരണം  ശബ്ദങ്ങൾ എന്നതിലേക്ക് പോയി, 'ബട്ടണുകൾ ഉപയോഗിച്ച് മാറ്റൂ' ഓഫാക്കൂ.

കൺട്രോൾ സെന്ററിൽ വോള്യം ക്രമപ്പെടുത്തൂ

iPad ലോക്ക് ചെയ്തിരിക്കുമ്പോഴോ നിങ്ങൾ ഒരു ആപ്പ് ഉപയോഗിക്കുമ്പോഴോ കൺട്രോൾ സെന്ററിൽ നിങ്ങൾക്ക് വോള്യം ക്രമപ്പെടുത്താം.

കൺട്രോൾ സെന്റർ തുറക്കൂ, ശേഷം വോള്യം സ്ലൈഡർ വലിക്കൂ.

ഉച്ചത്തിലുള്ള ഹെഡ്ഫോൺ ശബ്ദങ്ങൾ കുറയ്ക്കൂ

  1. നിങ്ങളുടെ iPad-ലെ ‘ക്രമീകരണം’  ആപ്പിലേക്ക് പോകൂ.

  2. ശബ്ദങ്ങൾ ടാപ്പ് ചെയ്യൂ.

  3. ഉച്ചത്തിലുള്ള ഓഡിയോ കുറയ്ക്കൂ ഓണാക്കൂ.

കുറിപ്പ്: നിങ്ങൾ ഒരു കുടുംബാംഗത്തിനായി സ്ക്രീൻ സമയം സജ്ജീകരിക്കുകയാണെങ്കിൽ, ‘ഉച്ചത്തിലുള്ള ഓഡിയോ കുറയ്ക്കൂ’ എന്നതിന്റെ ലെവൽ മാറ്റുന്നതിൽ നിന്ന് നിങ്ങൾക്ക് അവരെ തടയാം. ക്രമീകരണം > സ്ക്രീൻ സമയം > ഉള്ളടക്കവും സ്വകാര്യതാ നിയന്ത്രണങ്ങളും എന്നതിലേക്ക് പോയി, ‘ഉള്ളടക്കവും സ്വകാര്യതാ നിയന്ത്രണങ്ങളും’ ഓൺ ചെയ്ത്, ‘ഉച്ചത്തിലുള്ള ഓഡിയോ കുറയ്ക്കൂ’ എന്നതിൽ ടാപ്പ് ചെയ്തതിന് ശേഷം ‘അനുവദിക്കേണ്ട’ എന്നത് സെലക്റ്റ് ചെയ്യൂ.

സ്പീക്കർ വോള്യം പരിമിതപ്പെടുത്തൂ

നിങ്ങളുടെ iPad-ന്റെ ബിൽറ്റ്-ഇൻ സ്പീക്കർ വഴി പ്ലേ ചെയ്യുന്ന ശബ്ദത്തിന്റെ പരമാവധി വോള്യം നിങ്ങൾക്ക് പരിമിതപ്പെടുത്താം.

  1. നിങ്ങളുടെ iPad-ലെ ‘ക്രമീകരണം’  ആപ്പിലേക്ക് പോകൂ.

  2. ‘ശബ്ദങ്ങൾ’ ടാപ്പ് ചെയ്യൂ, തുടർന്ന് ‘വോള്യം ലിമിറ്റ്’ ടാപ്പ് ചെയ്യൂ.

  3. ‘പരമാവധി വോള്യം പരിമിതപ്പെടുത്തൂ’ ഓണാക്കൂ, തുടർന്ന് പരമാവധി വോള്യം വ്യക്തമാക്കാൻ സ്ലൈഡർ ഡ്രാഗ് ചെയ്യൂ.

കുറിപ്പ്: നിങ്ങൾ ഒരു കുടുംബാംഗത്തിനായി സ്ക്രീൻ സമയം സജ്ജീകരിക്കുകയാണെങ്കിൽ, സ്പീക്കർ വോള്യം പരിധി ലെവൽ മാറ്റുന്നതിൽ നിന്ന് നിങ്ങൾക്ക് അവരെ തടയാം. ക്രമീകരണം > സ്ക്രീൻ സമയം > ഉള്ളടക്കവും സ്വകാര്യതാ നിയന്ത്രണങ്ങളും എന്നതിലേക്ക് പോയി, ‘ഉള്ളടക്കവും സ്വകാര്യതാ നിയന്ത്രണങ്ങളും’ ഓൺ ചെയ്ത്, ‘സ്പീക്കർ വോള്യം പരിധി’ എന്നതിൽ ടാപ്പ് ചെയ്തതിന് ശേഷം ‘അനുവദിക്കേണ്ട’ എന്നത് സെലക്റ്റ് ചെയ്യൂ.

ശബ്ദം മ്യൂട്ട് ചെയ്യൂ

ഇനിപ്പറയുന്നവയിലൊന്ന് ചെയ്യൂ:

  • വോള്യം ഡൗൺ ബട്ടൺ അമർത്തിപ്പിടിക്കൂ.

  • കൺട്രോൾ സെന്റർ തുറക്കൂ, തുടർന്ന് നിശബ്ദ മോഡ് ഓണാക്കാൻ ‘നിശബ്ദ മോഡ് ഓഫ് ചെയ്യൂ’ ബട്ടൺ ടാപ്പ് ചെയ്യൂ. ഓഫാക്കാൻ വീണ്ടും ടാപ്പ് ചെയ്യൂ.

‘ശല്യപ്പെടുത്തരുത്’ ഓണാക്കി iPad നിശ്ശബ്ദമാക്കൂ

ശല്യപ്പെടുത്തരുത് ഓൺ ചെയ്തുകൊണ്ട് നിങ്ങൾക്ക് കോളുകളും അലേർട്ടുകളും അറിയിപ്പുകളും താൽക്കാലികമായി നിശബ്ദമാക്കാം.

  1. കൺട്രോൾ സെന്റർ തുറക്കൂ.

  2. ഫോക്കസ് ടാപ്പ് ചെയ്തതിന് ശേഷം ’ശല്യപ്പെടുത്തരുത്’ ടാപ്പ് ചെയ്യൂ.

    ‘ശല്യപ്പെടുത്തരുത്’ ഓണാക്കുമ്പോൾ, ഇൻകമിങ് കോളുകൾ, ടെക്സ്റ്റുകൾ, അറിയിപ്പുകൾ എന്നിവയ്ക്കുള്ള റിങ്ടോണുകളോ ടെക്സ്റ്റ് ടോണുകളോ നിങ്ങൾക്ക് കേൾക്കാനാകില്ല. ‘ശല്യപ്പെടുത്തരുത്’ ഐക്കൺ സ്ക്രീനിന്റെ മുകളിലുള്ള സ്റ്റാറ്റസ് ബാറിലും ദൃശ്യമാകുന്നു.

ഒരു ഫോക്കസ് ഓൺ ചെയ്യുകയോ ഷെഡ്യൂൾ ചെയ്യുകയോ ചെയ്യൂ എന്നത് കാണൂ.

iPad-ൽ, ഹെഡ്ഫോൺ ഓഡിയോ കേൾക്കുമ്പോൾ ഉച്ചത്തിലുള്ള ശബ്ദത്തിൽ നിന്ന് നിങ്ങളുടെ കേൾവിശക്തി സംരക്ഷിക്കാൻ നിരവധി മാർഗങ്ങളുണ്ട്. ഹെഡ്ഫോൺ ഓഡിയോ-ലെവൽ ഫീച്ചറുകൾ ഉപയോഗിക്കൂ എന്നത് കാണൂ.

Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.