iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPad-ൽ Apple Card ഉപയോഗിക്കൂ

Apple Card എന്നത് Apple സൃഷ്ടിച്ചതും ആരോഗ്യകരമായ സാമ്പത്തിക ജീവിതം നയിക്കാൻ നിങ്ങളെ സഹായിക്കുന്നതിനായി രൂപകൽപ്പന ചെയ്തതുമായ ഒരു ക്രെഡിറ്റ് കാർഡാണ്. നിങ്ങൾക്ക് മിനിറ്റുകൾക്കുള്ളിൽ iPhone-ലെ Apple Card-നായി സൈൻ അപ്പ് ചെയ്യുകയും ഉടൻ തന്നെ Apple Pay ഉപയോഗിച്ച് ലോകമെമ്പാടുമുള്ള സ്റ്റോറുകളിലും ആപ്പുകളിലും ഓൺലൈനിലും ഇത് ഉപയോഗിച്ച് തുടങ്ങുകയും ചെയ്യാം. Apple Card നിങ്ങൾക്ക് എളുപ്പത്തിൽ മനസ്സിലാക്കാവുന്നതും നിങ്ങളുടെ ഏറ്റവും പുതിയ ഇടപാടുകളുടെയും ബാലൻസിന്റെയും റിയൽ-ടൈം കാഴ്ചകൾ നൽകുന്നു, കൂടാതെ ‘സന്ദേശങ്ങളി’ൽ നിന്നുള്ള ഒരു ടെക്സ്റ്റ് അയച്ചാൽ Apple Card പിന്തുണ ഏത് സമയത്തും ലഭ്യമാകുകയും ചെയ്യും.

കുറിപ്പ്: Apple Card യുഎസ്സിൽ മാത്രം ലഭ്യമാണ്

Apple Card-ന് അപേക്ഷിക്കൂ

  1. നിങ്ങളുടെ iPad-ലെ ക്രമീകരണം ആപ്പിലേക്ക് പോകൂ.

  2. ‘വാലറ്റും Apple Pay-യും’ ടാപ്പ് ചെയ്യൂ.

  3. കാർഡ് ചേർക്കൂ ടാപ്പ് ചെയ്യൂ, തുടർന്ന് ‘Apple Card-നായി അപേക്ഷിക്കൂ’ ടാപ്പ് ചെയ്യൂ.

കൂടുതൽ വിവരങ്ങൾക്ക്, എങ്ങനെ Apple Card-നായി അപേക്ഷിക്കാം എന്ന Apple പിന്തുണ ലേഖനം കാണൂ.

Apple Card ഉപയോഗിച്ച് വാങ്ങലുകൾ നടത്തൂ

താഴെപ്പറയുന്ന രീതികളിൽ നിങ്ങൾക്ക് Apple Card ഉപയോഗിച്ച് വാങ്ങലുകൾ നടത്താം:

  • Apple Pay-ക്കൊപ്പം: സമ്പർക്കരഹിത പേയ്മെന്റ് ടെർമിനലുകളിലും (iPhone-ൽ മാത്രം) ആപ്പുകളിലും വെബിലും.

  • വെർച്വൽ കാർഡ് നമ്പറിനൊപ്പം: Apple Pay പിന്തുണയ്ക്കുന്നില്ലെങ്കിൽ, ചെക്ക്ഔട്ട് സമയത്ത് ഓട്ടോ-ഫിൽ ഉപയോഗിക്കൂ. അല്ലെങ്കിൽ കാർഡ് നമ്പർ, കാലഹരണ തീയതി, സുരക്ഷാ കോഡ് എന്നിവ കാണാൻ ക്രമീകരണത്തിലേക്ക് പോകൂ, വാലറ്റും Apple Pay-യും ടാപ്പ് ചെയ്യൂ, Apple Card ടാപ്പ് ചെയ്യൂ, തുടർന്ന് കാർഡ് വിവരങ്ങൾ ടാപ്പ് ചെയ്യൂ.

  • ടൈറ്റാനിയം കാർഡ് ഉപയോഗിച്ച്: Apple Pay ഇതുവരെ സ്വീകരിക്കപ്പെടാത്ത സ്റ്റോറുകളിലും റെസ്റ്റോറന്റുകളിലും മറ്റ് ലൊക്കേഷനുകളിലും ഫിസിക്കൽ കാർഡ് ഉപയോഗിക്കൂ.

ഇടപാടുകൾ കാണുകയും പേയ്മെന്റുകൾ നടത്തുകയും നിങ്ങളുടെ Apple Card മാനേജ് ചെയ്യുകയും ചെയ്യൂ

  1. നിങ്ങളുടെ iPad-ലെ ക്രമീകരണം ആപ്പിലേക്ക് പോകൂ.

  2. ‘വാലറ്റും Apple Pay-യും’ ടാപ്പ് ചെയ്യൂ, തുടർന്ന് Apple Card ടാപ്പ് ചെയ്യൂ.

  3. ഇനിപ്പറയുന്നവയിൽ ഏതെങ്കിലും ചെയ്യൂ:

    • നിങ്ങളുടെ ചെലവുകൾ റിവ്യൂ ചെയ്യാൻ: ഇടപാടുകൾ ടാപ്പ് ചെയ്യൂ.

      നിങ്ങളുടെ Apple Card ചെലവ് ചരിത്രം കാണൂ എന്ന Apple പിന്തുണ ലേഖനം കാണൂ.

    • ഒറ്റത്തവണ പേയ്മെന്റ് നടത്തുകയോ ഓട്ടോമാറ്റിക് പേയ്മെന്റുകൾ ഷെഡ്യൂൾ ചെയ്യുകയോ ചെയ്യാൻ: ഒരു പേയ്മെന്റ് നടത്തൂ അല്ലെങ്കിൽ ഓട്ടോപേ ടാപ്പ് ചെയ്യൂ. എങ്ങനെ Apple Card പേയ്മെന്റുകൾ നടത്താം എന്ന Apple പിന്തുണ ലേഖനം കാണൂ.

    • വെർച്വൽ കാർഡ് നമ്പർ കാണാൻ: കാർഡ് നമ്പർ, കാലഹരണ തീയതി, സുരക്ഷാ കോഡ് എന്നിവ കാണാൻ കാർഡ് വിവരങ്ങൾ ടാപ്പ് ചെയ്യൂ.

    • നിങ്ങളുടെ അക്കൗണ്ട് മാനേജ് ചെയ്യാൻ: അക്കൗണ്ട് വിശദാംശങ്ങളും കോൺടാക്റ്റ് പിന്തുണയും മറ്റും കാണൂ.

നുറുങ്ങ്: നിങ്ങളുടെ ബാലൻസ്, ലഭ്യമായ ക്രെഡിറ്റ്, ചെലവ് പ്രവർത്തനം എന്നിവ ഒറ്റനോട്ടത്തിൽ കാണാൻ, നിങ്ങളുടെ ഹോം സ്ക്രീനിലേക്ക് Apple Card വിജറ്റ് ചേർക്കൂ.

1. Daily Cash, Apple Cash-നും ഒരു സേവിങ്സ് അക്കൗണ്ടിനും ഇടയിൽ വിഭജിക്കപ്പെടാനിടയില്ല. Apple Card-ന്റെ ഉടമകളും സഹ-ഉടമകളും അവരുടെ Daily Cash എപ്പോൾ വേണമെങ്കിലും നിക്ഷേപിച്ചിരിക്കുന്ന സ്ഥലം വ്യക്തിഗതമായി മാറ്റിയേക്കാം. സേവിങ്സ് തുറക്കാൻ, iOS-ന്റെ അല്ലെങ്കിൽ iPadOS-ന്റെ ഏറ്റവും പുതിയ പതിപ്പുള്ള iPhone-ലെയോ iPad-ലെയോ വാലറ്റിലേക്ക് നിങ്ങൾ Apple Card ചേർക്കണം. Apple ഒരു ധനകാര്യ സ്ഥാപനമല്ല. Goldman Sachs Bank USA, Salt Lake City Branch ആണ് Apple Card-ഉം സേവിങ്സും ഇഷ്യു ചെയ്യുന്നതും നൽകുന്നതും. FDIC അംഗം.
2. Green Dot Bank ആണ് Apple Cash നൽകുന്നത്. FDIC അംഗം.
ഇതും കാണൂApple പിന്തുണ ലേഖനം: Apple Wallet-ൽ സേവിങ്സ് സജ്ജീകരിക്കുകയും ഉപയോഗിക്കുകയും ചെയ്യൂApple പിന്തുണ ലേഖനം: Apple Card കുടുംബം സജ്ജീകരിക്കുകയും ഒരു സഹ ഉടമയെയും പങ്കാളികളെയും ചേർക്കുകയും ചെയ്യൂApple കാർഡ് പിന്തുണ വെബ്സൈറ്റ്
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.