iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPad-ലെ Apple TV ആപ്പ് ക്രമീകരണങ്ങൾ മാറ്റൂ

Apple TV ആപ്പിനായി നിങ്ങൾക്ക് സ്ട്രീമിങ്, ഡൗൺലോഡ് ക്രമീകരണങ്ങൾ ക്രമപ്പെടുത്താം. വ്യക്തിഗതമാക്കിയ ശുപാർശകൾ നൽകാനും തത്സമയ സ്പോർട്ട്സ് സ്കോറുകളും ‘കാണുന്നത് തുടരൂ’ വിലെ ഇനങ്ങളും ഉൾപ്പെടെ Apple TV ആപ്പിൽ ദൃശ്യമാകുന്നവ തിരഞ്ഞെടുക്കാനുമായി Apple TV ആപ്പ് നിങ്ങളുടെ ‘കാണൽ ചരിത്രം’ ഉപയോഗിക്കുന്നതിന്റെ രീതിയും നിങ്ങൾക്ക് മാറ്റാനാകും.

സ്ട്രീമിങ്, ഡൗൺലോഡ് ഓപ്ഷനുകൾ മാറ്റൂ

  1. നിങ്ങളുടെ iPad-ലെ ‘ക്രമീകരണം’  ആപ്പിലേക്ക് പോകൂ.

  2. ‘ആപ്പുകൾ’ ടാപ്പ് ചെയ്യൂ, തുടർന്ന് ‘ടിവി’ ടാപ്പ് ചെയ്യൂ.

  3. സ്ട്രീമിങ് ഓപ്ഷനുകൾ തിരഞ്ഞെടുക്കൂ:

    • മൊബൈൽ ഡാറ്റ ഉപയോഗിക്കാൻ: (Wi-Fi + Cellular മോഡലുകൾ) സ്ട്രീമിങ് Wi-Fi കണക്ഷനുകളിലേക്ക് പരിമിതപ്പെടുത്തുന്നത് ഓഫ് ചെയ്യൂ.

    • മൊബൈൽ സേവനം: (Wi-Fi + Cellular മോഡലുകൾ) ‘ഉയർന്ന ഗുണനിലവാരം’ അല്ലെങ്കിൽ ‘ഓട്ടോമാറ്റിക്’ തിരഞ്ഞെടുക്കൂ.

    • Wi-Fi: ഉയർന്ന ഗുണനിലവാരം അല്ലെങ്കിൽ ഡാറ്റ സേവർ തിരഞ്ഞെടുക്കൂ.

      ഉയർന്ന ഗുണനിലവാരത്തിന് വേഗതയേറിയ ഇന്റർനെറ്റ് കണക്ഷൻ ആവശ്യമാണ്, കൂടുതൽ ഡാറ്റയും ഉപയോഗിക്കുന്നു.

  4. ഡൗൺലോഡ് ഓപ്ഷനുകൾ തിരഞ്ഞെടുക്കൂ:

    • മൊബൈൽ ഡാറ്റ ഉപയോഗിക്കാൻ: (Wi-Fi + Cellular മോഡലുകൾ) ഡൗൺലോഡുകൾ Wi-Fi കണക്ഷനുകളിലേക്ക് പരിമിതപ്പെടുത്തുന്നത് ഓഫ് ചെയ്യൂ.

    • മൊബൈൽ സേവനം: (Wi-Fi + Cellular മോഡലുകൾ) ‘ഉയർന്ന ഗുണനിലവാരം’ അല്ലെങ്കിൽ ‘അതിവേഗ ഡൗൺലോഡുകൾ’ തിരഞ്ഞെടുക്കൂ.

    • Wi-Fi: ഉയർന്ന ഗുണനിലവാരം അല്ലെങ്കിൽ അതിവേഗ ഡൗൺലോഡുകൾ തിരഞ്ഞെടുക്കൂ.

      ഉയർന്ന ഗുണനിലവാരം ഡൗൺലോഡുകൾ മന്ദഗതിയിലാക്കുന്നതിനും കൂടുതൽ ഡാറ്റ ഉപയോഗിക്കുന്നതിനും കാരണമാകുന്നു.

    • ഭാഷകൾ: ഒരു ഭാഷ തിരഞ്ഞെടുക്കൂ. ചേർക്കപ്പെട്ട ഓരോ ഓഡിയോ ഭാഷയും ഡൗൺലോഡ് വലിപ്പം കൂട്ടുന്നു. ഒരു ഭാഷ നീക്കം ചെയ്യാൻ, നിങ്ങൾ നീക്കം ചെയ്യാൻ ആഗ്രഹിക്കുന്ന ഭാഷയിൽ ഇടത്തേക്ക് സ്വൈപ്പ് ചെയ്യൂ, തുടർന്ന് ‘ഡിലീറ്റ് ചെയ്യൂ’ ടാപ്പ് ചെയ്യൂ.

      നിങ്ങളുടെ രാജ്യത്തിന്റെയോ പ്രദേശത്തിന്റെയോ പ്രാഥമിക ഭാഷയാണ് ഡിഫോൾട്ട് ഭാഷ. നിങ്ങൾ ‘ആക്സസബിലിറ്റി ക്രമീകരണങ്ങളി’ൽ ഓഡിയോ വിവരണങ്ങൾ ഓണാക്കുകയാണെങ്കിൽ, ഓഡിയോ വിവരണങ്ങളും ഡൗൺലോഡ് ചെയ്യപ്പെടും.

നിങ്ങളുടെ കാണൽ ചരിത്രം എങ്ങനെ ഉപയോഗിക്കുന്നുവെന്നത് മാറ്റൂ

ഡിഫോൾട്ടായി, iPad-ൽ നിങ്ങൾ കാണുന്നത് നിങ്ങളുടെ വ്യക്തിഗതമാക്കിയ ശുപാർശകളെയും നിങ്ങൾ ഒരേ Apple അക്കൗണ്ടിൽ സൈൻ ഇൻ ചെയ്ത എല്ലാ ഡിവൈസുകളിലെയും വാച്ച്ലിസ്റ്റിനെയും ബാധിക്കും.

താഴെ പറയുന്നവയിൽ ഏതെങ്കിലും നിങ്ങൾക്ക് ചെയ്യാം:

  • നിങ്ങളുടെ കാണൽ ചരിത്രം മായ്ക്കാൻ: Apple TV ആപ്പിലേക്ക് പോകൂ, സൈഡ്ബാർ ബട്ടൺ ടാപ്പ് ചെയ്യൂ, തുടർന്ന് താഴെ ഇടത് വശത്തുള്ള നിങ്ങളുടെ ചിത്രമോ ഇനീഷ്യലുകളോ ടാപ്പ് ചെയ്യൂ. സ്വകാര്യതയും ആക്സസും ടാപ്പ് ചെയ്യൂ, തുടർന്ന് ‘പ്ലേ ചരിത്രം മായ്ക്കൂ’ ടാപ്പ് ചെയ്യൂ.

  • നിങ്ങളുടെ കാണൽ ചരിത്രത്തെ അടിസ്ഥാനമാക്കിയുള്ള വ്യക്തിഗതമാക്കൽ ഫീച്ചറുകൾ ഓഫ് ചെയ്യാൻ: ക്രമീകരണം ആപ്പിലേക്ക് പോകൂ, ‘ആപ്പുകൾ’ ടാപ്പ് ചെയ്യൂ, തുടർന്ന് ‘ടിവി’ ടാപ്പ് ചെയ്ത് ‘പ്ലേ ചരിത്രം ഉപയോഗിക്കൂ’ ഓഫ് ചെയ്യൂ.

ഓട്ടോ പ്ലേ ക്രമീകരണങ്ങൾ മാറ്റൂ

ഡിഫോൾട്ടായി, നിങ്ങൾ ഒരു ടിവി ഷോയുടെ ഒരു എപ്പിസോഡ് കണ്ട് പൂർത്തിയാക്കുമ്പോൾ, അടുത്ത എപ്പിസോഡ് ഓട്ടോമാറ്റിക്കായി പ്ലേ ചെയ്യും. നിങ്ങൾ ഒരു സീരീസ്, മൂവി, അല്ലെങ്കിൽ സ്പോർട്ട്സ് ഇവന്റ് എന്നിവ പൂർത്തിയാക്കുമ്പോൾ, ശുപാർശ ചെയ്ത ഉള്ളടക്കം ഓട്ടോമാറ്റിക്കായി പ്ലേ ചെയ്യും. നിങ്ങൾക്ക് ഈ ക്രമീകരണങ്ങൾ മാറ്റാം, അതിനായി.

  1. നിങ്ങളുടെ iPad-ലെ Apple TV ആപ്പിലേക്ക് പോകൂ.

  2. സൈഡ്ബാർ ബട്ടൺ ടാപ്പ് ചെയ്യൂ, താഴെ ഇടത് വശത്തുള്ള നിങ്ങളുടെ ചിത്രത്തിലോ ഇനീഷ്യലുകളിലോ ടാപ്പ് ചെയ്യൂ, തുടർന്ന് ‘പ്ലേബാക്ക്' ടാപ്പ് ചെയ്യൂ.

  3. താഴെപ്പറയുന്നവയിൽ ഏതെങ്കിലും ചെയ്യൂ:

    • അടുത്ത എപ്പിസോഡ് ഓട്ടോമാറ്റിക്കായി പ്ലേ ചെയ്യാൻ: ‘അടുത്ത എപ്പിസോഡ് പ്ലേ ചെയ്യൂ’ ഓണാക്കുകയോ ഓഫാക്കുകയോ ചെയ്യൂ.

    • ഒരു സീരീസ്, മൂവി, അല്ലെങ്കിൽ സ്പോർട്ട്സ് ഇവന്റ് എന്നിവ പൂർത്തിയാക്കിയ ശേഷം നിങ്ങൾക്കായി ശുപാർശ ചെയ്യുന്ന ഉള്ളടക്കം ഓട്ടോമാറ്റിക്കായി പ്ലേ ചെയ്യാൻ: ‘ഒരു ശുപാർശ പ്ലേ ചെയ്യൂ’ ഓണാക്കുകയോ ഓഫാക്കുകയോ ചെയ്യൂ.

നിങ്ങളുടെ ഡിവൈസ് മുൻഗണനകൾ മാറ്റൂ

  1. നിങ്ങളുടെ iPad-ലെ ‘ക്രമീകരണം’  ആപ്പിലേക്ക് പോകൂ.

  2. ‘ആപ്പുകൾ’ ടാപ്പ് ചെയ്യൂ, തുടർന്ന് ‘ടിവി’ ടാപ്പ് ചെയ്യൂ.

  3. താഴെപ്പറയുന്നവയിൽ ഏതെങ്കിലും ചെയ്യൂ:

    • തത്സമയ സ്പോർട്ട്സ് സ്കോറുകൾ കാണിക്കുകയോ മറയ്ക്കുകയോ ചെയ്യാൻ: സ്പോർട്ട്സ് സ്കോറുകൾ കാണിക്കൂ ഓഫ് ചെയ്യൂ.

    • വ്യക്തിഗതമാക്കിയ ശുപാർശകൾക്കും ‘കാണുന്നത് തുടരൂ’വിനും നിങ്ങളുടെ കാണൽ ചരിത്രം ഉപയോഗിക്കാൻ: ‘പ്ലേ ചരിത്രം ഉപയോഗിക്കൂ’ ഓണാക്കൂ.

എല്ലാ ഫീച്ചറുകളും ഉള്ളടക്കവും എല്ലാ രാജ്യങ്ങളിലും പ്രദേശങ്ങളിലും ലഭ്യമല്ല.
ഇതും കാണൂiPad-ലെ Apple TV ആപ്പിലേക്ക് നിങ്ങളുടെ TV സേവനദാതാവിനെ ചേർക്കൂiPad-ലെ Apple TV ആപ്പിൽ ഷോകളും മൂവികളും മറ്റും കണ്ടെത്തൂiPad-ലെ Apple TV ആപ്പിൽ ഹോം ടാബ് വ്യക്തിഗതമാക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.