iPad-ലെ ‘സന്ദേശങ്ങളി’ൽ ആളുകളെ പോൾ ചെയ്യിപ്പിക്കൂ

എന്ത് കഴിക്കണം, ഏത് സിനിമ കാണണം, എവിടെ യാത്ര ചെയ്യണം, എപ്പോൾ കണ്ടുമുട്ടണം എന്നിങ്ങനെയുള്ള കാര്യങ്ങൾ തീരുമാനിക്കാൻ നിങ്ങൾക്ക് ഏത് iMessage സംഭാഷണത്തിലും ഒരു പോൾ അയയ്ക്കാം. സംഭാഷണത്തിലെ എല്ലാവർക്കും ഓപ്ഷനുകൾ സംഭാവന ചെയ്യാനും വോട്ടുകൾ വരുന്നതിനനുസരിച്ച് കാണാനും കഴിയും.

കുറിപ്പ്: ഒരു പോൾ തുടങ്ങാനോ കാണാനോ, അതിൽ വോട്ട് ചെയ്യാനോ iMessage നിങ്ങൾ iOS 26, iPadOS 26, macOS Tahoe, watchOS 26, visionOS 26, എന്നിവയിലോ അതിന് ശേഷമുള്ളവയിലോ ഉപയോഗിക്കണം.

‘സന്ദേശങ്ങളി’ലെ ഒരു പോൾ.

ഒരു പോൾ തുടങ്ങാൻ

  1. നിങ്ങളുടെ iPad-ലെ സന്ദേശങ്ങൾ ആപ്പിലേക്ക് പോകൂ.

  2. ഒരു സംഭാഷണത്തിൽ, ‘ചേർക്കൂ’ ബട്ടൺ ടാപ്പ് ചെയ്യൂ, തുടർന്ന് ‘പോളുകൾ’ ടാപ്പ് ചെയ്യൂ.

  3. ഓപ്ഷനുകൾ ചേർക്കാൻ ഓരോ റോയിലും ടാപ്പ് ചെയ്യൂ. ഒരു പോളിന് 12 ഓപ്ഷനുകൾ വരെ ഉണ്ടാകാം.

  4. അയയ്ക്കൂ ബട്ടൺ ടാപ്പ് ചെയ്യൂ.

നുറുങ്ങ്: പോളിനുള്ള നിർദേശങ്ങൾ ലഭിക്കാൻ Apple Intelligence* ഓണാക്കൂ.

ഒരു പോളിൽ വോട്ടുചെയ്യാൻ

  1. നിങ്ങളുടെ iPad-ലെ സന്ദേശങ്ങൾ ആപ്പിലേക്ക് പോകൂ.

  2. ഒരു പോൾ ഉൾപ്പെടുന്ന സംഭാഷണം തുറക്കൂ.

  3. നിങ്ങളുടെ വോട്ട് ചേർക്കാൻ ഒരു ഓപ്ഷൻ ടാപ്പ് ചെയ്യൂ. നിങ്ങളുടെ വോട്ട് നീക്കം ചെയ്യാൻ വീണ്ടും ടാപ്പ് ചെയ്യൂ. നിങ്ങൾക്ക് ‘ഒന്നുമില്ല’ എന്നതിനോ എല്ലാ ഓപ്ഷനുകൾക്കും വേണ്ടിയോ വോട്ടു ചെയ്യാം.

ഒരു പോളിൽ ഒരു ഓപ്ഷൻ ചേർക്കൂ

ഒരു പോളിൽ പങ്കെടുക്കുന്ന ആർക്കും അതിലേക്ക് ഒരു ഓപ്ഷൻ ചേർക്കാൻ കഴിയും.

  1. നിങ്ങളുടെ iPad-ലെ സന്ദേശങ്ങൾ ആപ്പിലേക്ക് പോകൂ.

  2. ഒരു പോൾ ഉൾപ്പെടുന്ന സംഭാഷണം തുറക്കൂ.

  3. ‘ചോയ്സ് ചേർക്കൂ’ എന്നതിൽ ടാപ്പ് ചെയ്യൂ, തുടർന്ന് മറ്റൊരു ഓപ്ഷൻ നൽകൂ.

  4. പോളിൽ ഓപ്ഷൻ ചേർക്കാൻ അയയ്ക്കൂ ബട്ടൺ ടാപ്പ് ചെയ്യൂ.

    കുറിപ്പ്: വോട്ടുകൾ ഇല്ലാതെ ഓപ്ഷനുകൾ ചേർക്കപ്പെടും. നിങ്ങൾ ചേർക്കുന്ന ഏതെങ്കിലും ഓപ്ഷനിൽ വോട്ടുചെയ്യാൻ ടാപ്പ് ചെയ്യൂ.

ഒരു പോളിന്റെ ഫലങ്ങൾ പരിശോധിക്കാൻ

ആളുകൾ എങ്ങനെ വോട്ട് ചെയ്തു എന്നോ ആരൊക്കെ ഇതുവരെ വോട്ട് ചെയ്തിട്ടില്ല എന്നോ നിങ്ങൾക്ക് കാണാൻ കഴിയും.

  1. നിങ്ങളുടെ iPad-ലെ സന്ദേശങ്ങൾ ആപ്പിലേക്ക് പോകൂ.

  2. ഒരു പോൾ ഉൾപ്പെടുന്ന സംഭാഷണം തുറക്കൂ.

  3. പോളിൽ തൊട്ടുപിടിച്ച ശേഷം ‘പോൾ വിശദാംശങ്ങൾ എഡിറ്റ് ചെയ്യൂ’ എന്നതിൽ ടാപ്പ് ചെയ്യൂ.

*Apple Intelligence ഇനിപ്പറയുന്ന ഭാഷകൾക്കുള്ള പിന്തുണയുമായി ബീറ്റയിൽ ലഭ്യമാണ്: ഇംഗ്ലീഷ്, ഡാനിഷ്, ഡച്ച്, ഫ്രഞ്ച്, ജർമൻ, ഇറ്റാലിയൻ, നോർവീജിയൻ, പോർച്ചുഗീസ്, സ്പാനിഷ്, സ്വീഡിഷ്, ടർക്കിഷ്, ചൈനീസ് (ലളിതമാക്കിയത്), ചൈനീസ് (പരമ്പരാഗതം), ജാപ്പനീസ്, കൊറിയൻ, വിയറ്റ്നാമീസ്. ചില ഫീച്ചറുകൾ എല്ലാ ഭാഷകളിലും പ്രദേശങ്ങളിലും ലഭ്യമല്ലായിരിക്കാം. ഭാഷ, ഫീച്ചർ ലഭ്യത, സിസ്റ്റം ആവശ്യകതകൾ എന്നിവയെക്കുറിച്ചുള്ള കൂടുതൽ വിവരങ്ങൾക്ക് Apple Intelligence എങ്ങനെ ലഭിക്കും എന്ന Apple പിന്തുണ ലേഖനം കാണൂ.
ഇതും കാണൂiPad-ലെ ‘സന്ദേശങ്ങളി’ൽ ഉള്ളടക്കം പങ്കിടൂസന്ദേശങ്ങളിൽ Apple Cash ഉപയോഗിച്ച് പേയ്മെന്റുകൾ അയയ്ക്കുകയും അഭ്യർഥിക്കുകയും സ്വീകരിക്കുകയും ചെയ്യൂiPad-ലെ iMessage-നെ കുറിച്ച്iPad-ലെ ‘സന്ദേശങ്ങളി’ൽ iMessage ആപ്പുകൾ ഉപയോഗിക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.