iPadOS 26
iPadOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

AirPlay ସହିତ ଆପଣଙ୍କ iPadରୁ ଭିଡିଓ ଏବଂ ଅଡିଓ ଷ୍ଟ୍ରୀମ୍‌ କରନ୍ତୁ

AirPlay ସହ, ଆପଣ ଆପଣଙ୍କ iPadରୁ ଆଖପାଖରେ ଥିବା Mac କିମ୍ୱା TVକୁ ଭିଡିଓ ଏବଂ ଅଡିଓ ଷ୍ଟ୍ରୀମ୍ କରିପାରିବେ। ଆପଣଙ୍କ iPad ସ୍କ୍ରୀନ୍‌ରେ ଯାହା ଅଛି ତାକୁ ମଧ୍ଯ ମିରର୍ କରିପାରିବେ।

ଆପଣ ନିଜ iPad ଏବଂ Mac, Apple TV 4K କିମ୍ୱା ଅନ୍ୟ ଏକ TV ରେ AirPlay ବ୍ୟବହାର କରିପାରିବେ।

ଆପଣ ଆରମ୍ଭ କରିବା ପୂର୍ବରୁ

ନିମ୍ନଲିଖିତ କାର୍ଯ‍୍ୟ କରିବା ନିଶ୍ଚିତ କରନ୍ତୁ:

  • ଉଭୟ ଡିଭାଇସ୍‌ରେ Wi-Fi ଚାଲୁ ଅଛି ଏବଂ ସେମାନେ ସମାନ ନେଟ୍‌ଓ୍ବର୍କ୍‌ରେ ସଂଯୁକ୍ତ ଅଛନ୍ତି।

  • ଯଦି ଆପଣ ନିଜ Apple ଡିଭାଇସ୍ ମଧ୍ୟରେ ଷ୍ଟ୍ରୀମିଂ କରୁଛନ୍ତି, ତେବେ ଏହା ସମାନ Apple ଆକାଉଣ୍ଟ୍‌ରେ ସାଇନ୍ ଇନ୍ କରିବାକୁ ଉପଯୋଗୀ ଅଟେ।

  • ଏକ Macକୁ ବିଷୟବସ୍ତୁ ଷ୍ଟ୍ରୀମ୍ କରିବାକୁ AirPlay ବ୍ୟବହାର କରିବା ପାଇଁ ଉଭୟ ଡିଭାଇସ୍ ସର୍ବନିମ୍ନ ସିଷ୍ଟମ୍‌ ଆବଶ୍ୟକତା ପୂରଣ କରନ୍ତି।

  • ଏକ TV ରେ କଣ୍ଟେଣ୍ଟ୍‌ ଷ୍ଟ୍ରୀମ୍ କରିବାକୁ AirPlay ବ୍ୟବହାର କରିବା ପାଇଁ, ନିଶ୍ଚିତ କରନ୍ତୁ ଯେ ଆପଣ ଏକ Apple TV 4K କିମ୍ୱା ଏକ AirPlay 2-ସକ୍ଷମ କରାଯାଇଥିବା ସ୍ମାର୍ଟ୍‌ TV ବ୍ୟବହାର କରୁଛନ୍ତି।

ଯଦି ଆପଣ ଏକ VPN ବ‍୍ୟବହାର କରୁଛନ୍ତି, ତେବେ ନିଶ୍ଚିତ କରନ୍ତୁ ଯେ ଏହାର କନ୍‌ଫିଗରେଶନ୍ ସ୍ଥାନୀୟ ନେଟ୍‌ୱର୍କିଂକୁ ପ୍ରତିରୋଧ କରିନଥାଏ କାରଣ ଏହା କିଛି କଣ୍ଟିନ୍ଯୁଇଟି ଫୀଚର୍‌ରେ ବାଧା ସୃଷ୍ଟି କରିପାରେ।

ଆପଣଙ୍କ iPadରୁ ଷ୍ଟ୍ରୀମିଂକୁ ଅନୁମତି ଦେବା ପାଇଁ Mac ସେଟ୍ ଅପ୍ କରନ୍ତୁ

  1. Mac ରେ, ସିଷ୍ଟମ୍ ସେଟିଂସ୍ ଆପ୍‌କୁ ଯାଆନ୍ତୁ।

  2. ସାଇଡ୍‌ବାର୍‌ରେ “ସାଧାରଣ”ରେ କ୍ଲିକ୍ କରନ୍ତୁ। (ଆପଣଙ୍କୁ ତଳକୁ ସ୍କ୍ରୋଲ୍ କରିବାକୁ ପଡ଼ିପାରେ।)

  3. AirDrop ଏବଂ Handoff ରେ କ୍ଲିକ୍ କରନ୍ତୁ, ତା’ପରେ AirPlay ରିସିଭର୍ ଚାଲୁ କରନ୍ତୁ।

    ଧ‍୍ୟାନ ଦିଅନ୍ତୁ: ଯଦି ଆପଣ macOS 12.5 କିମ୍ବା ତା’ର ପୂର୍ବବର୍ତ୍ତୀ ଭର୍ଶନ୍ ସହିତ ଏକ Mac ବ‍୍ୟବହାର କରୁଛନ୍ତି, ତେବେ Apple ମେନ‍୍ୟୂ > ସିଷ୍ଟମ୍ ପ୍ରାଥମିକତା ବାଛନ୍ତୁ, “ଶେୟର୍ କରାଯାଉଛି”ରେ କ୍ଲିକ୍ କରନ୍ତୁ, ତା’ପରେ AirPlay ରିସୀଭର୍ ଚାଲୁ କରନ୍ତୁ।

  4. “AirPlayକୁ ଅନୁମତି ଦିଅନ୍ତୁ" ପାଖରେ ଥିବା ପପ୍-ଅପ୍ ମେନ‍୍ୟୂରେ କ୍ଲିକ୍ କରନ୍ତୁ ଏବଂ ଏହି Macକୁ ବିଷୟବସ୍ତୁ ଷ୍ଟ୍ରୀମ୍ କରିବା ପାଇଁ AirPlay ବ୍ୟବହାର କରିପାରୁଥିବା ଡିଭାଇସ୍ ବାଛନ୍ତୁ।

    • କେବଳ ଆପଣଙ୍କ ଡିଭାଇସ୍‌ଗୁଡ଼ିକୁ ଅନୁମତି ଦିଅନ୍ତୁ: ଯଦି ଆପଣ କେବଳ ସେହି Apple ଆକାଉଣ୍ଟ୍‌କୁ ସାଇନ୍ ଇନ୍ କରିଥିବା ଡିଭାଇସ୍‌ରୁ AirPlay କୁ ଅନୁମତି ଦେବାକୁ ଚାହାଁନ୍ତି, ତେବେ “ସାମ୍ପ୍ରତିକ ୟୂଜର୍” ଚୟନ କରନ୍ତୁ।

    • ଯେକୌଣସି ଡିଭାଇସ୍‌କୁ ଅନୁମତି ଦିଅନ୍ତୁ: “ସମାନ ନେଟ୍‌ଓ୍ବର୍କ୍‌ରେ ଥିବା କୌଣସି ବ୍ୟକ୍ତି” କିମ୍ବା ସମସ୍ତଙ୍କୁ ଚୟନ କରନ୍ତୁ।

  5. Macରେ AirPlay ବ୍ୟବହାର କରିବାକୁ ଏକ ପାସ୍‌ଓ୍ବର୍ଡ୍‌ ପାଇଁ ବିକଳ୍ପ ଚୟନ କରନ୍ତୁ, ତା’ପରେ ଏକ ପାସ୍‌ଓ୍ବର୍ଡ୍‌ ଲେଖନ୍ତୁ।

ଆପଣଙ୍କ iPadରୁ Mac କିମ୍ୱା TVକୁ ଫଟୋ କିମ୍ବା ଭିଡିଓ ଷ୍ଟ୍ରୀମ୍ କରନ୍ତୁ

ଆପଣ ନିଜ iPad ରୁ Mac, Apple TV 4K କିମ୍ୱା AirPlay 2-ସକ୍ଷମ ଥିବା ସ୍ମାର୍ଟ୍‌ TV ରେ ଫଟୋ ଏବଂ ଭିଡିଓ ଷ୍ଟ୍ରୀମ୍ କରିପାରିବେ।

  1. ଆପଣଙ୍କ iPadରେ, ଆପଣ ଷ୍ଟ୍ରୀମ୍‌ କରିବାକୁ ଚାହୁଁଥିବା ଫଟୋ କିମ୍ବା ଭିଡିଓ ଖୋଜନ୍ତୁ।

  2. AirPlay ବଟନ୍‌ରେ ଟାପ୍‌ କରନ୍ତୁ।

    ଧ‍୍ୟାନ ଦିଅନ୍ତୁ: କିଛି ଆପ୍‌ରେ, ଆପଣଙ୍କୁ ପ୍ରଥମେ ଏକ ଭିନ୍ନ ବଟନ୍‌ରେ ଟାପ୍‌ କରିବାକୁ ପଡ଼ିପାରେ, ଯେପରିକି“ଶେୟର୍ କରନ୍ତୁ” ବଟନ୍‌।

    iPad ରେ ଥିବା ଫଟୋ ଆପ୍‌ରେ ଚାଲୁଥିବା ଏକ ସ୍ଲାଇଡ୍‌ଶୋ’। ସ୍କ୍ରୀନ୍‌ର ଶୀର୍ଷ ଡାହାଣ ପାର୍ଶ୍ବରେ AirPlay ବିକଳ୍ପ ବାଛିବା ସହିତ ଏକ ପପ୍-ଅପ୍ ମେନ‍୍ୟୂ ଅଛି।

  3. ଲିଷ୍ଟ୍‌ରୁ ନିଜ Mac କିମ୍ବା TV ବାଛନ୍ତୁ।

  4. ଆପଣଙ୍କ iPad ରେ ପ୍ଲେବ୍ଯାକ୍ କଣ୍ଟ୍ରୋଲ୍ ବ୍ଯବହାର କରନ୍ତୁ।

  5. ଷ୍ଟ୍ରୀମିଂ ବନ୍ଦ କରିବାକୁ, ଆପଣଙ୍କ iPad ରେ,AirPlay ବଟନ୍‌ ଟାପ୍ କରନ୍ତୁ, ତା’ପରେ “AirPlay ବନ୍ଦ କରନ୍ତୁ”ରେ ଟାପ୍ କରନ୍ତୁ।

    ଟିପ୍‌: ଆପଣ AirPlay ସହିତ ନିୟମିତ ଭାବରେ ବ୍ୟବହାର କରୁଥିବା ଆପ୍‌ରୁ ବିଷୟବସ୍ତୁ ଚାଳନ କରିବା ସମୟରେ ଆପଣ ବାରମ୍ବାର ବ୍ୟବହାର କରୁଥିବା କୌଣସି Apple TV 4K କିମ୍ୱା ସ୍ମାର୍ଟ୍‌ TV ଡିସ୍କଭର୍‌ କରିବାକୁ ଏବଂ ସ୍ବୟଂଚାଳିତ ଭାବରେ ସଂଯୋଗ କରିବା ପାଇଁ ଆପଣଙ୍କ iPad ସେଟ୍ ଅପ୍ କରିପାରିବେ। ଆପଣଙ୍କ iPad ରେ ଏହି ଫୀଚର୍‌କୁ ଚାଲୁ କିମ୍ବା ବନ୍ଦ କରିବାକୁ, ସେଟିଂସ୍‌  > ସାଧାରଣ > AirPlay ଓ କଣ୍ଟିନ୍ଯୁଇଟିକୁ ଯାଆନ୍ତୁ, ସ୍ବୟଂଚାଳିତ ଭାବରେ AirPlay ପପ୍‌-ଅପ୍‌ ମେନ‍୍ୟୂରେ ଟାପ୍ କରନ୍ତୁ, ତା’ପରେ “ସ୍ୱୟଂଚାଳିତ”, “କଦାପି ନୁହେଁ” କିମ୍ବା “ପଚାରନ୍ତୁ” ବାଛନ୍ତୁ।

ଆପଣଙ୍କ iPhoneକୁ ଏକ Mac କିମ୍ବା TVରେ ମିରର୍ କରନ୍ତୁ

  1. ଆପଣଙ୍କ iPadରେ କଣ୍ଟ୍ରୋଲ୍ ସେଣ୍ଟର୍ ଖୋଲନ୍ତୁ।

  2. “ସ୍କ୍ରୀନ୍ ମିରର୍ କରିବା” ବଟନ୍‌ରେ ଟାପ୍‌ କରନ୍ତୁ, ତା'ପରେ ପ୍ଲେବ୍ୟାକ୍ ଗନ୍ତବ୍ୟ ଭାବରେ ଆପଣଙ୍କ Mac କିମ୍ୱା TV ବାଛନ୍ତୁ।

ସ୍ବିଚ୍‌ବ୍ଯାକ୍‌ କରିବାକୁ, କଣ୍ଟ୍ରୋଲ୍ ସେଣ୍ଟର୍ ଖୋଲନ୍ତୁ, “ସ୍କ୍ରୀନ୍ ମିରର୍ କରିବା” ବଟନ୍‌ରେ ଟାପ୍‌ କରନ୍ତୁ, ତା’ପରେ ”ମିରର୍ କରିବା ବନ୍ଦ କରନ୍ତୁ”ରେ ଟାପ୍‌ କରନ୍ତୁ।

Mac କିମ୍ବା TVରେ ଆପଣଙ୍କ iPadରୁ ଅଡିଓ ଚଲାନ୍ତୁ

ଆପଣ ଆପଣଙ୍କ iPadରୁ Mac କିମ୍ୱା TVକୁ ଅଡିଓ ଷ୍ଟ୍ରୀମ୍ କରିବାକୁ AirPlay ବ୍ୟବହାର କରିପାରିବେ। ଯଦି ଆପଣ ଆପଣଙ୍କ Macକୁ ଷ୍ଟ୍ରୀମିଂ କରୁଛନ୍ତି, ତେବେ ନିଶ୍ଚିତ କରନ୍ତୁ ଯେ ଆପଣ ପ୍ରଥମେ ଅନ୍ୟ ଡିଭାଇସ୍‌ରୁ ଷ୍ଟ୍ରୀମିଂ କରିବାକୁ ଅନୁମତି ଦେବା ପାଇଁ Mac ସେଟ୍ ଅପ୍ କରିଛନ୍ତି। ଅନ୍ଯ ଏକ ଡିଭାଇସ୍‌ରୁ ଷ୍ଟ୍ରୀମିଂ ପାଇଁ ଅନୁମତି ଦିଅନ୍ତୁ ଦେଖନ୍ତୁ।

  1. ଆପଣଙ୍କ iPad ରେ ଏକ ଅଡିଓ ଆପ୍ ଯେପରିକି ପଡ୍‌କାଷ୍ଟ୍ କିମ୍ବା ମ୍ୟୂଜିକ୍ କୁ ଯାଆନ୍ତୁ, ତା’ପରେ ଚଲାଇବା ପାଇଁ ଏକ ଆଇଟମ୍ ବାଛନ୍ତୁ।

  2. AirPlay ବଟନ୍‌ରେ ଟାପ୍‌ କରନ୍ତୁ, ତା’ପରେ ଏକ ପ୍ଲେବ୍ଯାକ୍ ଗନ୍ତବ୍ଯ ବାଛନ୍ତୁ।

ଆପଣ ଆପଣଙ୍କ iPadରୁ ଏକ HomePodକୁ ଅଡିଓ ଷ୍ଟ୍ରୀମ୍ କରିବା ପାଇଁ AirPlay ମଧ୍ୟ ବ୍ୟବହାର କରିପାରିବେ। ଅଧିକ ଜାଣିବାକୁ, ଏକ iOS କିମ୍ୱା iPadOS ଡିଭାଇସ୍ ବ୍ୟବହାର କରି HomePodରେ ଅଡିଓ ଚଳାନ୍ତୁ ଦେଖନ୍ତୁ।

ଆପଣଙ୍କ ହୋଟେଲ୍‌ ରୁମ୍‌ରେ AirPlay ବ୍ୟବହାର କରନ୍ତୁ

ଯଦି ଆପଣ AirPlayକୁ ସମର୍ଥନ କରୁଥିବା ଏକ TV ଥିବା ଏକ ହୋଟେଲ ରୁମରେ ରୁହନ୍ତି, ତେବେ ଆପଣ ଏହାକୁ ଆପଣଙ୍କ iPadରୁ ମୂଭି, TV ଶୋ’, ମ୍ଯୁଜିକ୍‌ ଇତ୍ଯାଦି ଖେଳିବାକୁ ବ୍ୟବହାର କରିପାରିବେ।

  1. ଆପଣଙ୍କ iPadରେ କ୍ଯାମେରା ଖୋଲନ୍ତୁ।

  2. ଯଦି ଏହା ପୂର୍ବରୁ ଅନ୍‌ ନାହିଁ, ତେବେ ରୁମ୍‌ର TV ଚାଲୁ କରନ୍ତୁ ଏବଂ AirPlay QR କୋଡ୍ ଲୋକେଟ୍‌ କରନ୍ତୁ।

  3. ଆପଣଙ୍କ iPad କ‍୍ୟାମେରାରେ QR କୋଡ୍‌ ସ୍କାନ୍ କରନ୍ତୁ, ତା’ପରେ ଆପଣଙ୍କ ହୋଟେଲ୍‌ Wi-Fi (ଯଦି ଆପଣ ପୂର୍ବରୁ ସଂଯୋଜିତ ନୁହଁନ୍ତି) ଏବଂ ରୁମ୍‌ର TVକୁ ସଂଯୋଗ କରିବା ପାଇଁ ଅନ୍‌ସ୍କ୍ରୀନ୍ ନିର୍ଦ୍ଦେଶାବଳୀ ଅନୁସରଣ କରନ୍ତୁ।

  4. ଫଟୋ କିମ୍ବା ଭିଡିଓ ଷ୍ଟ୍ରୀମିଂ, ଆପଣଙ୍କ ସ୍କ୍ରୀନ୍ ମିରରିଂ କିମ୍ବା ଅଡିଓ ଚଲାଇବା ଦ୍ବାରା TV ସ୍କ୍ରୀନ୍‌ରେ ବିଷୟବସ୍ତୁ ଡିସ୍‌ପ୍ଲେ କରିବା ପାଇଁ ଆପଣଙ୍କ iPad ବ୍ଯବହାର କରନ୍ତୁ। ଆପଣଙ୍କ ହୋଟେଲ୍‌ର TVକୁ ପ୍ଲେବ୍ଯାକ୍‌ ପାଇଁ ବାଛନ୍ତୁ।

  5. ଷ୍ଟ୍ରୀମିଂ କିମ୍ବା ମିରରିଂ ବନ୍ଦ କରିବାକୁ, ଆପଣଙ୍କ iPadରେ AirPlay କିମ୍ବା ସ୍କ୍ରୀନ୍ ମିରରିଂ (AirPlay ବଟନ୍‌ କିମ୍ବା “ସ୍କ୍ରୀନ୍ ମିରର୍ କରିବା” ବଟନ୍‌)ରେ ଟାପ୍ କରନ୍ତୁ, ତା’ପରେ ଲିଷ୍ଟ୍‌ରେ ଆପଣଙ୍କ iPadରେ ଟାପ୍ କରନ୍ତୁ କିମ୍ବା “ମିରରିଂ ବନ୍ଦ କରନ୍ତୁ”ରେ ଟାପ୍ କରନ୍ତୁ।

ଧ‍୍ୟାନ ଦିଅନ୍ତୁ: ହୋଟେଲ୍‌ରେ AirPlay ନିର୍ଦ୍ଦିଷ୍ଟ ଦେଶ ଏବଂ ଅଞ୍ଚଳରେ ଉପଲବ୍ଧ।

ଯଦି AirPlay କାର୍ଯ‍୍ୟ କରୁନାହିଁ

ଏହା ମଧ‍୍ୟ ଦେଖନ୍ତୁApple ଡିଭାଇସ୍‌ରେ କାର୍ଯ‍୍ୟ କରିବା ପାଇଁ “କଣ୍ଟିନ୍ଯୁଇଟି” ବ୍ଯବହାର କରନ୍ତୁiPad ରୁ Apple TV 4K କିମ୍ବା ସ୍ମାର୍ଟ୍ TV କୁ ୱାୟର୍‌ଲେସ୍ ଭାବରେ ଭିଡିଓ ଏବଂ ଫଟୋ ଷ୍ଟ୍ରୀମ୍ କରନ୍ତୁHomePod ଏବଂ ଅନ୍ଯ ୱାୟରଲେସ୍ ସ୍ପୀକର୍‌ରେ iPadରୁ ଅଡିଓ ଚଲାନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.