iPadOS 26
iPadOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPadରେ ଆପଣଙ୍କ Apple ଆକାଉଣ୍ଟ୍ ପାଇଁ ଦ୍ୱି-ସ୍ତରୀୟ ପ୍ରମାଣୀକରଣ ବ୍ଯବହାର କରନ୍ତୁ

ସେମାନେ ଆପଣଙ୍କ Apple ଆକାଉଣ୍ଟ୍‌ ପାସ୍‌ଓ୍ବର୍ଡ୍‌ ଜାଣିଥିଲେ ମଧ୍ଯ, ଦ୍ୱି-ସ୍ତରୀୟ ପ୍ରମାଣୀକରଣ ବ୍ଯବହାର କରି ଅନ୍ଯମାନଙ୍କୁ ଆପଣଙ୍କ Apple ଆକାଉଣ୍ଟ୍ ଆକ୍ସେସ୍ କରିବାରୁ ପ୍ରତିରୋଧ କରିବାରେ ସହାୟତା କରେ। ଏହା ଅନ୍ ଥିବା ସମୟରେ, ଆପଣଙ୍କର Apple ଆକାଉଣ୍ଟରେ ସାଇନ୍‌ ଇନ୍‌ କରିବାକୁ ଆପଣଙ୍କୁ ଉଭୟ Apple ଆକାଉଣ୍ଟ୍‌ ପାସ୍‌ଓ୍ବର୍ଡ୍‌ ଏବଂ ଛଅ-ଅଙ୍କ ବିଶିଷ୍ଟ ଯାଞ୍ଚକରଣ କୋଡ୍‌ ଆବଶ‍୍ୟକ। ଯାଞ୍ଚକରଣ କୋଡ୍ ଆପଣଙ୍କ Apple ଆକାଉଣ୍ଟ୍‌ ସହିତ ସମ୍ପୃକ୍ତ ଫୋନ୍ ନମ୍ଵର୍‌କୁ ପଠାଯାଏ କିମ୍ୱା ଆପଣଙ୍କ ବିଶ୍ୱସ୍ତ ଡିଭାଇସ୍‌ରେ ପ୍ରଦର୍ଶିତ ହୁଏ।

ଧ‍୍ୟାନ ଦିଅନ୍ତୁ: କେତେକ ଆକାଉଣ୍ଟ୍‌ ପ୍ରକାର ଦ୍ବି-ସ୍ତରୀୟ ପ୍ରମାଣୀକରଣକୁ ସମର୍ଥନ କରିନପାରେ। ସମସ୍ତ ଦେଶ କିମ୍ବା ଅଞ୍ଚଳରେ ଦ୍ବି-ସ୍ତରୀୟ ପ୍ରମାଣୀକରଣ ଉପଲବ୍ଧ ନାହିଁ। Apple ସହାୟତା ଆର୍ଟିକଲ୍ ଆପଣଙ୍କ Apple ଆକାଉଣ୍ଟ୍‌ ପାଇଁ ଦ୍ବି-ସ୍ତରୀୟ ପ୍ରମାଣୀକରଣର ଉପଲବ୍ଧତା ଦେଖନ୍ତୁ।

ଦ୍ୱି-ସ୍ତରୀୟ ପ୍ରମାଣୀକରଣ ଚାଲୁ କରନ୍ତୁ

  1. ଆପଣଙ୍କ iPad ରେ ଥିବା ସେଟିଂସ୍ ଆପ୍  କୁ ଯାଆନ୍ତୁ।

  2. ଆପଣଙ୍କ ନାମରେ ଟାପ୍ କରନ୍ତୁ, ତା’ପରେ “ସାଇନ୍-ଇନ୍ ଏବଂ ସୁରକ୍ଷା”ରେ ଟାପ୍ କରନ୍ତୁ।

  3. ଦ୍ୱି-ସ୍ତରୀୟ ପ୍ରମାଣୀକରଣରେ ଟାପ୍‌ କରନ୍ତୁ।

  4. ଏକ ବିଶ୍ବସ୍ତ ଫୋନ୍ ନମ୍ବର୍ (ଯାଞ୍ଚକରଣ କୋଡ୍ ପାଇବା ପାଇଁ ଆପଣ ଯେଉଁ ନମ୍ବର୍‌ ବ‍୍ୟବହାର କରିବେ) ଲେଖନ୍ତୁ, ତା’ପରେ “ପରବର୍ତ୍ତୀ”ରେ ଟାପ୍‌ କରନ୍ତୁ।

    ଆପଣଙ୍କ ବିଶ୍ବସ୍ତ ଫୋନ୍ ନମ୍ବର୍‌କୁ ଏକ ଯାଞ୍ଚକରଣ କୋଡ୍ ପଠାଯାଏ।

  5. ଆପଣଙ୍କ iPadରେ ଯାଞ୍ଚକରଣ କୋଡ୍ ଲେଖନ୍ତୁ।

    ଆପଣଙ୍କ Apple ଆକାଉଣ୍ଟ୍‌ ପାଇଁ ଦ୍ୱି-ସ୍ତରୀୟ ପ୍ରମାଣୀକରଣ ଚାଲୁ ହୋଇଛି ଏବଂ ଆପଣଙ୍କ iPad ବର୍ତ୍ତମାନ ଏକ ବିଶ୍ୱସ୍ତ ଡିଭାଇସ୍ ଅଟେ।

ଅନ୍ଯ ଏକ ବିଶ୍ୱସ୍ତ ଡିଭାଇସ୍ ଯୋଡ଼ନ୍ତୁ

ଆପଣ ନିଜ iPadରେ ଦ୍ୱି-ସ୍ତରୀୟ ପ୍ରମାଣୀକରଣ ଚାଲୁ କରିବା ପରେ, ଆପଣ ନିଜ Apple ଆକାଉଣ୍ଟ୍‌ରେ ଅନ୍ଯ ବିଶ୍ବସ୍ତ ଡିଭାଇସ୍‌ଗୁଡ଼ିକୁ ଯୋଡ଼ିପାରିବେ।

  1. ଆପଣ ଯୋଡ଼ିବାକୁ ଚାହୁଁଥିବା ଡିଭାଇସ୍‌ରେ ଦ୍ୱି-ସ୍ତରୀୟ ପ୍ରମାଣୀକରଣ ଚାଲୁ କରିବା ପାଇଁ ଆପଣ ବ୍ଯବହାର କରୁଥିବା ଆପଣଙ୍କ Apple ଆକାଉଣ୍ଟ୍‌ରେ ସାଇନ୍‌ ଇନ୍ କରନ୍ତୁ।

  2. ପ୍ରମ୍ପ୍ଟ୍‌ କରାଗଲେ, ଆପଣଙ୍କ iPad, ଅନ୍ୟ ଏକ ବିଶ୍ୱସ୍ତ ଡିଭାଇସ୍, ଏକ ବିଶ୍ୱସ୍ତ ଫୋନ୍ ନମ୍ଵର୍ କିମ୍ୱା ଆପଣଙ୍କ Macରେ ଦେଖାଯାଉଥିବା ଛଅ ଅଙ୍କ ବିଶିଷ୍ଟ ଯାଞ୍ଚକରଣ କୋଡ୍ ଲେଖନ୍ତୁ।

  3. ନୂଆ ଡିଭାଇସ୍‌ରେ ଯାଞ୍ଚକରଣ କୋଡ୍ ଲେଖନ୍ତୁ।

    ଯଦି ଆପଣ ସମ୍ପୂର୍ଣ୍ଣ ଭାବେ ସାଇନ୍ ଆଉଟ୍ କରୁନାହାନ୍ତି, ଆପଣଙ୍କ ଡିଭାଇସ୍ ଇରେଜ୍ କରୁନାହାନ୍ତି, ଏକ ୱେବ୍ ବ୍ରାଉଜର୍‌ରେ ଆପଣଙ୍କ Apple ଆକାଉଣ୍ଟ୍‌ରେ ସାଇନ୍ ଇନ୍ କରୁନାହାନ୍ତି କିମ୍ବା ସୁରକ୍ଷା କାରଣରୁ ଆପଣଙ୍କ Apple ଆକାଉଣ୍ଟ୍‌ର ପାସ୍‌ୱର୍ଡ୍‌ ପରିବର୍ତ୍ତନ କରିବା ଆବଶ୍ୟକ କରୁନାହାନ୍ତି ତେବେ ଆପଣଙ୍କୁ ପୁଣି ଏକ ଯାଞ୍ଚକରଣ କୋଡ୍ ପାଇଁ ପଚରାଯିବ ନାହିଁ।

ଏକ ବିଶ୍ବାସଯୋଗ୍ଯ ଫୋନ୍ ନମ୍ବର୍ ଯୋଡ଼ନ୍ତୁ କିମ୍ବା କାଢ଼ି ଦିଅନ୍ତୁ

ବିଶ୍ୱସ୍ତ ଫୋନ୍ ନମ୍ବର୍ ଯୋଡ଼ିବା, ଆପଣ ଦ୍ୱି-ସ୍ତରୀୟ ପ୍ରମାଣୀକରଣ ବ‍୍ୟବହାର କରିବାକୁ ଚାହୁଁ ଥିବା କିନ୍ତୁ ଏହାକୁ ଚାଲୁ କରିବା ସମୟରେ ଯୋଡ଼ାଯାଇଥିବା ଫୋନ୍ ନମ୍ବର୍‌କୁ ଆକ୍ସେସ୍ ନଥିବା କ୍ଷତ୍ରରେ ଉପଯୋଗୀ ହୋଇପାରିବ।

  1. ଆପଣଙ୍କ iPad ରେ ଥିବା ସେଟିଂସ୍ ଆପ୍  କୁ ଯାଆନ୍ତୁ।

  2. ଆପଣଙ୍କ ନାମରେ ଟାପ୍ କରନ୍ତୁ, ତା’ପରେ “ସାଇନ୍-ଇନ୍ ଏବଂ ସୁରକ୍ଷା”ରେ ଟାପ୍ କରନ୍ତୁ।

  3. ଦ୍ୱି-ସ୍ତରୀୟ ପ୍ରମାଣୀକରଣରେ ଟାପ୍‌ କରନ୍ତୁ।

  4. ନିମ୍ନଲିଖିତ ମଧ୍ୟରୁ ଗୋଟିଏ କରନ୍ତୁ:

    • ଏକ ନମ୍ବର୍‌ ଯୋଡ଼ନ୍ତୁ: “ଏକ ବିଶ୍ବାସଯୋଗ୍ଯ ଫୋନ୍ ନମ୍ବର୍ ଯୋଡ଼ନ୍ତୁ”ରେ ଟାପ୍ କରନ୍ତୁ, ତା’ପରେ ଫୋନ୍ ନମ୍ବର୍ ଏଣ୍ଟର୍ କରନ୍ତୁ।

    • ଏକ ନମ୍ବର୍‌ କାଢ଼ି ଦିଅନ୍ତୁ: ଫୋନ୍ ନମ୍ବର୍ ପାଖରେ “ଡିଲିଟ୍ କରନ୍ତୁ” ବଟନ୍‌ରେ ଟାପ୍‌ କରନ୍ତୁ।

ବିଶ୍ବାସଯୋଗ୍ଯ ଫୋନ୍ ନମ୍ବର୍ ସ୍ୱୟଂଚାଳିତ ଭାବରେ ଯାଞ୍ଚକରଣ କୋଡ୍ ଗ୍ରହଣ କରେ ନାହିଁ। ଯଦି ଆପଣ ଦ୍ୱି-ସ୍ତରୀୟ ପ୍ରମାଣୀକରଣ ପାଇଁ ଏକ ନୂଆ ଡିଭାଇସ୍ ସେଟ୍ ଅପ୍ କରିବା ସମୟରେ କୌଣସି ବିଶ୍ବାସଯୋଗ୍ଯ ଡିଭାଇସ୍‌କୁ ଆକ୍ସେସ୍ କରିପାରୁନାହାନ୍ତି, ତେବେ “ଯାଞ୍ଚକରଣ କୋଡ୍ ପାଇ ନାହାଁନ୍ତି କି?” ନୂଆ ଡିଭାଇସ୍‌ରେ, ଯାଞ୍ଚକରଣ କୋଡ୍ ପ୍ରାପ୍ତ କରିବା ପାଇଁ ଆପଣଙ୍କ ବିଶ୍ବସ୍ତ ଫୋନ୍ ନମ୍ବର୍ ମଧ୍ଯରୁ ଗୋଟିଏ ବାଛନ୍ତୁ।

ବିଶ୍ବାସଯୋଗ୍ଯ ଡିଭାଇସ୍ ଦେଖନ୍ତୁ କିମ୍ବା କାଢ଼ି ଦିଅନ୍ତୁ

  1. ଆପଣଙ୍କ iPad ରେ ଥିବା ସେଟିଂସ୍ ଆପ୍  କୁ ଯାଆନ୍ତୁ।

  2. ଆପଣଙ୍କ ନାମରେ ଟାପ୍ କରନ୍ତୁ।

    ଆପଣଙ୍କ Apple ଆକାଉଣ୍ଟ୍‌ ସମ୍ବନ୍ଧିତ ଡିଭାଇସ୍‌ଗୁଡ଼ିକର ଏକ ତାଲିକା ସ୍କ୍ରୀନ୍‌ର ନିମ୍ନରେ ଦେଖାଯାଏ।

  3. ଏକ ଡିଭାଇସ୍ କାଢ଼ିବା ପାଇଁ, ସେଥିରେ ଟାପ୍ କରନ୍ତୁ, ତା’ପରେ “ଆକାଉଣ୍ଟ୍‌ରୁ କାଢ଼ନ୍ତୁ”ରେ ଟାପ୍ କରନ୍ତୁ।

    ଯଦି ଆପଣ ଏକ ବିଶ୍ବାସଯୋଗ୍ଯ ଡିଭାଇସ୍‌କୁ କାଢ଼ିଦିନ୍ତି, ତେବେ ଏହା ଆଉ ଯାଞ୍ଚକରଣ କୋଡ୍ ପ୍ରଦର୍ଶନ କରିପାରିବ ନାହିଁ ଏବଂ iCloud (ଏବଂ ଡିଭାଇସ୍‌ରେ ଥିବା ଅନ୍ଯ Apple ସେବାଗୁଡ଼ିକ)କୁ ଏହାର ଆକ୍ସେସ୍ ବ୍ଲକ୍‌ କରିଦିଆଯାଏ। ଏହାକୁ ପୁନର୍ବାର ଯୋଡ଼ିବାକୁ ପୁଣି ଆପଣଙ୍କ Apple ଆକାଉଣ୍ଟ୍‌ରେ ସାଇନ୍‌ ଇନ୍‌ କରିବା ପାଇଁ ଦ୍ୱି-ସ୍ତରୀୟ ପ୍ରମାଣୀକରଣ ବ‍୍ୟବହାର କରନ୍ତୁ।

ଆପଣଙ୍କ Apple ଆକାଉଣ୍ଟ୍‌କୁ ସାଇନ୍ ଇନ୍ କରୁଥିବା ଏକ ଆପ୍‌ ପାଇଁ ଏକ ପାସ୍‌ୱର୍ଡ୍‌ ଜେନେରେଟ୍‌ କରନ୍ତୁ

ଦ୍ୱି-ସ୍ତରୀୟ ପ୍ରମାଣୀକରଣ ବ୍ଯବହାର କରି ଏକ ତୃତୀୟ ପକ୍ଷ ଆପ୍ କିମ୍ବା ସେବା (ଯେପରିକି ଏକ ଇମେଲ୍, କଣ୍ଟାକ୍ଟ୍ କିମ୍ବା କ୍ଯାଲେଣ୍ଡର୍ ଆପ୍)ରୁ ଆପଣଙ୍କ Apple ଆକାଉଣ୍ଟ୍‌କୁ ସାଇନ୍ ଇନ୍ କରିବା ପାଇଁ, ଏକ ଆପ୍-ନିର୍ଦ୍ଦିଷ୍ଟ ପାସ୍‌ୱର୍ଡ୍‌ ଜେନେରେଟ୍ କରନ୍ତୁ।

  1. ଆପଣଙ୍କ Apple ଆକାଉଣ୍ଟ୍‌ରେ ସାଇନ୍ ଇନ୍ କରନ୍ତୁ।

  2. ଆପ୍-ନିର୍ଦ୍ଦିଷ୍ଟ ପାସ୍‌ୱର୍ଡ୍‌ରେ ଟାପ୍ କରନ୍ତୁ, ତା’ପରେ “ଆପ୍-ନିର୍ଦ୍ଦିଷ୍ଟ ପାସ୍‌ୱର୍ଡ୍‌ ଜେନେରେଟ୍‌ କରନ୍ତୁ”ରେ ଟାପ୍ କରନ୍ତୁ।

  3. ଅନ୍‌ସ୍କ୍ରୀନ୍ ନିର୍ଦ୍ଦେଶାବଳୀ ଅନୁସରଣ କରନ୍ତୁ।

ଆପଣ ଆପଣଙ୍କ ଆପ୍ଲିକେସନ୍-ନିର୍ଦ୍ଦିଷ୍ଟ ପାସ୍‌ଓ୍ବର୍ଡ୍‌ ଜେନେରେଟ୍‌ କରିବା ପରେ, ଆପଣ ସ୍ୱାଭାବିକ ଭାବରେ ଏହାକୁ ଆପ୍‌ର ପାସ୍‌ଓ୍ବର୍ଡ୍‌ ଫିଲ୍ଡ୍‌ରେ ଏଣ୍ଟର୍‌ କରନ୍ତୁ କିମ୍ୱା ପେଷ୍ଟ୍‌ କରନ୍ତୁ।

ଅଧିକ ସୂଚନା ପାଇଁ, Apple ସହାୟତା ଆର୍ଟିକଲ୍‌ ଆପ୍-ନିର୍ଦ୍ଦିଷ୍ଟ ପାସ୍‌ୱର୍ଡ୍ ବ୍ଯବହାର କରି ଆପଣଙ୍କ Apple ID ସହିତ ଆପ୍‌ଗୁଡ଼ିକରେ ସାଇନ୍ ଇନ୍ କରନ୍ତୁ ଦେଖନ୍ତୁ।

ଏହା ମଧ‍୍ୟ ଦେଖନ୍ତୁଆପଣଙ୍କ Apple ଆକାଉଣ୍ଟ୍‌ ପାଇଁ ଦ୍ୱି-ସ୍ତରୀୟ ପ୍ରମାଣୀକରଣ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.