iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPhoneରେ ଥିବା ମେସେଜ୍ ନୋଟିଫିକେଶନ୍‌କୁ ପରିବର୍ତ୍ତନ କରନ୍ତୁ

ଆପଣ ପ୍ରାପ୍ତ କରୁଥିବା ଟେକ୍ସଟ୍ ମେସେଜ୍‌ ବିଷୟରେ ଆପଣଙ୍କୁ ସୂଚିତ କରାଯାଇଛି କି ନାହିଁ ଏବଂ ନୋଟିଫିକେଶନ୍‌ କିପରି ଦେଖାଯାଏ କିମ୍ବା ସାଉଣ୍ଡ୍‌ କରେ ତାହା ଆପଣ ପରିବର୍ତ୍ତନ କରିପାରିବେ। ଉଦାହରଣ ସ୍ୱରୂପ, ଆପଣ ମେସେଜ୍ ନୋଟିଫିକେଶନ୍‌କୁ ବନ୍ଦ କରିପାରିବେ ଯାହା ଦ୍ୱାରା ଆପଣ କ୍ଲାସ୍‌ରେ କିମ୍ବା ଅନ୍ୟ ଶାନ୍ତ ସ୍ଥାନରେ ଥିବା ସମୟରେ ନୋଟିଫିକେଶନ୍‌ର ସାଉଣ୍ଡ୍‌ରେ ବିଭ୍ରାନ୍ତ ହେବେ ନାହିଁ କିମ୍ବା ନିର୍ଦ୍ଦିଷ୍ଟ କଣ୍ଟାକ୍ଟ୍‌ ପାଇଁ ଏକ ସ୍ୱତନ୍ତ୍ର ସାଉଣ୍ଡ୍‌ ଆସାଇନ୍ କରିପାରିବେ ଯାହା ଦ୍ୱାରା ଆପଣ ସେମାନଙ୍କଠାରୁ ଆସୁଥିବା ମେସେଜ୍‌ ବିଷୟରେ ଜାଣିପାରିବେ।

ଧ‍୍ୟାନ ଦିଅନ୍ତୁ: ପ୍ରେରକମାନେ ଏକ ନୋଟ୍ ପ୍ରାପ୍ତ କରନ୍ତି ଯାହା ସୂଚିତ କରେ ଯେ ଆପଣଙ୍କର ନୋଟିଫିକେଶନ୍ ସାଇଲେଣ୍ଟ୍‌ ଅଛି।

ଆପଣ ଲୋକମାନଙ୍କ ମେସେଜ୍ ପଢ଼ିଛନ୍ତି ବୋଲି ସେମାନଙ୍କୁ ଜଣାଇବା ପାଇଁ “ପଢ଼ାଯାଇଛି ବୋଲି ରିସୀଟ୍‌” ଚାଲୁ କରନ୍ତୁ ଦେଖନ୍ତୁ।

ସମସ୍ତ ନୋଟିଫିକେଶନ୍ ପଜ୍ କରନ୍ତୁ

ଆପଣ “ଡିଷ୍ଟର୍ବ୍ କରନ୍ତୁ ନାହିଁ” (କିମ୍ବା ଅନ୍ଯ ଫୋକସ୍‌) କିମ୍ବା ଏକ ସ୍ଲୀପ୍ ଶେଡ୍ଯୁଲ୍‌ ଚାଲୁ କରି ସମସ୍ତ ଆପ୍ ପାଇଁ ନୋଟିଫିକେଶନ୍‌କୁ ଅସ୍ଥାୟୀ ଭାବରେ ବନ୍ଦ କରିପାରିବେ। ଆପଣ ମେସେଜ୍ ଗ୍ରହଣ କରୁନାହାନ୍ତି ବୋଲି ଲୋକଙ୍କୁ ଜଣାଇବା ପାଇଁ ମେସେଜ୍ ଆପ୍‌ରେ ଆପଣଙ୍କ ଷ୍ଟାଟସ୍ ଦେଖାଯିବ।

  1. ଆପଣଙ୍କ iPhoneରେ କଣ୍ଟ୍ରୋଲ୍ ସେଣ୍ଟର୍ ଖୋଲନ୍ତୁ।

  2. “ଫୋକସ୍”ରେ ଟାପ୍ କରନ୍ତୁ, ତା’ପରେ “ଡିଷ୍ଟର୍ବ୍ କରନ୍ତୁ ନାହିଁ”ରେ ଟାପ୍ କରନ୍ତୁ।

    ଧ‍୍ୟାନ ଦିଅନ୍ତୁ: ଯଦି ଆପଣ ଏକ ଜରୁରୀକାଳୀନ ମେସେଜ୍‌ ପଠାଇବା ପାଇଁ ଅନୁମତି ଦେବାକୁ ଚାହୁଁଛନ୍ତି, ତେବେ ସେଟିଂସ୍‌ > ନୋଟିଫିକେଶନ୍‌ > ମେସେଜ୍‌କୁ ଯାଆନ୍ତୁ, ତା’ପରେ ଟାଇମ୍ ସମ୍ବେଦନଶୀଳ ନୋଟିଫିକେଶନ୍ ଚାଲୁ କରନ୍ତୁ।

    ନୋଟିଫିକେଶନ୍ ଏବଂ ଆଲର୍ଟ୍‌ ପାଇଁ ମେସେଜ୍ ସେଟିଂସ୍ ସହିତ iPhone।

ସମସ୍ତ ନୋଟିଫିକେଶନ୍ ବନ୍ଦ କରନ୍ତୁ

ମେସେଜ୍ ପ୍ରାପ୍ତ କରିବା ଜାରି ରଖିବା ସମୟରେ ଆପଣ ମେସେଜ୍ ଆପ୍‌ରେ ଆକ୍ଟିଭିଟି ବିଷୟରେ ସୂଚନା ପାଇବା ବନ୍ଦ କରିପାରିବେ। ଆପଣ ସେଗୁଡ଼ିକ ପଢ଼ିବାକୁ ପ୍ରସ୍ତୁତ ଥିଲେ, ଆପଣ ନୋଟିଫିକେଶନ୍ ବନ୍ଦ ଥିବା ସମୟରେ ଛାଡ଼ି ଯାଇଥିବା ଟେକସ୍ଟ୍‌ ଦେଖିବା ପାଇଁ ମେସେଜ୍‌ ଖୋଲିପାରିବେ ଏବଂ ଆପଣ ମିସ୍ କରିଥିବା ମେସେଜ୍‌ଗୁଡ଼ିକୁ ପଢ଼ିପାରିବେ।

  1. ସେଟିଂସ୍  > ନୋଟିଫିକେଶନ୍‌ > ମେସେଜ୍‌କୁ ଯାଆନ୍ତୁ।

  2. “ନୋଟିଫିକେଶନ୍‌କୁ ଅନୁମତି ଦିଅନ୍ତୁ”କୁ ବନ୍ଦ କରନ୍ତୁ।

ଆପଣ ପୁଣି ନୋଟିଫିକେଶନ୍ ପ୍ରାପ୍ତ କରିବାକୁ ଚାହିଁଲେ “ନୋଟିଫିକେଶନ୍‌କୁ ଅନୁମତି ଦିଅନ୍ତୁ” ଚାଲୁ କରନ୍ତୁ। ଯଦି ଆପଣ ସେଗୁଡ଼ିକୁ ମଧ୍ଯ ଶୁଣିବାକୁ ଚାହାଁନ୍ତି, ତେବେ ନିଶ୍ଚିତ କରନ୍ତୁ ଯେ “ରିଂ/ସାଇଲେଣ୍ଟ୍ ସ୍ବିଚ୍” ସାଇଲେଣ୍ଟ୍ ମୋଡ୍ରେ ନାହିଁ ଏବଂ ଆପଣଙ୍କ ଭଲ୍ଯୁମ୍ ଶ୍ରବଣଯୋଗ୍ଯ ଅଟେ।

ଆପଣ ଅନ୍ଯ Apple ଆପ୍ ଏବଂ ତୃତୀୟ-ପକ୍ଷ ଆପ୍‌ରୁ ମଧ୍ଯ ନୋଟିଫିକେଶନ୍ ବନ୍ଦ କରିପାରିବେ। ନୋଟିଫିକେଶନ୍‌ ସେଟିଂସ୍ ପରିବର୍ତ୍ତନ କରନ୍ତୁ ଦେଖନ୍ତୁ।

ପଠାଯାଇଥିବା ଏବଂ ପ୍ରାପ୍ତ ହୋଇଥିବା ମେସେଜ୍ ପାଇଁ ସାଉଣ୍ଡ୍‌ କିମ୍ବା ଭାଇବ୍ରେଶନ୍‌ ମ୍ଯୁଟ୍‌ କରନ୍ତୁ

ଯେତେବେଳେ ଆପଣ ଏକ ମେସେଜ୍ ପଠାନ୍ତି, ଡିଫଲ୍ଟ୍ ଭାବରେ ଏକ ସ୍ୱୁଶ୍ ସାଉଣ୍ଡ୍‌ ଶୁଣାଯାଏ। ଆପଣ ମେସେଜ୍ ପାଇଲେ, ଏକ ଟୋନ୍ ଶୁଣାଯାଏ। ଯଦି ଆପଣ ଏହି ସାଉଣ୍ଡ୍‌ ଶୁଣିବାକୁ ଚାହାନ୍ତି ନାହିଁ, ତେବେ ଆପଣ ନିଜ ଟେକ୍ସଟ୍ ଟୋନ୍‌ରୁ “କିଛି ନାହିଁ”ରେ ସେଟ୍ କରିପାରିବେ।

  1. ସେଟିଂସ୍  > ନୋଟିଫିକେଶନ୍ > ମେସେଜ୍‌କୁ ଯାଆନ୍ତୁ।

  2. ନିମ୍ନଲିଖିତ ମଧ୍ଯରୁ କୌଣସି ଗୋଟିଏ କରନ୍ତୁ:

    • ସାଉଣ୍ଡ୍‌ ମ୍ଯୁଟ୍ କରନ୍ତୁ: ସାଉଣ୍ଡ୍‌ରେ ଟାପ୍‌ କରନ୍ତୁ, ତା’ପରେ “କିଛି ନାହିଁ”ରେ ଟାପ୍‌ କରନ୍ତୁ।

    • ଭାଇବ୍ରେଶନ୍‌ ବନ୍ଦ କରନ୍ତୁ: ସାଉଣ୍ଡ୍‌ରେ ଟାପ୍‌ କରନ୍ତୁ, ହାପ୍ଟିକ୍ସ୍‌ (ଶୀର୍ଷ ନିକଟରେ)ରେ ଟାପ୍‌ କରନ୍ତୁ, ତା’ପରେ “କିଛି ନାହିଁ”ରେ ଟାପ୍‌ କରନ୍ତୁ।

ଆପଣ ରିଂ/ସାଇଲେଣ୍ଟ୍ ସ୍ବିଚ୍‌କୁ ସାଇଲେଣ୍ଟ୍ ମୋଡ୍ରେ ମଧ୍ଯ ରଖିପାରିବେ।

ଧ‍୍ୟାନ ଦିଅନ୍ତୁ: “କିଛି ନାହିଁ” ଏବଂ “ରିଂ/ସାଇଲେଣ୍ଟ୍ ସ୍ବିଚ୍” ସେଟିଂ ଉଭୟ ଇନ୍‌କମିଂ ଏବଂ ଆଉଟ୍‌ଗୋଇଂ ସାଉଣ୍ଡ୍‌କୁ ପ୍ରଭାବିତ କରେ। (ଆପଣ କେବଳ ଗୋଟିଏକୁ ମ୍ଯୁଟ୍‌ କରିପାରିବେ ନାହିଁ।)

ନୋଟିଫିକେଶନ୍ ପାଇଁ ଇଣ୍ଡିକେଟର୍‌ ଲାଇଟ୍ ଫ୍ଲାଶ୍ କରନ୍ତୁ ମଧ୍ଯ ଦେଖନ୍ତୁ।

ନୋଟିଫିକେଶନ୍ ପାଇଁ ସାଉଣ୍ଡ୍ ଏବଂ ଭାଇବ୍ରେଶନ୍ ପରିବର୍ତ୍ତନ କରନ୍ତୁ

ଆପଣ ଆଲର୍ଟ୍‌ ପାଇଁ ସାଉଣ୍ଡ୍ ଭଲ୍ଯୁମ୍ ବାଛିପାରିବେ, ଆଲର୍ଟ୍‌ ପାଇଁ ଟୋନ୍ କିମ୍ବା ସାଉଣ୍ଡ୍ ମଧ୍ଯରେ ବାଛିପାରିବେ କିମ୍ବା ନୋଟିଫିକେଶନ୍ ଭାଇବ୍ରେଶନ୍ ପାଟର୍ନ୍ ପରିବର୍ତ୍ତନ କରିପାରିବେ (ଫୋନ୍ ସାଇଲେନ୍ସ୍ ଥିବା ସମୟରେ)।

  1. ସେଟିଂସ୍  > ସାଉଣ୍ଡ୍ ଓ ହାପ୍ଟିକ୍ସ୍‌କୁ ଯାଆନ୍ତୁ।

  2. ନିମ୍ନଲିଖିତ ମଧ୍ୟରୁ ଗୋଟିଏ କରନ୍ତୁ:

    • ନୋଟିଫିକେଶନ୍‌ର ସାଉଣ୍ଡ୍‌ ହ୍ରାସ କରନ୍ତୁ କିମ୍ୱା ବୃଦ୍ଧି କରନ୍ତୁ: ସ୍ଲାଇଡର୍ ସହିତ ଭଲ୍ଯୁମ୍ ଆଡ୍‌ଜଷ୍ଟ୍ କରନ୍ତୁ।

    • ଏକ ଟୋନ୍ କିମ୍ବା ସାଉଣ୍ଡ୍‌ ବାଛନ୍ତୁ: ଟେକ୍ସଟ୍ ଟୋନ୍‌ରେ ଟାପ୍‌ କରନ୍ତୁ, ତା’ପରେ ଆଲର୍ଟ୍‌ ଟୋନ୍ ତଳେ ଥିବା ସାଉଣ୍ଡ୍‌ରେ ଟାପ୍‌ କରନ୍ତୁ (କିମ୍ବା ଗୋଟିଏ ଡାଉନ୍‌ଲୋଡ୍ କରିବାକୁ ଟୋନ୍ ଷ୍ଟୋର୍‌ରେ ଟାପ୍‌ କରନ୍ତୁ)।

    • ଏକ ଭାଇବ୍ରେଶନ୍ ପାର୍ଟନ୍‌ ବାଛନ୍ତୁ: ଟେକ୍ସଟ୍ ଟୋନ୍‌ରେ ଟାପ୍‌ କରନ୍ତୁ, ହାପ୍ଟିକ୍ସ୍‌ରେ ଟାପ୍‌ କରନ୍ତୁ, ତା’ପରେ ଏକ ବିକଳ୍ପ ବାଛନ୍ତୁ (କିମ୍ବା ନିଜର କରିବା ପାଇଁ “ନୂଆ ଭାଇବ୍ରେଶନ୍‌ ତିଆରି କରନ୍ତୁ”ରେ ଟାପ୍‌ କରନ୍ତୁ)।

    ଟିପ୍‌: ଆପଣ ବାଛିଥିବା ଟୋନ୍ ଏବଂ ଭାଇବ୍ରେଶନ୍ ଉଭୟ ମେସେଜ୍ ଆପ୍‌ ଏବଂ ଅନ୍ୟ ଆପ୍‌ରେ ଲାଗୁ ହୁଏ, ଯେପରିକି Mail, ଫୋନ୍ ଏବଂ ଅନ୍ୟ Apple କିମ୍ବା ତୃତୀୟ-ପକ୍ଷ ଆପ୍‌। କେବଳ ମେସେଜ୍ ଆପ୍ ପାଇଁ ସେଗୁଡ଼ିକୁ ପରିବର୍ତ୍ତନ କରିବା ପାଇଁ, ସେଟିଂସ୍ > ନୋଟିଫିକେଶନ୍ > ମେସେଜ୍‌କୁ ଯାଆନ୍ତୁ, ତା’ପରେ ସାଉଣ୍ଡ୍‌ରେ ଟାପ୍ କରନ୍ତୁ।

ସେଟିଂସ୍ > ନୋଟିଫିକେଶନ୍ > ମେସେଜ୍ > ନୋଟିଫିକେଶନ୍ କଷ୍ଟମାଇଜ୍ କରନ୍ତୁ > ଆଲର୍ଟ୍‌ ପୁନରାବୃତ୍ତି କରନ୍ତୁରେ ଏକ ନୋଟିଫିକେଶନ୍ ପୁନରାବୃତ୍ତି କରିବାକୁ ଆପଣ କେତେ ଥର ସେଟ୍ କରିପାରିବେ (କଦାପି ନୁହେଁରୁ 10 ଥର ପର୍ଯ୍ୟନ୍ତ)।

ନିର୍ଦ୍ଦିଷ୍ଟ ଲୋକଙ୍କ ପାଇଁ ନୋଟିଫିକେଶନ୍ ସାଉଣ୍ଡ୍ ପରିବର୍ତ୍ତନ କରନ୍ତୁ

ଆପଣ ଏକ ନିର୍ଦ୍ଦିଷ୍ଟ କଣ୍ଟାକ୍ଟ୍‌ରୁ ମେସେଜ୍ ପ୍ରାପ୍ତ କରିବା ସମୟରେ ଚଲାଇବାକୁ ଏକ ନିର୍ଦ୍ଦିଷ୍ଟ ସାଉଣ୍ଡ୍‌ କିମ୍ବା ଭାଇବ୍ରେଶନ୍ ବାଛିପାରିବେ।

  1. ଆପଣଙ୍କ iPhoneରେ ମେସେଜ୍‌ ଆପ୍ କୁ ଯାଆନ୍ତୁ।

  2. ଏକ ବାର୍ତ୍ତାଳାପରେ ଟାପ୍ କରନ୍ତୁ, ତା’ପରେ ବାର୍ତ୍ତାଳାପର ଶୀର୍ଷରେ ଆପଣ ଯୋଗାଯୋଗ କରୁଥିବା ବ୍ୟକ୍ତିଙ୍କ ନମ୍ବର୍‌ କିମ୍ବା ନାମରେ ଟାପ୍ କରନ୍ତୁ।

  3. ସୂଚନା ରେ ଟାପ୍‌ କରନ୍ତୁ, ଶୀର୍ଷ-ଡାହାଣ କୋଣରେ ଥିବା “ଏଡିଟ୍‌ କରନ୍ତୁ”ରେ ଟାପ୍ କରନ୍ତୁ, ତା’ପରେ ଟେକ୍ସଟ୍ ଟୋନ୍‌ରେ ଟାପ୍‌ କରନ୍ତୁ।

    ଯଦି ଆପଣ “ଏଡିଟ୍ କରନ୍ତୁ” ଦେଖୁନାହାନ୍ତି, “ନୂଆ କଣ୍ଟାକ୍ଟ୍ ତିଆରି କରନ୍ତୁ”ରେ ଟାପ୍ କରନ୍ତୁ କିମ୍ୱା ପୂର୍ବରୁ ଥିବା କଣ୍ଟାକ୍ଟ୍‌ରେ ଯୋଡ଼ନ୍ତୁ।

  4. ନିମ୍ନଲିଖିତ ମଧ୍ୟରୁ ଗୋଟିଏ କରନ୍ତୁ:

    • ଏକ ଟୋନ୍‌ କିମ୍ବା ସାଉଣ୍ଡ୍‌ ନିର୍ଦ୍ଦିଷ୍ଟ କରନ୍ତୁ: “ଆଲର୍ଟ୍‌ ଟୋନ୍‌” ତଳେ ଥିବା ସାଉଣ୍ଡ୍‌ରେ ଟାପ୍ କରନ୍ତୁ (କିମ୍ୱା ଗୋଟିଏ ଡାଉନ୍‌ଲୋଡ୍ କରିବାକୁ ଟୋନ୍ ଷ୍ଟୋର୍‌ରେ ଟାପ୍‌ କରନ୍ତୁ)।

    • ଏକ ଭାଇବ୍ରେଶନ୍ ପାଟର୍ନ୍ ନିର୍ଦ୍ଦିଷ୍ଟ କରନ୍ତୁ: ହାପ୍ଟିକ୍ସ୍‌ରେ ଟାପ୍‌ କରନ୍ତୁ, ତା’ପରେ ଏକ ବିକଳ୍ପ ବାଛନ୍ତୁ (କିମ୍ବା ନିଜ ପାଇଁ “ନୂଆ ଭାଇବ୍ରେଶନ୍ ତିଆରି କରନ୍ତୁ”ରେ ଟାପ୍‌ କରନ୍ତୁ)।

    • ଏହି ବାର୍ତ୍ତାଳାପ ପାଇଁ ନୋଟିଫିକେଶନ୍ ମ୍ଯୁଟ୍‌ କରନ୍ତୁ: ଉଭୟ ହାପ୍ଟିକ୍ସ୍‌ ଏବଂ ଆଲର୍ଟ୍‌ ଟୋନ୍ ତଳେ “କିଛି ନାହିଁ”ରେ ଟାପ୍ କରନ୍ତୁ।

ଏହି କଣ୍ଟାକ୍ଟ୍‌କୁ ଫୋକସ୍ ଓଭର୍‌ରାଇଡ୍‌ କରିବାର ବିକଳ୍ପ ଦେବା ପାଇଁ, ଯାହା ଦ୍ୱାରା ଯେକୌଣସି ଗୁରୁତ୍ୱପୂର୍ଣ୍ଣ ମେସେଜ୍‌ ଯାଇପାରିବ, “ଜରୁରୀକାଳୀନ ବାଏପାସ୍” ଚାଲୁ କରନ୍ତୁ। ଉଦାହରଣ ସ୍ୱରୂପ, ପରିବାର ସଦସ୍ଯ, କେୟାର୍‌ଟେକର୍‌ କିମ୍ବା ସହକର୍ମୀଙ୍କ ପାଇଁ ଆପଣ ଏହାକୁ ଚାଲୁ କରିପାରିବେ।

ଗୋଟିଏ ବାର୍ତ୍ତାଳାପକୁ ମ୍ଯୁଟ୍‌ କରନ୍ତୁ

ଆପଣ ବାର୍ତ୍ତାଳାପ ପାଇଁ ମେସେଜ୍ ପ୍ରାପ୍ତ କରିବା ଜାରି ରଖିଥିବା ବେଳେ ଏହାର ନୋଟିଫିକେଶନ୍ ପ୍ରାପ୍ତ କରିବା ବନ୍ଦ କରିପାରିବେ।

  1. ଆପଣଙ୍କ iPhoneରେ ମେସେଜ୍‌ ଆପ୍ କୁ ଯାଆନ୍ତୁ।

  2. ମେସେଜ୍ ଲିଷ୍ଟ୍‌ରେ, ନିମ୍ନଲିଖିତ ମଧ୍ୟରୁ ଗୋଟିଏ କରନ୍ତୁ:

    • ଏକ ବାର୍ତ୍ତାଳାପରେ ବାମକୁ ସ୍ୱାଇପ୍ କରନ୍ତୁ, ତା’ପରେ “ମ୍ଯୁଟ୍‌” ବଟନ୍ରେ ଟାପ୍ କରନ୍ତୁ।

    • ଏକ ବାର୍ତ୍ତାଳାପକୁ ସ୍ପର୍ଶ କରି ହୋଲ୍ଡ୍ କରନ୍ତୁ, ତା’ପରେ “ଆଲର୍ଟ୍‌ ଲୁଚାନ୍ତୁ”ରେ ଟାପ୍ କରନ୍ତୁ।

ଗୋଟିଏ ବାର୍ତ୍ତାଳାପ ପାଇଁ ମେସେଜ୍ ପାଇବା ସମ୍ପୂର୍ଣ୍ଣ ରୂପେ ବନ୍ଦ କରିବା ପାଇଁ, ଆପଣ ଏକ ନିର୍ଦ୍ଦିଷ୍ଟ ବ୍ଯକ୍ତି କିମ୍ବା ନମ୍ବର୍ ବ୍ଲକ୍ କରିପାରିବେ କିମ୍ବା ଏକ ଗ୍ରୂପ୍‌ ବାର୍ତ୍ତାଳାପକୁ ଛାଡ଼ିପାରିବେ।

ମେସେଜ୍ ଘୋଷଣା କରନ୍ତୁ

Siri ଆପଣଙ୍କ iPhone ସ୍ପୀକର୍, ସମର୍ଥିତ ହେଡ୍‌ଫୋନ୍ ଏବଂ CarPlay ବ୍ଯବହାର କରିବା ସମୟରେ ମେସେଜ୍ ଘୋଷଣା କରିପାରିବ।

MFi ଶ୍ରବଣ ଡିଭାଇସ୍‌ରେ ଇନ୍‌କମିଂ ମେସେଜ୍ ଶୁଣିବା ପାଇଁ ନିର୍ଦ୍ଦିଷ୍ଟ ଆପ୍ ପାଇଁ କଲ୍ ଏବଂ ନୋଟିଫିକେଶନ୍ ଘୋଷଣା କରନ୍ତୁ ଦେଖନ୍ତୁ।

ଏହା ମଧ‍୍ୟ ଦେଖନ୍ତୁiPhoneରେ ନୋଟିଫିକେଶନ୍ ସେଟିଂସ୍ ପରିବର୍ତ୍ତନ କରନ୍ତୁଚାଲୁ କିମ୍ବା ବନ୍ଦ କରିବାକୁ ଏକ ଫୋକସ୍ ଶେଡ୍ଯୂଲ୍‌ କରନ୍ତୁiPhone ସାଉଣ୍ଡ୍‌ ଏବଂ ଭାଇବ୍ରେଶନ୍‌ ପରିବର୍ତ୍ତନ କରନ୍ତୁଏକ ନୋଟିଫିକେଶନ୍ ସାରାଂଶ ଶେଡ୍ଯୂଲ୍‌ କରନ୍ତୁ
Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.