iOS 26
iOS 18
ଏହି କଣ୍ଟ‍୍ରୋଲ୍‌କୁ ପରିବର୍ତ୍ତନ କରିବା ଫଳରେ ଏହି ପୃଷ୍ଠା ସ୍ବୟଂଚାଳିତ ଭାବରେ ଅପ୍‌ଡେଟ୍ ହୋଇଯିବ

iPhone ବ୍ଯାକ୍‌ ଅପ୍ କରନ୍ତୁ

iCloud କିମ୍ବା ଆପଣଙ୍କ କମ୍ପ୍ଯୁଟର୍‌ ବ୍ୟବହାର କରି ଆପଣ iPhone ବ୍ୟାକ୍ ଅପ୍ କରିପାରିବେ। ଆପଣଙ୍କ ପାଇଁ କେଉଁ ପଦ୍ଧତି ସର୍ବୋତ୍ତମ ତାହା ସ୍ଥିର କରିବାକୁ, iPhone, iPad ଏବଂ iPod touch ପାଇଁ ବ୍ୟାକ୍‌ଅପ୍ ବିଷୟରେ ଦେଖନ୍ତୁ।

ଟିପ୍‌: ଯଦି ଆପଣ ନିଜ iPhoneକୁ ବଦଳାନ୍ତି, ତେବେ ଆପଣ ନିଜ ସୂଚନା ନୂଆ ଡିଭାଇସ୍‌କୁ ଟ୍ରାନ୍ସଫର୍ କରିବା ପାଇଁ ଏହାର ବ୍ୟାକ୍ଅପ୍‌କୁ ବ୍ୟବହାର କରିପାରିବେ। ବ୍ଯାକ୍‌ଅପ୍‌ରୁ ସମସ୍ତ ବିଷୟବସ୍ତୁ iPhoneରେ ରିଷ୍ଟୋର୍ କରନ୍ତୁ ଦେଖନ୍ତୁ।

iCloud ବ୍ୟବହାର କରି iPhone ବ୍ୟାକ୍ ଅପ୍ କରନ୍ତୁ

iCloud ବ୍ଯାକ୍‌ଅପ୍‌ ଆପଣଙ୍କ ଡିଭାଇସ୍‌ରେ ସୂଚନା ଏବଂ ସେଟିଂସ୍‌ ଷ୍ଟୋର୍ କରେ ଯାହା iCloudରେ ନିୟମିତ ସିଙ୍କ୍ ହୁଏ ନାହିଁ। ଏଥିରେ ଡିଭାଇସ୍ ସେଟିଂସ୍, ହୋମ୍ ସ୍କ୍ରୀନ୍ ଲେଆଉଟ୍ ଏବଂ ଆପ୍ ଅର୍ଗାନାଇଜେଶନ୍ ପରି ଜିନିଷ ଅନ୍ତର୍ଭୁକ୍ତ। Apple ସହାୟତା ଆର୍ଟିକଲ୍ iCloud କ'ଣ ବ୍ୟାକ୍ ଅପ୍ କରେ? ଦେଖନ୍ତୁ

  1. ସେଟିଂସ୍‌  > [ଆପଣଙ୍କ ନାମ] > iCloud > iCloud ବ୍ଯାକ୍‌ଅପ୍‌କୁ ଯାଆନ୍ତୁ।

  2. “ଏହି iPhoneର ବ୍ୟାକ୍‌ଅପ୍ ନିଅନ୍ତୁ” ଚାଲୁ କରନ୍ତୁ।

    ଆପଣଙ୍କ iPhone ପାୱର୍‌ ସହ ସଂଯୁକ୍ତ, ଲକ୍ ହୋଇଥିବା ଏବଂ Wi-Fi ସହ ସଂଯୁକ୍ତ ଥିବା ସମୟରେ iCloud ସ୍ୱୟଂଚାଳିତ ଭାବରେ ପ୍ରତିଦିନ ଆପଣଙ୍କ iPhoneର ବ୍ୟାକ୍ ଅପ୍ ନେଇଥାଏ।

    ଧ‍୍ୟାନ ଦିଅନ୍ତୁ: 5G ସମର୍ଥିତ ମଡେଲ୍‌ଗୁଡ଼ିକରେ, ଆପଣଙ୍କ ନେଟ୍‌ୱର୍କ୍‌ ପ୍ରଦାନକାରୀ ଆପଣଙ୍କୁ ଆପଣଙ୍କ ମୋବାଇଲ୍ ନେଟ୍‌ୱର୍କ୍‌ ବ୍ୟବହାର କରି iPhone ବ୍ୟାକ୍ ଅପ୍ କରିବାର ବିକଳ୍ପ ଦେଇପାରନ୍ତି। ସେଟିଂସ୍ > [ଆପଣଙ୍କ ନାମ] > iCloud > iCloud ବ୍ଯାକ୍‌ଅପ୍‌କୁ ଯାଆନ୍ତୁ, ତା’ପରେ “ମୋବାଇଲ୍ ସେବା ମାଧ୍ଯମରେ ବ୍ୟାକ୍ ଅପ୍” ଚାଲୁ କିମ୍ବା ବନ୍ଦ କରନ୍ତୁ।

  3. ଏକ ମାନ୍ଯୁଅଲ୍ ବ୍ୟାକ୍‌ ଅପ୍ କରିବାକୁ, “ବର୍ତ୍ତମାନ ବ୍ୟାକ୍ ଅପ୍ କରନ୍ତୁ”ରେ ଟାପ୍ କରନ୍ତୁ।

ଯଦି ଆପଣ iCloud ସହିତ ଆପଣଙ୍କର iPhone ବ୍ଯାକ୍ ଅପ୍ କରିବାରେ ସହାୟତା ଆବଶ୍ଯକ କରନ୍ତି, ତେବେ Apple ସହାୟତା ଆର୍ଟିକଲ୍ ଯଦି ଆପଣ iCloudକୁ ବ୍ଯାକ୍ ଅପ୍ କରିପାରୁନାହାନ୍ତି ଦେଖନ୍ତୁ।

ଉପଲବ୍ଧ iCloud ଷ୍ଟୋରେଜ୍ ଦେଖନ୍ତୁ

ସେଟିଂସ୍  > [ଆପଣଙ୍କ ନାମ] > iCloudକୁ ଯାଆନ୍ତୁ।

ବ୍ଯବହୃତ iCloud ଷ୍ଟୋରେଜ୍‌ର ପରିମାଣ ଏବଂ ଉପଲବ୍ଧ iCloud ଷ୍ଟୋରେଜ୍‌ର ପରିମାଣ ସ୍କ୍ରୀନ୍ ଉପରେ ଦେଖାଯିବ।

iCloud ଷ୍ଟୋରେଜ୍ ପରିଚାଳନା କରନ୍ତୁ

ଆପଣ iCloud ବ୍ଯାକ୍‌ଅପ୍‌ ବିଷୟରେ ସବିଶେଷ ବିବରଣୀ ଦେଖିପାରିବେ, ଯେପରିକି ଶେଷ ବ୍ଯାକ୍‌ଅପ୍‌, ପରବର୍ତ୍ତୀ ବ୍ଯାକ୍‌ଅପ୍‌ ସାଇଜ୍ ଏବଂ ବ୍ଯାକ୍‌ଅପ୍‌ରେ ଅନ୍ତର୍ଭୁକ୍ତ ଥିବା ଆପ୍।

  1. ସେଟିଂସ୍‌  > [ଆପଣଙ୍କ ନାମ] > iCloud ବ୍ଯାକ୍‌ଅପ୍‌କୁ ଯାଆନ୍ତୁ, ତା’ପରେ ଆପଣଙ୍କ iPhone (ଏହି iPhone)ରେ ଟାପ୍ କରନ୍ତୁ।

  2. ବ୍ଯାକ୍ଅପ୍‌ର ଆକାର ହ୍ରାସ କରିବାକୁ, ଆପଣ ଆଉ ବ୍ଯାକ୍ଅପ୍‌ କରିବାକୁ ଚାହୁଁ ନଥିବା ଆପ୍ ଉପରେ ଟାପ୍ କରନ୍ତୁ; iCloudରୁ ଆପ୍‌ର ବିଦ୍ଯମାନ ବ୍ଯାକ୍ଅପ୍‌ ଡେଟା ମଧ୍ଯ ଡିଲିଟ୍ ହୋଇଯିବ।

ଅଧିକ ସୂଚନା ପାଇଁ Apple ସହାୟତା ଆର୍ଟିକଲ୍ ଆପଣଙ୍କ iCloud ଷ୍ଟୋରେଜ୍ ପରିଚାଳନା କରନ୍ତୁ।

ଆପଣଙ୍କ Mac ବ୍ୟବହାର କରି iPhone ବ୍ୟାକ୍ ଅପ୍ କରନ୍ତୁ

ଆପଣ ନିଜ Macରେ ଆପଣଙ୍କ iPhoneର ଏକ ବ୍ଯାକ୍ଅପ୍ ସେଭ୍ କରିପାରିବେ।

  1. ଏକ କେବଲ୍ ମାଧ୍ଯମରେ iPhone ଏବଂ ଆପଣଙ୍କ କମ୍ପ୍ଯୁଟର୍‌କୁ ସଂଯୋଗ କରନ୍ତୁ।

  2. ଆପଣଙ୍କ Macରେ ଥିବା Finder‌ ସାଇଡ୍‌ବାର୍‌ରେ, ଆପଣଙ୍କ iPhone ଚୟନ କରନ୍ତୁ।

    iPhone ବ୍ୟାକ୍ ଅପ୍ କରିବା ପାଇଁ Finder ବ୍ୟବହାର କରିବାକୁ, macOS 10.15 କିମ୍ବା ପରବର୍ତ୍ତୀ ଭର୍ଶନ୍ ଆବଶ୍ଯକ। macOSର ପୂର୍ବବର୍ତ୍ତୀ ଭର୍ଶନ୍‌ଗୁଡ଼ିକରେ, iPhone ବ୍ଯାକ୍‌ ଅପ୍ ବ୍ଯବହାର କରିବାକୁ iTunes ବ୍ଯବହାର କରନ୍ତୁ।

  3. Finder ୱିଣ୍ଡୋର ଶୀର୍ଷରେ, “ସାଧାରଣ”ରେ କ୍ଲିକ୍ କରନ୍ତୁ।

  4. "ଏହି Macକୁ ଆପଣଙ୍କର ସମସ୍ତ iPhone ଡେଟା ବ୍ୟାକ୍ ଅପ୍ କରନ୍ତୁ" ଚୟନ କରନ୍ତୁ।

  5. ଆପଣଙ୍କ ବ୍ଯାକ୍‌ଅପ୍ ଡେଟାକୁ ଏନ୍‌କ୍ରିପ୍ଟ୍ କରିବା ଏବଂ ଏହାକୁ ପାସ୍ୱର୍ଡ୍ ଦ୍ୱାରା ସୁରକ୍ଷିତ ରଖିବା ପାଇଁ “ସ୍ଥାନୀୟ ବ୍ଯାକ୍‌ଅପ୍ ଏନ୍‌କ୍ରିପ୍ଟ୍ କରନ୍ତୁ” ଚୟନ କରନ୍ତୁ।

  6. “ବର୍ତ୍ତମାନ ବ୍ଯାକ୍‌ ଅପ୍ କରନ୍ତୁ”ରେ କ୍ଲିକ୍ କରନ୍ତୁ।

ଧ‍୍ୟାନ ଦିଅନ୍ତୁ: ଆପଣ iPhoneକୁ ମଧ୍ଯ ଆପଣଙ୍କ କମ୍ପ୍ଯୁଟର୍ ସହିତ ୱାୟର୍‌ଲେସ୍‌ ଭାବରେ ସଂଯୋଗ କରିପାରିବେ। ଅନ୍ଯ ଡିଭାଇସ୍ ସହିତ ଆପଣଙ୍କ iPhoneକୁ ସିଙ୍କ୍ କରନ୍ତୁ ଦେଖନ୍ତୁ।

ଆପଣଙ୍କ Windows ଡିଭାଇସ୍ ବ୍ୟବହାର କରି iPhone ବ୍ୟାକ୍ ଅପ୍ କରନ୍ତୁ

  1. ଏକ କେବଲ୍ ମାଧ୍ଯମରେ iPhone ଏବଂ ଆପଣଙ୍କ କମ୍ପ୍ଯୁଟର୍‌କୁ ସଂଯୋଗ କରନ୍ତୁ।

  2. ଆପଣଙ୍କ PCରେ ଥିବା iTunes ଆପ୍‌ରେ, iTunes ୱିଣ୍ଡୋର ଶୀର୍ଷର ବାମ ନିକଟରେ iPhone ବଟନ୍‌ରେ କ୍ଲିକ୍ କରନ୍ତୁ।

  3. ସାରାଂଶରେ କ୍ଲିକ୍ କରନ୍ତୁ।

  4. “ବର୍ତ୍ତମାନ ବ୍ଯାକ୍‌ ଅପ୍ କରନ୍ତୁ”ରେ କ୍ଲିକ୍ କରନ୍ତୁ (ବ୍ଯାକ୍‌ଅପ୍ ତଳେ)।

  5. ଆପଣଙ୍କ ବ୍ଯାକ୍‌ଅପ୍ ଏନ୍‌କ୍ରିପ୍ଟ୍ କରିବାକୁ, “ସ୍ଥାନୀୟ ବ୍ଯାକ୍‌ଅପ୍ ଏନ୍‌କ୍ରିପ୍ଟ୍ କରନ୍ତୁ” ଚୟନ କରନ୍ତୁ, ଏକ ପାସ୍‌ୱର୍ଡ୍ ଟାଇପ୍ କରନ୍ତୁ, ତା’ପରେ “ପାସ୍‌ୱର୍ଡ୍ ସେଟ୍ କରନ୍ତୁ”ରେ କ୍ଲିକ୍ କରନ୍ତୁ।

ଆପଣଙ୍କ କମ୍ପ୍ୟୁଟର୍‌ରେ ଷ୍ଟୋର୍ ହୋଇଥିବା ବ୍ଯାକ୍‌ଅପ୍‌ ଦେଖିବାକୁ, ଏଡିଟ୍ କରନ୍ତୁ > ପ୍ରାଥମିକତା ବାଛନ୍ତୁ, ତା’ପରେ ଡିଭାଇସ୍‌ରେ କ୍ଲିକ୍ କରନ୍ତୁ। ଏନ୍‌କ୍ରିପ୍ଟ୍‌ ହୋଇଥିବା ବ୍ଯାକ୍‌ଅପ୍ ଲିଷ୍ଟ୍‌ରେ ଏକ ଲକ୍ ଆଇକନ୍ ଅଛି।

ଧ‍୍ୟାନ ଦିଅନ୍ତୁ: ଆପଣ iPhoneକୁ ମଧ୍ଯ ଆପଣଙ୍କ କମ୍ପ୍ଯୁଟର୍ ସହିତ ୱାୟର୍‌ଲେସ୍‌ ଭାବରେ ସଂଯୋଗ କରିପାରିବେ। ଅନ୍ଯ ଡିଭାଇସ୍ ସହିତ ଆପଣଙ୍କ iPhoneକୁ ସିଙ୍କ୍ କରନ୍ତୁ ଦେଖନ୍ତୁ।

Morty Proxy This is a proxified and sanitized view of the page, visit original site.
ସହାୟକ କି?
କ‍୍ୟାରେକ୍ଟର୍ ସୀମା: 250
ସର୍ବାଧିକ କ‍୍ୟାରେକ୍ଟର୍ ସୀମା 250 ଅଟେ।
ଆପଣଙ୍କ ମତାମତ ପାଇଁ ଧନ‍୍ୟବାଦ।
Morty Proxy This is a proxified and sanitized view of the page, visit original site.