iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वर छायाचित्र अल्बम तयार करणे आणि त्यासह काम करणे

तुमची छायाचित्रे आणि व्हिडिओ बघण्यासाठी आणि व्यवस्थापित करण्यासाठी छायाचित्र ॲपमध्ये अल्बम वापरा. तुम्ही अल्बम्सचे नाव बदलू शकता, ते पुन्हा व्यवस्थापित करू शकता आणि हटवू शकता आणि अनेक अल्बम्स समाविष्ट करण्यासाठी फोल्डर्स तयार करू शकता.

छायाचित्र ॲप ‘अल्बम’ साठी उघडलेले आहे. ‘वैयक्तिक’ सिलेक्ट केले गेले. iPad ची उर्वरित स्क्रीन ग्रिडमध्ये अल्बमसाठी थंबनेल दाखवते.

तुम्ही iCloud छायाचित्रे वापरल्यास, अल्बम iCloud वर संग्रहित केले जातात. ते अद्ययावत आहेत आणि तुम्ही त्याच Apple अकाउंटमध्ये साइन इन केलेल्या डिव्हाइसवर ॲक्सेस करण्यायोग्य आहेत. iCloud सह तुमची छायाचित्रे आणि व्हिडीओज बॅकअप आणि सिंक करणे पहा.

नवीन अल्बम तयार करणे

  1. तुमच्या iPad वर छायाचित्र ॲपवर जा.

  2. लायब्ररी साइडबारमध्ये ‘अल्बम्स’ वर टॅप करा, त्यानंतर ‘सर्व अल्बम्स’ वर टॅप करा (किंवा ‘संग्रह’ वर टॅप करा, त्यानंतर ‘अल्बम्स’ वर टॅप करा).

  3. ‘समाविष्ट करा’ बटण वर टॅप करा, त्यानंतर ‘नवीन अल्बम’ वर टॅप करा.

  4. अल्बमसाठी नाव प्रविष्ट करा, छायाचित्रे समाविष्ट करा आणि अल्बम दर्शवण्यासाठी मुख्य छायाचित्र निवडा.

  5. ‘तयार करा’ वर टॅप करा.

तुम्हाला इतर लोकांबरोबर सहयोग करता असा अल्बम तयार करण्यासाठी, शेअर केलेले अल्बम तयार करा पहा.

अल्बम्स क्रमवार लावणे

  1. तुमच्या iPad वर छायाचित्र ॲपवर जा.

  2. लायब्ररी साइडबारमध्ये ‘अल्बम्स’ वर टॅप करा, त्यानंतर ‘सर्व अल्बम्स’ वर टॅप करा (किंवा ‘संग्रह’ वर टॅप करा, त्यानंतर ‘अल्बम्स’ वर टॅप करा).

  3. अधिक बटण वर टॅप करा, नंतर 'क्रमवार लावा' पर्याय निवडा.

    जर तुम्ही ‘कस्टम ऑर्डरप्रमाणे क्रमवार लावा’ निवडल्यास, अल्बमवर टच आणि होल्ड करा, त्यानंतर त्याला नवीन स्थानावर ड्रॅग करा.

  4. फक्त अल्बम्स किंवा फक्त फोल्डर्स दाखवण्यासाठी, अधिक बटण वर टॅप करा, ’फिल्टर करा’ वर टॅप करा, नंतर पर्याय निवडा.

अल्बम्सच्या यादीचा फॉरमॅट बदलण्यासाठी, अधिक बटण वर टॅप करा, त्यानंतर ’यादी व्ह्यू’ किंवा ’मुख्य छायाचित्र’ सिलेक्ट करा.

अल्बमचे नाव बदलणे

  1. तुमच्या iPad वर छायाचित्र ॲपवर जा.

  2. ‘संग्रह’ वर टॅप करा, त्यानंतर ‘अल्बम्स’ वर टॅप करा.

  3. तुम्हाला नाव बदलायचे असलेल्या अल्बमवर टच आणि होल्ड करा.

  4. ’शीर्षक आणि छायाचित्रे संपादित करा’ वर टॅप करा.

  5. टेक्स्ट फील्डमध्ये नवीन नाव प्रविष्ट करा, त्यानंतर ‘झाले’ वर टॅप करा.

अल्बममधून छायाचित्रे शेअर करणे

  1. तुमच्या iPad वर छायाचित्र ॲपवर जा.

  2. ‘संग्रह’ वर टॅप करा, त्यानंतर ‘अल्बम्स’ वर टॅप करा.

  3. अल्बम उघडण्यासाठी त्यावर टॅप करा.

  4. ‘सिलेक्ट करा’ वर टॅप करा, त्यानंतर तुम्हाला शेअर करायच्या असलेल्या आयटम्सवर टॅप करा. किंवा ’सिलेक्ट करा’ वर टॅप करा, नंतर अल्बममधील सर्व काही शेअर करण्यासाठी ’सर्व सिलेक्ट करा’ वर टॅप करा.

  5. ‘शेअर करा’ बटण वर टॅप करा, त्यानंतर AirDrop, ‘संदेश’ किंवा ‘Mail’ ह्यासारखे शेअरिंग पर्याय निवडा.

अल्बम हटवणे

  1. तुमच्या iPad वर छायाचित्र ॲपवर जा.

  2. ‘संग्रह’ वर टॅप करा, त्यानंतर ‘अल्बम्स’ वर टॅप करा.

  3. तुम्हाला हटवायच्या असलेल्या अल्बमवर टच आणि होल्ड करा.

  4. ‘अल्बम हटवा’ वर टॅप करा.

नोट : जेव्हा तुम्ही अल्बम हटवता, तेव्हा त्यातील छायाचित्रे आणि व्हिडिओज तुमच्या छायाचित्र लायब्ररीमध्ये आणि त्यात समाविष्ट केलेल्या इतर कोणत्याही अल्बम्समध्ये राहतात.

फोल्डरमध्ये अल्बम व्यवस्थापित करणे

तुम्ही तुमचे अल्बम्स व्यवस्थापित करण्यासाठी फोल्डर्स तयार करू शकता. तुम्ही फोल्डर तयार केल्यानंतर, तो ‘अल्बम्स’ संग्रहात दिसतो.

  1. तुमच्या iPad वर छायाचित्र ॲपवर जा.

  2. लायब्ररी साइडबारमध्ये ‘अल्बम्स’ वर टॅप करा, त्यानंतर ‘सर्व अल्बम्स’ वर टॅप करा (किंवा ‘संग्रह’ वर टॅप करा, त्यानंतर ‘अल्बम्स’ वर टॅप करा).

  3. ‘समाविष्ट करा’ बटण वर टॅप करा, त्यानंतर ‘नवीन फोल्डर’ वर टॅप करा.

  4. फोल्डरला नाव द्या, नंतर त्यात अल्बम्स समाविष्ट करा.

  5. ‘तयार करा’ वर टॅप करा.

फोल्डरमधून अल्बम काढून टाकण्यासाठी, फोल्डर उघडण्यासाठी त्यावर टॅप करा, अल्बमवर टच आणि होल्ड करा, त्यानंतर ’फोल्डरमधून काढून टाका’ वर टॅप करा.

हे देखील पहाiPad वर अल्बम्समध्ये छायाचित्रे आणि व्हिडिओज समाविष्ट करणे, हटवणे आणि शोधणेiPad वर अल्बममध्ये छायाचित्रे आणि व्हिडिओ फिल्टर करणे आणि क्रमवार लावणेiPad वर ‘छायाचित्र’ मध्ये शेअर केलेले अल्बम तयार करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.