iPad वर पॉडकास्ट शोधणे

विज्ञान, बातम्या, राजकारण, कॉमेडी आणि इतर गोष्टींबद्दल शो शोधण्यासाठी पॉडकास्ट ॲप वापरा. तुमच्या आवडीचा शो आढळल्यास, तो तुमच्या लायब्ररीमध्ये समाविष्ट करण्यासाठी तुम्ही त्यास फॉलो करू शकता. त्यानंतर तुम्ही सहजपणे ऑफलाइन पाहू किंवा ऐकू शकता, तुम्हाला नवीन एपिसोडबद्दल सूचित केले जाऊ शकते, तुमच्या इतर Apple डिव्हाइसवर आणि वेबवरील Apple Podcasts वर फॉलो केलेले शो ॲक्सेस करू शकता आणि बरेच काही करू शकता.

नोट : शो तुम्हाला विशेष शो आणि एपिसोड, नवीन रीलीझ, जाहिराती नसलेले एपिसोड आणि बरेच काही पाहण्याचा ॲक्सेस देऊन सशुल्क सदस्यता प्रदान करु शकतात. तुम्ही शो किंवा चॅनलची सदस्यता घेऊ शकता आणि तुमच्या सदस्यता मॅनेज करू शकता. तुम्ही आधीपासूनच Apple Music, Apple News+ किंवा पात्र थर्ड पार्टी ॲपची सदस्यता घेतली असल्यास, तुम्ही पॉडकास्टमध्ये त्याचा सदस्य कॉण्टेण्ट प्ले करू शकता. केवळ सदस्यांसाठी असलेले कॉण्टेण्ट ऐका पहा.

पॉडकास्ट श्रेणी दर्शवणारी पॉडकास्ट ॲपमधील सर्च स्क्रीन. स्क्रीनच्या तळाशी ’रिवाइंड करा’, ’पॉज करा’, ’फॉरवर्ड वगळा’ आणि ’स्लीप टायमर’ बटणे, एपिसोड आर्टवर्क, एपिसोडचे शीर्षक, ’अधिक’ बटण आणि ’ट्रान्सक्रिप्ट बघा’ बटण आहे.

पॉडकास्ट शोधणे

  1. तुमच्या iPad वर ‘पॉडकास्ट’ ॲपवर जा.

  2. खालीलपैकी कोणतेही एक करा :

    • श्रेणी, शीर्षक, व्यक्ती किंवा विषयानुसार सर्च करा : ‘सर्च करा’ बटण वर टॅप करा (किंवा साइडबारमध्ये ‘सर्च’ वर टॅप करा), त्यानंतर सर्च फील्डमध्ये एखादा शब्द किंवा वाक्यांश प्रविष्ट करा. तुम्ही टाइप करताच सर्वोत्तम हिट्स दिसतात.

      तुम्ही टाइप केलेल्या शब्द किंवा वाक्यांशासाठी सर्व परिणाम बघण्यासाठी ऑनस्क्रीन कीबोर्डवर ‘सर्च करा’ बटण वर टॅप करा. त्यावर थेट जाण्यासाठी शो, चॅनल किंवा एपिसोडवर टॅप करा.

    • नवीन शो शोधा : नवीन आणि ट्रेंडिंग शोज आणि Apple संपादकीय संग्रह पाहण्यासाठी ‘नवीन’ वर टॅप करा. ‘सर्च करा’ बटण किंवा ‘सर्च’ वर टॅप देखील करू शकता आणि निवडण्यासाठी श्रेणीची वैयक्तिकृत यादी तसेच संपादकीय संग्रह मिळवा.

      टिप : विशिष्ट श्रेणीसाठी सर्वोत्तम शोज आणि एपिसोड्स त्वरित पाहण्यासाठी, ’टॉप चार्ट्स’ वर टॅप करा, वरच्या उजव्या कोपऱ्यातील ’सर्व श्रेणी’ पॉप अप मेन्यूवर टॅप करा, त्यानंतर ‘श्रेणी’ वर टॅप करा.

    • URL द्वारे शो समाविष्ट करा : साइडबारमध्ये, ‘शो’ वर टॅप करा, अधिक बटण वर टॅप करा, त्यानंतर ’URL नुसार शो फॉलो करा’ वर टॅप करा. URL प्रविष्ट करा, त्यानंतर ‘फॉलो करा’ वर टॅप करा.

      नोट : URL वैध पॉडकास्ट RSS फीडसाठी असणे आवश्यक आहे.

वैयक्तिकृत शिफारशी मिळवणे

तुम्ही तुमच्या पाहण्याच्या किंवा ऐकण्याच्या ॲक्टिव्हिटी आणि तुमच्या आवडत्या चॅनेल आणि श्रेणीवर आधारित वैयक्तिकीकृत पॉडकास्ट शिफारशी प्राप्त करू शकता.

  1. तुमच्या iPad वर ‘पॉडकास्ट’ ॲपवर जा.

  2. ‘होम’ वर टॅप करा.

  3. खालीलपैकी कोणतेही एक करा :

    • शिफारस केलेले शो बघा : ’कदाचित तुम्हाला आवडतील’ ओळीमध्ये डावीकडे किंवा उजवीकडे स्क्रोल करा.

    • तुमच्या शोच्या शिफारशी सुधारा : ’कदाचित तुम्हाला आवडतील’ ओळी मधील ‘शो’ वर टॅप करा, अधिक बटण वर टॅप करा, त्यानंतर ’कमी सुचवा’ वर टॅप करा.

    • तुमच्या पाहण्यावर आणि ऐकण्यावर आधारित सुचवलेले एपिसोड बघा : ’अधिक शोधा’ ओळीपर्यंत खाली स्क्रोल करा, नंतर डावीकडे किंवा उजवीकडे स्क्रोल करा.

    • ‘वैयक्तिकृत शिफारशी’ मधून बाहेर पडा : ‘माझे अकाउंट’ बटण किंवा तुमच्या प्रोफाइल चित्रावर टॅप करा (तुम्हाला कदाचित साइडबार उघडावा लागेल), तुमच्या नावावर टॅप करा, त्यानंतर ’वैयक्तिकृत शिफारशी’ बंद करा.

      नोट : तुमची वैयक्तिक शिफारस सेटिंग App Store, Apple Books, iTunes Store, Apple TV आणि Apple च्या सदस्यत्वांवर देखील लागू होते.

तुम्ही पाहिलेल्या आणि ऐकलेल्या श्रेणींवर आधारित आणि तुम्ही आधीच खरेदी केलेल्या कोणत्याही सदस्यत्वांवर आधारित इतर शिफारसी उपलब्ध आहेत.

शेअर केलेले पॉडकास्ट पाहणे

जेव्हा एखादा फ्रेंड तुमच्याबरोबर ‘संदेश’ मध्ये शो किंवा एपिसोड शेअर करतो, तेव्हा तुम्ही तो ‘पॉडकास्ट’ मध्ये सहज शोधू शकता.

  1. तुमच्या iPad वर ‘पॉडकास्ट’ ॲपवर जा.

  2. ‘होम’ वर टॅप करा, त्यानंतर ‘तुमच्याबरोबर शेअर केलेले’ विभागात खाली स्क्रोल करा.

    जर तुम्हाला ‘तुमच्याबरोबर शेअर केलेले’ दिसत नसेल, तर तुमचा फ्रेंड तुमच्या संपर्कांमध्ये असल्याची आणि सेटिंग  > ॲप्स > संदेश > ‘तुमच्याबरोबर शेअर केलेले’ मध्ये पॉडकास्ट सुरू केलेले असल्याची खात्री करण्यासाठी तपासा.

तुमच्याबरोबर शेअर केलेला सर्व कॉण्टेण्ट शोधा देखील पहा.

विशिष्ट पॉडकास्टमध्ये एपिसोड ब्राउझ करणे

  1. तुमच्या iPad वर ‘पॉडकास्ट’ ॲपवर जा.

  2. शो शोधण्यासाठी सर्च किंवा ब्राउझ करा.

  3. ‘शो’ वर टॅप करा, नंतर अलीकडील एपिसोड्स पाहण्यासाठी खाली स्क्रोल करा (किंवा उपलब्ध असल्यास ’सर्व पहा’ वर टॅप करा).

एपिसोड फिल्टर करणे

जर तुम्ही एखाद्या शोला फॉलो करत असाल, किंवा त्याचा किमान एक एपिसोड जतन किंवा डाउनलोड केला असेल, तर तुम्ही त्यासाठी फिल्टर पर्याय निवडू शकता.

  1. तुमच्या iPad वर ‘पॉडकास्ट’ ॲपवर जा.

  2. शो शोधण्यासाठी सर्च किंवा ब्राउझ करा.

  3. ‘शो’ वर टॅप करा, त्यानंतर एपिसोड्सच्या यादीच्या वर ‘एपिसोड्स’ वर (किंवा सध्याचे फिल्टर) टॅप करा.

  4. ‘प्ले न केलेले’ किंवा सीझन 1 ह्यासारखा पर्याय निवडा.

हे देखील पहाiPad वर पॉडकास्ट एपिसोड डाउनलोड करणे, जतन करणे, काढून टाकणे आणि शेअर करणेiPad वर पॉडकास्ट्स बघा आणि ऐका
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.