iPad वर ’संदेश’ ॲपमध्ये बॅकग्राउंड्स समाविष्ट करा

तुम्ही iMessage संभाषणात बॅकग्राउंड समाविष्ट करू शकता. संभाषणातील इतर लोक त्यांच्या डिव्हाइसेसवर देखील बॅकग्राउंड पाहू शकतात आणि गटासाठी बॅकग्राउंड बदलू शकतात.

नोट : संभाषण बॅकग्राउंड्स समाविष्ट करण्यासाठी, बघण्यासाठी किंवा बदलण्यासाठी, तुम्हाला iOS 26, iPadOS 26, macOS Tahoe, watchOS 26, visionOS 26 किंवा नंतरच्या व्हर्जनवर iMessage चा वापर करणे आवश्यक आहे.

बॅकग्राउंड असलेले ’संदेश’ संभाषण.

डायनॅमिक बॅकग्राउंड वापरणे

  1. तुमच्या iPad वर संदेश ॲपवर जा.

  2. तुम्हाला बॅकग्राउंड समाविष्ट करायची आहे त्या संभाषणावर जा.

  3. संभाषणाच्या शीर्षस्थानी असलेल्या संपर्क किंवा गटाच्या आयकॉनवर टॅप करा, त्यानंतर ’बॅकग्राउंड्स’ वर टॅप करा.

  4. ’रंग’, ’आकाश’, ’पाणी’ किंवा ’ऑरोरा’ वर टॅप करा.

  5. पर्याय निवडण्यासाठी डावीकडे स्वाइप करा.

    टिप : रंगासाठी, रंग ॲडजस्ट करण्यासाठी खालच्या कोपऱ्यांमधील नमुन्यांवर टॅप करा.

  6. तुमच्या संभाषणात बॅकग्राउंड समाविष्ट करण्यासाठी पूर्ण बटण वर टॅप करा.

छायाचित्र बॅकग्राउंड म्हणून वापरणे

  1. तुमच्या iPad वर संदेश ॲपवर जा.

  2. तुम्हाला बॅकग्राउंडमध्ये छायाचित्र ज्या संभाषणावर समाविष्ट करायचे आहे त्या संभाषणावर जा.

  3. संभाषणाच्या शीर्षस्थानी असलेल्या संपर्क किंवा गटाच्या आयकॉनवर टॅप करा, त्यानंतर ’बॅकग्राउंड्स’ वर टॅप करा.

  4. ’छायाचित्र’ ॲपवर टॅप करा, त्यानंतर तुमच्या लायब्ररीमधून छायाचित्र सिलेक्ट करण्यासाठी टॅप करा.

    टिप : जर कोणी तुम्हाला बॅकग्राउंड म्हणून वापरायचे असलेले छायाचित्र शेअर केले असेल, तर संदेशातील छायाचित्राला टच आणि होल्ड करा, त्यानंतर ’बॅकग्राउंड म्हणून सेट करा’ वर टॅप करा.

  5. पुढीलपैकी कोणतेही एक करा :

    • इमेज क्रॉप करा : पिंच इन किंवा आउट करा.

    • रंग काढून टाका : डावीकडे ‘ब्लॅक ॲण्ड व्हाइट’ वर स्वाइप करा.

    • रंगाचा फिल्टर लागू करा : ‘ड्युओटोन’ किंवा ‘कलर वॉश’ पर्यंत डावीकडे स्वाइप करा, नंतर पॅलेट बदलण्यासाठी ‘कलर स्वॅच’ वर टॅप करा.

  6. तुमच्या संभाषणात बॅकग्राउंड समाविष्ट करण्यासाठी पूर्ण बटण वर टॅप करा.

तुम्ही संभाषणांकडे परत आल्यावर तुम्ही ते बॅकग्राउंड्स शोकेस करण्यासाठी सेट करू शकता. सेटिंग > ॲप्स > ‘संदेश’ ॲपवर जा, त्यानंतर ’दृश्यमान छायाचित्रांसह सुरुवात करा’ सुरू करा.

जर Apple Intelligence* सुरू केलेले असेल, तर तुमच्या संभाषणांच्या बॅकग्राऊंडसाठी अद्वितीय इमेज तयार करण्यासाठी तुम्ही Image Playground वापरू शकता. ’संदेश’ ॲपमध्ये Apple Intelligence वापरा पहा.

नोट : संवेदनशील कॉण्टेण्ट असलेली बॅकग्राउंड इमेज पाठवण्यापूर्वी किंवा प्राप्त करण्यापूर्वी तुम्ही तुमच्या (किंवा कुटुंबातील सदस्याच्या) iPad वर चेतावण्या मिळवू शकता. संवेदनशील कॉण्टेण्टबद्दल चेतावण्या प्राप्त करा किंवा संवेदनशील इमेजेस आणि व्हिडिओज तपासा पहा.

साध्या बॅकग्राउंडवर रिव्हर्ट करणे

नोट : बॅकग्राउंड काढून टाकल्याने संभाषणातील सर्व सहभागींवर परिणाम होतो.

  1. तुमच्या iPad वर संदेश ॲपवर जा.

  2. तुम्हाला काढून टाकायचे आहे अशा बॅकग्राउंडसह असलेल्या संभाषणावर जा.

  3. संभाषणाच्या शीर्षस्थानी असलेल्या संपर्क किंवा गटाच्या आयकॉनवर टॅप करा, त्यानंतर ’बॅकग्राउंड्स’ वर टॅप करा.

  4. ’काहीही नाही’ वर टॅप करा.

संभाषण बॅकग्राउंड्स बंद करणे

जेव्हा तुम्ही संभाषण बॅकग्राउंड्स बंद करता, तेव्हा संभाषणातील इतरांना संभाषणासाठी निवडलेले कोणतेही बॅकग्राउंड दिसते.

  1. तुमच्या iPad वरील सेटिंग ॲपवर जा.

  2. ‘ॲप्स’ वर टॅप करा, त्यानंतर ‘संदेश’ ॲपवर टॅप करा.

  3. संभाषण बॅकग्राउंड्स बंद करा.

*Apple Intelligence बीटामध्ये पुढील भाषांच्या सपोर्टसह उपलब्ध आहे : इंग्रजी, डॅनिश, डच, फ्रेंच, जर्मन, इटालियन, नॉर्वेजियन, पोर्तुगीज, स्पॅनिश, स्वीडिश, तुर्की, चिनी (सरलीकृत), चिनी (पारंपारिक), जपानी, कोरियन आणि व्हिएतनामी. काही फीचर्स सर्व भाषा किंवा प्रदेशात उपलब्ध नसतील. भाषा आणि फीचर उपलब्धता आणि सिस्टीम आवश्यकतांविषयी अधिक माहितीसाठी, Apple Intelligence कसे प्राप्त करावे ह्यावर Apple सपोर्ट लेख पहा.
हे देखील पहाiPad वर ‘संदेश’ मध्ये गट संभाषण करणेiPad वर टेक्स्ट फॉरमॅट करणे आणि संदेश ॲनिमेट करणेiPad वरील ‘संदेश’ मध्ये कॉण्टेण्ट शेअर करणेiPad वरील ‘संदेश’ सह प्रोजेक्टवर सहयोग करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.