iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वरील ‘छायाचित्र’ मध्ये लोक आणि पाळीव प्राणी शोधणे आणि त्यांना नाव देणे

’लोक व पाळीव प्राणी’ संग्रहामध्ये (किंवा पाळीव प्राणी नसल्यास ’लोक’ संग्रहामध्ये) लोक, कुत्रे आणि मांजरींची छायाचित्रे आणि व्हिडिओ छायाचित्र ॲप क्रमवार लावते. तुम्ही तुमच्या छायाचित्र लायब्ररीमधील छायाचित्र किंवा व्हिडिओमधून किंवा ‘लोक व पाळीव प्राणी’ संग्रहामध्ये थेट एखाद्या व्यक्तीला, कुत्र्याला किंवा मांजरीला नाव देऊ शकता.

’छायाचित्र’ ॲपमध्ये ’लोक व पाळीव प्राणी’ संग्रह उघडलेला आहे.

छायाचित्र किंवा व्हिडिओमध्ये एखाद्या व्यक्तीला किंवा पाळीव प्राण्याला नाव देणे

जेव्हा तुम्ही छायाचित्र किंवा व्हिडिओमधील व्यक्तीला किंवा पाळीव प्राण्याला नाव देता, तेव्हा ते ऑटोमॅटिकली ‘लोक व पाळीव प्राणी’ संग्रहामध्ये समाविष्ट केले जातात आणि त्यांना तुमच्या लायब्ररीमधील इतर छायाचित्रे आणि व्हिडिओजमध्ये नावे दिली जातात.

  1. तुमच्या iPad वर छायाचित्र ॲपवर जा.

  2. छायाचित्र किंवा व्हिडिओ उघडा, नंतर तपशील पाहण्यासाठी ‘वर’ स्वाइप करा.

    छायाचित्र किंवा व्हिडिओमधील लोक किंवा पाळीव प्राणी खालच्या डाव्या कोपऱ्यात दिसतात. तुम्ही ज्यांना नाव दिलेले नाही त्यांच्या पुढे एक प्रश्नचिन्ह दिसते.

  3. त्यांच्या चित्राजवळील प्रश्नचिन्ह असलेल्या व्यक्तीवर किंवा पाळीव प्राण्यावर टॅप करा, त्यानंतर ’नाव आणि छायाचित्रे संपादित करा’ वर टॅप करा.

    iPad स्क्रीनवर छायाचित्र ॲपमध्ये उघडलेले छायाचित्र दिसते. छायाचित्राच्या खाली डाव्या कोपऱ्यात छायाचित्रामध्ये दिसणाऱ्या व्यक्तीचे थंबनेल आहे.

  4. ’ह्या व्यक्तीला नाव द्या’ किंवा ’ह्या पाळीव प्राण्याला नाव द्या’ वर टॅप करा, त्यांचे नाव प्रविष्ट करा, त्यानंतर पूर्ण बटण वर टॅप करा.

’लोक व पाळीव प्राणी’ संग्रहामध्ये व्यक्तीला किंवा पाळीव प्राण्याला नाव देणे

  1. तुमच्या iPad वर छायाचित्र ॲपवर जा.

  2. ’संग्रह’ वर टॅप करा.

  3. ’लोक व पाळीव प्राणी’ वर टॅप करा, त्यानंतर तुम्हाला ज्या व्यक्तीला किंवा पाळीव प्राण्याला नाव द्यायचे आहे त्यावर टॅप करा.

    ’छायाचित्र’ ॲपमध्ये ’लोक व पाळीव प्राणी’ संग्रह उघडलेला आहे. स्क्रीनच्या वरच्या बाजूला गट आहेत, नंतर स्वतंत्र लोक आणि पाळीव प्राणी आहेत.

  4. ‘ह्या व्यक्तीला नाव द्या’ वर किंवा ‘ह्या पाळीव प्राण्याला नाव द्या’ वर टॅप करा, त्यानंतर त्यांचे नाव प्रविष्ट करा.

    जर व्यक्ती तुमच्या संपर्क यादीमध्ये असेल, तर तुम्ही त्यांच्या नावावर ’परिणाम’ च्या खाली टॅप करू शकता.

  5. पूर्ण बटण वर टॅप करा.

तुम्हाला ज्या व्यक्तीला किंवा पाळीव प्राण्याला नाव द्यायचे आहे ते दिसत नसल्यास, अधिक चेहरे पाहण्यासाठी ’लोक व पाळीव प्राणी’ संग्रहाच्या तळाशी असलेले ‘लोक समाविष्ट करा’ वर टॅप करा.

‘लोक आणि पाळीव प्राणी’ गटाचा संग्रह तयार करण्यासाठी, गट छायाचित्रे शोधा पहा.

व्यक्ती किंवा पाळीव प्राण्याचे मुख्य छायाचित्र बदलणे

तुम्ही ’लोक व पाळीव प्राणी’ संग्रहातील व्यक्तीचे किंवा पाळीव प्राण्याचे मुख्य छायाचित्र बदलू शकता.

  1. तुमच्या iPad वर छायाचित्र ॲपवर जा.

  2. ’संग्रह’ वर टॅप करा.

  3. ’लोक व पाळीव प्राणी’ वर टॅप करा, त्यानंतर तुम्हाला बदलायचे असलेल्या मुख्य छायाचित्रावर टच आणि होल्ड करा.

  4. ’नाव आणि छायाचित्रे संपादित करा’ वर टॅप करा, त्यानंतर सध्याच्या मुख्य छायाचित्राच्या खालच्या उजव्या कोपऱ्यातील छायाचित्र आयकॉनवर टॅप करा.

  5. छायाचित्र ग्रिडमधील पर्यायांमधून नवीन छायाचित्र सिलेक्ट करा, त्यानंतर पूर्ण बटण वर टॅप करा.

व्यक्तीला किंवा पाळीव प्राण्याला आवडते म्हणून चिन्हांकित करणे

तुम्ही ज्या लोकांशी किंवा पाळीव प्राण्यांशी सर्वाधिक संवाद साधता त्यांना ’आवडते’ म्हणून चिन्हांकित करा जेणेकरून त्यांना ’लोक व पाळीव प्राणी’ संग्रहात शोधणे सोपे होईल.

  1. तुमच्या iPad वर छायाचित्र ॲपवर जा.

  2. ’संग्रह’ वर टॅप करा.

  3. ’लोक व पाळीव प्राणी’ वर टॅप करा, व्यक्तीच्या किंवा पाळीव प्राण्याच्या मुख्य छायाचित्रावर टच आणि होल्ड करा, त्यानंतर ’आवडते’ वर टॅप करा.

तुमच्या ‘आवडते’ मधून व्यक्ती किंवा पाळीव प्राणी काढून टाकण्यासाठी, ’लोक व पाळीव प्राणी’ संग्रहामध्ये त्यांच्या मुख्य छायाचित्रावर टच आणि होल्ड करा, त्यानंतर ’आवडतेमधून काढून टाका’ वर टॅप करा.

चुकीची नावे दुरुस्त करणे

तुम्ही ’लोक व पाळीव प्राणी’ संग्रहातील चुकीची ओळख दुरुस्त करू शकता.

  1. तुमच्या iPad वर छायाचित्र ॲपवर जा.

  2. ’संग्रह’ वर टॅप करा, त्यानंतर ’लोक व पाळीव प्राणी’ वर टॅप करा.

  3. चुकीचे ओळखल्या गेलेल्या व्यक्तीवर किंवा पाळीव प्राण्यावर टॅप करा, त्यानंतर स्क्रीनच्या शीर्षस्थानी अधिक बटण वर टॅप करा.

  4. मेन्यूच्या शीर्षस्थानी असलेल्या चुकीच्या नावावर टॅप करा, नावावर पुन्हा टॅप करा, ‘योग्य नाव’ प्रविष्ट करा, नंतर पूर्ण बटण वर टॅप करा.

तुम्ही तुमच्या लायब्ररीमध्ये छायाचित्र किंवा व्हिडिओ बघताना चुकीची ओळख देखील दुरुस्त करू शकता. छायाचित्र किंवा व्हिडिओची माहिती पाहण्यासाठी ‘वर’ स्वाइप करा. खालच्या डाव्या कोपऱ्यातील वर्तुळातील चुकीचे ओळखल्या गेलेल्या व्यक्तीवर किंवा पाळीव प्राण्यावर टॅप करा. ‘हे [नाव] नाही’ वर टॅप करा, त्यानंतर ’ह्या व्यक्तीचे नाव बदला’ किंवा ’ह्या पाळीव प्राण्याचे नाव बदला’ वर टॅप करा.

‘लोक व पाळीव प्राणी’ संग्रह वर्णानुक्रमानुसार किंवा मॅन्युअली क्रमवार लावणे

  1. तुमच्या iPad वर छायाचित्र ॲपवर जा.

  2. ’संग्रह’ वर टॅप करा.

  3. ‘लोक व पाळीव प्राणी’ वर टॅप करा, ‘क्रमवार लावा’ वर टॅप करा, त्यानंतर खालीलपैकी एक निवडा :

    • वर्णक्रमानुसार क्रमवार लावा : ‘नावानुसार क्रमवार लावा’ वर टॅप करा.

    • मॅन्युअली क्रमवार लावा : ’कस्टम ऑर्डरनुसार क्रमवार लावा’ वर टॅप करा, त्यानंतर मुख्य छायाचित्रावर टच आणि होल्ड करा आणि त्याला नवीन स्थानावर ड्रॅग करा.

व्यक्ती किंवा पाळीव प्राणी लपवणे

  1. तुमच्या iPad वर छायाचित्र ॲपवर जा.

  2. ’संग्रह’ वर टॅप करा.

  3. ’लोक व पाळीव प्राणी’ वर टॅप करा, त्यानंतर व्यक्ती किंवा पाळीव प्राण्याच्या मुख्य छायाचित्रावर टच आणि होल्ड करा.

  4. ‘[नाव] लपवा’ किंवा ‘[नाव] फीचर करू नका’ वर टॅप करा.

टिप : तुम्ही प्राधान्य दिल्यास, तुम्ही एखाद्या व्यक्तीला किंवा पाळीव प्राण्याला काढून टाकण्याऐवजी कमी वेळा फीचर करू शकता. एखादी व्यक्ती कमी वेळा दाखवणे किंवा अजिबात न दाखवणे पहा.

तुम्ही जेव्हा iCloud छायाचित्रे वापरता, तेव्हा तुमच्या सर्व डिव्हाइसवर ‘लोक व पाळीव प्राणी’ अद्ययावत ठेवले जाते.

हे देखील पहाiPad वर छायाचित्रे आणि व्हिडिओ सर्च करणेiPad वरील ‘छायाचित्र’ ॲपमध्ये तुमच्या आठवणी बघणेiPad वर गट छायाचित्रे आणि व्हिडिओज शोधणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.