iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वरील Apple TV ॲप सेटिंग बदलणे

Apple TV ॲपसाठी तुम्ही स्ट्रीमिंग आणि डाउनलोड सेटिंग समायोजित करू शकता. वैयक्तिकृत शिफारसी प्रदान करण्यासाठी Apple TV ॲप तुमच्या बघण्याच्या हिस्ट्रीचा वापर कसा करतो आणि Apple TV ॲपमध्ये काय दिसते हे देखील तुम्ही बदलू शकता, ज्यात ’बघणे चालू ठेवा’ मधील लाइव्ह स्पोर्ट्सचे स्कोअर आणि आयटम समाविष्ट आहेत.

स्ट्रीमिंग आणि डाउनलोड पर्याय बदलणे

  1. तुमच्या iPad वर ‘सेटिंग’ ॲपवर  जा.

  2. ‘ॲप्स’ वर टॅप करा, त्यानंतर ‘TV’ ॲपवर टॅप करा.

  3. स्ट्रीमिंग पर्याय निवडा :

    • मोबाइल डेटाचा वापर : (Wi-Fi + Cellular मॉडेल्स) Wi-Fi कनेक्शनपर्यंत स्ट्रीमिंग मर्यादित करण्यासाठी बंद करा.

    • मोबाइल : (Wi-Fi + Cellular मॉडेल्स) उच्च गुणवत्ता किंवा ऑटोमॅटिक निवडा.

    • Wi-Fi : उच्च गुणवत्ता किंवा डेटा सेव्हर निवडा.

      उच्च गुणवत्तेसाठी वेगवान इंटरनेट कनेक्शन आवश्यक आहे आणि अधिक डेटा वापरला जातो.

  4. डाउनलोड पर्याय निवडा :

    • मोबाइल डेटाचा वापर : (Wi-Fi + Cellular मॉडेल्स) डाउनलोड Wi-Fi कनेक्शनपुरते मर्यादित करण्यासाठी बंद करा.

    • मोबाइल : (Wi-Fi + Cellular मॉडेल्स) उच्च दर्जाचे किंवा जलद डाउनलोड निवडा.

    • Wi-Fi : उच्च दर्जाचे किंवा जलद डाउनलोड निवडा.

      उच्च गुणवत्तेमुळे डाउनलोडचा वेग मंदावतो आणि अधिक डेटा वापरला जातो.

    • भाषा : भाषा निवडा. प्रत्येक समाविष्ट केलेल्या ऑडिओ भाषेमुळे डाउनलोडचा आकार वाढतो. भाषा काढून टाकण्यासाठी, तुम्हाला काढून टाकायच्या असलेल्या भाषेवर डावीकडे स्वाइप करा, त्यानंतर ‘हटवा’ वर टॅप करा.

      डिफॉल्ट भाषा ही तुमच्या देशासाठी किंवा प्रदेशासाठी प्राथमिक भाषा आहे. जर तुम्ही ’ॲक्सेसिबिलिटी सेटिंग’ मध्ये ‘ऑडिओ वर्णने’ सुरू केलेली असतील, तर ऑडिओ वर्णने देखील डाउनलोड केली जातील.

तुमची बघण्याची हिस्ट्री कशी वापरली जाते ते बदलणे

डीफॉल्टनुसार, तुम्ही तुमच्या iPad वर जे बघता ते तुमच्या सर्व डिव्हाइसवरील तुमच्या वैयक्तिकृत शिफारशी आणि वॉचलिस्टवर परिणाम करते, जिथे तुम्ही त्याच Apple अकाउंटवर साइन इन केले आहे.

तुम्ही खालीलपैकी कोणतेही एक करू शकता :

  • तुमची बघण्याची हिस्ट्री क्लिअर करा : Apple TV ॲपवर जा, साइडबार बटण वर टॅप करा, नंतर खाली डाव्या बाजूला तुमच्या छायाचित्रावर किंवा आद्याक्षरांवर टॅप करा. ‘गोपनीयता व ॲक्सेस’ वर टॅप करा, नंतर ‘प्ले हिस्ट्री क्लिअर करा’ वर टॅप करा.

  • तुमच्या बघण्याच्या हिस्ट्रीवर आधारित वैयक्तिकरण फीचर बंद करा : ‘सेटिंग’ ॲपवर जा, ‘ॲप्स’ वर टॅप करा, TV वर टॅप करा, त्यानंतर ‘प्ले हिस्ट्री वापरा’ बंद करा.

ऑटोप्ले सेटिंग बदलणे

डीफॉल्टनुसार, जेव्हा तुम्ही TV शोचा एक एपिसोड पाहणे पूर्ण करता, तेव्हा पुढचा भाग ऑटोमॅटिकली प्ले होतो. आणि जेव्हा तुम्ही सिरीज, चित्रपट किंवा क्रीडा इव्हेंट पूर्ण करता, तेव्हा शिफारस केलेला कॉण्टेण्ट ऑटोमॅटिकली प्ले होतो. तुम्ही ही सेटिंग बदलू शकता.

  1. तुमच्या iPad वरील Apple TV ॲपवर जा.

  2. साइडबार बटण वर टॅप करा, खाली डावीकडे तुमच्या चित्रावर किंवा आद्याक्षरांवर टॅप करा, त्यानंतर ‘प्लेबॅक’ वर टॅप करा.

  3. खालीलपैकी कोणतेही एक करा :

    • पुढील एपिसोड ऑटोमॅटिकली प्ले करा : ‘पुढील एपिसोड प्ले करा’ चालू किंवा बंद करा.

    • तुम्ही मालिका, चित्रपट किंवा स्पोर्ट इव्हेंट पूर्ण केल्यानंतर तुमच्यासाठी शिफारस केलेला कॉण्टेण्ट ऑटोमॅटिकली प्ले करा : ‘शिफारस प्ले करा’ चालू किंवा बंद करा.

तुमची डिव्हाइस प्राधान्ये बदलणे

  1. तुमच्या iPad वर ‘सेटिंग’ ॲपवर  जा.

  2. ‘ॲप्स’ वर टॅप करा, त्यानंतर ‘TV’ ॲपवर टॅप करा.

  3. खालीलपैकी कोणतेही एक करा :

    • लाइव्ह स्पोर्टचे स्कोअर दाखवा किंवा लपवा : ’खेळाचे स्कोअर दाखवा’ बंद करा.

    • वैयक्तिकृत शिफारशींसाठी तुमची बघण्याची हिस्ट्री वापरा आणि बघणे चालू ठेवा : ‘प्ले हिस्ट्री वापरा’ चालू करा.

सर्व फीचर आणि कॉण्टेंट सर्व देश किंवा प्रदेशात उपलब्ध नाहीत.
हे देखील पहाiPad वरील Apple TV ॲपमध्ये तुमच्या TV प्रदात्याला समाविष्ट करणेiPad वर Apple TV ॲपमध्ये शो, चित्रपट आणि बरेच काही शोधणेiPad वर Apple TV ॲपमध्ये होम टॅब वैयक्तिकृत करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.