iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वरील ‘व्हॉइस मेमोज’ मधील रेकॉर्डिंग संपादित करणे किंवा हटवणे

संपादन टूलचा वापर करून तुम्ही तुमच्या रेकॉर्डिंगना फाइन ट्यून करू शकता. काही भाग काढून टाका, काही भागांनंतर रेकॉर्ड करा किंवा संपूर्ण रेकॉर्डिंग बदला.

व्हॉइस रेकॉर्डिंग संपादित करणे

  1. तुमच्या iPad वरील व्हॉइस मेमोज ॲपवर जा.

  2. रेकॉर्डिंगच्या यादीमध्ये, तुम्हाला संपादित करायच्या असलेल्या रेकॉर्डिंगवर टॅप करा, त्यानंतर शीर्षस्थानी उजव्या बाजूला ‘संपादित करा’ वर टॅप करा.

  3. वरच्या भागात उजवीकडे ‘ट्रिम करा’ बटण वर टॅप करा, त्यानंतर तुम्हाला ठेवायचा असलेला किंवा हटवायचा असलेला विभाग बंद करण्यासाठी पिवळे ट्रिम हॅण्डल ड्रॅग करा.

    अधिक अचूक संपादनासाठी तुम्ही वेव्हफॉर्मवर झूम इन करण्यासाठी पिंच देखील करू शकता.

    तुमचे सिलेक्शन तपासण्यासाठी, ‘प्ले करा’ बटण वर टॅप करा.

  4. सिलेक्शन ठेवण्यासाठी (आणि उर्वरित रेकॉर्डिंग हटवण्यासाठी), ‘ट्रिम करा’ वर टॅप करा किंवा सिलेक्शन हटवण्यासाठी, ‘हटवा’ वर टॅप करा.

  5. ‘लागू करा’ वर टॅप करा, त्यानंतर ‘झाले’ वर टॅप करा.

  6. मूळ रेकॉर्डिंग ओव्हरराइट करण्यासाठी ‘रेकॉर्डिंग जतन करा’ वर टॅप करा किंवा संपादित व्हर्जन नवीन रेकॉर्डिंग म्हणून जतन करण्यासाठी ‘नवीन रेकॉर्डिंग म्हणून जतन करा’ वर टॅप करा (मूळ रेकॉर्डिंग तसेच ठेवून).

रेकॉर्डिंग बदलणे

  1. तुमच्या iPad वरील व्हॉइस मेमोज ॲपवर जा.

  2. रेकॉर्डिंगच्या यादीमध्ये, तुम्हाला बदलायच्या असलेल्या रेकॉर्डिंगवर टॅप करा, त्यानंतर शीर्षस्थानी उजव्या बाजूला ’संपादित करा’ वर टॅप करा.

  3. तुम्हाला जिथे नवीन ऑडिओ रेकॉर्डिंग सुरू करायचे आहे तिथे प्लेहेड स्थित करण्यासाठी वेव्हफॉर्म ड्रॅग करा.

    अधिक अचूक प्लेसमेंटसाठी तुम्ही वेव्हफॉर्मवर झूम इन करण्यासाठी पिंच देखील करू शकता.

  4. रेकॉर्डिंग सुरू करण्यासाठी ‘बदला’ वर टॅप करा (तुम्ही रेकॉर्डिंग करत असताना वेव्हफॉर्म लाल होतो).

    पॉज करण्यासाठी ‘पॉज करा’ बटण वर टॅप करा; चालू ठेवण्यासाठी ‘पुन्हा सुरू करा’ वर टॅप करा.

  5. तुमचे रेकॉर्डिंग तपासण्यासाठी, ‘प्ले करा’ बटण वर टॅप करा.

  6. ‘झाले’ वर टॅप करा, मूळ रेकॉर्डिंग बदलण्यासाठी ‘रेकॉर्डिंग जतन करा’ वर टॅप करा किंवा बदल नवीन रेकॉर्डिंग म्हणून जतन करण्यासाठी ‘नवीन रेकॉर्डिंग म्हणून जतन करा’ वर टॅप करा (मूळ रेकॉर्डिंग तसेच ठेवून).

रेकॉर्डिंग हटवणे

  1. तुमच्या iPad वरील व्हॉइस मेमोज ॲपवर जा.

  2. पुढीलपैकी कोणतेही एक करा :

    • रेकॉर्डिंगच्या यादीमध्ये, तुम्हाला हटवायचे असलेल्या रेकॉर्डिंगवर टॅप करा, त्यानंतर हटवा बटण वर टॅप करा.

    • रेकॉर्डिंग यादीच्या वर ‘संपादित करा’ वर टॅप करा, एक किंवा अधिक रेकॉर्डिंग सिलेक्ट करा, नंतर ‘हटवा’ वर टॅप करा.

हटविलेले रेकॉर्डिंग ‘अलीकडे हटवलेले’ फोल्डरमध्ये मूव्ह केले जातात, जिथे ते डिफॉल्टनुसार 30 दिवसांसाठी ठेवले जातात. हटवलेले रेकॉर्डिंग कधीपर्यंत ठेवले जातात हे बदलण्यासाठी, सेटिंग  > व्हॉइस मेमोज > ‘हटवलेले क्लिअर करा’ वर जा, त्यानंतर पर्याय सिलेक्ट करा.

हटवलेले रेकॉर्डिंग पुनर्प्राप्त करणे किंवा इरेझ करणे

  1. तुमच्या iPad वरील व्हॉइस मेमोज ॲपवर जा.

  2. ‘अलीकडे हटवलेले’ फोल्डरवर टॅप करा, त्यानंतर तुम्हाला पुनर्प्राप्त करायचे असलेल्या किंवा इरेझ करायचे असलेल्या रेकॉर्डिंगवर टॅप करा.

  3. पुढीलपैकी कोणतेही एक करा :

    • सिलेक्ट केलेले रेकॉर्डिंग पुनर्प्राप्त करा : ‘पुनर्प्राप्त करा’ वर टॅप करा.

    • सिलेक्ट केलेले रेकॉर्डिंग हटवा : ‘हटवा’ वर टॅप करा.

    • ‘अलीकडे हटवलेले’ फोल्डरमधील सर्व काही पुनर्प्राप्त करा : ‘अलीकडे हटवलेले’ यादीच्या वर ‘संपादित करा’ वर टॅप करा, त्यानंतर ‘सर्व पुनर्प्राप्त करा’ वर टॅप करा.

    • ‘अलीकडे हटवलेले’ फोल्डरमधील सर्व काही हटवा : ‘अलीकडे हटवलेले’ यादीच्या वर ‘संपादित करा’ वर टॅप करा, त्यानंतर ‘सर्व हटवा’ वर टॅप करा.

हे देखील पहाiPad वरील ‘व्हॉइस मेमोज’ मध्ये रेकॉर्डिंग व्यवस्थापित करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.