iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿನ ಆರೋಗ್ಯ ಆ್ಯಪ್‌ನಲ್ಲಿ ಋತುಚಕ್ರದ ಮಾಹಿತಿಯನ್ನು ಲಾಗ್ ಮಾಡುವುದು

ನೀವು ಋತುಚಕ್ರದ ಮಾಹಿತಿಯನ್ನು ಲಾಗ್ ಮಾಡಬಹುದು ಹಾಗು ಫಲವತ್ತತೆಯ ಮುನ್ಸೂಚನೆಗಳನ್ನು ಪಡೆಯಬಹುದು.

Siri: ಬೆಂಬಲಿತ ಮಾಡಲ್‌ಗಳಲ್ಲಿ, ಈ ರೀತಿ ಏನಾದರೂ Siriಗೆ ಕೇಳಿ, “Log that my period started today.” (ಎಲ್ಲಾ ಭಾಷೆಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿಲ್ಲ). Siriಯನ್ನು ಬಳಸುವುದು ಹೇಗೆಂದು ತಿಳಿಯಿರಿ.

ಸೈಕಲ್ ಟ್ರ್ಯಾಕಿಂಗ್ ಅನ್ನು ಸೆಟಪ್ ಮಾಡುವುದು

  1. ನಿಮ್ಮ iPadನಲ್ಲಿ ಆರೋಗ್ಯ ಆ್ಯಪ್‌ಗೆ ಹೋಗಿ.

  2. ಹುಡುಕಾಟ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಸೈಕಲ್ ಟ್ರ್ಯಾಕಿಂಗ್ ಎಂಬುದನ್ನು ಟ್ಯಾಪ್ ಮಾಡಿ.

  3. ಪ್ರಾರಂಭಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ.

    ನಿಮ್ಮ ಮುಟ್ಟಿನ ಅವಧಿ ಮತ್ತು ಫಲವತ್ತತೆಯ ದಿನಗಳನ್ನು ಅಂದಾಜಿಸುವುದನ್ನು ಸುಧಾರಿಸುವುದಕ್ಕೆ ಸಹಾಯ ಮಾಡಲು, ವಿನಂತಿಸಿದ ಮಾಹಿತಿಯನ್ನು ನಮೂದಿಸಿ.

ನಿಮ್ಮ ಸೈಕಲ್ ಮಾಹಿತಿಯನ್ನು ಲಾಗ್ ಮಾಡುವುದು

ನೀವು ಮುಟ್ಟಿನ ದಿನಗಳನ್ನು ಲಾಗ್ ಮಾಡಬಹುದು ಮತ್ತು ರೋಗಲಕ್ಷಣಗಳು, ಕಲೆಗಳು, ದೇಹದ ಸಾಮಾನ್ಯ ತಾಪಮಾನ ಮತ್ತು ಇನ್ನೂ ಹೆಚ್ಚಿನ ಮಾಹಿತಿಯನ್ನು ಟ್ರ್ಯಾಕ್ ಮಾಡಬಹುದು.

  1. ನಿಮ್ಮ iPadನಲ್ಲಿ ಆರೋಗ್ಯ ಆ್ಯಪ್‌ಗೆ ಹೋಗಿ.

  2. ಹುಡುಕಾಟ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಸೈಕಲ್ ಟ್ರ್ಯಾಕಿಂಗ್ ಎಂಬುದನ್ನು ಟ್ಯಾಪ್ ಮಾಡಿ.

  3. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    ಸ್ಕ್ರೀನ್‌ನ ಮೇಲ್ಭಾಗದಲ್ಲಿ ಒಂದು ವಾರದ ಟೈಮ್‌ಲೈನ್ ಅನ್ನು ತೋರಿಸುವ ಸೈಕಲ್ ಟ್ರ್ಯಾಕಿಂಗ್ ಸ್ಕ್ರೀನ್. ದಟ್ಟ ಕೆಂಪು ಬಣ್ಣದ ವೃತ್ತಗಳು ಮತ್ತು ನೇರಳೆ ಬಣ್ಣದ ಡಾಟ್‌ಗಳು, ಟೈಮ್‌ಲೈನ್‌ನಲ್ಲಿ ಮೊದಲ 5 ದಿನಗಳನ್ನು ಗುರುತಿಸುತ್ತವೆ. ಟೈಮ್‌ಲೈನ್‌ನ ಕೆಳಗೆ ಋತುಚಕ್ರ, ರೋಗಲಕ್ಷಣಗಳು ಮತ್ತು ಹೆಚ್ಚಿನ ಮಾಹಿತಿಯನ್ನು ಸೇರಿಸುವ ಆಯ್ಕೆಗಳಿವೆ.

    • ಮುಟ್ಟಿನ ದಿನವನ್ನು ಲಾಗ್ ಮಾಡಿ: ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಟೈಮ್‌ಲೈನ್‌ನಲ್ಲಿ ಒಂದು ದಿನವನ್ನು ಟ್ಯಾಪ್ ಮಾಡಿ. ಅಥವಾ ಮೇಲಿನ ಬಲಭಾಗದಲ್ಲಿರುವ ಮುಟ್ಟಿನ ದಿನವನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಮಾಸಿಕ ಕ್ಯಾಲೆಂಡರ್‌ನಿಂದ ದಿನಗಳನ್ನು ಆಯ್ಕೆಮಾಡಿ.

    • ಒಂದಕ್ಕಿಂತ ಅಧಿಕ ಮುಟ್ಟಿನ ದಿನಗಳನ್ನು ಲಾಗ್ ಮಾಡಿ: ಮೇಲಿನ ಬಲಭಾಗದಲ್ಲಿರುವ ಅವಧಿಯನ್ನು ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ಮಾಸಿಕ ಕ್ಯಾಲೆಂಡರ್‌ನಿಂದ ದಿನಗಳನ್ನು ಆಯ್ಕೆ ಮಾಡಿ, ನಂತರ ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

    • ಒಂದು ದಿನದ ಫ್ಲೋ ಮಟ್ಟವನ್ನು ಲಾಗ್ ಮಾಡಿ: ದಿನವೊಂದನ್ನು ಆಯ್ಕೆ ಮಾಡಲು ಟೈಮ್‌ಲೈನ್ ಅನ್ನು ಸ್ವೈಪ್ ಮಾಡಿ, ಮುಟ್ಟಿನ ದಿನವನ್ನು ಟ್ಯಾಪ್ ಮಾಡಿ (ರಕ್ತಸ್ರಾವ ಎಂಬುದರ ಕೆಳಗೆ), ಆಯ್ಕೆಯೊಂದನ್ನು ಆರಿಸಿ, ನಂತರ ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ.

    • ರೋಗಲಕ್ಷಣಗಳು, ಕಲೆಯಾಗುವಿಕೆ ಅಥವಾ ಇತರ ಮಾಹಿತಿಯನ್ನು ಲಾಗ್ ಮಾಡಿ: ದಿನವೊಂದನ್ನು ಆಯ್ಕೆಮಾಡಲು ಟೈಮ್‌ಲೈನ್ ಅನ್ನು ಸ್ವೈಪ್ ಮಾಡಿ, ವರ್ಗವೊಂದನ್ನು ಟ್ಯಾಪ್ ಮಾಡಿ (ಇತರೆ ಡೇಟ ಎಂಬುದರ ಕೆಳಗೆ), ಮಾಹಿತಿಯನ್ನು ಒದಗಿಸಿ, ನಂತರ ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ.

ಡೇಟ ಲಾಗಿಂಗ್ ಸ್ಕ್ರೀನ್‌ಗೆ ವರ್ಗಗಳನ್ನು ಸೇರಿಸಲು, ಲಾಗ್ ಪಕ್ಕದಲ್ಲಿರುವ ಆಯ್ಕೆಗಳನ್ನು ಟ್ಯಾಪ್ ಮಾಡಿ, ನಂತರ ಕೆಳಗಿನ ವರ್ಗಗಳಿಂದ ಲಾಗ್ ಅನ್ನು ಆಯ್ಕೆಮಾಡಿ.

ಗಮನಿಸಿ: ನಿಮ್ಮ ಸೈಕಲ್ ಮಾಹಿತಿಯನ್ನು ಲಾಗ್ ಮಾಡುವುದಕ್ಕೆ ಸಹಾಯ ಮಾಡಲು ನೀವು Apple Watch ಅನ್ನು ಬಳಸಬಹುದು. Apple Watch ಬಳಕೆದಾರರ ಮಾರ್ಗದರ್ಶಿಯಲ್ಲಿ Apple Watchನಲ್ಲಿ ಸೈಕಲ್ ಟ್ರ್ಯಾಕಿಂಗ್ ಅನ್ನು ಬಳಸಿ ಎಂಬುದನ್ನು ನೋಡಿ.

ನಿಮ್ಮ ಲಾಗ್ ಅನ್ನು ಎಡಿಟ್ ಮಾಡುವುದು

ನಿಮ್ಮ ಲಾಗ್ ಮಾಡಲಾದ ಮಾಹಿತಿಯು ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಟೈಮ್‌ಲೈನ್‌ನಲ್ಲಿ ಕಾಣಿಸಿಕೊಳ್ಳುತ್ತದೆ, ಅಲ್ಲಿ ಗಾಢ ಕೆಂಪು ವೃತ್ತ ನೀವು ಮುಟ್ಟಿನ ದಿನವನ್ನು ಲಾಗ್ ಮಾಡಿದ ದಿನವನ್ನು ಪ್ರತಿನಿಧಿಸುತ್ತದೆ ಮತ್ತು ನೇರಳೆ ಡಾಟ್ ನೀವು ಹೆಚ್ಚುವರಿ ಮಾಹಿತಿಯೊಂದಿಗೆ ಲಾಗ್ ಮಾಡಿದ ದಿನವನ್ನು ಪ್ರತಿನಿಧಿಸುತ್ತದೆ. ಟೈಮ್‌ಲೈನ್‌ನಲ್ಲಿ ಆಯ್ಕೆಮಾಡಿದ ದಿನದ ಡೇಟ, ಸೈಕಲ್ ಲಾಗ್‌ನಲ್ಲಿ ಕಾಣಿಸಿಕೊಳ್ಳುತ್ತದೆ (ಟೈಮ್‌ಲೈನ್‌ನ ಕೆಳಗೆ). ನಿಮ್ಮ ಲಾಗ್ ಮಾಡಿದ ಮಾಹಿತಿಯನ್ನು ಬದಲಾಯಿಸಲು, ಈ ಕೆಳಗಿನವುಗಳನ್ನು ಮಾಡಿ:

  1. ನಿಮ್ಮ iPadನಲ್ಲಿ ಆರೋಗ್ಯ ಆ್ಯಪ್‌ಗೆ ಹೋಗಿ.

  2. ಹುಡುಕಾಟ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಸೈಕಲ್ ಟ್ರ್ಯಾಕಿಂಗ್ ಎಂಬುದನ್ನು ಟ್ಯಾಪ್ ಮಾಡಿ.

  3. ದಿನವನ್ನು ಆಯ್ಕೆಮಾಡಲು ಟೈಮ್‌ಲೈನ್ ಅನ್ನು ಸ್ವೈಪ್ ಮಾಡಿ.

  4. ಡೇಟದ ವರ್ಗವನ್ನು ಟ್ಯಾಪ್ ಮಾಡಿ (ಋತುಚಕ್ರ ಅಥವಾ ರೋಗಲಕ್ಷಣಗಳಂತಹ), ನಿಮ್ಮ ಬದಲಾವಣೆಗಳನ್ನು ಮಾಡಿ, ನಂತರ ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ.

ಮುಟ್ಟಿನ ದಿನವನ್ನು ಗುರುತಿಸಲು, ಟೈಮ್‌ಲೈನ್‌ನಲ್ಲಿ ಅದರ ಗಾಢ ಕೆಂಪು ವೃತ್ತವನ್ನು ಟ್ಯಾಪ್ ಮಾಡಿ.

ಋತುಚಕ್ರದ ಅಂಶಗಳನ್ನು ನಿರ್ವಹಿಸಿ

ನೀವು ಗರ್ಭಾವಸ್ಥೆ, ಹಾಲುಣಿಸುವಿಕೆ ಮತ್ತು ಗರ್ಭನಿರೋಧಕಗಳ ಬಳಕೆಯ ಬಗ್ಗೆ ಮಾಹಿತಿಯನ್ನು ನಮೂದಿಸಿದಾಗ, ಆ ಮಾಹಿತಿಯನ್ನು ನಿಮ್ಮ ಋತುಚಕ್ರದ ಅಂದಾಜು ದಿನವನ್ನು ನಿರ್ವಹಿಸಲು ಸಹಾಯ ಮಾಡಲು ಬಳಸಲಾಗುತ್ತದೆ.

  1. ಹುಡುಕಾಟ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಸೈಕಲ್ ಟ್ರ್ಯಾಕಿಂಗ್ ಎಂಬುದನ್ನು ಟ್ಯಾಪ್ ಮಾಡಿ.

  2. ಫ್ಯಾಕ್ಟರ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನ ಯಾವುದನ್ನಾದರೂ ಮಾಡಿ:

    • ಫ್ಯಾಕ್ಟರ್ ಅನ್ನು ಸೇರಿಸಿ: ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ಫ್ಯಾಕ್ಟರ್ ಅನ್ನು ಆಯ್ಕೆಮಾಡಿ, ನೀವು ಪ್ರಾರಂಭದ ದಿನಾಂಕವನ್ನು ಬದಲಾಯಿಸಬೇಕಾಗಿದ್ದರೆ ಪ್ರಾರಂಭಿಸಲಾಗಿದೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಮುಗಿದಿದೆ ಬಟನ್ ಎಂಬುದನ್ನು ಟ್ಯಾಪ್ ಮಾಡಿ.

    • ಪ್ರಸ್ತುತ ಫ್ಯಾಕ್ಟರ್‌ಗಾಗಿ ಅಂತ್ಯದ ದಿನಾಂಕವನ್ನು ಬದಲಾಯಿಸಿ: ಫ್ಯಾಕ್ಟರ್ ಅನ್ನು ಟ್ಯಾಪ್ ಮಾಡಿ, ಕೊನೆಗೊಂಡಿದೆ ಎಂಬುದನ್ನು ಟ್ಯಾಪ್ ಮಾಡಿ, ದಿನಾಂಕವನ್ನು ಆಯ್ಕೆಮಾಡಿ, ನಂತರ ಮುಗಿದಿದೆ ಬಟನ್ ಎಂಬುದನ್ನು ಟ್ಯಾಪ್ ಮಾಡಿ.

    • ಪ್ರಸ್ತುತ ಫ್ಯಾಕ್ಟರ್ ಅನ್ನು ಡಿಲೀಟ್ ಮಾಡಿ: ಫ್ಯಾಕ್ಟರ್ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಆರೋಗ್ಯ ಆ್ಯಪ್‌ನಿಂದ ಫ್ಯಾಕ್ಟರ್ ಅನ್ನು ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ನಿಮ್ಮ ಆರೋಗ್ಯ ಡೇಟ ಮತ್ತು ಗೌಪ್ಯತೆಯ ಕುರಿತು

ಆರೋಗ್ಯ ಆ್ಯಪ್‌ನಲ್ಲಿ ನಿಮ್ಮ ಬಗ್ಗೆ ನೀವು ಸೇರಿಸುವ ಮಾಹಿತಿಯು ನಿಮಗೆ ಮಾತ್ರ ಸಂಬಂಧಿಸಿದ್ದು, ಇದನ್ನು ನೀವು ಬಳಸಬಹುದು ಮತ್ತು ಹಂಚಿಕೊಳ್ಳಬಹುದು. ಆರೋಗ್ಯ ಆ್ಯಪ್‌ನಲ್ಲಿ ಯಾವ ಮಾಹಿತಿಯನ್ನು ಸಂಗ್ರಹಿಸಬೇಕು ಮತ್ತು ನಿಮ್ಮ ಡೇಟವನ್ನು ಯಾರೆಲ್ಲಾ ಆ್ಯಕ್ಸೆಸ್ ಮಾಡಬಹುದು ಎಂಬುದನ್ನು ನೀವು ನಿರ್ಧರಿಸಬಹುದು.

ನಿಮ್ಮ iPad ಅನ್ನು Face ID, Touch ID ಅಥವಾ ಪಾಸ್‌ಕೋಡ್ ಮೂಲಕ ಲಾಕ್ ಮಾಡಿರುವಾಗ, ನಿಮ್ಮ ಮೆಡಿಕಲ್ IDಯನ್ನು ಹೊರತುಪಡಿಸಿ ಆರೋಗ್ಯ ಆ್ಯಪ್‌ನಲ್ಲಿರುವ ನಿಮ್ಮ ಎಲ್ಲಾ ಆರೋಗ್ಯ ಮತ್ತು ಫಿಟ್‌ನೆಸ್ ಡೇಟ ಎನ್‌ಕ್ರಿಪ್ಟ್ ಆಗಿರುತ್ತವೆ. iCloudಗೆ ಸಿಂಕ್ ಆಗಿರುವ ಯಾವುದೇ ಆರೋಗ್ಯ ಡೇಟವನ್ನು ವರ್ಗಾವಣೆ ಸಮಯದಲ್ಲಿ ಮತ್ತು Apple ಸರ್ವರ್‌ಗಳಲ್ಲಿ ಎನ್‌ಕ್ರಿಪ್ಟ್ ಮಾಡಲಾಗಿದೆ. ಮತ್ತು ನೀವು ಡಿಫಾಲ್ಟ್ ಎರಡು ಅಂಶದ ದೃಢೀಕರಣ ಮತ್ತು ಪಾಸ್‌ಕೋಡ್‌ನೊಂದಿಗೆ iPadOS, iOS ಮತ್ತು watchOS ಆವೃತ್ತಿಯನ್ನು ಹೊಂದಿದ್ದರೆ (ನೀವು ಸೈಕಲ್ ಟ್ರ್ಯಾಕಿಂಗ್‌ಗಾಗಿ iPhone ಮತ್ತು Apple Watch ಬಳಸುತ್ತಿದ್ದರೆ), ನಿಮ್ಮ ಆರೋಗ್ಯ ಮತ್ತು ಚಟುವಟಿಕೆಯ ಡೇಟವನ್ನು Appleಗೆ ಓದಲು ಸಾಧ್ಯವಾಗದ ರೀತಿಯಲ್ಲಿ ಸಂಗ್ರಹಿಸಲಾಗುತ್ತದೆ.

ಇದರರ್ಥ ನೀವು ಸೈಕಲ್ ಟ್ರ್ಯಾಕಿಂಗ್ ಫೀಚರ್ ಮತ್ತು ಎರಡು-ಅಂಶದ ದೃಢೀಕರಣವನ್ನು ಬಳಸುವಾಗ, iCloudಗೆ ಸಿಂಕ್ ಮಾಡಲಾದ ನಿಮ್ಮ ಆರೋಗ್ಯ ಡೇಟ ಎಂಡ್-ಟು-ಎಂಡ್ ಎನ್‌ಕ್ರಿಪ್ಟ್ ಆಗಿರುತ್ತದೆ ಹಾಗೂ ಡೇಟವನ್ನು ಡಿಕ್ರಿಪ್ಟ್ ಮಾಡುವ ಯಾವುದೇ ಕೀಯನ್ನು Apple ಹೊಂದಿರುವುದಿಲ್ಲದ ಕಾರಣ ಅದನ್ನು ಓದಲು ಸಾಧ್ಯವಿಲ್ಲ.

ಇದನ್ನು ಸಹ ನೋಡಿiPadನಲ್ಲಿನ ಆರೋಗ್ಯ ಆ್ಯಪ್‌ನಲ್ಲಿ ಋತುಚಕ್ರದ ಅಂದಾಜು ದಿನಾಂಕ ಮತ್ತು ಇತಿಹಾಸವನ್ನು ನೋಡುವುದುApple ಬೆಂಬಲ ಲೇಖನ: ಸೈಕಲ್ ಟ್ರ್ಯಾಕಿಂಗ್ ಜೊತೆಗೆ ನಿಮ್ಮ ಮುಟ್ಟನ್ನು ಟ್ರ್ಯಾಕ್ ಮಾಡಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.