iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿನ ಸಂದೇಶ ಆ್ಯಪ್‌‌ನಲ್ಲಿ Apple Intelligence ಅನ್ನು ಬಳಸಿ

Apple Intelligence* ನಿಮಗೆ ಪ್ರತಿ ಸಂಭಾಷಣೆಯ ಪ್ರಮುಖ ಅಂಶಗಳನ್ನು ತೋರಿಸುವ ಸಾರಾಂಶಗಳು ಮತ್ತು ಪ್ರತಿಕ್ರಿಯೆಯನ್ನು ತ್ವರಿತವಾಗಿ ರಚಿಸಲು ಸಹಾಯ ಮಾಡುವ ಸ್ಮಾರ್ಟ್ ಪ್ರತ್ಯುತ್ತರದ ಮೂಲಕ ನಿಮ್ಮ ಸಂದೇಶಗಳನ್ನು ಇನ್ನಷ್ಟು ವೇಗವಾಗಿ ತಲುಪಲು ಅನುವು ಮಾಡಿಕೊಡುತ್ತದೆ.

ಈ ಕೆಳಗಿನ ಯಾವುದನ್ನಾದರೂ ಮಾಡುವ ಮೂಲಕ, ನೀವು Apple Intelligence ಅನ್ನು ಸಹ ಬಳಸಿ ನಿಮ್ಮ ಸಂಭಾಷಣೆಗಳನ್ನು ವೈಯಕ್ತೀಕರಿಸಬಹುದು:

ಗಮನಿಸಿ: Apple Intelligence ಎಲ್ಲಾ iPad ಮಾಡಲ್‌ಗಳು ಅಥವಾ ಭಾಷೆಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿಲ್ಲ. ** ತೀರಾ ಇತ್ತೀಚಿನ ಲಭ್ಯವಿರುವ ಫೀಚರ್‌ಗಳನ್ನು ಆ್ಯಕ್ಸೆಸ್ ಮಾಡಲು, ನೀವು iPadOSನ ಇತ್ತೀಚಿನ ಆವೃತ್ತಿಯನ್ನು ಬಳಸುತ್ತಿದ್ದೀರಿ ಮತ್ತು ನಿಮ್ಮ ಸಾಧನದಲ್ಲಿ Apple Intelligence ಆನ್ ಮಾಡಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

ಸಂದೇಶದ ಸಾರಾಂಶಗಳನ್ನು ವೀಕ್ಷಿಸುವುದು

  1. ನಿಮ್ಮ iPadನಲ್ಲಿರುವ ಸಂದೇಶ ಆ್ಯಪ್‌ಗೆ ಹೋಗಿ.

  2. ಆ ಸಂಭಾಷಣೆಯಲ್ಲಿ ಓದದಿರುವ ಸಂದೇಶಗಳ ಸಾರಾಂಶವನ್ನು ನೋಡಲು ಸಂದೇಶಗಳ ಪಟ್ಟಿಯಲ್ಲಿರುವ ಸಂಭಾಷಣೆಯ ಅಡಿಯಲ್ಲಿ ನೋಡಿ.

ಸಂದೇಶ ಆ್ಯಪ್‌ನಲ್ಲಿ ಸ್ಮಾರ್ಟ್ ಪ್ರತ್ಯುತ್ತರವನ್ನು ಬಳಸಿ

  1. ನಿಮ್ಮ iPadನಲ್ಲಿರುವ ಸಂದೇಶ ಆ್ಯಪ್‌ಗೆ ಹೋಗಿ.

  2. ಸಂಭಾಷಣೆಯನ್ನು ಟ್ಯಾಪ್ ಮಾಡಿ, ಪಠ್ಯ ಫೀಲ್ಡ್ ಅನ್ನು ಟ್ಯಾಪ್ ಮಾಡಿ, ನಂತರ ಕೀಬೋರ್ಡ್‌ನಲ್ಲಿ ಸೂಚಿಸಿದ ಪ್ರತ್ಯುತ್ತರವನ್ನು ಟ್ಯಾಪ್ ಮಾಡಿ.

    Apple Intelligence ಪಠ್ಯ ಫೀಲ್ಡ್‌ನಲ್ಲಿ ಪ್ರತ್ಯುತ್ತರವನ್ನು ಡ್ರಾಫ್ಟ್ ಮಾಡುತ್ತದೆ. ನಿಮ್ಮ ಉತ್ತರವನ್ನು ಪರಿಷ್ಕರಿಸಲು, iPadನಲ್ಲಿ Apple Intelligence ಜೊತೆಗೆ ಬರವಣಿಗೆಯ ಟೂಲ್‌ಗಳನ್ನು ಬಳಸಿ ನೋಡಿ.

  3. ನಿಮ್ಮ ಪ್ರತಿಕ್ರಿಯೆಯನ್ನು ಕಳುಹಿಸಲು ನೀವು ಸಿದ್ಧರಾದಾಗ, ಕಳುಹಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

ಸಂದೇಶದ ಸಾರಾಂಶಗಳನ್ನು ಆನ್ ಅಥವಾ ಆಫ್ ಮಾಡುವುದು

ನೀವು Apple Intelligence ಅನ್ನು ಆನ್ ಮಾಡಿದಾಗ, ಸಾರಾಂಶಗಳು ಸ್ವಯಂಚಾಲಿತವಾಗಿ ನಿಮ್ಮ ಸಂದೇಶದ ಸಂಭಾಷಣೆಗಳ ಅಡಿಯಲ್ಲಿ ಕಾಣಿಸಿಕೊಳ್ಳುತ್ತವೆ. ಅದರ ಬದಲಾಗಿ ನೀವು ಪ್ರತಿ ಸಂಭಾಷಣೆಯಲ್ಲಿ ಇತ್ತೀಚಿನ ಸಂದೇಶವನ್ನು ನೋಡಲು ಬಯಸಿದರೆ ನೀವು ಸಾರಾಂಶಗಳನ್ನು ಆಫ್ ಮಾಡಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ಆ್ಯಪ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸಂದೇಶ ಆ್ಯಪ್‌ ಅನ್ನು ಟ್ಯಾಪ್ ಮಾಡಿ.

  3. ಸಂದೇಶಗಳನ್ನು ಸಾರಾಂಶಗೊಳಿಸಿ ಎಂಬುದನ್ನು ಆನ್ ಅಥವಾ ಆಫ್ ಮಾಡಿ.

ಸೂಚಿಸಲಾದ ಸಮೀಕ್ಷೆಗಳನ್ನು ಪಡೆಯುವುದು

ಗುಂಪಿನಲ್ಲಿರುವವರು ಏನನ್ನು ತಿನ್ನಲು ಬಯಸುತ್ತಾರೆ, ಯಾವ ಚಲನಚಿತ್ರವನ್ನು ನೋಡಲು ಬಯಸುತ್ತಾರೆ, ಎಲ್ಲಿಗೆ ಪ್ರಯಾಣಿಸಲು ಬಯಸುತ್ತಾರೆ ಎಂಬುದನ್ನು ನಿರ್ಧರಿಸಲು ಯಾವುದೇ iMessage ಸಂಭಾಷಣೆಯಲ್ಲಿ ನೀವು ಸಮೀಕ್ಷೆಯನ್ನು ಪ್ರಾರಂಭಿಸಬಹುದು. ಸಂಭಾಷಣೆಯಲ್ಲಿ ವಿಭಿನ್ನ ಆಯ್ಕೆಗಳನ್ನು ಪತ್ತೆ ಮಾಡಿದಾಗ Apple Intelligence ಸಮೀಕ್ಷೆಯನ್ನು ಸೂಚಿಸಬಹುದು.

  1. ನಿಮ್ಮ iPadನಲ್ಲಿರುವ ಸಂದೇಶ ಆ್ಯಪ್‌ಗೆ ಹೋಗಿ.

  2. ವಿಭಿನ್ನ ಆಯ್ಕೆಗಳ ಬಗ್ಗೆ ಚರ್ಚಿಸಲು ಹೊಸ ಗುಂಪು ಸಂದೇಶವನ್ನು ಪ್ರಾರಂಭಿಸಿ ಅಥವಾ ಗುಂಪು ಸಂಭಾಷಣೆಯನ್ನು ತೆರೆಯಿರಿ.

  3. ಸಮೀಕ್ಷೆಯನ್ನು ರಚಿಸಿ ಎಂಬುದು ಕಾಣಿಸಿಕೊಂಡಾಗ ಅದನ್ನು ಟ್ಯಾಪ್ ಮಾಡಿ.

Image Playgroundನೊಂದಿಗೆ ನೈಜ ಹಿನ್ನೆಲೆಗಳನ್ನು ರಚಿಸುವುದು ಮತ್ತು ಎಡಿಟ್ ಮಾಡುವುದು

ನಿಮ್ಮ ಸಂದೇಶ ಆ್ಯಪ್‌ನ ಸಂಭಾಷಣೆಗಳಿಗೆ ಹಿನ್ನೆಲೆಗಳನ್ನು ರಚಿಸಲು ನೀವು Image Playground ಅನ್ನು ಬಳಸಬಹುದು.

  1. ನಿಮ್ಮ iPadನಲ್ಲಿರುವ ಸಂದೇಶ ಆ್ಯಪ್‌ಗೆ ಹೋಗಿ.

  2. ನೀವು ಹಿನ್ನೆಲೆಗೆ ಫೋಟೋವನ್ನು ಸೇರಿಸಲು ಬಯಸುವ ಸಂಭಾಷಣೆಗೆ ಹೋಗಿ.

  3. ಸಂಭಾಷಣೆಯ ಮೇಲ್ಭಾಗದಲ್ಲಿರುವ ವ್ಯಕ್ತಿ ಅಥವಾ ಗುಂಪಿನ ಹೆಸರನ್ನು ಟ್ಯಾಪ್ ಮಾಡಿ, ನಂತರ ಹಿನ್ನೆಲೆಗಳು ಎಂಬುದನ್ನು ಟ್ಯಾಪ್ ಮಾಡಿ.

  4. Playground ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನ ಯಾವುದನ್ನಾದರೂ ಮಾಡಿ:

    • ಪರಿಕಲ್ಪನೆಯನ್ನು ಸೇರಿಸಿ: ಥೀಮ್‌ಗಳು, ಅಭಿವ್ಯಕ್ತಿಗಳು, ವೇಷಭೂಷಣಗಳು, ಆ್ಯಕ್ಸೆಸರಿಗಳು ಅಥವಾ ಸ್ಥಳಗಳಂತಹ ಪರಿಕಲ್ಪನೆಗಳನ್ನು ಬ್ರೌಸ್ ಮಾಡಲು ಎಡಕ್ಕೆ ಸ್ವೈಪ್ ಮಾಡಿ—ನಂತರ ಆಯ್ಕೆಯೊಂದನ್ನು ಟ್ಯಾಪ್ ಮಾಡಿ.

    • ವಿವರಣೆಯನ್ನು ಸೇರಿಸಿ: “ಚಿತ್ರವನ್ನು ವಿವರಿಸಿ” ಎಂಬುದನ್ನು ಟ್ಯಾಪ್ ಮಾಡಿ, ವಿವರಣೆಯನ್ನು ನಮೂದಿಸಿ, ನಂತರ ಕಳುಹಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

    • ಪರಿಕಲ್ಪನೆಯನ್ನು ಅನ್ನು ತೆಗೆದುಹಾಕಿ: ಡಿಲೀಟ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ.

  5. ನಿಮ್ಮ ಚಿತ್ರ ನಿಮಗೆ ಇಷ್ಟವಾದರೆ, ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

    ಸಲಹೆ: ನಿಮ್ಮ ಚಿತ್ರಕ್ಕೆ ಫಿಲ್ಟರ್ ಒಂದನ್ನು ಆಯ್ಕೆಮಾಡುವ ಮೂಲಕ ನಿಮ್ಮ ಹಿನ್ನೆಲೆಯನ್ನು ಇನ್ನಷ್ಟು ಕಸ್ಟಮೈಸ್ ಮಾಡಿ—ಕಪ್ಪು ಮತ್ತು ಬಿಳುಪು, ಡ್ಯುವೋಟೋನ್ ಅಥವಾ ಕಲರ್ ವಾಶ್‌ಗಾಗಿ ಎಡಕ್ಕೆ ಸ್ವೈಪ್ ಮಾಡಿ. ಚಿತ್ರವನ್ನು ಕ್ರಾಪ್ ಮಾಡಲು ನೀವು ಅದನ್ನು ಪಿಂಚ್ ಇನ್ ಮತ್ತು ಪಿಂಚ್ ಔಟ್ ಮಾಡಬಹುದು.

  6. ನಿಮ್ಮ ಸಂಭಾಷಣೆಗೆ ಹಿನ್ನೆಲೆಯನ್ನು ಸೇರಿಸಲು ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

*Apple Intelligence ಜನರೇಟಿವ್ ಮಾಡಲ್‌ಗಳನ್ನು ಬಳಸುತ್ತದೆ ಮತ್ತು ಔಟ್‌ಪುಟ್‌ಗಳಲ್ಲಿ ವ್ಯತ್ಯಾಸವಾಗಬಹುದು. ನಿಖರತೆಗಾಗಿ ಮುಖ್ಯ ಮಾಹಿತಿಯನ್ನು ಪರಿಶೀಲಿಸಿ.
**Apple Intelligence ಈ ಕೆಳಗಿನ ಭಾಷೆಗಳಿಗೆ ಬೆಂಬಲದೊಂದಿಗೆ ಬೀಟಾದಲ್ಲಿ ಲಭ್ಯವಿದೆ: ಇಂಗ್ಲಿಷ್, ಡ್ಯಾನಿಶ್, ಡಚ್, ಫ್ರೆಂಚ್, ಜರ್ಮನ್, ಇಟಾಲಿಯನ್, ನಾರ್ವೇಜಿಯನ್, ಪೋರ್ಚುಗೀಸ್, ಸ್ಪ್ಯಾನಿಷ್, ಸ್ವೀಡಿಷ್, ಟರ್ಕಿಶ್, ಚೈನೀಸ್ (ಸರಳೀಕೃತ), ಚೈನೀಸ್ (ಸಾಂಪ್ರದಾಯಿಕ), ಜಾಪನೀಸ್, ಕೊರಿಯನ್ ಮತ್ತು ವಿಯೆಟ್ನಾಮೀಸ್. ಕೆಲವು ಫೀಚರ್‌ಗಳು ಎಲ್ಲಾ ಭಾಷೆಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿಲ್ಲದಿರಬಹುದು. ಭಾಷೆ ಮತ್ತು ಫೀಚರ್ ಲಭ್ಯತೆ ಮತ್ತು ಸಿಸ್ಟಂ ಅವಶ್ಯಕತೆಗಳ ಕುರಿತ ಹೆಚ್ಚಿನ ಮಾಹಿತಿಗಾಗಿ, Apple Intelligence ಅನ್ನು ಪಡೆಯುವುದು ಹೇಗೆ? ಎಂಬ Apple ಬೆಂಬಲ ಲೇಖನವನ್ನು ನೋಡಿ.
ಇದನ್ನು ಸಹ ನೋಡಿiPadನಲ್ಲಿ ಸಂದೇಶಗಳನ್ನು ಕಳುಹಿಸುವುದು ಮತ್ತು ಅವುಗಳಿಗೆ ಪ್ರತ್ಯುತ್ತರಿಸುವುದುiPadನಲ್ಲಿನ ಸಂದೇಶ ಆ್ಯಪ್‌ನಲ್ಲಿ ಹಿನ್ನೆಲೆಗಳನ್ನು ಸೇರಿಸುವುದುiPadನಲ್ಲಿ Apple Intelligence ಜೊತೆಗೆ ಬರವಣಿಗೆಯ ಟೂಲ್‌ಗಳನ್ನು ಬಳಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.