iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿನ Mail ಆ್ಯಪ್‌ನಲ್ಲಿ ಈಮೇಲ್‌ಗಳಿಗೆ ಪ್ರತ್ಯುತ್ತರಿಸುವುದು ಮತ್ತು ಅವುಗಳನ್ನು ಫಾರ್ವರ್ಡ್ ಮಾಡುವುದು

Mail ಆ್ಯಪ್‌ನಲ್ಲಿ ನೀವು ಈಮೇಲ್‌ಗಳಿಗೆ ಪ್ರತ್ಯುತ್ತರಿಸಬಹುದು ಮತ್ತು ಅವುಗಳನ್ನು ಫಾರ್ವರ್ಡ್ ಮಾಡಬಹುದು.

ಈಮೇಲ್‌ಗೆ ಪ್ರತ್ಯುತ್ತರಿಸುವುದು

  1. ನಿಮ್ಮ iPadನಲ್ಲಿ Mail ಆ್ಯಪ್‌ಗೆ ಹೋಗಿ.

  2. ಸಂದೇಶದಲ್ಲಿ ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • ಕಳುಹಿಸುವವರಿಗೆ ಮಾತ್ರ ಪ್ರತ್ಯುತ್ತರಿಸಿ: ಇನ್ನಷ್ಟು ಆ್ಯಕ್ಷನ್‌ಗಳು ಬಟನ್ ಅನ್ನು ಟ್ಯಾಪ್ ಮಾಡಿ.

    • ಕಳುಹಿಸಿದವರಿಗೆ ಮತ್ತು ಇತರ ಸ್ವೀಕೃತದಾರರಿಗೆ ಪ್ರತ್ಯುತ್ತರಿಸಿ: ಎಲ್ಲರಿಗೂ ಪ್ರತ್ಯುತ್ತರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

  3. ನಿಮ್ಮ ಪ್ರತಿಕ್ರಿಯೆಯನ್ನು ಟೈಪ್ ಮಾಡಿ, ನಂತರ ಅದನ್ನು ಕಳುಹಿಸಲು ಕಳುಹಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

ನೀವು ಈಮೇಲ್‌ಗೆ ಪ್ರತ್ಯುತ್ತರಿಸಿದಾಗ ಕೆಲವು ಪಠ್ಯವನ್ನು ಉಲ್ಲೇಖಿಸುವುದು

ನೀವು ಸಂದೇಶವೊಂದಕ್ಕೆ ಪ್ರತ್ಯುತ್ತರಿಸುವಾಗ, ನೀವು ಯಾವುದಕ್ಕೆ ಪ್ರತಿಕ್ರಿಯಿಸುತ್ತಿದ್ದೀರಿ ಎಂಬುದನ್ನು ಸ್ಪಷ್ಟಪಡಿಸಲು ಕಳುಹಿಸುವವರಿಂದ ಬಂದ ಪಠ್ಯವನ್ನು ನೀವು ಸೇರಿಸಬಹುದು.

  1. ನಿಮ್ಮ iPadನಲ್ಲಿ Mail ಆ್ಯಪ್‌ಗೆ ಹೋಗಿ.

  2. ಕಳುಹಿಸುವವರ ಸಂದೇಶದಲ್ಲಿ, ಪಠ್ಯದ ಮೊದಲ ಪದವನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಅದನ್ನು ಕೊನೆಯ ಪದಕ್ಕೆ ಡ್ರ್ಯಾಗ್ ಮಾಡಿ. (ಪಠ್ಯವನ್ನು ಆಯ್ಕೆ ಮಾಡಿ, ಕಟ್, ಕಾಪಿ ಮತ್ತು ಪೇಸ್ಟ್ ಎಂಬುದನ್ನು ನೋಡಿ.)

  3. ಇನ್ನಷ್ಟು ಆ್ಯಕ್ಷನ್‌ಗಳು ಬಟನ್ ಅನ್ನು ಟ್ಯಾಪ್ ಮಾಡಿ, ಪ್ರತ್ಯುತ್ತರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ ಸಂದೇಶವನ್ನು ಟೈಪ್ ಮಾಡಿ.

ಗಮನಿಸಿ: ಉಲ್ಲೇಖಿಸಲಾದ ಪಠ್ಯದ ಇಂಡೆಂಟೇಶನ್ ಅನ್ನು ಆಫ್ ಮಾಡಲು, ಸೆಟ್ಟಿಂಗ್ಸ್ ಆ್ಯಪ್‌  > ಆ್ಯಪ್‌ಗಳು > Mail ಆ್ಯಪ್ > ಉಲ್ಲೇಖದ ಮಟ್ಟವನ್ನು ಹೆಚ್ಚಿಸಿ (ರಚಿಸುವುದು ಎಂಬುದರ ಕೆಳಗೆ) ಎಂಬಲ್ಲಿಗೆ ಹೋಗಿ, ನಂತರ ಉಲ್ಲೇಖದ ಮಟ್ಟವನ್ನು ಹೆಚ್ಚಿಸಿ ಎಂಬುದನ್ನು ಆಫ್ ಮಾಡಿ.

ಈಮೇಲ್‌ ಅನ್ನು ಫಾರ್ವರ್ಡ್ ಮಾಡಿ

ಹೊಸ ಸ್ವೀಕೃತದಾರರಿಗೆ ನೀವು ಸಂದೇಶವೊಂದನ್ನು ಫಾರ್ವರ್ಡ್ ಮಾಡಬಹುದು.

  1. ನಿಮ್ಮ iPadನಲ್ಲಿ Mail ಆ್ಯಪ್‌ಗೆ ಹೋಗಿ.

  2. ಸಂದೇಶವನ್ನು ಟ್ಯಾಪ್ ಮಾಡಿ, ನಂತರ ಮುಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.

    ಮೂಲ ಸಂದೇಶದಲ್ಲಿ ಫೋಟೊಗಳು ಅಥವಾ ಡಾಕ್ಯುಮಂಟ್‌ಗಳಂತಹ ಅಟ್ಯಾಚ್‌ಮೆಂಟ್‌ಗಳಿದ್ದರೆ, ಅವುಗಳನ್ನು ಫಾರ್ವರ್ಡ್ ಮಾಡಿದ ಸಂದೇಶದಲ್ಲಿ ಒಳಗೊಳ್ಳಬೇಕೇ ಎಂಬುದನ್ನು ನೀವು ನಿರ್ಧರಿಸಬಹುದು. ಸೇರಿಸಿ ಅಥವಾ ಸೇರಿಸಬೇಡಿ ಎಂಬುದನ್ನು ಆರಿಸಿ.

  3. ಹೊಸ ಸ್ವೀಕೃತದಾರರ ಈಮೇಲ್‌ ವಿಳಾಸಗಳನ್ನು ನಮೂದಿಸಿ.

  4. ಸಂದೇಶದಲ್ಲಿ ಟ್ಯಾಪ್ ಮಾಡಿ, ನಂತರ ನಿಮ್ಮ ಪ್ರತಿಕ್ರಿಯೆಯನ್ನು ಟೈಪ್ ಮಾಡಿ. ಫಾರ್ವರ್ಡ್ ಮಾಡಲಾದ ಸಂದೇಶವು ಕೆಳಗೆ ಕಾಣಿಸಿಕೊಳ್ಳುತ್ತದೆ.

ಈಮೇಲ್‌ಗಳ ಕುರಿತು ಫಾಲೋ ಅಪ್ ಮಾಡಿ

ನೀವು ಈಮೇಲ್ ಸಂದೇಶವೊಂದನ್ನು ಕಳುಹಿಸಿದರೆ ಮತ್ತು ಹಲವಾರು ದಿನಗಳವರೆಗೆ ಪ್ರತಿಕ್ರಿಯೆಯನ್ನು ಸ್ವೀಕರಿಸದಿದ್ದರೆ, ಫಾಲೋ ಅಪ್ ಮಾಡುವುದಕ್ಕೆ ನಿಮಗೆ ಸಹಾಯ ಮಾಡಲು ಸಂದೇಶವು ಸ್ವಯಂಚಾಲಿತವಾಗಿ ನಿಮ್ಮ ಇನ್‌ಬಾಕ್ಸ್‌ನ ಮೇಲ್ಭಾಗಕ್ಕೆ ಹಿಂತಿರುಗುತ್ತದೆ.

ಫಾಲೋ ಅಪ್ ಸಲಹೆಗಳನ್ನು ಆಫ್ ಮಾಡಲು, ಸೆಟ್ಟಿಂಗ್ಸ್ ಆ್ಯಪ್‌  > ಆ್ಯಪ್‌ಗಳು > Mail ಆ್ಯಪ್‌ಗೆ ಹೋಗಿ, ನಂತರ ಫಾಲೋ ಅಪ್ ಸಲಹೆಗಳನ್ನು ಆಫ್ ಮಾಡಿ.

Mail ಆ್ಯಪ್‌ನಲ್ಲಿ ಸ್ವಯಂಚಾಲಿತ ಪ್ರತ್ಯುತ್ತರವನ್ನು ಸೆಟಪ್ ಮಾಡಿ

iCloud.comನಲ್ಲಿ, ನೀವು ಒಳಬರುವ ಈಮೇಲ್‌ ಸಂದೇಶಗಳಿಗೆ ಪ್ರತಿಕ್ರಿಯಿಸಲು ಸ್ವಯಂಚಾಲಿತ ಪ್ರತ್ಯುತ್ತರವನ್ನು ಸೆಟಪ್ ಮಾಡಬಹುದು ಅಥವಾ ಸಂದೇಶಗಳನ್ನು ಸ್ವಯಂಚಾಲಿತವಾಗಿ ಮತ್ತೊಂದು ಇನ್‌ಬಾಕ್ಸ್‌ಗೆ ಫಾರ್ವರ್ಡ್ ಮಾಡಬಹುದು. iCloud.comನಲ್ಲಿನ Mailನಲ್ಲಿ ಸ್ವಯಂಚಾಲಿತ ಪ್ರತ್ಯುತ್ತರವನ್ನು ಸೆಟಪ್ ಮಾಡಿ ಎಂಬುದನ್ನು ನೋಡಿ.

ಸ್ಮಾರ್ಟ್ ಪ್ರತ್ಯುತ್ತರವನ್ನು ಬಳಸುವುದು

Apple Intelligence* ಆನ್ ಆಗಿದ್ದರೆ, ನೀವು ಸ್ವೀಕರಿಸುವ ಈಮೇಲ್‌ಗೆ ಪ್ರತ್ಯುತ್ತರವೊಂದನ್ನು ಸೂಚಿಸುವಂತೆ ನೀವು ಅದನ್ನು ಬಳಸಬಹುದು. Mail ಆ್ಯಪ್‌ನಲ್ಲಿ Apple Intelligence ಅನ್ನು ಬಳಸಿ ಎಂಬುದನ್ನು ನೋಡಿ.

*Apple Intelligence ಈ ಕೆಳಗಿನ ಭಾಷೆಗಳಿಗೆ ಬೆಂಬಲದೊಂದಿಗೆ ಬೀಟಾದಲ್ಲಿ ಲಭ್ಯವಿದೆ: ಇಂಗ್ಲಿಷ್, ಡ್ಯಾನಿಶ್, ಡಚ್, ಫ್ರೆಂಚ್, ಜರ್ಮನ್, ಇಟಾಲಿಯನ್, ನಾರ್ವೇಜಿಯನ್, ಪೋರ್ಚುಗೀಸ್, ಸ್ಪ್ಯಾನಿಷ್, ಸ್ವೀಡಿಷ್, ಟರ್ಕಿಶ್, ಚೈನೀಸ್ (ಸರಳೀಕೃತ), ಚೈನೀಸ್ (ಸಾಂಪ್ರದಾಯಿಕ), ಜಾಪನೀಸ್, ಕೊರಿಯನ್ ಮತ್ತು ವಿಯೆಟ್ನಾಮೀಸ್. ಕೆಲವು ಫೀಚರ್‌ಗಳು ಎಲ್ಲಾ ಭಾಷೆಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿಲ್ಲದಿರಬಹುದು. ಭಾಷೆ ಮತ್ತು ಫೀಚರ್ ಲಭ್ಯತೆ ಮತ್ತು ಸಿಸ್ಟಂ ಅವಶ್ಯಕತೆಗಳ ಕುರಿತ ಹೆಚ್ಚಿನ ಮಾಹಿತಿಗಾಗಿ, Apple Intelligence ಅನ್ನು ಪಡೆಯುವುದು ಹೇಗೆ? ಎಂಬ Apple ಬೆಂಬಲ ಲೇಖನವನ್ನು ನೋಡಿ.
ಇದನ್ನು ಸಹ ನೋಡಿiPadನಲ್ಲಿನ Mail ಆ್ಯಪ್‌ನಲ್ಲಿ ನಿಮ್ಮ ಈಮೇಲ್‌ ಅನ್ನು ಪರಿಶೀಲಿಸುವುದುiPadನಲ್ಲಿನ Mail ಆ್ಯಪ್ ಮೂಲಕ ಈಮೇಲ್‌ ಅನ್ನು ಕಳುಹಿಸುವುದುiPadನಲ್ಲಿನ Mail ಆ್ಯಪ್‌ನಲ್ಲಿ ಡ್ರಾಫ್ಟ್ ಅನ್ನು ಸೇವ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.