iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿ ಪಾಡ್‌ಕಾಸ್ಟ್ ಟ್ರಾನ್ಸ್‌ಕ್ರಿಪ್ಟ್‌ಗಳನ್ನು ವೀಕ್ಷಿಸಿ

ಪಾಡ್‌ಕಾಸ್ಟ್ಸ್ ಆ್ಯಪ್‌ನಲ್ಲಿ, ನೀವು ಎಪಿಸೋಡ್ ಟ್ರಾನ್ಸ್‌ಕ್ರಿಪ್ಟ್‌ಗಳನ್ನು ವೀಕ್ಷಿಸಬಹುದು ಮತ್ತು ಹುಡುಕಬಹುದು.

ಗಮನಿಸಿ: ಟ್ರಾನ್ಸ್‌ಕ್ರಿಪ್ಟ್ ಲಭ್ಯತೆಯು ಭಾಷೆಯಿಂದ ಭಾಷೆಗೆ ಮತ್ತು ದೇಶದಿಂದ ದೇಶಕ್ಕೆ ಅಥವಾ ಪ್ರದೇಶದಿಂದ ಪ್ರದೇಶಕ್ಕೆ ಬದಲಾಗಬಹುದು. iPhone ಮತ್ತು iPadನಲ್ಲಿ Apple Podcastsನಲ್ಲಿರುವ ಶೋಗಳನ್ನು ಫಾಲೋ ಮಾಡಿ ಮತ್ತು ಪ್ಲೇ ಮಾಡಿ ಎಂಬ Apple ಬೆಂಬಲ ಲೇಖನವನ್ನು ನೋಡಿ.

ಟ್ರಾನ್ಸ್‌ಕ್ರಿಪ್ಟ್‌ಗಳನ್ನು ನೋಡುವುದು

  1. ನಿಮ್ಮ iPadನಲ್ಲಿ ಪಾಡ್‌ಕಾಸ್ಟ್ಸ್ ಆ್ಯಪ್‌ಗೆ ಹೋಗಿ.

  2. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ಎಪಿಸೋಡ್ ಮಾಹಿತಿಯನ್ನು ವೀಕ್ಷಿಸುವಾಗ: ಟ್ರಾನ್ಸ್‌ಕ್ರಿಪ್ಟ್‌ಗಳ ವಿಭಾಗಕ್ಕೆ ಹೋಗಲು ಕೆಳಕ್ಕೆ ಸ್ಕ್ರೋಲ್ ಮಾಡಿ. ನೀವು ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಬಹುದು, ನಂತರ ಟ್ರಾನ್ಸ್‌ಕ್ರಿಪ್ಟ್ ಅನ್ನು ನೋಡಿ ಎಂಬುದನ್ನು ಟ್ಯಾಪ್ ಮಾಡಿ.

    • MiniPlayer ಅಥವಾ ಈಗ ಪ್ಲೇ ಆಗುತ್ತಿರುವ ಸ್ಕ್ರೀನ್‌ನಿಂದ: ಟ್ರಾನ್ಸ್‌ಕ್ರಿಪ್ಟ್ ವೀಕ್ಷಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

ಫುಲ್ ಸ್ಕ್ರೀನ್ ವೀಡಿಯೊ ಮೋಡ್‌ನಲ್ಲಿ ನೋಡುವಾಗ ಟ್ರಾನ್ಸ್‌ಕ್ರಿಪ್ಟ್‌ಗಳು ಲಭ್ಯವಿರುವುದಿಲ್ಲ. ಬದಲಿಗೆ, ನೀವು ಕ್ಯಾಪ್ಶನ್‌ಗಳು ಬಟನ್ ಅನ್ನು ಟ್ಯಾಪ್ ಮಾಡಬಹುದು (ಲಭ್ಯವಿದ್ದರೆ).

ನೀವು ಟ್ರಾನ್ಸ್‌ಕ್ರಿಪ್ಟ್‌ಗಳೊಂದಿಗೆ ಹಲವು ವಿಧಗಳಲ್ಲಿ ಸಂವಹನ ನಡೆಸಬಹುದು. ಸ್ಟ್ಯಾಟಿಕ್ ಟ್ರಾನ್ಸ್‌ಕ್ರಿಪ್ಟ್ ವೀಕ್ಷಣೆಯಲ್ಲಿ, ನೀವು ಪಠ್ಯವನ್ನು ಆಯ್ಕೆ ಮಾಡಬಹುದು ಮತ್ತು ಆ ಪಾಯಿಂಟ್‌ನಿಂದ ಪ್ಲೇ ಮಾಡಬೇಕೆ, ಕಾಪಿ ಮಾಡಬೇಕೆ ಅಥವಾ ಹಂಚಿಕೊಳ್ಳಬೇಕೆ ಎಂಬುದನ್ನು ಆಯ್ಕೆಮಾಡಬಹುದು. ಈಗ ಪ್ಲೇ ಆಗುತ್ತಿರುವುದು ಸ್ಕ್ರೀನ್‌ನಲ್ಲಿ ಸ್ಕ್ರೋಲ್ ಆಗುತ್ತಿರುವ ಟ್ರಾನ್ಸ್‌ಕ್ರಿಪ್ಟ್‌ನಲ್ಲಿ, ಎಪಿಸೋಡ್‌ನಲ್ಲಿನ ಆ ಪಾಯಿಂಟ್‌ಗೆ ಹೋಗಲು ನೀವು ಯಾವುದೇ ಪ್ಯಾರಾಗ್ರಾಫ್ ಅನ್ನು ಟ್ಯಾಪ್ ಮಾಡಬಹುದು ಅಥವಾ ಆ ಪಾಯಿಂಟ್‌ನಿಂದ ಹಂಚಿಕೊಳ್ಳಲು ಪ್ಯಾರಾಗ್ರಾಫ್ ಒಂದನ್ನು ಟಚ್ ಮಾಡಿ ಒತ್ತಿ ಹಿಡಿದುಕೊಳ್ಳಬಹುದು.

ಈಗ ಪ್ಲೇ ಆಗುತ್ತಿರುವುದು ಸ್ಕ್ರೀನ್‌ನಲ್ಲಿ ಟ್ರಾನ್ಸ್‌ಕ್ರಿಪ್ಶನ್ ಅನ್ನು ಮರೆಮಾಡಲು, ಕೆಳಕ್ಕೆ ಸ್ವೈಪ್ ಮಾಡಿ, ನಂತರ ವಲ್ಯೂಮ್ ಸ್ಲೈಡರ್‌ನ ಕೆಳಗಿರುವ ಟ್ರಾನ್ಸ್‌ಕ್ರಿಪ್ಟ್ ಅನ್ನು ಮರೆಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ.

ಟ್ರಾನ್ಸ್‌ಕ್ರಿಪ್ಟ್‌ಗಳನ್ನು ಹುಡುಕುವುದು

  1. ನಿಮ್ಮ iPadನಲ್ಲಿ ಪಾಡ್‌ಕಾಸ್ಟ್ಸ್ ಆ್ಯಪ್‌ಗೆ ಹೋಗಿ.

  2. ಟ್ರಾನ್ಸ್‌ಕ್ರಿಪ್ಟ್ ಒಂದನ್ನು ನೋಡುವಾಗ, ಈ ಕೆಳಗಿನ ಯಾವುದನ್ನಾದರೂ ಮಾಡಿ:

    • ಈಗ ಪ್ಲೇ ಆಗುತ್ತಿರುವುದು ಸ್ಕ್ರೀನ್‌ನಿಂದ: ಟ್ರಾನ್ಸ್‌ಕ್ರಿಪ್ಟ್ ಅನ್ನು ಮೇಲಕ್ಕೆ ಸ್ವೈಪ್ ಮಾಡಿ, ನಂತರ ಹುಡುಕಿ ಎಂಬುದನ್ನು ಟ್ಯಾಪ್ ಮಾಡಿ.

    • ಎಪಿಸೋಡ್ ಮಾಹಿತಿಯಿಂದ ಅಥವಾ ಮುಂಬರಲಿರುವುದು ವಿಭಾಗದಿಂದ: ಟ್ರಾನ್ಸ್‌ಕ್ರಿಪ್ಟ್ ಹುಡುಕಿ ಬಟನ್ ಅನ್ನು ಟ್ಯಾಪ್ ಮಾಡಿ.

  3. ಐಚ್ಛಿಕವಾಗಿ, ಹುಡುಕಾಟದ ಫಲಿತಾಂಶಗಳಲ್ಲಿ ಸಂಪೂರ್ಣ ಪದ ಅಥವಾ ದೊಡ್ಡ ಅಕ್ಷರಕ್ಕೆ ಹೋಲಿಕೆಯಾಗಬೇಕೆ ಎಂಬುದನ್ನು ನಿರ್ದಿಷ್ಟಪಡಿಸಲು ಹುಡುಕಾಟದ ಫೀಲ್ಡ್‌ನಲ್ಲಿ ಹುಡುಕಾಟದ ಆಯ್ಕೆಗಳ ಬಟನ್ ಅನ್ನು ಟ್ಯಾಪ್ ಮಾಡಿ.

ಇದನ್ನು ಸಹ ನೋಡಿiPadನಲ್ಲಿ ಪಾಡ್‌ಕಾಸ್ಟ್‌ಗಳನ್ನು ವೀಕ್ಷಿಸುವುದು ಮತ್ತು ಆಲಿಸುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.