iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿ VoiceOver ಮೂಲಕ ನಿಮ್ಮ ಸುತ್ತಮುತ್ತಲಿನ ಲೈವ್ ವಿವರಣೆಗಳನ್ನು ಪಡೆಯುವುದು

ನೀವು ಅಂಧರಾಗಿದ್ದರೆ ಅಥವಾ ದೃಷ್ಟಿ ದೋಷವನ್ನು ಹೊಂದಿದ್ದರೆ, ನಿಮ್ಮ ಸುತ್ತಮುತ್ತಲನ್ನು ಸ್ಕ್ಯಾನ್ ಮಾಡಲು ಮತ್ತು ಕ್ಯಾಮರಾ ವೀಕ್ಷಣೆಯಲ್ಲಿ ಪತ್ತೆಹಚ್ಚಲಾದ ದೃಶ್ಯಗಳ ನೇರ ವಿವರಣೆಗಳನ್ನು ಪಡೆಯಲು iPadನಲ್ಲಿರುವ VoiceOver ಗುರುತಿಸುವಿಕೆಯನ್ನು ಬಳಸಬಹುದು. ಆ್ಯಕ್ಸೆಸಬಿಲಿಟಿ ಮಾಹಿತಿಯನ್ನು ಒದಗಿಸದ ಆ್ಯಪ್‌ಗಳು ಮತ್ತು ವೆಬ್‌ಪುಟಗಳಲ್ಲಿಯೂ ಸಹ ನೀವು ಆನ್‌ಸ್ಕ್ರೀನ್ ಚಿತ್ರಗಳು ಮತ್ತು ಇಂಟರ್‌ಫೇಸ್ ಎಲಿಮೆಂಟ್‌ಗಳ ವಿವರಣೆಗಳನ್ನು ಪಡೆಯಬಹುದು.

ಪ್ರಮುಖ ಸೂಚನೆ: ನೀವು ಗಾಯಗೊಂಡ ಅಥವಾ ಹಾನಿಗೊಳಗಾಗಬಹುದಾದ ಹೆಚ್ಚಿನ ಅಪಾಯದ ಸಂದರ್ಭಗಳಲ್ಲಿ, ನ್ಯಾವಿಗೇಷನ್‌ಗಾಗಿ ಅಥವಾ ಯಾವುದೇ ಆರೋಗ್ಯ ಸಮಸ್ಯೆಯನ್ನು ನಿರ್ಧರಿಸಲು ಅಥವಾ ಚಿಕಿತ್ಸೆಗಾಗಿ ನೀವು VoiceOver ಗುರುತಿಸುವಿಕೆಯನ್ನು ಅವಲಂಬಿಸಬಾರದು.

ನಿಮ್ಮ ಸುತ್ತಮುತ್ತಲಿನ ಲೈವ್ ವಿವರಣೆಗಳನ್ನು ಪಡೆಯಿರಿ

  1. VoiceOver ಆನ್ ಆಗಿರುವಾಗ, ಲೈವ್ ಗುರುತಿಸುವಿಕೆಯನ್ನು ಪ್ರಾರಂಭಿಸಲು ನಾಲ್ಕು ಬೆರಳುಗಳಿಂದ ಸ್ಕ್ರೀನ್ ಅನ್ನು ಮೂರು ಬಾರಿ ಟ್ಯಾಪ್ ಮಾಡಿ.

  2. ಸನ್ನಿವೇಶಗಳು, ಜನರು, ಬಾಗಿಲುಗಳು, ಪೀಠೋಪಕರಣಗಳು ಅಥವಾ ಪಠ್ಯದಂತಹ ವಿವರಿಸಲು ನಿಮಗೆ ಬೇಕಾದ VoiceOver ವಿಷುವಲ್ ಮಾಹಿತಿಯ ಪ್ರಕಾರಗಳನ್ನು ಆರಿಸಿ. ಸ್ಕ್ರೀನ್‌ನ ಕೆಳಭಾಗದಲ್ಲಿ, ಒಂದು ವರ್ಗವನ್ನು ಆಯ್ಕೆಮಾಡಿ, ನಂತರ ಅದನ್ನು ಆನ್ ಅಥವಾ ಆಫ್ ಮಾಡಲು ಡಬಲ್-ಟ್ಯಾಪ್ ಮಾಡಿ. ನೀವು ಪಾಯಿಂಟ್ ಮಾಡಿ ಮತ್ತು ಮಾತನಾಡಿ ಎಂಬುದನ್ನು ಆನ್ ಮಾಡಿದ್ದರೆ, ನೀವು ನಿಮ್ಮ ಬೆರಳನ್ನು ಪಠ್ಯಕ್ಕೆ ತೋರಿಸಬಹುದು ಮತ್ತು VoiceOver ಅದನ್ನು ಗಟ್ಟಿಯಾಗಿ ಓದುವಂತೆ ಮಾಡಬಹುದು.

    ಗಮನಿಸಿ: ಜನರು, ಬಾಗಿಲುಗಳು ಮತ್ತು ಪೀಠೋಪಕರಣಗಳ ಪತ್ತೆಹಚ್ಚುವಿಕೆಯು ಬೆಂಬಲಿತ iPad ಮಾಡಲ್‌ಗಳಲ್ಲಿ ಮಾತ್ರ ಲಭ್ಯವಿದೆ.

  3. ಹಿಂಬದಿಯ ಕ್ಯಾಮರಾ ನಿಮ್ಮ ಸುತ್ತಮುತ್ತ ಏನಿದೆ ಎಂಬುದನ್ನು ಪತ್ತೆಹಚ್ಚುವಂತೆ iPad ಅನ್ನು ಇರಿಸಿ. VoiceOver ತಾನು ಪತ್ತೆಮಾಡಿದ್ದನ್ನು ವಿವರಿಸುತ್ತದೆ.

    VoiceOver ಮಾತನ್ನು ಅಡ್ಡಿಪಡಿಸಲು ಮತ್ತು ಮುಂದಿನ ಪತ್ತೆಯಾದ ಐಟಮ್‌ಗೆ ಮೂವ್ ಆಗಲು, ಎರಡು ಬೆರಳುಗಳಿಂದ ಸ್ಕ್ರೀನ್ ಮೇಲೆ ಟ್ಯಾಪ್ ಮಾಡಿ.

  4. ಲೈವ್ ಗುರುತಿಸುವಿಕೆಯನ್ನು ಆಫ್ ಮಾಡಲು, ನಾಲ್ಕು ಬೆರಳುಗಳಿಂದ ಸ್ಕ್ರೀನ್ ಮೇಲೆ ಮೂರು ಬಾರಿ ಟ್ಯಾಪ್ ಮಾಡಿ. ಅಥವಾ VoiceOver ಕರ್ಸರ್, ಲೈವ್ ಗುರುತಿಸುವಿಕೆಗಾಗಿ ಇಂಟರ್ಫೇಸ್ ಎಲಿಮೆಂಟ್ ಮೇಲೆ ಕೇಂದ್ರೀಕೃತವಾಗಿದ್ದರೆ, ಎರಡು ಬೆರಳಿನಿಂದ ಸ್ಕ್ರಬ್ ಮಾಡಿ (ಎರಡು ಬೆರಳುಗಳನ್ನು “z” ಆಕಾರದಲ್ಲಿ ಮೂರು ಬಾರಿ ವೇಗವಾಗಿ ಹಿಂದಕ್ಕೂ ಮುಂದಕ್ಕೂ ಸರಿಸಿ).

ಸಲಹೆ: ಲೈವ್ ಗುರುತಿಸುವಿಕೆಯನ್ನು ತ್ವರಿತವಾಗಿ ಪ್ರಾರಂಭಿಸಲು ಮತ್ತು ನಿಲ್ಲಿಸಲು ನೀವು ಶಾರ್ಟ್‌ಕಟ್ ಅನ್ನು ಸೆಟಪ್ ಮಾಡಬಹುದು. ಲೈವ್ ಗುರುತಿಸುವಿಕೆಗಾಗಿ ಶಾರ್ಟ್‌ಕಟ್‌ಗಳನ್ನು ಸೆಟಪ್ ಮಾಡಿ ಎಂಬುದನ್ನು ನೋಡಿ.

ಸನ್ನಿವೇಶಗಳು, ಜನರು ಮತ್ತು ಹೆಚ್ಚಿನವುಗಳನ್ನು ಪತ್ತೆಹಚ್ಚಲು ಮತ್ತು ವಿವರಿಸಲು ನೀವು ಮ್ಯಾಗ್ನಿಫೈಯರ್ ಆ್ಯಪ್‌ನಲ್ಲಿ ಡಿಟೆಕ್ಷನ್ ಮೋಡ್ ಅನ್ನು ಸಹ ಬಳಸಬಹುದು. ಮ್ಯಾಗ್ನಿಫೈಯರ್ ಮೂಲಕ ನಿಮ್ಮ ಸುತ್ತಲಿನ ದೃಶ್ಯ ಮಾಹಿತಿಯ ಲೈವ್ ವಿವರಣೆಗಳನ್ನು ಪಡೆಯಿರಿ ಎಂಬುದನ್ನು ನೋಡಿ.

ಲೈವ್ ಗುರುತಿಸುವಿಕೆ ಸೆಟ್ಟಿಂಗ್ಸ್ ಅನ್ನು ಬದಲಾಯಿಸಲು, ಮ್ಯಾಗ್ನಿಫೈಯರ್ ಆ್ಯಪ್ ಗೆ ಹೋಗಿ, ಸೆಟ್ಟಿಂಗ್‌ಗಳ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಪತ್ತೆಮಾಡಿ ಎಂಬುದನ್ನು ಟ್ಯಾಪ್ ಮಾಡಿ. ದೃಶ್ಯಗಳು, ಜನರು, ಬಾಗಿಲುಗಳು, ಪೀಠೋಪಕರಣ, ಪಠ್ಯ ಅಥವಾ ಪಾಯಿಂಟ್ ಮಾಡಿ ಮತ್ತು ಮಾತನಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ಆ್ಯಪ್‌ಗಳಲ್ಲಿ ಮತ್ತು ವೆಬ್‌ನಲ್ಲಿ ಚಿತ್ರಗಳ ವಿವರಣೆಗಳನ್ನು ಪಡೆಯುವುದು

VoiceOver ಗುರುತಿಸುವಿಕೆ ಮೂಲಕ, ನೀವು ಆ್ಯಪ್‌ಗಳು ಮತ್ತು ವೆಬ್‌ಪುಟಗಳಲ್ಲಿ ಚಿತ್ರಗಳಲ್ಲಿರುವ ಜನರು, ವಸ್ತುಗಳು ಮತ್ತು ಪಠ್ಯದ ವಿವರಣೆಗಳನ್ನು ಪಡೆಯಬಹುದು, ಅವುಗಳು ಆ್ಯಕ್ಸೆಸಬಿಲಿಟಿ ಮಾಹಿತಿಯನ್ನು ಒದಗಿಸದಿದ್ದರೂ ಸಹ ಪಡೆಯಬಹುದು. ಫೋಟೋದಲ್ಲಿನ ಇತರ ವಸ್ತುಗಳಿಗೆ ಸಂಬಂಧಿಸಿದಂತೆ ವ್ಯಕ್ತಿಯ ಸ್ಥಾನವನ್ನು ಕಂಡುಹಿಡಿಯಲು ನೀವು ನಿಮ್ಮ ಬೆರಳನ್ನು ಫೋಟೋ ಮೇಲೆ ಮೂವ್ ಮಾಡಬಹುದು ಅಥವಾ ಐಟಮ್‌ಗಳನ್ನು ಪಟ್ಟಿಮಾಡಲಾದ ಕ್ರಮದಲ್ಲಿರುವ ಪೌಷ್ಟಿಕಾಂಶದ ಲೇಬಲ್‌ಗಳು ಮತ್ತು ರಸೀದಿಗಳನ್ನು ನ್ಯಾವಿಗೇಟ್ ಮಾಡಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ಆ್ಯಕ್ಸೆಸಬಿಲಿಟಿ ಎಂಬುದನ್ನು ಟ್ಯಾಪ್ ಮಾಡಿ, VoiceOver ಎಂಬುದನ್ನು ಟ್ಯಾಪ್ ಮಾಡಿ, VoiceOver ಗುರುತಿಸುವಿಕೆ ಎಂಬುದನ್ನು ಟ್ಯಾಪ್ ಮಾಡಿ, ಚಿತ್ರ ವಿವರಣೆಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಚಿತ್ರ ವಿವರಣೆಗಳನ್ನು ಆನ್ ಮಾಡಿ.

  3. ಚಿತ್ರಗಳಲ್ಲಿ ಕಂಡುಬರುವ ಪಠ್ಯದ ವಿವರಣೆಗಳನ್ನು ಪಡೆಯಲು, ಪಠ್ಯ ಗುರುತಿಸುವಿಕೆ ಎಂಬುದನ್ನು ಆನ್ ಮಾಡಿ.

  4. ಫೋಟೋಸ್ ಅಥವಾ Safari ರೀತಿಯ ಆ್ಯಪ್‌ಗೆ ಹೋಗಿ, ನಂತರ ಚಿತ್ರವನ್ನು ಆಯ್ಕೆಮಾಡಿ.

  5. ಇನ್ನಷ್ಟು ಆಯ್ಕೆಗಳನ್ನು ಕೇಳಿಸಿಕೊಳ್ಳಲು ಮೇಲಕ್ಕೆ ಸ್ವೈಪ್ ಮಾಡಿ, ನಂತರ ಚಿತ್ರವನ್ನು ಎಕ್ಸ್‌ಪ್ಲೋರ್ ಮಾಡಿ ಎಂಬುದನ್ನು ಕೇಳಿಸಿಕೊಂಡಾಗ ಡಬಲ್ ಟ್ಯಾಪ್ ಮಾಡಿ.

  6. ಪ್ರತಿ ವಸ್ತುವಿನ ಸ್ಥಾನವನ್ನು ಕಂಡುಹಿಡಿಯಲು ಚಿತ್ರದ ಸುತ್ತಲೂ ನಿಮ್ಮ ಬೆರಳನ್ನು ಮೂವ್ ಮಾಡಿ.

    ಗಮನಿಸಿ: ಚಿತ್ರದ ವಿವರಣೆಗಳು ಎಲ್ಲಾ ಭಾಷೆಗಳಲ್ಲಿ ಲಭ್ಯವಿರುವುದಿಲ್ಲ. ಹೆಚ್ಚಿನ ಮಾಹಿತಿಗಾಗಿ, iOS ಮತ್ತು iPadOS ಫೀಚರ್ ಲಭ್ಯತೆ ಎಂಬುದನ್ನು ನೋಡಿ.

ಫೋಟೋಸ್ ಆ್ಯಪ್‌ನಲ್ಲಿ ಚಿತ್ರಗಳ ಕಸ್ಟಮ್ ವಿವರಣೆಗಳನ್ನು ಸೇರಿಸುವುದು

  1. ನಿಮ್ಮ iPadನಲ್ಲಿ ಫೋಟೋಸ್ ಆ್ಯಪ್‌ಗೆ  ಹೋಗಿ.

  2. ನೀವು ಕಸ್ಟಮ್ ವಿವರಣೆಯನ್ನು ಸೇರಿಸಲು ಬಯಸುವ ಚಿತ್ರವನ್ನು ಡಬಲ್ ಟ್ಯಾಪ್ ಮಾಡಿ.

  3. ಎಡಿಟ್ ಬಟನ್ ಅನ್ನು ಡಬಲ್ ಟ್ಯಾಪ್ ಮಾಡಿ, ನಂತರ ಮಾರ್ಕಪ್ ಬಟನ್ ಅನ್ನು ಡಬಲ್ ಟ್ಯಾಪ್ ಮಾಡಿ.

  4. ಸೇರಿಸಿ ಬಟನ್ ಅನ್ನು ಡಬಲ್ ಟ್ಯಾಪ್ ಮಾಡಿ, ನಂತರ ಚಿತ್ರದ ವಿವರಣೆ ಎಂಬುದನ್ನು ಡಬಲ್ ಟ್ಯಾಪ್ ಮಾಡಿ.

  5. ನಿಮ್ಮ ಚಿತ್ರದ ವಿವರಣೆಯನ್ನು ನಮೂದಿಸಿ.

  6. ಮುಗಿದಿದೆ ಬಟನ್ ಅನ್ನು ಡಬಲ್ ಟ್ಯಾಪ್ ಮಾಡಿ, ನಂತರ ಡಬಲ್ ಬಟನ್ ಅನ್ನು ಮತ್ತೊಮ್ಮೆ ಡಬಲ್ ಟ್ಯಾಪ್ ಮಾಡಿ.

ನೀವು ಫೋಟೋಸ್ ಆ್ಯಪ್‌ನಲ್ಲಿ ಫೋಟೋಗೆ ಕಸ್ಟಮ್ ವಿವರಣೆಯನ್ನು ಸೇರಿಸಿದ ನಂತರ, ನೀವು ಫೋಟೋ ಪಿಕರ್‌ನಲ್ಲಿ ಫೋಟೋವನ್ನು ಆಯ್ಕೆಮಾಡಿದಾಗ ಮತ್ತು ನೀವು ಅದನ್ನು ಡಬಲ್ ಟ್ಯಾಪ್ ಮಾಡಿದಾಗ ನಿಮಗೆ ವಿವರಣೆ ಕೇಳುತ್ತದೆ.

ಇಂಟರ್ಫೇಸ್ ಎಲಿಮೆಂಟ್‌ಗಳ ವಿವರಣೆಗಳನ್ನು ಪಡೆಯುವುದು

VoiceOver ಗುರುತಿಸುವಿಕೆ ಮೂಲಕ, ಆ್ಯಪ್‌ಗಳು ಮತ್ತು ವೆಬ್‌ಪುಟಗಳಲ್ಲಿನ ಇಂಟರ್‌ಫೇಸ್ ಎಲಿಮೆಂಟ್‌ಗಳು ಆ್ಯಕ್ಸೆಸಬಿಲಿಟಿ ಮಾಹಿತಿಯನ್ನು ಒದಗಿಸದಿದ್ದರೂ ಅವುಗಳ ವಿವರಣೆಗಳನ್ನು ನೀವು ಪಡೆಯಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ಆ್ಯಕ್ಸೆಸಬಿಲಿಟಿ ಎಂಬುದನ್ನು ಟ್ಯಾಪ್ ಮಾಡಿ, VoiceOver ಎಂಬುದನ್ನು ಟ್ಯಾಪ್ ಮಾಡಿ, VoiceOver ಗುರುತಿಸುವಿಕೆ ಎಂಬುದನ್ನು ಟ್ಯಾಪ್ ಮಾಡಿ, ಸ್ಕ್ರೀನ್ ಗುರುತಿಸುವಿಕೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್ ಗುರುತಿಸುವಿಕೆಯನ್ನು ಆನ್ ಮಾಡಿ.

ಇದನ್ನು ಸಹ ನೋಡಿನಿಮ್ಮ ಸುತ್ತಮುತ್ತಲಿನ ಲೈವ್ ವಿವರಣೆಗಳನ್ನು ಪಡೆಯಿರಿiPadನಲ್ಲಿರುವ ಫೋಟೋಸ್ ಆ್ಯಪ್‌ನಲ್ಲಿ ಜನರು ಮತ್ತು ಸಾಕುಪ್ರಾಣಿಗಳನ್ನು ಹುಡುಕುವುದು ಮತ್ತು ಹೆಸರಿಸುವುದುiPadನಲ್ಲಿ ದೃಷ್ಟಿಯ ಆ್ಯಕ್ಸೆಸಬಿಲಿಟಿ ಫೀಚರ್‌ಗಳು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.