iPadನಲ್ಲಿನ Freeform ಬೋರ್ಡ್‌ಗೆ ಟೇಬಲ್‌ಗಳನ್ನು ಸೇರಿಸುವುದು

ಕಂಟೆಂಟ್ ಅನ್ನು ವ್ಯವಸ್ಥಿತಗೊಳಿಸಲು, ನಿಮ್ಮ ಬೋರ್ಡ್‌ನ ವಿಭಾಗಗಳನ್ನು ಲೇಔಟ್ ಮಾಡಲು ಮತ್ತು ಹೆಚ್ಚಿನದನ್ನು ಮಾಡಲು ನೀವು Freeform ಬೋರ್ಡ್‌ಗೆ ಟೇಬಲ್‌ಗಳನ್ನು ಸೇರಿಸಬಹುದು. ನೀವು ಟೇಬಲ್ ಒಂದನ್ನು ಸೇರಿಸಿದ ನಂತರ, ನಿಮಗೆ ಬೇಕಾದ ರೀತಿಯಲ್ಲಿ ನೀವು ಅದನ್ನು ಕಸ್ಟಮೈಸ್ ಮಾಡಬಹುದು.

Freeform ಬೋರ್ಡ್‌ನಲ್ಲಿ ಒಂದು ಟೇಬಲ್ ಇದೆ, ಅದರ ಫಾರ್ಮ್ಯಾಟಿಂಗ್ ಟೂಲ್‌ಗಳು ಕಾಣಿಸುತ್ತಿವೆ ಮತ್ತು ಅದರ ಆಕಾರವನ್ನು ಬದಲಾಯಿಸಲು ಅದರ ಅಂಚುಗಳಲ್ಲಿ ಸಣ್ಣ ನೀಲಿ ಡಾಟ್‌ಗಳಿವೆ.

ಟೇಬಲ್ ರಚಿಸುವುದು

  1. ನಿಮ್ಮ iPadನಲ್ಲಿ Freeform ಆ್ಯಪ್‌ಗೆ ಹೋಗಿ.

  2. ಬೋರ್ಡ್ ಒಂದನ್ನು ತೆರೆಯಿರಿ ಅಥವಾ ಹೊಸದನ್ನು ಪ್ರಾರಂಭಿಸಲು ಹೊಸ ಬೋರ್ಡ್ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ‘ಟೇಬಲ್ ಸೇರಿಸಿ’ ಬಟನ್ ಅನ್ನು ಟ್ಯಾಪ್ ಮಾಡಿ.

  3. ಟೇಬಲ್ ಆಯ್ಕೆಮಾಡಿರುವಾಗ, ಈ ಕೆಳಗಿನ ಯಾವುದನ್ನಾದರೂ ಮಾಡಿ:

    • ಟೇಬಲ್ ಶೈಲಿಯನ್ನು ಬದಲಾಯಿಸಿ: ಫಾರ್ಮ್ಯಾಟಿಂಗ್ ಟೂಲ್‌ಗಳಲ್ಲಿ ಟೇಬಲ್ ಶೈಲಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಬದಲಾವಣೆಗಳನ್ನು ಮಾಡಲು ಕಂಟ್ರೋಲ್‌ಗಳನ್ನು ಬಳಸಿ.

    • ಕೊನೆಯ ಕಾಲಮ್ ಅಥವಾ ಸಾಲನ್ನು ಸೇರಿಸಿ: ಮೇಲಿನ ಬಲ ಅಥವಾ ಕೆಳಗಿನ ಎಡ ಮೂಲೆಯಲ್ಲಿರುವ ಕಾಲಮ್ ಸೇರಿಸಿ ಅಥವಾ ಸಾಲು ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

    • ಟೇಬಲ್‌ನಲ್ಲಿ ಕಾಲಮ್ ಅಥವಾ ಸಾಲನ್ನು ಸೇರಿಸಿ ಅಥವಾ ಡಿಲೀಟ್ ಮಾಡಿ: ಸೆಲ್, ಕಾಲಮ್ ಅಥವಾ ಸಾಲನ್ನು ಆಯ್ಕೆಮಾಡಿ, ಫಾರ್ಮ್ಯಾಟಿಂಗ್ ಟೂಲ್‌ಗಳಲ್ಲಿ ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ‘ಮುಂದೆ ಕಾಲಮ್ ಸೇರಿಸಿ' ಎಂಬ ಆಯ್ಕೆಯನ್ನು ಆರಿಸಿ.

    • ಸಾಲುಗಳು ಮತ್ತು ಕಾಲಮ್‌ಗಳ ಸಂಖ್ಯೆಯನ್ನು ನಿರ್ದಿಷ್ಟಪಡಿಸಿ: ಫಾರ್ಮ್ಯಾಟಿಂಗ್ ಟೂಲ್‌ಗಳಲ್ಲಿ ಟೇಬಲ್ ಲೇಔಟ್ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಸಂಖ್ಯೆಗಳನ್ನು ಸರಿಹೊಂದಿಸಿ.

    • ಸಂಪೂರ್ಣ ಟೇಬಲ್‌ ಅನ್ನು ಮರುಗಾತ್ರಗೊಳಿಸಿ: ನೀಲಿ ಡಾಟ್ ಅನ್ನು ಡ್ರ್ಯಾಗ್ ಮಾಡಿ. ಮೂಲೆಯ ಡಾಟ್‌ಗಳು ಸಾಲುಗಳು ಮತ್ತು ಕಾಲಮ್‌ಗಳೆರಡನ್ನೂ ಅನುಪಾತೀಯವಾಗಿ ಮರುಗಾತ್ರಗೊಳಿಸುತ್ತವೆ.

    • ಒಂದು ಸಾಲು ಅಥವಾ ಕಾಲಮ್ ಅನ್ನು ಮರುಗಾತ್ರಗೊಳಿಸಿ: ಸೆಲ್ ಅಂಚನ್ನು ಡ್ರ್ಯಾಗ್ ಮಾಡಿ.

      ಸಲಹೆ: ನೀವು ಟೇಬಲ್‌ನ ಗಾತ್ರವನ್ನು ಬದಲಾಯಿಸುವಾಗ ಅನುಪಾತಗಳನ್ನು ಬದಲಾಯಿಸದೆ ಯಾವಾಗಲೂ ಹಾಗೆಯೇ ಇರಿಸಿಕೊಳ್ಳಲು, ಫಾರ್ಮ್ಯಾಟಿಂಗ್ ಟೂಲ್‌ಗಳಲ್ಲಿ ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಅನುಪಾತಗಳನ್ನು ನಿರ್ಬಂಧಿಸಿ ಎಂಬುದನ್ನು ಟ್ಯಾಪ್ ಮಾಡಿ.

    • ಟೇಬಲ್ ಮೂವ್ ಮಾಡಿ: ಟೇಬಲ್‌ನ ಮೇಲಿನ ಎಡ ಮೂಲೆಯಲ್ಲಿರುವ ಟೇಬಲ್ ಮೂವರ್ ಹ್ಯಾಂಡಲ್ ಅನ್ನು ಡ್ರ್ಯಾಗ್ ಮಾಡಿ.

ಸೆಲ್, ಕಾಲಮ್, ಸಾಲು ಅಥವಾ ಟೇಬಲ್ ಅನ್ನು ಆಯ್ಕೆಮಾಡುವುದು

  1. ನಿಮ್ಮ iPadನಲ್ಲಿ Freeform ಆ್ಯಪ್‌ಗೆ ಹೋಗಿ.

  2. ಟೇಬಲ್ ಹೊಂದಿರುವ ಬೋರ್ಡ್‌ನಲ್ಲಿ, ಟೇಬಲ್ ಅನ್ನು ಆಯ್ಕೆಮಾಡಲು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • ಸೆಲ್ ಅನ್ನು ಆಯ್ಕೆಮಾಡಿ: ಸೆಲ್ ಅನ್ನು ಒಮ್ಮೆ ಟ್ಯಾಪ್ ಮಾಡಿ.

    • ಕಾಲಮ್ ಅನ್ನು ಆಯ್ಕೆಮಾಡಿ: ಸೆಲ್ ಒಂದನ್ನು ಆಯ್ಕೆಮಾಡಲು ಟ್ಯಾಪ್ ಮಾಡಿ, ನಂತರ ಟೇಬಲ್‌ನ ಮೇಲ್ಭಾಗದಲ್ಲಿರುವ ಕಾಲಮ್ ಉಲ್ಲೇಖ ಟ್ಯಾಗ್ ಅನ್ನು ಟ್ಯಾಪ್ ಮಾಡಿ.

    • ಸಾಲನ್ನು ಆಯ್ಕೆಮಾಡಿ: ಸೆಲ್ ಒಂದನ್ನು ಆಯ್ಕೆಮಾಡಲು ಟ್ಯಾಪ್ ಮಾಡಿ, ನಂತರ ಟೇಬಲ್‌ನ ಎಡಭಾಗದಲ್ಲಿರುವ ಸಾಲು ಉಲ್ಲೇಖ ಟ್ಯಾಗ್ ಅನ್ನು ಟ್ಯಾಪ್ ಮಾಡಿ.

ಸಾಲು, ಕಾಲಮ್ ಅಥವಾ ಸೆಲ್ ಅನ್ನು ಆಯ್ಕೆಮಾಡಿದಾಗ, ಸಂಪೂರ್ಣ ಟೇಬಲ್ ಅನ್ನು ಆಯ್ಕೆಮಾಡಲು ಟೇಬಲ್‌ನ ಮೇಲಿನ ಎಡ ಮೂಲೆಯಲ್ಲಿರುವ ಟೇಬಲ್ ಮೂವರ್ ಹ್ಯಾಂಡಲ್ ಅನ್ನು ಟ್ಯಾಪ್ ಮಾಡಿ.

ಟೇಬಲ್ ಪಠ್ಯವನ್ನು ಸೇರಿಸುವುದು ಮತ್ತು ಫಾರ್ಮ್ಯಾಟ್ ಮಾಡುವುದು

  1. ನಿಮ್ಮ iPadನಲ್ಲಿ Freeform ಆ್ಯಪ್‌ಗೆ ಹೋಗಿ.

  2. ಟೇಬಲ್ ಹೊಂದಿರುವ ಬೋರ್ಡ್‌ನಲ್ಲಿ, ಸೆಲ್ ಒಂದನ್ನು ಡಬಲ್ ಟ್ಯಾಪ್ ಮಾಡಿ, ನಂತರ ಪಠ್ಯವನ್ನು ನಮೂದಿಸಿ.

  3. ಫಾಂಟ್, ಶೈಲಿ, ಗಾತ್ರ, ಬಣ್ಣ ಮತ್ತು ಅಲೈನ್‌ಮೆಂಟ್ ಅನ್ನು ಬದಲಾಯಿಸುವುದಕ್ಕಾಗಿ ಟೇಬಲ್, ಸಾಲು, ಕಾಲಮ್ ಅಥವಾ ಸೆಲ್ ಅನ್ನು ಆಯ್ಕೆಮಾಡಲು ಟ್ಯಾಪ್ ಮಾಡಿ, ನಂತರ ಫಾರ್ಮ್ಯಾಟಿಂಗ್ ಟೂಲ್‌ಗಳಲ್ಲಿ ಟೇಬಲ್ ಪಠ್ಯವನ್ನು ಫಾರ್ಮ್ಯಾಟ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ.

    ಸಲಹೆ: ನೀವು ಮತ್ತೊಂದು ಸೆಲ್‌ಗೂ ಸಹ ಅದೇ ಶೈಲಿ ಮತ್ತು ಫಾರ್ಮ್ಯಾಟಿಂಗ್ ಅನ್ನು ಕಾಪಿ ಮಾಡಿ, ಪೇಸ್ಟ್ ಮಾಡಬಹುದು.

ಟೇಬಲ್ ಸೆಲ್‌ಗೆ ಐಟಮ್ ಒಂದನ್ನು ಅಟ್ಯಾಚ್ ಮಾಡುವುದು

ನಿಮ್ಮ ಟೇಬಲ್ ಸೆಲ್‌ಗಳಿಗೆ ಚಿತ್ರಗಳು, ಸ್ಕ್ಯಾನ್‌ಗಳು ಅಥವಾ ಲಿಂಕ್‌ಗಳಂತಹ ಐಟಮ್‌ಗಳನ್ನು ನೀವು ಅಟ್ಯಾಚ್ ಮಾಡಬಹುದು. ನೀವು ಟೇಬಲ್ ಅನ್ನು ಮೂವ್ ಮಾಡಿದಾಗ, ಅದಕ್ಕೆ ಅಟ್ಯಾಚ್ ಆಗಿರುವ ಐಟಮ್‌ಗಳು ಅದರ ಜೊತೆಗೆ ಮೂವ್ ಆಗುತ್ತವೆ.

  1. ನಿಮ್ಮ iPadನಲ್ಲಿ Freeform ಆ್ಯಪ್‌ಗೆ ಹೋಗಿ.

  2. ಟೇಬಲ್ ಮತ್ತು ಇತರೆ ಐಟಮ್‌ಗಳನ್ನು ಹೊಂದಿರುವ ಬೋರ್ಡ್ ಅನ್ನು ತೆರೆಯಿರಿ.

  3. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ಹೈಲೈಟ್ ಕಾಣಿಸಿಕೊಳ್ಳುವವರೆಗೆ ನಿಮ್ಮ ಬೋರ್ಡ್‌ನಲ್ಲಿರುವ ಐಟಮ್ ಒಂದನ್ನು ಸೆಲ್‌ಗೆ ಡ್ರ್ಯಾಗ್ ಮಾಡಿ.

    • ಸೆಲ್‌ನಲ್ಲಿ ಐಟಮ್ ಅನ್ನು ಕಾಪಿ ಮಾಡಿ ಮತ್ತು ಪೇಸ್ಟ್ ಮಾಡಿ. ಇದು ಸೆಲ್‌ನ ಮಧ್ಯದಲ್ಲಿರುತ್ತದೆ.

ಆ್ಯಂಕರ್ ಮಾಡಲಾದ ಆಬ್ಜೆಕ್ಟ್‌ಗಳಿಗೆ ಸರಿಹೊಂದುವಂತೆ ಸೆಲ್‌ಗಳು ಸ್ವಯಂಚಾಲಿತವಾಗಿ ವಿಸ್ತರಿಸುವಂತೆ ಮಾಡಲು, ಟೇಬಲ್ ಮೂವರ್ ಹ್ಯಾಂಡಲ್ ಅನ್ನು ಟ್ಯಾಪ್ ಮಾಡುವ ಮೂಲಕ ಟೇಬಲ್ ಅನ್ನು ಆಯ್ಕೆ ಮಾಡಿ, ಫಾರ್ಮ್ಯಾಟಿಂಗ್ ಟೂಲ್‌ಗಳಲ್ಲಿ ಟೇಬಲ್ ಲೇಔಟ್ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಸೆಲ್‌ಗಳನ್ನು ಆಟೋಗ್ರೋ ಮಾಡಿ ಎಂಬುದನ್ನು ಆನ್ ಮಾಡಿ.

ಇದನ್ನು ಸಹ ನೋಡಿiPadನಲ್ಲಿನ Freeform ಬೋರ್ಡ್‌ಗೆ ರೇಖಾಚಿತ್ರಗಳನ್ನು ಸೇರಿಸುವುದುiPadನಲ್ಲಿನ Freeform ಬೋರ್ಡ್ ಮೇಲೆ ಐಟಮ್‌ಗಳನ್ನು ಇರಿಸುವುದುಆ್ಯಕ್ಸೆಸಬಿಲಿಟಿ ವಿವರಣೆಗಳನ್ನು ಸೇರಿಸಿiPadನಲ್ಲಿನ Freeform ಆ್ಯಪ್‌ನಲ್ಲಿ ಒಂದೇ ಬಗೆಯ ಶೈಲಿಗಳು ಮತ್ತು ಫಾರ್ಮ್ಯಾಟಿಂಗ್ ಅನ್ನು ಅನ್ವಯಿಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.