iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿನ Mail ಆ್ಯಪ್‌ನಲ್ಲಿ ನಿಮ್ಮ ಈಮೇಲ್‌ ಅನ್ನು ಪರಿಶೀಲಿಸುವುದು

Mail ಆ್ಯಪ್‌ನಲ್ಲಿ, ನೀವು ಈಮೇಲ್‌ಗಳನ್ನು ಓದಬಹುದು, ಸಂಪರ್ಕಗಳನ್ನು ಸೇರಿಸಬಹುದು ಮತ್ತು ಈಮೇಲ್‌ ಅನ್ನು ತೆರೆಯದೇ ಅದರ ಕಂಟೆಂಟ್‌ಗಳನ್ನು ಪ್ರಿವ್ಯೂ ಮಾಡಬಹುದು.

ಎಡಭಾಗದಲ್ಲಿ ಈಮೇಲ್‌ಗಳ ಪಟ್ಟಿ ಮತ್ತು ಬಲಭಾಗದಲ್ಲಿ ತೆರೆದ ಈಮೇಲ್ ಅನ್ನು ಹೊಂದಿರುವ Mail ಆ್ಯಪ್‌ನ ಇನ್‌ಬಾಕ್ಸ್.

ಈಮೇಲ್ ಅನ್ನು‌ ಓದಿ

  1. ನಿಮ್ಮ iPadನಲ್ಲಿ Mail ಆ್ಯಪ್‌ಗೆ ಹೋಗಿ.

  2. ನೀವು ಓದಲು ಬಯಸುವ ಸಂದೇಶವನ್ನು ಟ್ಯಾಪ್ ಮಾಡಿ.

    ಸಲಹೆ: ಸಂದೇಶವನ್ನು ಓದುವಾಗ ಸಂದೇಶ ಪಟ್ಟಿಯನ್ನು ಮರೆಮಾಡಲು ಸಂದೇಶವನ್ನು ವಿಸ್ತರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

ಪ್ರಾಥಮಿಕ ಸಂದೇಶವೊಂದಕ್ಕೆ ನಂತರ ಮರಳಿ ಬರಲು ನನಗೆ ನೆನಪಿಸಿ ಎಂಬುದನ್ನು ಬಳಸುವುದು

ತಕ್ಷಣವೇ ಪ್ರಾಥಮಿಕ ಸಂದೇಶವನ್ನು ನಿರ್ವಹಿಸಲು ನಿಮ್ಮ ಬಳಿ ಸಮಯವಿಲ್ಲದಿದ್ದರೆ, ರಿಮೈಂಡರ್ ಅನ್ನು ಸ್ವೀಕರಿಸಲು ನೀವು ಸಮಯ ಮತ್ತು ದಿನಾಂಕವನ್ನು ಸೆಟ್ ಮಾಡಬಹುದು ಮತ್ತು ನಿಮ್ಮ ಇನ್‌ಬಾಕ್ಸ್‌ನ ಮೇಲ್ಭಾಗಕ್ಕೆ ಸಂದೇಶವನ್ನು ಮರಳಿ ತರಬಹುದು.

  1. ನಿಮ್ಮ iPadನಲ್ಲಿ Mail ಆ್ಯಪ್‌ಗೆ ಹೋಗಿ.

  2. ಪ್ರಾಥಮಿಕ ಸಂದೇಶವನ್ನು ಟ್ಯಾಪ್ ಮಾಡಿ, ಸಂದೇಶದ ಕೆಳಗಿನ ಬಲಭಾಗದಲ್ಲಿರುವ ಪ್ರತ್ಯುತ್ತರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ನನಗೆ ನೆನಪಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಯಾವಾಗ ನೆನಪಿಸಬೇಕು ಎಂಬುದನ್ನು ಆಯ್ಕೆಮಾಡಿ.

ಸಲಹೆ: ನನಗೆ ನೆನಪಿಸಿ ಎಂಬುದನ್ನು ಸುಲಭವಾಗಿ ಆ್ಯಕ್ಸೆಸ್ ಆಗುವಂತೆ ಮಾಡಲು ನೀವು ಅದನ್ನು Mail ಆ್ಯಪ್‌ನಲ್ಲಿನ ಟೂಲ್‌ಬಾರ್‌ಗೆ ಸೇರಿಸಬಹುದು. Mail ಆ್ಯಪ್‌ನ ಟೂಲ್‌ಬಾರ್ ಅನ್ನು ಕಸ್ಟಮೈಸ್ ಮಾಡುವುದು ಅನ್ನು ನೋಡಿ.

ಅನೇಕ ಈಮೇಲ್‌ಗಳನ್ನು ತ್ವರಿತವಾಗಿ ಓದಿರುವುದು ಎಂದು ಗುರುತು ಮಾಡುವುದು

  1. ನಿಮ್ಮ iPadನಲ್ಲಿ Mail ಆ್ಯಪ್‌ಗೆ ಹೋಗಿ.

  2. ಸಂದೇಶದ ಪಟ್ಟಿಯನ್ನು ನೋಡುವಾಗ ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಆಯ್ಕೆಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನೀವು ಗುರುತಿಸಲು ಬಯಸುವ ಸಂದೇಶಗಳನ್ನು ಆಯ್ಕೆಮಾಡಿ.

    ಪ್ರಮುಖ ಸೂಚನೆ: ನೀವು ವಹಿವಾಟುಗಳು, ಅಪ್‌ಡೇಟ್‌ಗಳು ಅಥವಾ ಪ್ರೊಮೋಷನ್‌ ಸಂದೇಶಗಳನ್ನು ಆಯ್ಕೆಮಾಡಿದರೆ, ನೀವು ಕಳುಹಿಸುವವರಿಂದ ಬರುವ ಆ ವರ್ಗದಲ್ಲಿನ ಎಲ್ಲಾ ಸಂದೇಶಗಳನ್ನು ಆಯ್ಕೆಮಾಡುತ್ತಿದ್ದೀರಿ.

  3. ಸಂದೇಶ ಪಟ್ಟಿಯ ಕೆಳಭಾಗದಲ್ಲಿರುವ ಮಾರ್ಕಪ್ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಓದಿರುವುದು ಎಂದು ಗುರುತು ಮಾಡಿ ಎಂಬುದನ್ನು ಆಯ್ಕೆಮಾಡಿ.

ಗಮನಿಸಿ: ನಿಮ್ಮ ಹೋಮ್ ಸ್ಕ್ರೀನ್‌ನಲ್ಲಿ ತೋರಿಸಲಾಗಿರುವ ಓದದಿರುವ ಸಂದೇಶಗಳ ಸಂಖ್ಯೆಯು ನಿಮ್ಮ ಪ್ರಾಥಮಿಕ ವರ್ಗದಲ್ಲಿ ಓದದಿರುವ ಸಂದೇಶಗಳ ಸಂಖ್ಯೆಯನ್ನು ಪ್ರತಿಬಿಂಬಿಸುತ್ತದೆ. ಎಲ್ಲಾ ವರ್ಗಗಳಲ್ಲಿ ನಿಮ್ಮ ಒಟ್ಟು ಓದದಿರುವ ಸಂದೇಶಗಳ ಸಂಖ್ಯೆಯನ್ನು ತೋರಿಸಲು, ಸೆಟ್ಟಿಂಗ್ಸ್ > ನೋಟಿಫಿಕೇಷನ್‌ಗಳು > Mail > ನೋಟಿಫಿಕೇಷನ್‌ಗಳನ್ನು ಕಸ್ಟಮೈಸ್ ಮಾಡಿ ಎಂಬಲ್ಲಿಗೆ ಹೋಗಿ, ನಂತರ ಎಲ್ಲಾ ಓದದಿರುವ ಸಂದೇಶಗಳನ್ನು ಆನ್ ಮಾಡಿ.

ಪ್ರಾಥಮಿಕ ಸಂದೇಶ ಮತ್ತು ಆಯ್ಕೆಗಳ ಪಟ್ಟಿಯನ್ನು ಪ್ರಿವ್ಯೂ ಮಾಡುವುದು

ಪ್ರಾಥಮಿಕ ಸಂದೇಶವೊಂದು ಯಾವುದರ ಕುರಿತಾಗಿದೆ ಎಂಬುದನ್ನು ನೀವು ನೋಡಲು ಬಯಸಿದರೆ, ಆದರೆ ಅದನ್ನು ಪೂರ್ತಿ ತೆರೆಯಲು ಬಯಸದಿದ್ದರೆ, ನೀವು ಅದನ್ನು ಪ್ರಿವ್ಯೂ ಮಾಡಬಹುದು.

  1. ನಿಮ್ಮ iPadನಲ್ಲಿ Mail ಆ್ಯಪ್‌ಗೆ ಹೋಗಿ.

  2. ಪ್ರಾಥಮಿಕ ಸಂದೇಶದ ಪಟ್ಟಿಯಲ್ಲಿ, ಸಂದೇಶದ ಕಂಟೆಂಟ್‌ಗಳ ಪ್ರಿವ್ಯೂ ನೋಡಲು ಅದನ್ನು ಒತ್ತಿ ಹಿಡಿದುಕೊಳ್ಳಿ ಮತ್ತು ಪ್ರತ್ಯುತ್ತರಿಸಲು, ಅದನ್ನು ಮೂವ್ ಮಾಡಲು ಮತ್ತು ಇನ್ನೂ ಹೆಚ್ಚಿನ ಚಟುವಟಿಕೆಗಳನ್ನು ನಿರ್ವಹಿಸಲು ಆಯ್ಕೆಗಳ ಪಟ್ಟಿಯನ್ನು ನೋಡಿ.

ಪ್ರತಿಯೊಂದು ಈಮೇಲ್‌ಗಾಗಿ ದೀರ್ಘವಾದ ಪ್ರಿವ್ಯೂ ಅನ್ನು ತೋರಿಸಿ

ನಿಮ್ಮ ಇನ್‌ಬಾಕ್ಸ್‌ನಲ್ಲಿ, Mail ಡಿಫಾಲ್ಟ್ ಆಗಿ ಪ್ರತಿಯೊಂದು ಈಮೇಲ್‌ ಸಂದೇಶವನ್ನು ಎರಡು ಸಾಲುಗಳ ಪಠ್ಯವಾಗಿ ಡಿಸ್‌ಪ್ಲೇ ಮಾಡುತ್ತದೆ. ಸಂದೇಶವನ್ನು ತೆರೆಯದೆಯೇ ಹೆಚ್ಚಿನ ಪಠ್ಯದ ಸಾಲುಗಳನ್ನು ನೋಡಲು ನೀವು ಆಯ್ಕೆ ಮಾಡಬಹುದು.

ಸೆಟ್ಟಿಂಗ್ಸ್  > ಆ್ಯಪ್‌ಗಳು > Mail > ಪ್ರಿವ್ಯೂ ಎಂಬಲ್ಲಿಗೆ ಹೋಗಿ (ಸಂದೇಶ ಪಟ್ಟಿಯೆ ಕೆಳಭಾಗದಲ್ಲಿ), ನಂತರ ಗರಿಷ್ಠ ಐದು ಸಾಲುಗಳನ್ನು ಆಯ್ಕೆ ಮಾಡಿ.

ಸಂಪೂರ್ಣ ಸಂಭಾಷಣೆಯನ್ನು ತೋರಿಸಿ

ಸೆಟ್ಟಿಂಗ್ಸ್  > ಆ್ಯಪ್‌ಗಳು > Mail ಎಂಬಲ್ಲಿಗೆ ಹೋಗಿ, ನಂತರ ಥ್ರೆಡ್ ಪ್ರಕಾರ ವ್ಯವಸ್ಥಿತಗೊಳಿಸಿ ಎಂಬುದನ್ನು ಆನ್ ಮಾಡಿ (ಥ್ರೆಡಿಂಗ್ ಎಂಬುದರ ಕೆಳಗೆ).

ಗಮನಿಸಿ: ‘ಓದಿರುವ ಸಂದೇಶಗಳನ್ನು ಕುಗ್ಗಿಸಿ’ ಅಥವಾ ‘ತೀರಾ ಇತ್ತೀಚಿನ ಸಂದೇಶವನ್ನು ಎಲ್ಲಕ್ಕಿಂತ ಮೇಲಿರಲಿ’ ಎಂಬಂತಹ ಇತರ ಸೆಟ್ಟಿಂಗ್ಸ್ ಅನ್ನು ಸಹ ನೀವು ಇಲ್ಲಿ ಬದಲಾಯಿಸಬಹುದು.

ನಿಮ್ಮ ಇನ್‌ಬಾಕ್ಸ್‌ನಲ್ಲಿ ಇವರಿಗೆ ಮತ್ತು Cc ಲೇಬಲ್‌ಗಳನ್ನು ತೋರಿಸಿ

ಸೆಟ್ಟಿಂಗ್ಸ್ ಆ್ಯಪ್‌  > ಆ್ಯಪ್‌ಗಳು > Mail ಆ್ಯಪ್ ಎಂಬಲ್ಲಿಗೆ ಹೋಗಿ, ನಂತರ ಇವರಿಗೆ/Cc ಲೇಬಲ್‌ಗಳನ್ನು (ಸಂದೇಶ ಪಟ್ಟಿಯ ಕೆಳಗಿರುವುದು) ಆನ್ ಮಾಡಿ.

ನಿಮಗೆ ಕಳುಹಿಸಲಾಗಿರುವ ಎಲ್ಲಾ ಮೇಲ್‌ಗಳನ್ನು ಒಟ್ಟುಗೂಡಿಸುವ “ಇವರಿಗೆ/Cc” ಮೇಲ್‌ಬಾಕ್ಸ್ ಅನ್ನು ಸಹ ನೀವು ನೋಡಬಹುದು. ಇದನ್ನು ತೋರಿಸಲು ಅಥವಾ ಮರೆಮಾಡಲು, Mail ಆ್ಯಪ್‌ನ ಮೇಲಿನ ಎಡ ಮೂಲೆಯಲ್ಲಿರುವ ಸೈಡ್‌ಬಾರ್ ತೋರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ಮೇಲ್‌ಬಾಕ್ಸ್‌ಗಳ ಮೇಲೆ ಎಡಿಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ “ಗೆ ಅಥವಾ Cc” ಅನ್ನು ಆಯ್ಕೆಮಾಡಿ.

ನಿಮ್ಮ ಸಂಪರ್ಕಗಳಿಗೆ ಯಾರನ್ನಾದರೂ ಸೇರಿಸುವುದು ಅಥವಾ ಅವರನ್ನು VIPಯನ್ನಾಗಿ ಮಾಡುವುದು

ನೀವು ಯಾರದಾದರೂ ಈಮೇಲ್ ಸಂದೇಶವನ್ನು ಭವಿಷ್ಯದಲ್ಲಿ ಸುಲಭವಾಗಿ ಹುಡುಕಲು ಅವರನ್ನು ನಿಮ್ಮ ಸಂಪರ್ಕಗಳಿಗೆ ಸೇವ್ ಮಾಡಬಹುದು ಅಥವಾ ನೀವು ಅವರಿಂದ ಸ್ವೀಕರಿಸುವ ಯಾವುದೇ ಈಮೇಲ್ ಸಂದೇಶವನ್ನು ಸ್ವಯಂಚಾಲಿತವಾಗಿ ಸ್ಟಾರ್ ಮಾಡಲು ಅವರನ್ನು VIP ಮಾಡಬಹುದು.

  1. ನಿಮ್ಮ iPadನಲ್ಲಿ Mail ಆ್ಯಪ್‌ಗೆ ಹೋಗಿ.

  2. ಸಂದೇಶದಲ್ಲಿ, ವ್ಯಕ್ತಿಯ ಹೆಸರು ಅಥವಾ ಈಮೇಲ್‌ ವಿಳಾಸವನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • ಹೊಸ ಸಂಪರ್ಕವನ್ನು ಸೇರಿಸಿ: ಸಂಪರ್ಕ ಕಾರ್ಡ್ ಅನ್ನು ನೋಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಹೊಸ ಸಂಪರ್ಕವನ್ನು ರಚಿಸಿ ಎಂಬುದನ್ನು ಟ್ಯಾಪ್ ಮಾಡಿ. ಇತರೆ ಯಾವುದೇ ಸಂಪರ್ಕ ಮಾಹಿತಿಯನ್ನು ಭರ್ತಿ ಮಾಡಿ, ನಂತರ ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

    • ಅಸ್ತಿತ್ವದಲ್ಲಿರುವ ಸಂಪರ್ಕಕ್ಕೆ ಈಮೇಲ್ ವಿಳಾಸವನ್ನು ಸೇರಿಸಿ: ಸಂಪರ್ಕ ಕಾರ್ಡ್ ಅನ್ನು ನೋಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಅಸ್ತಿತ್ವದಲ್ಲಿರುವ ಸಂಪರ್ಕಕ್ಕೆ ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ. ಸಂಪರ್ಕವನ್ನು ಆಯ್ಕೆಮಾಡಿ, ನಂತರ ಮುಗಿದಿದೆ ಬಟನ್ ಎಂಬುದನ್ನು ಟ್ಯಾಪ್ ಮಾಡಿ.

    • ನಿಮ್ಮ VIP ಪಟ್ಟಿಗೆ ಸೇರಿಸಿ: VIPಗೆ ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಸಂಪರ್ಕದ ಫೋಟೋಗಳನ್ನು ತೋರಿಸುವುದು ಅಥವಾ ಮರೆಮಾಡುವುದು

  1. ನಿಮ್ಮ iPadನಲ್ಲಿ Mail ಆ್ಯಪ್‌ಗೆ ಹೋಗಿ.

  2. ಇನ್‌ಬಾಕ್ಸ್‌ನಲ್ಲಿ, ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಸಂಪರ್ಕದ ಫೋಟೋಗಳನ್ನು ತೋರಿಸಿ ಎಂಬುದನ್ನು ಆಯ್ಕೆಮಾಡಿ ಅಥವಾ ಆಯ್ಕೆಯನ್ನು ರದ್ದುಮಾಡಿ.

ಈಮೇಲ್ ಸಾರಾಂಶಗಳನ್ನು ನೋಡುವುದು

Apple Intelligence* ಆನ್ ಆಗಿದ್ದರೆ, ನೀವು ಈಮೇಲ್ ಸಂದೇಶ ಅಥವಾ ಈಮೇಲ್ ಥ್ರೆಡ್‌ನಲ್ಲಿನ ಅತ್ಯಂತ ಪ್ರಮುಖ ಅಂಶಗಳನ್ನು ಸಾರಾಂಶಗೊಳಿಸಲು ಅದನ್ನು ಬಳಸಬಹುದು. Mail ಆ್ಯಪ್‌ನಲ್ಲಿ Apple Intelligence ಅನ್ನು ಬಳಸಿ ಎಂಬುದನ್ನು ನೋಡಿ.

*Apple Intelligence ಈ ಕೆಳಗಿನ ಭಾಷೆಗಳಿಗೆ ಬೆಂಬಲದೊಂದಿಗೆ ಬೀಟಾದಲ್ಲಿ ಲಭ್ಯವಿದೆ: ಇಂಗ್ಲಿಷ್, ಡ್ಯಾನಿಶ್, ಡಚ್, ಫ್ರೆಂಚ್, ಜರ್ಮನ್, ಇಟಾಲಿಯನ್, ನಾರ್ವೇಜಿಯನ್, ಪೋರ್ಚುಗೀಸ್, ಸ್ಪ್ಯಾನಿಷ್, ಸ್ವೀಡಿಷ್, ಟರ್ಕಿಶ್, ಚೈನೀಸ್ (ಸರಳೀಕೃತ), ಚೈನೀಸ್ (ಸಾಂಪ್ರದಾಯಿಕ), ಜಾಪನೀಸ್, ಕೊರಿಯನ್ ಮತ್ತು ವಿಯೆಟ್ನಾಮೀಸ್. ಕೆಲವು ಫೀಚರ್‌ಗಳು ಎಲ್ಲಾ ಭಾಷೆಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿಲ್ಲದಿರಬಹುದು. ಭಾಷೆ ಮತ್ತು ಫೀಚರ್ ಲಭ್ಯತೆ ಮತ್ತು ಸಿಸ್ಟಂ ಅವಶ್ಯಕತೆಗಳ ಕುರಿತ ಹೆಚ್ಚಿನ ಮಾಹಿತಿಗಾಗಿ, Apple Intelligence ಅನ್ನು ಪಡೆಯುವುದು ಹೇಗೆ? ಎಂಬ Apple ಬೆಂಬಲ ಲೇಖನವನ್ನು ನೋಡಿ.
ಇದನ್ನು ಸಹ ನೋಡಿiPadನಲ್ಲಿನ Mail ಆ್ಯಪ್ ಮೂಲಕ ಈಮೇಲ್‌ ಅನ್ನು ಕಳುಹಿಸುವುದುiPadನಲ್ಲಿನ Mail ಆ್ಯಪ್‌ನಲ್ಲಿ ಈಮೇಲ್‌ಗಳಿಗೆ ಪ್ರತ್ಯುತ್ತರಿಸುವುದು ಮತ್ತು ಅವುಗಳನ್ನು ಫಾರ್ವರ್ಡ್ ಮಾಡುವುದುiPadನಲ್ಲಿ ನಕ್ಷೆ ಆ್ಯಪ್‌ನ ಬಳಕೆಯನ್ನು ಪ್ರಾರಂಭಿಸುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.