iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿನ ನಿಮ್ಮ Freeform ಬೋರ್ಡ್‌ಗಳನ್ನು ಡಿಲೀಟ್ ಮಾಡುವುದು ಮತ್ತು ರಿಕವರ್ ಮಾಡುವುದು

ನಿಮಗೆ ಇನ್ನು ಮುಂದೆ ಅಗತ್ಯವಿಲ್ಲದಿರುವ Freeform ಬೋರ್ಡ್‌ಗಳನ್ನು ನೀವು ತೆಗೆದುಹಾಕಬಹುದು. ನೀವು ಇರಿಸಿಕೊಳ್ಳಲು ಬಯಸುವ ಡಿಲೀಟ್ ಮಾಡಲಾದ ಬೋರ್ಡ್‌ಗಳನ್ನು ಸಹ ನೀವು ರಿಕವರ್ ಮಾಡಬಹುದು.

ಬೋರ್ಡ್ ಅನ್ನು ಡಿಲೀಟ್ ಮಾಡಿ

  1. ನಿಮ್ಮ iPadನಲ್ಲಿ Freeform ಆ್ಯಪ್‌ಗೆ ಹೋಗಿ.

  2. ಎಲ್ಲಾ ಬೋರ್ಡ್‌ಗಳನ್ನು ಬ್ರೌಸ್ ಮಾಡುವಾಗ, ಮೇಲಿನ ಬಲ ಮೂಲೆಯಲ್ಲಿರುವ ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಆಯ್ಕೆಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನೀವು ಡಿಲೀಟ್ ಮಾಡಲು ಬಯಸುವ ಬೋರ್ಡ್‌ಗಳನ್ನು ಟ್ಯಾಪ್ ಮಾಡಿ.

    (ನೀವು ಬೋರ್ಡ್‌ನಲ್ಲಿದ್ದರೆ, ಎಲ್ಲಾ ಬೋರ್ಡ್‌ಗಳನ್ನು ಬ್ರೌಸ್ ಮಾಡಲು ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.)

  3. ಸ್ಕ್ರೀನ್‌ನ ಕೆಳಗಿನ ಬಲ ಮೂಲೆಯಲ್ಲಿರುವ ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ನೀವು ಬೋರ್ಡ್‌ನ ಥಂಬ್‌ನೇಲ್ ಅಥವಾ ಹೆಸರನ್ನು ಸಹ ಒತ್ತಿ ಹಿಡಿದುಕೊಳ್ಳಬಹುದು, ನಂತರ ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಬಹುದು.

ನೀವು ಬೋರ್ಡ್‌ನ ಮಾಲೀಕರಾಗಿದ್ದರೆ ಮತ್ತು ನೀವು ಅದನ್ನು ಡಿಲೀಟ್ ಮಾಡಿದರೆ, ಅದು ಇನ್ನು ಮುಂದೆ ಯಾರ ಸಾಧನಗಳಲ್ಲೂ ಕಾಣಿಸುವುದಿಲ್ಲ.

ನೀವು ಹಂಚಿಕೊಂಡ ಬೋರ್ಡ್‌ನಲ್ಲಿನ ಭಾಗವಹಿಸುವವರಾಗಿದ್ದರೆ ಮತ್ತು ನೀವು ಅದನ್ನು ಡಿಲೀಟ್ ಮಾಡಿದರೆ, ಅದು ಇನ್ನು ಮುಂದೆ ನಿಮ್ಮ ಸಾಧನಗಳಲ್ಲಿ ಕಾಣಿಸುವುದಿಲ್ಲ, ಆದರೆ ಇತರರು ಈಗಲೂ ಅದನ್ನು ಆ್ಯಕ್ಸೆಸ್ ಮಾಡಬಹುದು.

ಇತ್ತೀಚೆಗೆ ಡಿಲೀಟ್ ಮಾಡಲಾದ ಬೋರ್ಡ್ ಅನ್ನು ರಿಕವರ್ ಮಾಡಿ

ನೀವು ಬೋರ್ಡ್ ಅನ್ನು ಡಿಲೀಟ್ ಮಾಡುವ ಬಗ್ಗೆ ನಿಮ್ಮ ಮನಸ್ಸನ್ನು ಬದಲಾಯಿಸಿದರೆ, ನೀವು ಅದನ್ನು ರಿಕವರ್ ಮಾಡಬಹುದು.

  1. ನಿಮ್ಮ iPadನಲ್ಲಿ Freeform ಆ್ಯಪ್‌ಗೆ ಹೋಗಿ.

  2. ಎಲ್ಲಾ ಬೋರ್ಡ್‌ಗಳನ್ನು ಬ್ರೌಸ್ ಮಾಡುವಾಗ, ಸೈಡ್‌ಬಾರ್‌ನಲ್ಲಿ ‘ಇತ್ತೀಚೆಗೆ ಡಿಲೀಟ್ ಮಾಡಿರುವುದು’ ಎಂಬುದನ್ನು ಟ್ಯಾಪ್ ಮಾಡಿ.

    ಅಥವಾ ಫುಲ್ ಸ್ಕ್ರೀನ್ ಅಲ್ಲದ ವಿಂಡೋದಲ್ಲಿ ಕೆಲಸ ಮಾಡುವಾಗ, ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಇತ್ತೀಚೆಗೆ ಡಿಲೀಟ್ ಮಾಡಿರುವುದು ಎಂಬುದನ್ನು ಟ್ಯಾಪ್ ಮಾಡಿ.

  3. ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • ಬೋರ್ಡ್ ಅನ್ನು ರಿಕವರ್ ಮಾಡಿ: ಇತ್ತೀಚೆಗೆ ಡಿಲೀಟ್ ಮಾಡಲಾದ ಬೋರ್ಡ್‌ನ ಥಂಬ್‌ನೇಲ್ ಅಥವಾ ಹೆಸರನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ರಿಕವರ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

    • ಹಲವಾರು ಬೋರ್ಡ್‌ಗಳನ್ನು ರಿಕವರ್ ಮಾಡಿ: ಮೇಲ್ಭಾಗದಲ್ಲಿರುವ ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಆಯ್ಕೆಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನೀವು ರಿಕವರ್ ಮಾಡಲು ಬಯಸುವ ಬೋರ್ಡ್‌ಗಳನ್ನು ಟ್ಯಾಪ್ ಮಾಡಿ. ಸ್ಕ್ರೀನ್‌ನ ಕೆಳಗಿರುವ ರಿಕವರ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ಡಿಲೀಟ್ ಮಾಡಲಾದ ಬೋರ್ಡ್‌ಗಳು 30 ದಿನಗಳವರೆಗೆ ಇತ್ತೀಚೆಗೆ ಡಿಲೀಟ್ ಮಾಡಲಾಗಿದೆ ಎಂಬಲ್ಲಿ ಉಳಿದಿರುತ್ತವೆ.

ನೀವು ಡಿಲೀಟ್ ಮಾಡಿದ ಹಂಚಿಕೊಂಡ ಬೋರ್ಡ್‌ನ ಮಾಲೀಕರಾಗಿದ್ದರೆ, ಅದು ಯಾರೊಬ್ಬರ ಸಾಧನದಲ್ಲೂ ಕಾಣಿಸುವುದಿಲ್ಲ ಮತ್ತು ನೀವು ಅದನ್ನು ರಿಕವರ್ ಮಾಡಿದ ನಂತರ ಅದನ್ನು ಪುನಃ ಹಂಚಿಕೊಳ್ಳಬೇಕು.

ನಿಮ್ಮ ಮಾಲೀಕತ್ವದಲ್ಲಿರದ ಬೋರ್ಡ್ ಅನ್ನು ನೀವು ಡಿಲೀಟ್ ಮಾಡಿದರೆ, ಆಹ್ವಾನದ ಲಿಂಕ್‌ನ ಮೂಲಕ ಅದನ್ನು ಮತ್ತೊಮ್ಮೆ ಆ್ಯಕ್ಸೆಸ್ ಮಾಡಲು ನಿಮಗೆ ಸಾಧ್ಯವಾಗಬಹುದು.

ಇತ್ತೀಚೆಗೆ ಡಿಲೀಟ್ ಮಾಡಲಾದ ಬೋರ್ಡ್ ಅನ್ನು ಶಾಶ್ವತವಾಗಿ ತೆಗೆದುಹಾಕಿ

ಬೋರ್ಡ್ ಅನ್ನು ಡಿಲೀಟ್ ಮಾಡಿದ ನಂತರ, ನೀವು ಅದನ್ನು ಶಾಶ್ವತವಾಗಿ ತೆಗೆದುಹಾಕಬಹುದು.

  1. ನಿಮ್ಮ iPadನಲ್ಲಿ Freeform ಆ್ಯಪ್‌ಗೆ ಹೋಗಿ.

  2. ಇತ್ತೀಚೆಗೆ ಡಿಲೀಟ್ ಮಾಡಿರುವದನ್ನು ಬ್ರೌಸ್ ಮಾಡುವಾಗ, ಬೋರ್ಡ್ ಅನ್ನು ಒತ್ತಿ ಹಿಡಿದುಕೊಳ್ಳಿ, ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಡಿಲೀಟ್ ಮಾಡಿ ಅನ್ನು ಟ್ಯಾಪ್ ಮಾಡಿ.

ಇದನ್ನು ಸಹ ನೋಡಿ iCloud ಬಳಕೆದಾರರ ಮಾರ್ಗದರ್ಶಿ: ನಿಮ್ಮ ಎಲ್ಲಾ ಸಾಧನಗಳಲ್ಲಿ Freeformಗಾಗಿ iCloud ಅನ್ನು ಸೆಟಪ್ ಮಾಡಿiPadನಲ್ಲಿ Freeform ಬೋರ್ಡ್‌ನಲ್ಲಿ ಕೊಲಾಬೊರೇಟ್ ಮಾಡಿiPadನಲ್ಲಿ ನಿಮ್ಮ Freeform ಬೋರ್ಡ್‌ಗಳನ್ನು ಹುಡುಕುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.