iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

ನಿಮ್ಮ iPad ಬ್ಯಾಟರಿ ಬಳಕೆ ಮತ್ತು ಅದರ ಸುಸ್ಥಿತಿಯನ್ನು ಅರ್ಥಮಾಡಿಕೊಳ್ಳುವುದು

iPad ನಿಮ್ಮ ಅನುಭವವನ್ನು ಸುಧಾರಿಸುವ ಮಾರ್ಗಗಳನ್ನು ಗುರುತಿಸಲು ಸಹಾಯ ಮಾಡಲು, ಹಾಗೆಯೇ ನಿಮ್ಮ ಬ್ಯಾಟರಿಯ ಒಟ್ಟಾರೆ ಸುಸ್ಥಿತಿಯ ಬಗ್ಗೆ ಪ್ರಮುಖ ಮಾಹಿತಿಯನ್ನು ಒದಗಿಸಲು ನಿಮ್ಮ ಬ್ಯಾಟರಿ ಬಾಳಿಕೆಯ ಬಗ್ಗೆ ಉಪಯುಕ್ತ ಒಳನೋಟಗಳನ್ನು ನೀಡುತ್ತದೆ.

ದೈನಂದಿನ ಬಳಕೆಯ ಮಾಹಿತಿಯನ್ನು ನೋಡುವುದು

ದೈನಂದಿನ ಬಳಕೆಯ ವಿಭಾಗವು ನಿಮ್ಮ ಇಂದಿನ ಬ್ಯಾಟರಿ ಬಳಕೆಯನ್ನು ಹಿಂದಿನ ದಿನಗಳಿಗೆ ಹೋಲಿಸಿ ಸಾರಾಂಶಗೊಳಿಸುತ್ತದೆ. iPad ಈ ಕೆಳಗಿನ ಬ್ಯಾಟರಿ ಬಳಕೆಯ ಮಾಹಿತಿಯನ್ನು ತೋರಿಸುತ್ತದೆ:

  • ಇದೇ ರೀತಿಯ ಅಥವಾ ಕಡಿಮೆ ಬಳಕೆ: ದಿನದ ಈ ಸಮಯದೊಳಗೆ ನಿಮ್ಮ ಬ್ಯಾಟರಿ ಬಳಕೆಯು ಸುಮಾರು ಎಂದಿನಂತೆ ಇದ್ದಾಗ ಅಥವಾ ಸಾಮಾನ್ಯಕ್ಕಿಂತ ಕಡಿಮೆಯಿದ್ದಾಗ ತೋರಿಸುತ್ತದೆ (ನೀಲಿ ಬಣ್ಣದಲ್ಲಿ). ಬಳಕೆಯು ಒಂದೇ ರೀತಿಯಲ್ಲಿರುವಾಗ, iPad ಆ ದಿನದ ಬಳಕೆಗೆ ಹೆಚ್ಚು ಕಾರಣವಾದ ಮೂರು ಆ್ಯಪ್‌ಗಳನ್ನು ಅಥವಾ ಸಿಸ್ಟಂ ಚಟುವಟಿಕೆಗಳನ್ನು ಹೈಲೈಟ್ ಮಾಡುತ್ತದೆ (ನೀಲಿ ಬಣ್ಣದಲ್ಲಿ).

  • ಹೆಚ್ಚಿನ ಬಳಕೆ: ದಿನದ ಆ ಸಮಯದೊಳಗೆ ನೀವು ಸಾಮಾನ್ಯಕ್ಕಿಂತ ಹೆಚ್ಚು ಬ್ಯಾಟರಿಯನ್ನು ಬಳಸಿದಾಗ ಕಾಣಿಸಿಕೊಳ್ಳುತ್ತದೆ (ಕಿತ್ತಳೆ ಬಣ್ಣದಲ್ಲಿ). ಹೆಚ್ಚಳಕ್ಕೆ ಕಾರಣವಾದ ಮೂರು ಪ್ರಮುಖ ಆ್ಯಪ್‌ಗಳು ಅಥವಾ ಸಿಸ್ಟಂ ಚಟುವಟಿಕೆಗಳನ್ನು iPad ಹೈಲೈಟ್ ಮಾಡುತ್ತದೆ.

iPadನ ಸೆಟ್ಟಿಂಗ್ಸ್ ಆ್ಯಪ್‌ನಲ್ಲಿರುವ ಬ್ಯಾಟರಿ ಸ್ಕ್ರೀನ್. ಅದು ದೈನಂದಿನ ಬಳಕೆಯ ಗ್ರಾಫ್, ಆ್ಯಪ್‌ಗಳ ಪಟ್ಟಿಯೊಂದಿಗೆ ಅವುಗಳ ಬ್ಯಾಟರಿ ಬಳಕೆ, ಮತ್ತು ಬ್ಯಾಟರಿ ಆರೋಗ್ಯ, ಬ್ಯಾಟರಿ ಶೇಕಡಾವಾರು ಪ್ರಮಾಣ ಮತ್ತು ಕಡಿಮೆ ಪವರ್ ಮೋಡ್‌ಗಾಗಿ ಸೆಟ್ಟಿಂಗ್ಸ್ ಅನ್ನು ತೋರಿಸುತ್ತದೆ.

ದೈನಂದಿನ ಬಳಕೆಯ ಮಾಹಿತಿಯನ್ನು ನೋಡಲು:

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ಬ್ಯಾಟರಿ ಎಂಬುದನ್ನು ಟ್ಯಾಪ್ ಮಾಡಿ.

ಹೆಚ್ಚುವರಿ ಬ್ಯಾಟರಿ ಬಳಕೆಯ ಮಾಹಿತಿಯನ್ನು ನೋಡುವುದು

ನಿಮ್ಮ ಆ್ಯಪ್‌ ಮತ್ತು ಸಿಸ್ಟಂ ಚಟುವಟಿಕೆಯ ಇಂದು ಮತ್ತು ಹಿಂದಿನ ವಾರದ ಬಳಕೆಯ ಕುರಿತು ಹೆಚ್ಚಿನ ಮಾಹಿತಿಯನ್ನು ನೀವು ಅನ್ವೇಷಿಸಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ಬ್ಯಾಟರಿ ಎಂಬುದನ್ನು ಟ್ಯಾಪ್ ಮಾಡಿ, ಬ್ಯಾಟರಿಯ ಎಲ್ಲಾ ಬಳಕೆಯನ್ನು ನೋಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಒಂದು ದಿನವನ್ನು ಟ್ಯಾಪ್ ಮಾಡಿ.

iPadನ ಸೆಟ್ಟಿಂಗ್ಸ್ ಆ್ಯಪ್‌ನಲ್ಲಿರುವ ಬ್ಯಾಟರಿ ಬಳಕೆ ಸ್ಕ್ರೀನ್. ಇದು ಎರಡು ಗ್ರಾಫ್‌ಗಳನ್ನು ಹೊಂದಿದೆ: ಅವುಗಳಲ್ಲಿ ಒಂದು ಕಳೆದ ವಾರದ ದೈನಂದಿನ ಬಳಕೆಯನ್ನು ತೋರಿಸುತ್ತಿದೆ ಮತ್ತು ಇನ್ನೊಂದು ಆಯ್ದ ದಿನದುದ್ದಕ್ಕೂ ಬ್ಯಾಟರಿ ಮಟ್ಟ ಎಷ್ಟಿತ್ತು ಎಂಬುದನ್ನು ವಿವರವಾಗಿ ತೋರಿಸುತ್ತದೆ. ಕೆಳಗೆ ಆ್ಯಪ್‌ಗಳನ್ನು ಪಟ್ಟಿ ಮಾಡಲಾಗಿದ್ದು, ಅವುಗಳ ಬ್ಯಾಟರಿ ಬಳಕೆಯನ್ನು ಶೇಕಡಾವಾರು ಪ್ರಮಾಣ ಮತ್ತು ಚಟುವಟಿಕೆ ಸಮಯದ ಪ್ರಕಾರ ತೋರಿಸಲಾಗಿದೆ.

ಆ್ಯಪ್ ಮತ್ತು ಸಿಸ್ಟಂ ಚಟುವಟಿಕೆಯ ಮಾಹಿತಿಯನ್ನು ನೋಡುವುದು

ಪ್ರತಿಯೊಂದು ಆ್ಯಪ್ ಮತ್ತು ಸಿಸ್ಟಂ ಟಾಸ್ಕ್ ಬಳಸುವ ಬ್ಯಾಟರಿಯ ಶೇಕಡಾವಾರು ಪ್ರಮಾಣವನ್ನು ಪಟ್ಟಿಮಾಡುವ ಮೂಲಕ, ಯಾವುದಕ್ಕೆ ನಿಮ್ಮ ಬ್ಯಾಟರಿ ಹೆಚ್ಚು ಬಳಕೆಯಾಗುತ್ತಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಆ್ಯಪ್ ಮತ್ತು ಸಿಸ್ಟಂ ಚಟುವಟಿಕೆ ವಿಭಾಗವು ನಿಮಗೆ ಸಹಾಯ ಮಾಡುತ್ತದೆ.

ಹೆಚ್ಚಿನ ವಿವರಗಳನ್ನು ನೋಡಲು ನೀವು ಆ್ಯಪ್ ಅನ್ನು ಟ್ಯಾಪ್ ಮಾಡಿದಾಗ ಅಥವಾ ಆ್ಯಪ್ ಅಥವಾ ಸಿಸ್ಟಂ ಚಟುವಟಿಕೆಯ ಅಡಿಯಲ್ಲಿ ನೀವು ಈ ಕೆಳಗಿನ ಮಾಹಿತಿಯನ್ನು ನೋಡಬಹುದು. ಇವುಗಳ ಅರ್ಥವೇನು ಎಂಬುದನ್ನು ಇಲ್ಲಿ ನೀಡಲಾಗಿದೆ:

  • ಸ್ಕ್ರೀನ್‌ನಲ್ಲಿ: ಆ್ಯಪ್ ಅಥವಾ ಸಿಸ್ಟಂ ಚಟುವಟಿಕೆಯು ತೆರೆದಿತ್ತು ಮತ್ತು ನಿಮ್ಮ ಸ್ಕ್ರೀನ್‌ನಲ್ಲಿ ಕಾಣುವಂತಿತ್ತು. ಸ್ಕ್ರೀನ್‌‌ನಲ್ಲಿ ದೀರ್ಘ ಸಮಯವನ್ನು ಕಳೆದಾಗ ಹಿಂದಿನ ದಿನಗಳಿಗೆ ಹೋಲಿಸಿದರೆ ಹೆಚ್ಚಿನ ಬ್ಯಾಟರಿ ಬಳಕೆಯಾಗಲು ಕಾರಣವಾಗುತ್ತದೆ.

  • ಹಿನ್ನೆಲೆ: ಹಿನ್ನೆಲೆಯಲ್ಲಿ ದೀರ್ಘ ಸಮಯವನ್ನು ಕಳೆದಾಗ ಹಿಂದಿನ ದಿನಗಳಿಗೆ ಹೋಲಿಸಿದರೆ ಹೆಚ್ಚಿನ ಬ್ಯಾಟರಿ ಬಳಕೆಯಾಗಲು ಕಾರಣವಾಗುತ್ತದೆ. ಹಿನ್ನೆಲೆ ಚಟುವಟಿಕೆಗಳಲ್ಲಿ ಮಾರ್ಗ ನಿರ್ದೇಶನಗಳು, ಸಂಗೀತ ಪ್ಲೇ ಮಾಡುವಿಕೆ, ಫೋಟೋಗಳ ಸಿಂಕ್ ಮಾಡುವಿಕೆ, ಮೇಲ್ ಪಡೆಯುವಿಕೆ ಮತ್ತು ಇನ್ನಷ್ಟು ಸೇರಿವೆ.

  • ಮೊಬೈಲ್ ನೆಟ್‌ವರ್ಕ್ ಕವರೇಜ್: ಕಡಿಮೆ ಸಿಗ್ನಲ್ ಇರುವ ಪರಿಸರದಲ್ಲಿ ಆ್ಯಪ್ ಅನ್ನು ಬಳಸಲಾಗಿದೆ, ಇದು ಹೆಚ್ಚು ಬ್ಯಾಟರಿಯನ್ನು ಬಳಸಿಕೊಂಡಿದೆ.

  • ನೋಟಿಫಿಕೇಷನ್‌ಗಳು: ಹೊಸ ಮಾಹಿತಿಯನ್ನು ಪರಿಶೀಲಿಸಲು ಆ್ಯಪ್ ಅಥವಾ ಸಿಸ್ಟಂ ಚಟುವಟಿಕೆಯು ನಿಮ್ಮ ಸಾಧನವನ್ನು ಸಕ್ರಿಯಗೊಳಿಸಿದೆ ಮತ್ತು ಬ್ಯಾಟರಿಯನ್ನು ಬಳಸಿದೆ. ಈ ರೀತಿ ಉಂಟಾಗುವುದನ್ನು ಕಡಿಮೆ ಮಾಡಲು ನೀವು ಆ್ಯಪ್‌ನ ನೋಟಿಫಿಕೇಷನ್ ಸೆಟ್ಟಿಂಗ್ಸ್ ಅನ್ನು ನಿರ್ವಹಿಸಬಹುದು.

iPadನ ಸೆಟ್ಟಿಂಗ್ಸ್‌ನಲ್ಲಿನ ಬ್ಯಾಟರಿ ಸ್ಕ್ರೀನ್, Safari ಆ್ಯಪ್‌ನ ಬ್ಯಾಟರಿ ಬಳಕೆಯನ್ನು ವಿವರವಾಗಿ ತೋರಿಸುತ್ತದೆ. ಸ್ಕ್ರೀನ್‌ನಲ್ಲಿ ದೈನಂದಿನ ಬಳಕೆಯ ಗ್ರಾಫ್, ಮೊಬೈಲ್ ಕವರೇಜ್ ಬ್ಯಾಟರಿ ಬಾಳಿಕೆಯ ಮೇಲೆ ಹೇಗೆ ಪರಿಣಾಮ ಬೀರಿದೆ ಎಂಬುದರ ಕುರಿತಾದ ಟಿಪ್ಪಣಿ ಮತ್ತು ಆ್ಯಪ್‌ನ ಆನ್ ಸ್ಕ್ರೀನ್ ಮತ್ತು ಹಿನ್ನೆಲೆ ಚಟುವಟಿಕೆಯ ಸಮಯದ ವಿವರಗಳು ಇವೆ.

ಆ್ಯಪ್ ಮತ್ತು ಸಿಸ್ಟಂ ಚಟುವಟಿಕೆಯ ಮಾಹಿತಿಯನ್ನು ನೋಡಲು:

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ಇಂದಿನ ಬಳಕೆಯನ್ನು ನೋಡಿ ಬ್ಯಾಟರಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಕೆಳಕ್ಕೆ ಸ್ಕ್ರೋಲ್ ಮಾಡಿ.

    • ಕಳೆದ ಎಂಟು ದಿನಗಳನ್ನು ವೀಕ್ಷಿಸಿ: ಬ್ಯಾಟರಿ ಎಂಬುದನ್ನು ಟ್ಯಾಪ್ ಮಾಡಿ, ಬ್ಯಾಟರಿಯ ಎಲ್ಲಾ ಬಳಕೆಯನ್ನು ನೋಡಿ ಎಂಬುದನ್ನು ಟ್ಯಾಪ್ ಮಾಡಿ, ದಿನವೊಂದನ್ನು ಟ್ಯಾಪ್ ಮಾಡಿ, ನಂತರ ಕೆಳಕ್ಕೆ ಸ್ಕ್ರೋಲ್ ಮಾಡಿ.

  3. ಆ್ಯಪ್‌ನ ಬ್ಯಾಟರಿ ಬಳಕೆ ಮತ್ತು ಪ್ರತಿ ದಿನದ ಚಟುವಟಿಕೆ ಸೇರಿದಂತೆ ಹೆಚ್ಚಿನ ವಿವರಗಳನ್ನು ವೀಕ್ಷಿಸಲು ಅದನ್ನು ಟ್ಯಾಪ್ ಮಾಡಿ.

ನಿಮ್ಮ iPad ಅನ್ನು ಕೊನೆಯದಾಗಿ ಯಾವಾಗ ಚಾರ್ಜ್ ಮಾಡಲಾಗಿದೆ ಎಂಬುದನ್ನು ನೋಡುವುದು

ಬ್ಯಾಟರಿ ಕೊನೆಯದಾಗಿ ಯಾವಾಗ ಪೂರ್ಣವಾಗಿ ಚಾರ್ಜ್ ಆಗಿತ್ತು ಮತ್ತು ಯಾವಾಗ ಚಾರ್ಜರ್‌ನಿಂದ ಡಿಸ್‌ಕನೆಕ್ಟ್ ಆಗಿತ್ತು ಎಂಬುದನ್ನು iPad ತೋರಿಸುತ್ತದೆ.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ಬ್ಯಾಟರಿ ಎಂಬುದನ್ನು ಟ್ಯಾಪ್ ಮಾಡಿ.

ನಿಮ್ಮ iPad ಬ್ಯಾಟರಿಯ ಸುಸ್ಥಿತಿಯನ್ನು ಪರಿಶೀಲಿಸುವುದು

ಬೆಂಬಲಿತ ಮಾಡಲ್‌ಗಳಲ್ಲಿ, iPad ನಿಮ್ಮ ಬ್ಯಾಟರಿಯ ಸಾಮರ್ಥ್ಯ, ಬ್ಯಾಟರಿ ಸುಸ್ಥಿತಿ, ಸೈಕಲ್ ಕೌಂಟ್, ಉತ್ಪಾದನಾ ದಿನಾಂಕ ಮತ್ತು ಮೊದಲ ಬಳಕೆಯ ದಿನಾಂಕದ ಬಗೆಗಿನ ಮಾಹಿತಿಯನ್ನು ತೋರಿಸುತ್ತದೆ.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ಬ್ಯಾಟರಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಬ್ಯಾಟರಿ ಸುಸ್ಥಿತಿ ಎಂಬುದನ್ನು ಟ್ಯಾಪ್ ಮಾಡಿ.

ಬಳಕೆ ಮತ್ತು ಸೆಟ್ಟಿಂಗ್ಸ್‌ಗೆ ಅನುಗುಣವಾಗಿ ಬ್ಯಾಟರಿ ಬಾಳಿಕೆ ಮತ್ತು ಚಾರ್ಜ್ ಸೈಕಲ್‌ಗಳು ಬದಲಾಗುತ್ತವೆ. iPad ಬ್ಯಾಟರಿಯನ್ನು Apple ಅಥವಾ Appleನ ಅಧಿಕೃತ ಸೇವಾ ಪೂರೈಕೆದಾರರು ಸರ್ವೀಸ್ ಮಾಡಬೇಕು ಅಥವಾ ಮರುಬಳಕೆ ಮಾಡಬೇಕು. ಬ್ಯಾಟರಿ ಸರ್ವೀಸ್ ಮತ್ತು ಮರುಬಳಕೆ ವೆಬ್‌ಸೈಟ್ ಅನ್ನು ನೋಡಿ.

ನಿಮ್ಮ ಬ್ಯಾಟರಿ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳುವ ಮೂಲಕ ಅದರ ಹೆಚ್ಚಿನ ಲಾಭವನ್ನು ಪಡೆಯಲು, Apple ಲಿಥಿಯಂ-ಅಯಾನ್ ಬ್ಯಾಟರಿಗಳ ವೆಬ್‌ಸೈಟ್ ಅನ್ನು ನೋಡಿ.

ಇದನ್ನು ಸಹ ನೋಡಿiPad ಬ್ಯಾಟರಿಯನ್ನು ಚಾರ್ಜ್ ಮಾಡಿಬ್ಯಾಟರಿ ಬಾಳಿಕೆಯನ್ನು ಸೇವ್ ಮಾಡುವುದಕ್ಕಾಗಿ ಕಡಿಮೆ ಪವರ್ ಮೋಡ್ ಬಳಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.