iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿ ನಿಮ್ಮ Apple ಖಾತೆಗೆ ಸೈನ್ ಇನ್ ಮಾಡಿ ಮತ್ತು ಅದನ್ನು ನಿರ್ವಹಿಸಿ

ನಿಮ್ಮ Apple ಖಾತೆಯು ನಿಮಗೆ Apple ಸೇವೆಗಳಾದ App Store, iTunes Store, Apple Books, Apple Music, FaceTime, iCloud, iMessage ಮತ್ತು ಇತ್ಯಾದಿಗಳಿಗೆ ಆ್ಯಕ್ಸೆಸ್ ನೀಡುತ್ತದೆ.

ನೀವು ಚೀನಾ ಮೇನ್‌ಲ್ಯಾಂಡ್ ಅಥವಾ ಭಾರತದಲ್ಲಿ ಹೊಸ Apple ಖಾತೆಯೊಂದನ್ನು ರಚಿಸಿದಾಗ, ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಿಮ್ಮ Apple ಖಾತೆಯ ಬಳಕೆದಾರರ ಹೆಸರಾಗಿ ನೀವು ಬಳಸಬಹುದು. ಈಮೇಲ್ ವಿಳಾಸದ ಬದಲಿಗೆ ಫೋನ್ ಸಂಖ್ಯೆಯನ್ನು ಬಳಸಿಕೊಂಡು Apple ಖಾತೆಯನ್ನು ರಚಿಸಿ ಮತ್ತು ನಿರ್ವಹಿಸಿ ಎಂಬ Apple ಬೆಂಬಲ ಲೇಖನನ್ನು ನೋಡಿ.

ನಿಮ್ಮ Apple ಖಾತೆಗೆ ಸೈನ್ ಇನ್ ಮಾಡಿ

ಸೆಟಪ್ ಮಾಡುವಾಗ ನೀವು ಸೈನ್ ಇನ್ ಮಾಡದಿದ್ದರೆ, ಈ ಕೆಳಗಿನವುಗಳನ್ನು ಮಾಡಿ:

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. Apple ಖಾತೆಯನ್ನು ಟ್ಯಾಪ್ ಮಾಡಿ.

  3. ಕೆಳಗಿನವುಗಳಲ್ಲಿ ಒಂದನ್ನು ಟ್ಯಾಪ್ ಮಾಡಿ:

    • ಮತ್ತೊಂದು Apple ಸಾಧನವನ್ನು ಬಳಸಿ: ನಿಮ್ಮ ಇತರ iPhone ಅಥವಾ iPad ಅನ್ನು (iOS 17, iPadOS 17 ಅಥವಾ ನಂತರದ ಆವೃತ್ತಿಗಳು) ಹತ್ತಿರಕ್ಕೆ ತನ್ನಿ, ನಂತರ ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ.

    • ಹಸ್ತಚಾಲಿತವಾಗಿ ಸೈನ್ ಇನ್ ಮಾಡಿ: ನಿಮ್ಮ ಈಮೇಲ್ ವಿಳಾಸ ಅಥವಾ ಫೋನ್ ಸಂಖ್ಯೆಯನ್ನು ನಮೂದಿಸಿ, ನಂತರ ನಿಮ್ಮ ಪಾಸ್‌ವರ್ಡ್ ಅನ್ನು ನಮೂದಿಸಿ. ನೀವು Apple ಖಾತೆಯನ್ನು ಹೊಂದಿರದಿದ್ದರೆ, ನೀವು ಖಾತೆಯೊಂದನ್ನು ರಚಿಸಬಹುದು.

  4. ನಿಮ್ಮ ಖಾತೆಯನ್ನು ನೀವು ಎರಡು ಅಂಶದ ದೃಢೀಕರಣದ ಮೂಲಕ ರಕ್ಷಿಸಿದ್ದರೆ, ಆರು-ಅಂಕಿಗಳ ದೃಢೀಕರಣದ ಕೋಡ್ ಅನ್ನು ನಮೂದಿಸಿ.

ನಿಮ್ಮ Apple ಖಾತೆಯ ಪಾಸವರ್ಡ್ ಅನ್ನು ನೀವು ಮರೆತಿದ್ದರೆ, ನಿಮ್ಮ ಪಾಸ್‌ವರ್ಡ್ ಅನ್ನು ರೀಸೆಟ್ ಮಾಡಿ ವೆಬ್‌ಸೈಟ್ ಅನ್ನು ನೋಡಿ.

ನಿಮ್ಮ Apple ಖಾತೆ ಸೆಟ್ಟಿಂಗ್‌ಗಳನ್ನು ಬದಲಾಯಿಸಿ

ವೈಯಕ್ತಿಕ ಮಾಹಿತಿ, ಸಬ್‌ಸ್ಕ್ರಿಪ್ಶನ್‌ಗಳು, ಹುಡುಕಿ ಮತ್ತು ಇತರೆ ಆಯ್ಕೆಗಳ ಪಟ್ಟಿಯೊಂದಿಗೆ Apple ಖಾತೆ ಸೆಟ್ಟಿಂಗ್ಸ್ ಅನ್ನು ತೋರಿಸಲಾಗಿದೆ.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ನಿಮ್ಮ ಹೆಸರನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಮಾಡಿ:

    • ವೈಯಕ್ತಿಕ ಮಾಹಿತಿಯನ್ನು ಅಪ್‌ಡೇಟ್ ಮಾಡಿ: ನಿಮ್ಮ ಹೆಸರು, ಹುಟ್ಟಿದ ದಿನಾಂಕ ಮತ್ತು Memoji ಅಥವಾ ನಿಮ್ಮ Apple ಖಾತೆಗೆ ಸಂಬಂಧಿಸಿದ ಫೋಟೋವನ್ನು ಅಪ್‌ಡೇಟ್ ಮಾಡಿ. ನೀವು Appleನಿಂದ ಬರುವ ಸಂವಹನಕ್ಕಾಗಿ ನಿಮ್ಮ ಆದ್ಯತೆಗಳನ್ನು ಸಹ ಸೆಟಪ್ ಮಾಡಬಹುದು ಮತ್ತು ನಿಮ್ಮ ಡೇಟವನ್ನು ಹೇಗೆ ನಿರ್ವಹಿಸಲಾಗುತ್ತದೆ ಎಂಬುದನ್ನು ನೋಡಬಹುದು.

    • ಸೈನ್-ಇನ್ ಮತ್ತು ಭದ್ರತೆಯನ್ನು ಬದಲಾಯಿಸಿ: ನಿಮ್ಮ Apple ಖಾತೆಯ ಪಾಸ್‌ವರ್ಡ್ ಅನ್ನು ಬದಲಾಯಿಸಿ, ಎರಡು ಅಂಶದ ದೃಢೀಕರಣವನ್ನು ಆನ್ ಮಾಡಿ, ಸೈನ್ ಇನ್ ಮಾಡಲು ನೀವು ಬಳಸಬಹುದಾದ ಫೋನ್ ಸಂಖ್ಯೆಗಳು ಮತ್ತು ಈಮೇಲ್‌ಗಳನ್ನು ಸೇರಿಸಿ ಅಥವಾ ತೆಗೆದುಹಾಕಿ ಮತ್ತು ಖಾತೆ ರಿಕವರಿ ಅಥವಾ ಲೆಗಸಿ ಸಂಪರ್ಕವನ್ನು ಸೆಟಪ್ ಮಾಡಿ.

    • ಪಾವತಿ ಮತ್ತು ಷಿಪ್ಪಿಂಗ್ ಅನ್ನು ನಿರ್ವಹಿಸಿ: ನಿಮ್ಮ Apple ಖಾತೆ ಮತ್ತು Apple Storeನಿಂದ ಖರೀದಿಸಿದ ವಸ್ತುಗಳಿಗೆ ನಿಮ್ಮ ಪಾವತಿ ವಿಧಾನಗಳು ಮತ್ತು ಷಿಪ್ಪಿಂಗ್ ವಿಳಾಸವನ್ನು ಆಯ್ಕೆಮಾಡಿ.

    • ನಿಮ್ಮ ಸಬ್‌ಸ್ಕ್ರಿಪ್ಶನ್‌ಗಳನ್ನು ನೋಡಿ ಮತ್ತು ನಿರ್ವಹಿಸಿ: ನಿಮ್ಮ Apple ಸಬ್‌ಸ್ಕ್ರಿಪ್ಶನ್‌ಗಳನ್ನು ಮತ್ತು App Storeನಲ್ಲಿನ ಆ್ಯಪ್‌ಗಳಲ್ಲಿ ನೀವು ಖರೀದಿಸಿದ ಸಬ್‌ಸ್ಕ್ರಿಪ್ಶನ್‌ಗಳನ್ನು ನೋಡಿ ಮತ್ತು ನಿರ್ವಹಿಸಿ.

    • iCloud ಅನ್ನು ಬಳಸಿ.

    • ಕುಟುಂಬ ಹಂಚಿಕೆಯನ್ನು ನಿರ್ವಹಿಸಿ.

    • ಹುಡುಕಿ ಆ್ಯಪ್ ಅನ್ನು ಬಳಸಿ.

    • ಮೀಡಿಯಾ ಮತ್ತು ಖರೀದಿಗಳನ್ನು ನಿರ್ವಹಿಸಿ: Apple Music, Apple Podcasts, Apple TV ಮತ್ತು Apple Booksಗೆ ಲಿಂಕ್ ಆಗಿರುವ ಖಾತೆಗಳನ್ನು ನಿರ್ವಹಿಸಿ ಮತ್ತು ಖರೀದಿ ಸೆಟ್ಟಿಂಗ್ಸ್ ಅನ್ನು ಆಯ್ಕೆಮಾಡಿ.

    • Apple ಮೂಲಕ ಸೈನ್ ಇನ್ ಮಾಡಿ ಎಂಬುದನ್ನು ಬಳಸಿ.

ನಿಮ್ಮ Apple ಖಾತೆಗೆ ಸಂಬಂಧಿಸಿದ ಪಾವತಿ ವಿಧಾನವನ್ನು ಸೇರಿಸಿ ಅಥವಾ ಅಪ್‌ಡೇಟ್ ಮಾಡಿ

ನಿಮ್ಮ Apple ಖಾತೆಗೆ ಸೇರಿಸಲಾದ ಪಾವತಿಯ ಮಾಹಿತಿಯನ್ನು Apple ಮೀಡಿಯಾ ಖರೀದಿಗಳು ಮತ್ತು ಸೇವೆಗಳಿಗಾಗಿ ಬಳಸಲಾಗುತ್ತದೆ.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ನಿಮ್ಮ ಹೆಸರನ್ನು ಟ್ಯಾಪ್ ಮಾಡಿ, ನಂತರ ಪಾವತಿ ಮತ್ತು ಷಿಪ್ಪಿಂಗ್ ಅನ್ನು ಟ್ಯಾಪ್ ಮಾಡಿ. ನೀವು Face ID ಅಥವಾ Touch ID ಮೂಲಕ ದೃಢೀಕರಿಸಬೇಕಾಗಬಹುದು.

  3. ಪಾವತಿ ವಿಧಾನವನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ ಅಥವಾ ಅಸ್ತಿತ್ವದಲ್ಲಿರುವ ಪಾವತಿ ವಿಧಾನವನ್ನು ಟ್ಯಾಪ್ ಮಾಡಿ.

ನಿಮ್ಮ Apple ಖಾತೆಯ ಪಾವತಿ ವಿಧಾನವನ್ನು ನೀವು ಬದಲಾಯಿಸಬೇಕಿದ್ದರೆ ಅಥವಾ ಅಪ್‌ಡೇಟ್ ಮಾಡಬೇಕಿದ್ದರೆ ಎಂಬ Apple ಬೆಂಬಲ ಲೇಖನವನ್ನು ನೋಡಿ.

ಇದನ್ನು ಸಹ ನೋಡಿiPadನಲ್ಲಿ ನಿಮ್ಮ Apple ಖಾತೆಯನ್ನು ಸುರಕ್ಷಿತವಾಗಿ ಇರಿಸಿಕೊಳ್ಳಿApple ಬೆಂಬಲ ಲೇಖನ: ನಿಮ್ಮ Apple ಖಾತೆಯನ್ನು ನಿರ್ವಹಿಸಿ ಮತ್ತು ಬಳಸಿ Apple ಖಾತೆಯ ವೆಬ್‌ಸೈಟ್
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.