iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿ ಹುಡುಕಿ ಆ್ಯಪ್‌ನ ಬಳಕೆಯನ್ನು ಪ್ರಾರಂಭಿಸುವುದು

ಕಳೆದುಹೋದ ಸಾಧನಗಳನ್ನು ಪತ್ತೆಮಾಡಲು, AirTags ಬಳಸಿ ದಿನನಿತ್ಯದ ಬಳಕೆಯ ಐಟಮ್‌ಗಳನ್ನು ಹುಡುಕಲು ಹಾಗೂ ನಿಮ್ಮ ಕುಟುಂಬದ ಮತ್ತು ಸ್ನೇಹಿತರನ್ನು ಟ್ರ್ಯಾಕ್ ಮಾಡಲು iPadನಲ್ಲಿನ ಹುಡುಕಿ ಆ್ಯಪ್ ಬಳಸಿ.

iPad ಅನ್ನು ತೋರಿಸುತ್ತಿರುವ ಹುಡುಕಿ ಆ್ಯಪ್‌ನ ಸ್ಕ್ರೀನ್.

ನಿಮ್ಮ iPad ಅನ್ನು ಹುಡುಕಿ ಆ್ಯಪ್‌ಗೆ ಸೇರಿಸುವುದು

ಕಾಣೆಯಾದ ಸಾಧನವೊಂದನ್ನು ಹುಡುಕಲು ನೀವು ಹುಡುಕಿ ಆ್ಯಪ್ ಅನ್ನು ಬಳಸುವ ಮೊದಲು, ನೀವು ಹುಡುಕಿ ಆ್ಯಪ್‌ಗೆ ಆ ಸಾಧನವನ್ನು ಸೇರಿಸಿರಬೇಕಾಗುತ್ತದೆ. ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ, ನಿಮ್ಮ ಹೆಸರನ್ನು ಟ್ಯಾಪ್ ಮಾಡಿ, ‘ನನ್ನ iPad ಹುಡುಕಿ’ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ‘ನನ್ನ iPad ಹುಡುಕಿ’ ಎಂಬುದನ್ನು ಆನ್ ಮಾಡಿ. ಇದೇ ರೀತಿಯಲ್ಲಿ ‘ಹುಡುಕಿ’ ಆ್ಯಪ್‌‌ಗೆ ನಿಮ್ಮ ಇತರೆ ಸಾಧನಗಳನ್ನು ಸೇರಿಸಿ, ಇದರಿಂದ ನೀವು ಅವೆಲ್ಲವನ್ನೂ ಒಂದೇ ಕಡೆ ನೋಡಬಹುದು.

ಅನೇಕ ಸಾಧನಗಳು ತಮ್ಮ ಸ್ಥಳ ಹಂಚಿಕೊಳ್ಳುತ್ತಿರುವುದನ್ನು ತೋರಿಸುತ್ತಿರುವ ಹುಡುಕಿ ಆ್ಯಪ್‌ನ ಸ್ಕ್ರೀನ್.

ಕಾಣೆಯಾಗಿರುವ Apple ಸಾಧನವನ್ನು ಹುಡುಕುವುದು

ಹುಡುಕಿ ಆ್ಯಪ್‌ಗೆ ಹೋಗಿ, ಸಾಧನಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನೀವು ಹುಡುಕುತ್ತಿರುವ ಸಾಧನವನ್ನು ಆಯ್ಕೆಮಾಡಿ. ಅದನ್ನು ಎಲ್ಲಿಯವರೆಗೆ ಹುಡುಕಿ ಆ್ಯಪ್‌ಗೆ ಸೇರಿಸಿರುತ್ತೀರೋ ಅಲ್ಲಿಯವರೆಗೆ, ಅದು ನಿಮಗೆ ನಕ್ಷೆಯಲ್ಲಿ ಕಾಣಿಸುತ್ತದೆ ಮತ್ತು ಹುಡುಕಲು ಸುಲಭವಾಗುವಂತೆ ನೀವು ಅದರಲ್ಲಿ ಸೌಂಡ್ ಪ್ಲೇ ಮಾಡಬಹುದು.

AirTagಗಳು ತಮ್ಮ ಸ್ಥಳವನ್ನು ಹಂಚಿಕೊಳ್ಳುತ್ತಿರುವುದನ್ನು ತೋರಿಸುತ್ತಿರುವ ಹುಡುಕಿ ಆ್ಯಪ್‌ನ ಸ್ಕ್ರೀನ್.

AirTag ಅನ್ನು ಸೇರಿಸಿ

ನೀವು AirTag ಅನ್ನು ಹುಡುಕಿ ಆ್ಯಪ್‌‌ಗೆ ಸೇರಿಸಬಹುದು, ನಂತರ ಅದನ್ನು ಜಿಮ್ ಬ್ಯಾಗ್, ಬ್ಯಾಕ್‌ಪ್ಯಾಕ್ ಅಥವಾ ಲಗೇಜ್‌ನಂತಹ ಕಳೆದುಹೋಗಬಹುದಾದ ಐಟಮ್‌ಗಳಲ್ಲಿ ಅವುಗಳನ್ನು ಇಡಬಹುದು. ಹುಡುಕಿ ಆ್ಯಪ್‌ಗೆ ಹೋಗಿ, ಐಟಮ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, [ಸೇರಿಸಿ ಬಟನ್] ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ. ನೀವು ಹುಡುಕಿ ಆ್ಯಪ್‌‌ಗೆ AirTag (ಮತ್ತು ಇತರೆ ಹೊಂದಾಣಿಕೆಯಾಗುವ ಆ್ಯಕ್ಸೆಸರಿಗಳನ್ನು) ಸೇರಿಸಿದ ನಂತರ, ಅವುಗಳು ಐಟಮ್‌ಗಳು ಪಟ್ಟಿಯಲ್ಲಿ ತಮ್ಮ ಸ್ಥಳಗಳೊಂದಿಗೆ ಕಾಣಿಸಿಕೊಳ್ಳುತ್ತವೆ.

ಸ್ನೇಹಿತರ ಸ್ಥಳವನ್ನು ತೋರಿಸುತ್ತಿರುವ ಹುಡುಕಿ ಆ್ಯಪ್‌ನ ಸ್ಕ್ರೀನ್

ಸ್ನೇಹಿತರನ್ನು ಹುಡುಕುವುದು

ನೀವು ಮತ್ತು ನಿಮ್ಮ ಸ್ನೇಹಿತರು ನಿಮ್ಮ ಸ್ಥಳಗಳನ್ನು ಪರಸ್ಪರ ಹಂಚಿಕೊಂಡಾಗ, ನೀವು “ಹುಡುಕಿ” ಆ್ಯಪ್‌ನಲ್ಲಿ ಪರಸ್ಪರರನ್ನು ನೋಡಬಹುದು. ಮೊದಲು, ಹುಡುಕಿ ಆ್ಯಪ್‌ಗೆ ಹೋಗಿ, ನಂತರ ಜನರು ಎಂಬುದನ್ನು ಟ್ಯಾಪ್ ಮಾಡಿ. ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ನನ್ನ ಸ್ಥಳವನ್ನು ಹಂಚಿಕೊಳ್ಳಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸಂಪರ್ಕವೊಂದನ್ನು ಆರಿಸಿ. ಜನರು ಎಂಬ ಪಟ್ಟಿಯು ನಿಮ್ಮೊಂದಿಗೆ ತಮ್ಮ ಸ್ಥಳ ಹಂಚಿಕೊಂಡಿರುವ ಸ್ನೇಹಿತರನ್ನು ತೋರಿಸುತ್ತದೆ.

ಇನ್ನಷ್ಟು ತಿಳಿದುಕೊಳ್ಳಲು ಬಯಸುವಿರಾ?

Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.