iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿ ಒಂದೇ ಆ್ಯಪ್‌ನ ಅನೇಕ ವಿಂಡೋಗಳನ್ನು ತೆರೆಯುವುದು ಮತ್ತು ನೋಡುವುದು

ಆ್ಯಪ್‌ನಲ್ಲಿ ಹೊಸ ವಿಂಡೋ ತೆರೆಯುವುದು

  1. ಅನೇಕ ವಿಂಡೋಗಳನ್ನು ಬೆಂಬಲಿಸುವ ಆ್ಯಪ್‌ನ (ಉದಾಹರಣೆಗೆ, Mail ಆ್ಯಪ್‌, ಟಿಪ್ಪಣಿ ಆ್ಯಪ್‌, Safari, ಫೈಲ್ಸ್ ಆ್ಯಪ್‌, ಇತ್ಯಾದಿ) ಮೆನು ಕಾಣಿಸಿಕೊಳ್ಳುವವರೆಗೆ ಆ್ಯಪ್ ಐಕಾನ್ ಅನ್ನು ಒತ್ತಿ ಹಿಡಿದುಕೊಳ್ಳಿ.

  2. ಮೆನುವಿನಿಂದ ಹೊಸ ವಿಂಡೋ ಎಂಬುದನ್ನು ಆರಿಸಿ.

    iPad ಹೋಮ್ ಸ್ಕ್ರೀನ್‌ನಲ್ಲಿ Freeform ಆ್ಯಪ್ ಮೆನು ತೆರೆದಿದ್ದು, ನೀವು ಆರಿಸಬಹುದಾದ ಆ್ಯಕ್ಷನ್‌ಗಳ ಪಟ್ಟಿಯನ್ನು ತೋರಿಸುತ್ತಿದೆ—ಆ್ಯಪ್‌ನಲ್ಲಿ ಹೊಸ ವಿಂಡೋ ತೆರೆಯಿರಿ, ಹೊಸ ಬೋರ್ಡ್ ರಚಿಸಿ, ತೆರೆದಿರುವ ಎಲ್ಲಾ ಆ್ಯಪ್ ವಿಂಡೋಗಳನ್ನು ತೋರಿಸಿ ಮತ್ತು ಇತ್ಯಾದಿ ಆ್ಯಕ್ಷನ್‌ಗಳು ಅದರಲ್ಲಿವೆ.

ಗಮನಿಸಿ: ಪರ್ಯಾಯವಾಗಿ, ಆ್ಯಪ್‌ನಲ್ಲಿ ಹೊಸ ವಿಂಡೋವನ್ನು ತೆರೆಯಲು, ನೀವು Dockನಿಂದ ಆ್ಯಪ್ ಐಕಾನ್ ಅನ್ನು ಅದೇ ಆ್ಯಪ್‌ನಿಂದ ಮತ್ತೊಂದು ವಿಂಡೋದ ಮೇಲೆ ಡ್ರ್ಯಾಗ್ ಮಾಡಬಹುದು, ಅಥವಾ ಕಂಟೆಂಟ್ ಅನ್ನು (ಉದಾಹರಣೆಗೆ ಟಿಪ್ಪಣಿ ಅಥವಾ Mail ಸಂದೇಶ) ಆ್ಯಪ್ ವಿಂಡೋದಿಂದ ಹೊರಗೆ ಅಥವಾ iPadನ ಅಂಚುಗಳಿಗೆ ಡ್ರ್ಯಾಗ್ ಮಾಡಿ ಕೇವಲ ಆ ಕಂಟೆಂಟ್‌ಗಾಗಿ ವಿಂಡೋವನ್ನು ತೆರೆಯಬಹುದು.

ಆ್ಯಪ್‌ನ ತೆರೆದ ವಿಂಡೋಗಳನ್ನು ನೋಡಿ

ನೀವು ಆ್ಯಪ್‌ನಲ್ಲಿ ಒಂದಕ್ಕಿಂತ ಹೆಚ್ಚು ವಿಂಡೋಗಳನ್ನು ತೆರೆದಿರುವಾಗ, ಆ್ಯಪ್ Exposé ಸಹಾಯದಿಂದ ನಿರ್ದಿಷ್ಟ ಆ್ಯಪ್‌ನ ತೆರೆದ ಎಲ್ಲಾ ವಿಂಡೋಗಳನ್ನು ನೀವು ಒಂದೇ ಬಾರಿಗೆ ನೋಡಬಹುದು.

  1. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • Dock ಅನ್ನು ತೋರಿಸಲು ಸ್ಕ್ರೀನ್‌ನ ಕೆಳ ಅಂಚಿನಿಂದ ಮೇಲಕ್ಕೆ ಸ್ವೈಪ್ ಮಾಡಿ.

    • ಹೋಮ್ ಸ್ಕ್ರೀನ್‌ಗೆ ಹೋಗಿ.

  2. ಹೋಮ್ ಸ್ಕ್ರೀನ್ ಅಥವಾ Dockನಲ್ಲಿ, ನೀವು ನೋಡಲು ಬಯಸುವ ವಿಂಡೋಗಳಿರುವ ಆ್ಯಪ್ ಅನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಎಲ್ಲಾ ವಿಂಡೋಗಳನ್ನು ತೋರಿಸಿ ಎಂಬುದನ್ನು ಟ್ಯಾಪ್ ಮಾಡಿ ಅಥವಾ ತೆರೆದ ವಿಂಡೋಗಳು ಎಂಬುದರ ಅಡಿಯಲ್ಲಿ ಪಟ್ಟಿ ಮಾಡಲಾದ ನಿರ್ದಿಷ್ಟ ವಿಂಡೋವನ್ನು ಟ್ಯಾಪ್ ಮಾಡಿ.

    ಗಮನಿಸಿ: ನೀವು ಹೋಮ್ ಸ್ಕ್ರೀನ್‌ನಲ್ಲಿರುವ ಆ್ಯಪ್ ಒಂದನ್ನು ದೀರ್ಘ ಸಮಯದವರೆಗೆ ಒತ್ತಿ ಹಿಡಿದುಕೊಂಡರೆ, ಎಲ್ಲಾ ಆ್ಯಪ್‌ಗಳು ಜಿಗಲ್ ಆಗಲು ಪ್ರಾರಂಭಿಸುತ್ತವೆ. ಮೇಲಿನ ಬಲಭಾಗದಲ್ಲಿರುವ ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಮತ್ತೆ ಪ್ರಯತ್ನಿಸಿ.

    Mail ಆ್ಯಪ್‌ಗಾಗಿ ತೆರೆದ ವಿಂಡೋಗಳನ್ನು ಹೊಂದಿರುವ iPad ಸ್ಕ್ರೀನ್ ಮತ್ತು ಆ ವಿಂಡೋಗಳಲ್ಲಿ ಒಂದರಲ್ಲಿ ಆ್ಯಪ್‌ಗೆ ಆ್ಯಪ್ ಮೆನುವನ್ನು ತೋರಿಸಲಾಗುತ್ತಿದೆ.

    ಸಲಹೆ: ಆ್ಯಪ್‌ನ ತೆರೆದ ವಿಂಡೋಗಳನ್ನು ನೋಡಲು ಇನ್ನೊಂದು ಮಾರ್ಗ ಇಲ್ಲಿದೆ: ಸ್ಕ್ರೀನ್‌ನ ಕೆಳಭಾಗದಿಂದ ಮೇಲಕ್ಕೆ ಸ್ವೈಪ್ ಮಾಡಿ, Exposéಯನ್ನು ತೆರೆಯಲು ಮಧ್ಯದಲ್ಲಿ ವಿರಾಮ ನೀಡಿ, ನಂತರ ಆ ಆ್ಯಪ್‌ಗಾಗಿ ಆ್ಯಪ್ Exposéಯನ್ನು ತೆರೆಯಲು ಆ್ಯಪ್ ಐಕಾನ್‌ಗಳಲ್ಲಿ ಒಂದನ್ನು ಟ್ಯಾಪ್ ಮಾಡಿ.

iPadನಲ್ಲಿರುವ ಆ್ಯಪ್‌ಗಳ ನಡುವೆ ಸ್ವಿಚ್ ಮಾಡುವುದು ಅನ್ನು ನೋಡಿ.

ಆ್ಯಪ್‌ಗಾಗಿ ಮರೆಮಾಡಿದ ವಿಂಡೋಗಳನ್ನು ನೋಡಿ

ನೀವು ಮರೆಮಾಡಿದ ವಿಂಡೋಗಳನ್ನು ಹೊಂದಿರುವ ಆ್ಯಪ್‌ಗೆ ಸ್ವಿಚ್ ಮಾಡಿದಾಗ—ಅವುಗಳನ್ನು ಮಿನಿಮೈಸ್ ಮಾಡಿರಬಹುದು, ಫುಲ್-ಸ್ಕ್ರೀನ್ ಮಾಡಿರಬಹುದು ಅಥವಾ ಇನ್ನೊಂದು ಆ್ಯಪ್‌ನ ಹಿಂದೆ ಇರಬಹುದು—ಆ್ಯಪ್‌ನ ಎಲ್ಲಾ ತೆರೆದ ವಿಂಡೋಗಳನ್ನು ನೋಡಲು ನೀವು ಟ್ಯಾಪ್ ಮಾಡಬಹುದಾದ ಪಿಲ್ ಆಕಾರದ ಬಟನ್ ಕಾಣಿಸಿಕೊಳ್ಳುತ್ತದೆ.

ಎರಡು ಆ್ಯಪ್‌ಗಳು ತೆರೆದಿರುವ iPad ಸ್ಕ್ರೀನ್ ಮತ್ತು ಪಿಲ್ ಆಕಾರದ ಎಲ್ಲಾ ವಿಂಡೋಗಳನ್ನು ತೋರಿಸಿ ಬಟನ್, ಇದನ್ನು ಟ್ಯಾಪ್ ಮಾಡಿದಾಗ, ಟಾರ್ಗೆಟ್ ಆ್ಯಪ್‌ನಲ್ಲಿ ತೆರೆದಿರುವ ಎಲ್ಲಾ ವಿಂಡೋಗಳನ್ನು ತೋರಿಸುತ್ತದೆ.
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.