iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿನ ಫೋಟೋಸ್ ಆ್ಯಪ್‌ನಲ್ಲಿ ಹಂಚಿಕೊಂಡ ಆಲ್ಬಮ್‌ಗಳನ್ನು ರಚಿಸುವುದು

ಹಂಚಿಕೊಂಡ ಆಲ್ಬಮ್‌‌ಗಳು ಎಂಬುದರ ಮೂಲಕ, ನೀವು ಆಯ್ಕೆ ಮಾಡಿದ ಜನರೊಂದಿಗೆ ಮಾತ್ರ ಹಂಚಿಕೊಳ್ಳಲು ನೀವು ಆಲ್ಬಮ್‌ಗಳನ್ನು ರಚಿಸಬಹುದು—ಮತ್ತು ಅವರು, ಪ್ರತಿಯೊಬ್ಬರಿಗೂ ಕಾಣುವಂತೆ ತಮ್ಮದೇ ಫೋಟೋಗಳು, ವೀಡಿಯೊಗಳು ಮತ್ತು ಕಾಮೆಂಟ್‌ಗಳನ್ನು ಅದಕ್ಕೆ ಸೇರಿಸಬಹುದು. ನೀವು ಹಂಚಿಕೊಂಡ ಆಲ್ಬಮ್ ಅನ್ನು ಸೆಟಪ್ ಮಾಡಿದರೆ, ನೀವು ಅದನ್ನು ಮರುಹೆಸರಿಸಬಹುದು ಅಥವಾ ಡಿಲೀಟ್ ಮಾಡಬಹುದು.

ನೀವು ಪ್ರಾರಂಭಿಸುವ ಮೊದಲು

ಹಂಚಿಕೊಂಡ ಆಲ್ಬಮ್‌ಗಳೊಂದಿಗೆ ನೀವು ಬಳಸಲು ಬಯಸುವ ನಿಮ್ಮ iPad ಮತ್ತು ಇತರೆ ಎಲ್ಲಾ ಸಾಧನಗಳಲ್ಲಿ ನಿಮ್ಮ Apple ಖಾತೆಗೆ ನೀವು ಸೈನ್ ಇನ್ ಮಾಡಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ನಿಮ್ಮ ಹೆಸರನ್ನು ಟ್ಯಾಪ್ ಮಾಡಿ, iCloud ಅನ್ನು ಟ್ಯಾಪ್ ಮಾಡಿ, ನಂತರ ಫೋಟೋಸ್ ಎಂಬುದನ್ನು ಟ್ಯಾಪ್ ಮಾಡಿ.

  3. ಹಂಚಿಕೊಂಡ ಆಲ್ಬಮ್‌ಗಳು ಎಂಬುದನ್ನು ಆನ್ ಮಾಡಿ.

ಹಂಚಿಕೊಳ್ಳಲಾದ ಆಲ್ಬಮ್ ಅನ್ನು ರಚಿಸಿ

  1. ನಿಮ್ಮ iPadನಲ್ಲಿ ಫೋಟೋಸ್ ಆ್ಯಪ್‌ಗೆ ಹೋಗಿ.

  2. ಸಂಗ್ರಹಗಳು ಎಂಬುದನ್ನು ಟ್ಯಾಪ್ ಮಾಡಿ.

  3. ಆಲ್ಬಮ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಹಂಚಿಕೊಂಡಿರುವುದು ಎಂಬುದನ್ನು ಟ್ಯಾಪ್ ಮಾಡಿ.

  4. ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳನ್ನು ಮಾಡಿ:

    • ಆಲ್ಬಮ್‌ಗೆ ಫೋಟೋಗಳು ಮತ್ತು ವೀಡಿಯೊಗಳನ್ನು ಸೇರಿಸಿ: ಫೋಟೋಗಳನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನೀವು ಸೇರಿಸಲು ಬಯಸುವ ಐಟಮ್‌ಗಳನ್ನು ಆಯ್ಕೆಮಾಡಿ, ನಂತರ ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

    • ಆಲ್ಬಮ್‌ಗೆ ಹೆಸರಿಸಿ: ಹಂಚಿಕೊಂಡ ಆಲ್ಬಮ್ ಹೆಸರು ಪಠ್ಯದ ಫೀಲ್ಡ್‌ನಲ್ಲಿ ಹೆಸರನ್ನು ಟೈಪ್ ಮಾಡಿ.

    • ಸೇರಿಕೊಳ್ಳಲು ಜನರನ್ನು ಆಹ್ವಾನಿಸಿ: ಭಾಗವಹಿಸುವವರನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನೀವು ಸೇರಿಸಲು ಬಯಸುವ ಸಂಪರ್ಕದ ಹೆಸರನ್ನು ನಮೂದಿಸಿ ಅಥವಾ ಸ್ವೀಕೃತದಾರರ Apple ಖಾತೆಗೆ ಸಂಬಂಧಿಸಿದ ಈಮೇಲ್ ವಿಳಾಸ ಅಥವಾ ಫೋನ್ ಸಂಖ್ಯೆಯನ್ನು ಟೈಪ್ ಮಾಡಿ, ನಂತರ ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ. ಜನರನ್ನು ಆಹ್ವಾನಿಸಿ ಅಥವಾ ತೆಗೆದುಹಾಕಿ ಅನ್ನು ನೋಡಿ.

  5. ರಚಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಹಂಚಿಕೊಳ್ಳಲಾದ ಆಲ್ಬಮ್‌ಗೆ ಸೇರಿಕೊಳ್ಳಿ

ಹಂಚಿಕೊಂಡ ಆಲ್ಬಮ್‌ಗೆ ಸೇರಿಕೊಳ್ಳಲು ನಿಮ್ಮನ್ನು ಆಹ್ವಾನಿಸಿದಾಗ, ನಿಮ್ಮ iPad ಸ್ಕ್ರೀನ್‌ನಲ್ಲಿ ನೋಟಿಫಿಕೇಷನ್ ಕಾಣಿಸಿಕೊಳ್ಳುತ್ತದೆ.

ನೋಟಿಫಿಕೇಷನ್ ಅನ್ನು ಟ್ಯಾಪ್ ಮಾಡಿ, ನಂತರ ಫೋಟೋಸ್ ಆ್ಯಪ್‌ನ ಆಲ್ಬಮ್‌ನಲ್ಲಿರುವ ಸಮ್ಮತಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ನೋಟಿಫಿಕೇಷನ್ ಅನ್ನು ಟ್ಯಾಪ್ ಮಾಡುವ ಮೂಲಕ ನೀವು ಹಂಚಿಕೊಂಡ ಆಲ್ಬಮ್‌ಗೆ ಸೇರಿಕೊಳ್ಳಲು ಆಗದಿದ್ದರೆ, ನೀವು ಈ ಕೆಳಗಿನವುಗಳನ್ನು ಸಹ ಮಾಡಬಹುದು:

  1. ನಿಮ್ಮ iPadನಲ್ಲಿ ಫೋಟೋಸ್ ಆ್ಯಪ್‌ಗೆ ಹೋಗಿ.

  2. ಸಂಗ್ರಹಗಳು ಎಂಬುದನ್ನು ಟ್ಯಾಪ್ ಮಾಡಿ.

  3. ಆಲ್ಬಮ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ಚಟುವಟಿಕೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸಮ್ಮತಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಗಮನಿಸಿ: ಹಂಚಿಕೊಂಡ ಆಲ್ಬಮ್‌ಗೆ ಸೇರಿಕೊಳ್ಳುವ ಆಹ್ವಾನವನ್ನು ಸಬ್‌ಸ್ಕ್ರೈಬರ್ ಸಮ್ಮತಿಸಿದಾಗ, ಆ ಆಲ್ಬಮ್ ಅನ್ನು ರಚಿಸಿದ ವ್ಯಕ್ತಿಯು ನೋಟಿಫಿಕೇಷನ್ ಅನ್ನು ಸ್ವೀಕರಿಸುತ್ತಾರೆ.

ಹಂಚಿಕೊಂಡ ಆಲ್ಬಮ್‌ಗಳನ್ನು ನೋಡುವುದು

ನಿಮ್ಮ ಎಲ್ಲಾ ಹಂಚಿಕೊಂಡ ಆಲ್ಬಮ್‌ಗಳನ್ನು ನೀವು ಒಂದೇ ಸ್ಥಳದಲ್ಲಿ ನೋಡಬಹುದು.

  1. ನಿಮ್ಮ iPadನಲ್ಲಿ ಫೋಟೋಸ್ ಆ್ಯಪ್‌ಗೆ ಹೋಗಿ.

  2. ಸಂಗ್ರಹಗಳು ಎಂಬುದನ್ನು ಟ್ಯಾಪ್ ಮಾಡಿ.

  3. ನಿಮ್ಮ ಎಲ್ಲಾ ಹಂಚಿಕೊಂಡ ಆಲ್ಬಮ್‌ಗಳನ್ನು ನೋಡಲು ಹಂಚಿಕೊಂಡ ಆಲ್ಬಮ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಆಲ್ಬಮ್ ಅನ್ನು ನೋಡಲು ಅದರ ಮೇಲೆ ಟ್ಯಾಪ್ ಮಾಡಿ.

    ಸಲಹೆ: ಹೊಸ ಫೋಟೋಗಳು ಮತ್ತು ಕಾಮೆಂಟ್‌ಗಳಂತಹ ನಿಮ್ಮ ಹಂಚಿಕೊಂಡ ಆಲ್ಬಮ್‌ಗಳ ಅಪ್‌ಡೇಟ್‌ಗಳನ್ನು ನೋಡಲು ಚಟುವಟಿಕೆ ಎಂಬುದನ್ನು ಟ್ಯಾಪ್ ಮಾಡಿ.

ಹಂಚಿಕೊಂಡ ಆಲ್ಬಮ್ ಅನ್ನು ಮರುಹೆಸರಿಸಿ

ಹಂಚಿಕೊಂಡ ಆಲ್ಬಮ್ ಅನ್ನು ರಚಿಸಿದವರು ಅದರ ಹೆಸರನ್ನು ಬದಲಾಯಿಸಬಹುದು.

  1. ನಿಮ್ಮ iPadನಲ್ಲಿ ಫೋಟೋಸ್ ಆ್ಯಪ್‌ಗೆ ಹೋಗಿ.

  2. ಸಂಗ್ರಹಗಳು ಎಂಬುದನ್ನು ಟ್ಯಾಪ್ ಮಾಡಿ.

  3. ಹಂಚಿಕೊಂಡ ಆಲ್ಬಮ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಆಲ್ಬಮ್ ಒಂದನ್ನು ಟ್ಯಾಪ್ ಮಾಡಿ.

  4. ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಆಲ್ಬಮ್ ಹೆಸರನ್ನು ಟ್ಯಾಪ್ ಮಾಡಿ.

  5. ಪಠ್ಯ ಫೀಲ್ಡ್‌ನಲ್ಲಿ ಹೊಸ ಹೆಸರನ್ನು ನಮೂದಿಸಿ, ನಂತರ ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

ಹಂಚಿಕೊಂಡ ಆಲ್ಬಮ್ ಅನ್ನು ನೀವೇ ಡಿಲೀಟ್ ಮಾಡಬಹುದು ಅಥವಾ ತೆಗೆದುಹಾಕಬಹುದು

  1. ನಿಮ್ಮ iPadನಲ್ಲಿ ಫೋಟೋಸ್ ಆ್ಯಪ್‌ಗೆ ಹೋಗಿ.

  2. ಸಂಗ್ರಹಗಳು ಎಂಬುದನ್ನು ಟ್ಯಾಪ್ ಮಾಡಿ.

  3. ಹಂಚಿಕೊಂಡ ಆಲ್ಬಮ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಆಲ್ಬಮ್ ಒಂದನ್ನು ಟ್ಯಾಪ್ ಮಾಡಿ.

  4. ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ನೀವು ಆಲ್ಬಮ್ ಅನ್ನು ರಚಿಸಿದ್ದರೆ ‘ಹಂಚಿಕೊಂಡ ಆಲ್ಬಮ್ ಅನ್ನು ಡಿಲೀಟ್ ಮಾಡಿ’ ಎಂಬುದನ್ನು ಟ್ಯಾಪ್ ಮಾಡಿ ಅಥವಾ ನೀವು ಸಬ್‌ಸ್ಕ್ರೈಬರ್ ಆಗಿದ್ದರೆ ‘ಅನ್‌ಸಬ್‌ಸ್ಕ್ರೈಬ್ ಮಾಡಿ’ ಎಂಬುದನ್ನು ಟ್ಯಾಪ್ ಮಾಡಿ.

ಹಂಚಿಕೊಂಡ ಆಲ್ಬಮ್ ಅನ್ನು ಡಿಲೀಟ್ ಮಾಡಿದರೂ ಅಥವಾ ಆಲ್ಬಮ್ ರಚಿಸಿದ ವ್ಯಕ್ತಿ ಅದನ್ನು ಹಂಚಿಕೊಳ್ಳುವುದನ್ನು ನಿಲ್ಲಿಸಿದರೂ ಸಹ, ಹಂಚಿಕೊಂಡ ಆಲ್ಬಮ್‌ನಿಂದ ನಿಮ್ಮ ಫೋಟೋ ಲೈಬ್ರರಿಗೆ ನೀವು ಸೇವ್ ಮಾಡಿದ ಅಥವಾ ಡೌನ್‌ಲೋಡ್ ಮಾಡಿದ ಫೋಟೋಗಳು, ನಿಮ್ಮ ಲೈಬ್ರರಿಯಲ್ಲಿ ಉಳಿಯುತ್ತವೆ. ಹಂಚಿಕೊಂಡ ಆಲ್ಬಮ್‌ನಿಂದ ಫೋಟೋಗಳು ಮತ್ತು ವೀಡಿಯೊಗಳನ್ನು ನಿಮ್ಮ ಫೋಟೋ ಲೈಬ್ರರಿಯಲ್ಲಿ ಸೇವ್ ಮಾಡಿ ಅನ್ನು ನೋಡಿ.

ಇದನ್ನು ಸಹ ನೋಡಿiPadನಲ್ಲಿನ ಫೋಟೋಸ್ ಆ್ಯಪ್‌ನಲ್ಲಿರುವ ಹಂಚಿಕೊಂಡ ಆಲ್ಬಮ್‌ಗೆ ಜನರನ್ನು ಸೇರಿಸುವುದು ಮತ್ತು ತೆಗೆದುಹಾಕುವುದುiPadನಲ್ಲಿನ ಹಂಚಿಕೊಂಡ ಆಲ್ಬಮ್‌ಗೆ ಫೋಟೋಗಳು ಮತ್ತು ವೀಡಿಯೊಗಳನ್ನು ಸೇರಿಸುವುದು ಮತ್ತು ಡಿಲೀಟ್ ಮಾಡುವುದುiPadನಲ್ಲಿ ಫೋಟೋಗಳು ಮತ್ತು ವೀಡಿಯೊಗಳನ್ನು ಹಂಚಿಕೊಳ್ಳುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.