iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿನ ಟಿಪ್ಪಣಿ ಆ್ಯಪ್ ಬಳಕೆಯನ್ನು ಪ್ರಾರಂಭಿಸುವುದು

ನಿಮ್ಮ ಆಲೋಚನೆಗಳನ್ನು ತ್ವರಿತವಾಗಿ ಸೆರೆಹಿಡಿಯಲು ಟಿಪ್ಪಣಿಗಳ ಆ್ಯಪ್ ಅನ್ನು ಬಳಸಿ. ನೀವು ಚಿತ್ರಗಳು ಮತ್ತು ಸ್ಕೆಚ್‌ಗಳನ್ನು ಸೇರಿಸಬಹುದು, ಸಮೀಕರಣಗಳನ್ನು ಪರಿಹರಿಸಬಹುದು, ಚೆಕ್‌ಲಿಸ್ಟ್‌ಗಳನ್ನು ರಚಿಸಬಹುದು ಮತ್ತು ಡಾಕ್ಯುಮಂಟ್‌ಗಳನ್ನು ಸ್ಕ್ಯಾನ್ ಮಾಡಬಹುದು. ಮತ್ತು iCloud ಮೂಲಕ, ನೀವು ಎಲ್ಲಿಗೆ ಹೋದರೂ ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಟಿಪ್ಪಣಿಗಳು ಅಪ್ ಟು ಡೇಟ್ ಆಗಿರುತ್ತವೆ.

ತರಗತಿಯ ಬ್ರೈನ್‌ಸ್ಟಾರ್ಮ್‌ಗಾಗಿ #school ಮತ್ತು #kine210 ರೀತಿಯ ಟ್ಯಾಗ್‌ಗಳನ್ನು ಹೊಂದಿರುವ ಒಂದು ಟಿಪ್ಪಣಿ. ಟಿಪ್ಪಣಿಯು ಬಾಕ್ಸ್ ಉಸಿರಾಟ ವ್ಯಾಯಾಮದ, ಕೈಬರಹದ ರೇಖಾಚಿತ್ರವನ್ನು ತೋರಿಸುತ್ತಿದ್ದು, ಅದು ನಾಲ್ಕು ಹಂತದ ಉಸಿರಾಟದ ಆವರ್ತನವನ್ನು ವಿವರಿಸುತ್ತಿದೆ.

ಅದನ್ನು ಬರೆದಿಟ್ಟುಕೊಳ್ಳಿ

ಹೊಸ ಟಿಪ್ಪಣಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ ಪಠ್ಯವನ್ನು ನಮೂದಿಸಿ.

ಐ‌ಸ್‌ಲ್ಯಾಂಡ್‌ನ ನಕ್ಷೆಯ ಮೇಲೆ ವಿಂಡೋದ ಓವರ್‌ಲೇನಲ್ಲಿ ತ್ವರಿತ ಟಿಪ್ಪಣಿ. ಟಿಪ್ಪಣಿಯು ಪಠ್ಯ ಮತ್ತು ನಕ್ಷೆಗೆ ಲಿಂಕ್ ಮಾಡಲು ಆಯ್ಕೆಯನ್ನು ಹೊಂದಿದೆ.

ಎಲ್ಲಿಯಾದರೂ ತ್ವರಿತ ಟಿಪ್ಪಣಿಗಳನ್ನು ತೆಗೆದುಕೊಳ್ಳಿ

ಯಾವುದೇ ಆ್ಯಪ್ ಅಥವಾ ಸ್ಕ್ರೀನ್‌ನಿಂದ ಮಾಹಿತಿಯನ್ನು ಬರೆಯಲು ತ್ವರಿತ ಟಿಪ್ಪಣಿಗಳನ್ನು ಬಳಸಿ. ಹಂಚಿಕೊಳ್ಳಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ತ್ವರಿತ ಟಿಪ್ಪಣಿಗೆ ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ ಅಥವಾ Apple Pencil ಅನ್ನು ಬಳಸಿಕೊಂಡು ಡಿಸ್‌ಪ್ಲೇಯ ಕೆಳಗಿನ ಬಲ ಮೂಲೆಯಿಂದ ಮೇಲಕ್ಕೆ ಸ್ವೈಪ್ ಮಾಡಿ. ಚಿತ್ರಗಳು, ಕೈಬರಹ, ಲಿಂಕ್‌ಗಳು ಮತ್ತು ಇನ್ನೂ ಹೆಚ್ಚಿನವುಗಳನ್ನು ಸೇರಿಸಿ.

ಡಾಕ್ಯುಮಂಟ್ ಸ್ಕ್ಯಾನ್ ಆಗುತ್ತಿರುವುದನ್ನು ತೋರಿಸುತ್ತಿರುವ ಸ್ಕ್ರೀನ್. ಪಿಕ್ಚರ್ ಅನ್ನು ತೆಗೆದುಕೊಳ್ಳಿ ಎಂಬ ಬಟನ್ ಸ್ಕ್ರೀನ್‌ನ ಬಲಭಾಗದಲ್ಲಿದೆ.

ಬಹುತೇಕ ಯಾವುದನ್ನಾದರೂ ಸೇರಿಸಿ

ನೀವು ಡಾಕ್ಯುಮಂಟ್‌ಗಳನ್ನು ಸ್ಕ್ಯಾನ್ ಮಾಡಬಹುದು, ಆಡಿಯೊವನ್ನು ರೆಕಾರ್ಡ್ ಮಾಡಬಹುದು, ಫೋಟೋಗಳನ್ನು ತೆಗೆದುಕೊಳ್ಳಬಹುದು ಹಾಗೂ ಮುಂತಾದವುಗಳನ್ನು ಮಾಡಬಹುದು. ಅಟ್ಯಾಚ್‌ಮೆಂಟ್‌ಗಳ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಒಂದು ಆಯ್ಕೆಯನ್ನು ಆರಿಸಿ.

ಸ್ಕ್ರೀನ್‌ನ ಕೆಳಭಾಗದಲ್ಲಿರುವ ಟಿಪ್ಪಣಿಗಳು ರೇಖಾಚಿತ್ರ ಮತ್ತು ಮಾರ್ಕಪ್ ಟೂಲ್‌ಗಳನ್ನು ತೋರಿಸುತ್ತವೆ.

ನಿಮ್ಮ ಆಲೋಚನೆಗಳನ್ನು ಸ್ಕೆಚ್ ಮಾಡಿ

ಕೈಬರಹದ ಟೂಲ್‌ಗಳ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ Apple Pencil ಅಥವಾ ನಿಮ್ಮ ಬೆರಳಿನಿಂದ ಚಿತ್ರಿಸಿ ಅಥವಾ ಬರೆಯಿರಿ. ನೀವು ವಿವಿಧ ಮಾರ್ಕಪ್ ಟೂಲ್‌ಗಳು ಮತ್ತು ಬಣ್ಣಗಳಿಂದ ಆಯ್ಕೆ ಮಾಡಬಹುದು ಮತ್ತು ರೂಲರ್‌ನೊಂದಿಗೆ ನೇರ ರೇಖೆಗಳನ್ನು ಎಳೆಯಬಹುದು.

ಹಂಚಿಕೆ ಆಯ್ಕೆಗಳನ್ನು ತೋರಿಸುವ ಓವರ್‌ಲೇ ಹೊಂದಿರುವ ಟಿಪ್ಪಣಿ.

ಕೊಲಾಬೊರೇಟ್ ಮಾಡಲು ಇತರರನ್ನು ಆಹ್ವಾನಿಸಿ

ಹಂಚಿಕೊಳ್ಳಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಹಂಚಿಕೆ ಆಯ್ಕೆಯನ್ನು ಆರಿಸಿ. ನೀವು ಅದನ್ನು ಹಂಚಿಕೊಳ್ಳುವ ಜನರು ಟಿಪ್ಪಣಿಯನ್ನು ವೀಕ್ಷಿಸಬಹುದು ಅಥವಾ ಬದಲಾಯಿಸಬಹುದು.

ಇನ್ನಷ್ಟು ತಿಳಿದುಕೊಳ್ಳಲು ಬಯಸುವಿರಾ?

ನಿಮ್ಮ ಭಾಷೆ ಮತ್ತು ದೇಶ ಅಥವಾ ಪ್ರದೇಶವನ್ನು ಆಧರಿಸಿ ಟಿಪ್ಪಣಿಗಳ ಫೀಚರ್‌ಗಳ ಲಭ್ಯತೆ ಬದಲಾಗಬಹುದು.
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.