iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

ನಿಮ್ಮ iPad ಅನ್ನು ಹುಡುಕಿ ಆ್ಯಪ್‌ಗೆ ಸೇರಿಸುವುದು

ಕಳೆದುಹೋದ iPad ಅನ್ನು ಪತ್ತೆಹಚ್ಚಲು ನೀವು ಹುಡುಕಿ ಆ್ಯಪ್ ಅನ್ನು ಬಳಸುವ ಮೊದಲು, ನಿಮ್ಮ ಸಾಧನವನ್ನು ನಿಮ್ಮ Apple ಖಾತೆಗೆ ಕನೆಕ್ಟ್ ಮಾಡಬೇಕಾಗುತ್ತದೆ.

ನಿಮ್ಮ iPad ಅನ್ನು ಹುಡುಕಿ ಆ್ಯಪ್‌ಗೆ ಸೇರಿಸಿದಾಗ, ನೀವು ಅದನ್ನು ಬಿಟ್ಟುಹೋದರೆ ಸಹ ನಿಮಗೆ ಸೂಚನೆ ದೊರೆಯಬಹುದು. ನೀವು ಸಾಧನವನ್ನು ಬಿಟ್ಟುಹೋದರೆ ನಿಮಗೆ ಅಲರ್ಟ್ ಮಾಡುವಂತೆ iPadನಲ್ಲಿನ ಹುಡುಕಿ ಆ್ಯಪ್‌ನಲ್ಲಿ ಸೆಪರೇಶನ್ ಅಲರ್ಟ್‌ಗಳನ್ನು ಸೆಟ್ ಮಾಡುವುದು ಅನ್ನು ನೋಡಿ.

ನಿಮ್ಮ iPad ಅನ್ನು ಸೇರಿಸುವುದು

  1. ಸೆಟ್ಟಿಂಗ್ಸ್  > [ನಿಮ್ಮ ಹೆಸರು] > ನಿಮ್ಮ iPadನಲ್ಲಿ ಹುಡುಕಿ ಎಂಬಲ್ಲಿಗೆ ಹೋಗಿ.

    ನಿಮಗೆ ಸೈನ್ ಇನ್ ಮಾಡಲು ಹೇಳಿದರೆ, ನಿಮ್ಮ Apple ಖಾತೆಯ ಮಾಹಿತಿಯನ್ನು ನಮೂದಿಸಿ. ನೀವು Apple ಖಾತೆಯನ್ನು ಹೊಂದಿಲ್ಲದಿದ್ದರೆ, “Apple ಖಾತೆಯನ್ನು ಹೊಂದಿಲ್ಲವೇ ಅಥವಾ ಅದನ್ನು ಮರೆತಿದ್ದೀರಾ?” ಎಂಬುದನ್ನು ಟ್ಯಾಪ್ ಮಾಡಿ ನಂತರ ಸೂಚನೆಗಳನ್ನು ಅನುಸರಿಸಿ.

  2. ನನ್ನ iPad ಹುಡುಕಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನನ್ನ iPad ಹುಡುಕಿ ಎಂಬುದನ್ನು ಆನ್ ಮಾಡಿ.

  3. ನೀವು ಈ ಕೆಳಗಿನವುಗಳಲ್ಲಿ ಒಂದನ್ನು ಆನ್ ಅಥವಾ ಆಫ್ ಸಹ ಮಾಡಬಹುದು:

    • ನನ್ನ ನೆಟ್‌ವರ್ಕ್ ಹುಡುಕಿ: ನಿಮ್ಮ ಸಾಧನವು ಆಫ್‌ಲೈನ್‌ನಲ್ಲಿದ್ದರೆ (Wi-Fi ಅಥವಾ ಮೊಬೈಲ್ ನೆಟ್‌ವರ್ಕ್‌ಗೆ ಕನೆಕ್ಟ್ ಆಗಿರದಿದ್ದರೆ), ಹುಡುಕಿ ಆ್ಯಪ್ ನೆಟ್‌ವರ್ಕ್ ಬಳಸಿ ಹುಡುಕಿ ಆ್ಯಪ್ ಅದನ್ನು ಪತ್ತೆಮಾಡಬಲ್ಲದು.

    • ಕೊನೆಯ ಸ್ಥಳವನ್ನು ಕಳುಹಿಸಿ: ನಿಮ್ಮ ಸಾಧನದ ಬ್ಯಾಟರಿ ಚಾರ್ಜ್‌ನ ಮಟ್ಟವು ತುಂಬಾ ಕಡಿಮೆಯಾಗಿದ್ದರೆ, ಅದರ ಸ್ಥಳವನ್ನು Appleಗೆ ಸ್ವಯಂಚಾಲಿತವಾಗಿ ಕಳುಹಿಸಲಾಗುತ್ತದೆ.

ನಿಮ್ಮ iPadನಲ್ಲಿ ಸಕ್ರಿಯಗೊಳಿಸುವಿಕೆ ಲಾಕ್ ಎಂಬ ಫೀಚರ್ ಸಹ ಇದ್ದು, ನಿಮ್ಮ ಸಾಧನವನ್ನು ಸಂಪೂರ್ಣವಾಗಿ ಅಳಿಸಿ ಹಾಕಿದರೂ ಅದನ್ನು ಯಾವುದೇ ವ್ಯಕ್ತಿಯು ಸಕ್ರಿಯಗೊಳಿಸದಂತೆ ಮತ್ತು ಬಳಸದಂತೆ ತಡೆಯುತ್ತದೆ. iPhone ಮತ್ತು iPadಗಾಗಿ ಸಕ್ರಿಯಗೊಳಿಸುವಿಕೆ ಲಾಕ್ ಎಂಬ Apple ಬೆಂಬಲ ಲೇಖನವನ್ನು ನೋಡಿ.

ನಿಮ್ಮ Apple Pencil Pro ಅನ್ನು ಸೇರಿಸುವುದು

  1. ನಿಮ್ಮ iPadನಲ್ಲಿ ಹುಡುಕಿ ಆ್ಯಪ್ ಅನ್ನು ತೆರೆಯಿರಿ.

  2. ಸಾಧನಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ Apple Pencil Pro ಅನ್ನು ನಿಮ್ಮ iPadಗೆ ಅಟ್ಯಾಚ್ ಮಾಡಿ.

  3. ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ Apple Pencil ಅನ್ನು ಟ್ಯಾಪ್ ಮಾಡಿ.

  4. ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ.

ಮತ್ತೊಂದು ಸಾಧನವನ್ನು ಸೇರಿಸಿ

ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ನೋಡಿ:

ನಿಮ್ಮ iPad ಅನ್ನು ಬಳಸಿಕೊಂಡು ನೀವು ಹುಡುಕಿ ಆ್ಯಪ್‌ಗೆ AirTags ಮತ್ತು ಇತರೆ ಐಟಮ್‌ಗಳನ್ನು ಕೂಡ ಸೇರಿಸಬಹುದು. ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ನೋಡಿ:

ಕುಟುಂಬದ ಸದಸ್ಯರೊಬ್ಬರ ಸಾಧನವನ್ನು ಸೇರಿಸಿ

ನೀವು ಮೊದಲು ಕುಟುಂಬ ಹಂಚಿಕೆಯನ್ನು ಸೆಟಪ್ ಮಾಡಿದರೆ ನಿಮ್ಮ ಕುಟುಂಬದ ಸದಸ್ಯರ ಸಾಧನಗಳನ್ನು ಹುಡುಕಿ ಆ್ಯಪ್‌ನಲ್ಲಿ ನೀವು ನೋಡಬಹುದು. ಅವರ ಸಾಧನಗಳು, ಸಾಧನಗಳ ಪಟ್ಟಿಯಲ್ಲಿ ನಿಮ್ಮವುಗಳು ಕೆಳಗೆ ಕಾಣಿಸಿಕೊಳ್ಳುತ್ತವೆ. iPadನಲ್ಲಿ ಕುಟುಂಬದ ಸದಸ್ಯರೊಂದಿಗೆ ಸ್ಥಳಗಳನ್ನು ಹಂಚಿಕೊಳ್ಳಿ ಮತ್ತು ಕಳೆದುಹೋಗಿರುವ ಅವರ ಸಾಧನಗಳನ್ನು ಪತ್ತೆಹಚ್ಚಿ ಅನ್ನು ನೋಡಿ.

ನಿಮಗೆ ಹುಡುಕಿ ಆ್ಯಪ್‌ಗೆ ಸ್ನೇಹಿತರ ಸಾಧನಗಳನ್ನು ಸೇರಿಸಲು ಸಾಧ್ಯವಾಗುವುದಿಲ್ಲ. ಸಾಧನವನ್ನು ಕಳೆದುಕೊಂಡ ಸ್ನೇಹಿತರು iCloud.comನಲ್ಲಿ ಸಾಧನಗಳನ್ನು ಹುಡುಕಿ ಎಂಬಲ್ಲಿಗೆ ಹೋಗಬಹುದು ಮತ್ತು ತಮ್ಮ Apple ಖಾತೆಗೆ ಸೈನ್ ಇನ್ ಮಾಡಬಹುದು.

ಇದನ್ನು ಸಹ ನೋಡಿiPadನಲ್ಲಿನ ಹುಡುಕಿ ಆ್ಯಪ್‌ನಲ್ಲಿ ಸಾಧನವೊಂದನ್ನು ಪತ್ತೆಹಚ್ಚುವುದುiPadನಲ್ಲಿನ ಹುಡುಕಿ ಆ್ಯಪ್‌ನಲ್ಲಿ ಸಾಧನವೊಂದನ್ನು ಕಳೆದುಹೋಗಿದೆ ಎಂದು ಗುರುತು ಮಾಡುವುದುiPadನಲ್ಲಿನ ಹುಡುಕಿ ಆ್ಯಪ್‌ನಿಂದ ಸಾಧನವೊಂದನ್ನು ತೆಗೆದುಹಾಕುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.