iPadನಲ್ಲಿ ಈಮೇಲ್ ಖಾತೆಗಳನ್ನು ಸೇರಿಸುವುದು ಮತ್ತು ತೆಗೆದುಹಾಕುವುದು

Mail ಆ್ಯಪ್ ಅನ್ನು ಬಳಸಿ ಈಮೇಲ್ ಅನ್ನು‌ ಕಳುಹಿಸಲು ಮತ್ತು ಸ್ವೀಕರಿಸಲು, ನೀವು ಬಳಸಲು ಬಯಸುವ ಈಮೇಲ್‌ ಖಾತೆಗಳನ್ನು ನೀವು ಸೇರಿಸಬೇಕಾಗುತ್ತದೆ. ನೀವು Mail ಆ್ಯಪ್ ಅನ್ನು ಮೊದಲ ಬಾರಿ ತೆರೆದಾಗ, ಖಾತೆಯೊಂದನ್ನು ಸೆಟಪ್ ಮಾಡಲು ನಿಮಗೆ ಹೇಳಲಾಗುತ್ತದೆ. ಯಾವುದೇ ಸಮಯದಲ್ಲಿ, ನಿಮ್ಮ iPadಗೆ ನೀವು ಹೆಚ್ಚುವರಿ ಈಮೇಲ್‌ ಖಾತೆಗಳನ್ನು ಸೇರಿಸಬಹುದು ಅಥವಾ ನಿಮಗೆ ಇನ್ನು ಮುಂದೆ ಅಗತ್ಯವಿಲ್ಲದ ಈಮೇಲ್‌ ಖಾತೆಗಳನ್ನು ತೆಗೆದುಹಾಕಬಹುದು.

ಈಮೇಲ್ ಖಾತೆಯೊಂದನ್ನು ಸೇರಿಸುವುದು

ನೀವು ಒಂದು ಅಥವಾ ಹೆಚ್ಚಿನ ಈಮೇಲ್‌ ಖಾತೆಗಳನ್ನು Mail ಆ್ಯಪ್‌ಗೆ ಸೇರಿಸಬಹುದು, ಇದರಿಂದಾಗಿ ನಿಮ್ಮ ಎಲ್ಲಾ ಈಮೇಲ್‌ಗಳನ್ನು ನೀವು ಒಂದೇ ಸ್ಥಳದಲ್ಲಿ ಸ್ವೀಕರಿಸಬಹುದು ಮತ್ತು ನಿಮ್ಮ ಯಾವುದೇ ಖಾತೆಯಿಂದ ಸುಲಭವಾಗಿ ಈಮೇಲ್‌ ಕಳುಹಿಸಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ಆ್ಯಪ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ Mail ಅನ್ನು ಟ್ಯಾಪ್ ಮಾಡಿ.

  3. Mail ಅ್ಯಪ್ ಖಾತೆಗಳನ್ನು ಟ್ಯಾಪ್ ಮಾಡಿ, ನಂತರ ಖಾತೆಯನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  4. ನಿಮ್ಮ ಈಮೇಲ್ ವಿಳಾಸವನ್ನು ನಮೂದಿಸಿ, ಮುಂದಿನದು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ ಈಮೇಲ್ ಖಾತೆಯ ಮಾಹಿತಿಯನ್ನು ನಮೂದಿಸಿ.

ಗಮನಿಸಿ: ನೀವು ಹಲವಾರು ಖಾತೆಗಳನ್ನು ಸೆಟಪ್ ಮಾಡಿದರೆ, ನಿಮ್ಮ ಈಮೇಲ್‌ ಸಂದೇಶವನ್ನು ಕಂಪೋಸ್ ಮಾಡುವಾಗ ನೀವು ಯಾವ ಖಾತೆಯಿಂದ ಕಳುಹಿಸಲು ಬಯಸುತ್ತೀರಿ ಎಂಬುದನ್ನು ನೀವು ಆಯ್ಕೆ ಮಾಡಬಹುದು. ಬೇರೊಂದು ಖಾತೆಯಿಂದ ಈಮೇಲ್ ಅನ್ನು‌ ಕಳುಹಿಸಿ ಅನ್ನು ನೋಡಿ.

ನಿಮ್ಮ ಈಮೇಲ್ ಖಾತೆಗಾಗಿ ಫೆಚ್ ಶೆಡ್ಯೂಲ್ ಅನ್ನು ಸೆಟ್ ಮಾಡುವುದು

ನೀವು ಪುಶ್ ನೋಟಿಫಿಕೇಷನ್ಸ್ ಬೆಂಬಲಿಸದ ಖಾತೆಯನ್ನು ಸೇರಿಸಿದರೆ, ಖಾತೆಯ ಹೊಸ ಈಮೇಲ್‌ಗಳನ್ನು ಪರಿಶೀಲಿಸಲು ನೀವು ವೇಳಾಪಟ್ಟಿಯನ್ನು ಸೆಟ್ ಮಾಡಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ಆ್ಯಪ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ Mail ಅನ್ನು ಟ್ಯಾಪ್ ಮಾಡಿ.

  3. Mail ಅ್ಯಪ್ ಖಾತೆಗಳನ್ನು ಟ್ಯಾಪ್ ಮಾಡಿ, ನಂತರ ಹೊಸ ಡೇಟವನ್ನು ಪಡೆಯಿರಿ ಎಂಬುದನ್ನು ಟ್ಯಾಪ್ ಮಾಡಿ.

  4. ಪಡೆಯಿರಿ ಎಂಬುದರ ಕೆಳಗೆ, ವೇಳಾಪಟ್ಟಿಯನ್ನು ಆಯ್ಕೆಮಾಡಿ.

    ಸ್ವಯಂಚಾಲಿತವಾಗಿ ಎಂಬುದು ಡಿಫಾಲ್ಟ್ ಆಯ್ಕೆಯಾಗಿರುತ್ತದೆ, ಇದರರ್ಥ ನಿಮ್ಮ iPad ಚಾರ್ಜ್ ಆಗುತ್ತಿರುವಾಗ ಮತ್ತು Wi-Fiಗೆ ಕನೆಕ್ಟ್ ಆಗಿರುವಾಗ ಹೊಸ ಡೇಟವನ್ನು ಡೌನ್‌ಲೋಡ್ ಮಾಡಲಾಗುತ್ತದೆ. ಈ ಷರತ್ತುಗಳ ಹೊರತಾಗಿ ಹೆಚ್ಚುಬಾರಿ ಫೆಚ್ ಮಾಡಲು, ಸಮಯ ನಿಗದಿತ ವೇಳಾಪಟ್ಟಿಯನ್ನು ಆರಿಸಿ.

ಈಮೇಲ್‌ ಖಾತೆ ಬಳಸುವುದನ್ನು ತಾತ್ಕಾಲಿಕವಾಗಿ ನಿಲ್ಲಿಸಿ

ನಿಮ್ಮ iPadನಲ್ಲಿನ ಖಾತೆಯಿಂದ ಈಮೇಲ್‌ ಕಳುಹಿಸುವುದನ್ನು ಮತ್ತು ಸ್ವೀಕರಿಸುವುದನ್ನು ನೀವು ತಾತ್ಕಾಲಿಕವಾಗಿ ನಿಲ್ಲಿಸಲು ಬಯಸಿದರೆ, ಅದನ್ನು ಸೆಟ್ಟಿಂಗ್ಸ್ ಆ್ಯಪ್‌ನಲ್ಲಿ ಆಫ್ ಮಾಡಬಹುದು. ನೀವು ಅದನ್ನು ಯಾವುದೇ ಸಮಯದಲ್ಲಿ ಸುಲಭವಾಗಿ ಪುನಃ ಆನ್ ಮಾಡಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ಆ್ಯಪ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ Mail ಅನ್ನು ಟ್ಯಾಪ್ ಮಾಡಿ.

  3. Mail ಖಾತೆಗಳನ್ನು ಟ್ಯಾಪ್ ಮಾಡಿ, ನಂತರ ನೀವು ಆಫ್ ಮಾಡಲು ಬಯಸುವ ಈಮೇಲ್‌ ಖಾತೆಯನ್ನು ಟ್ಯಾಪ್ ಮಾಡಿ.

  4. ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • iCloud ಈಮೇಲ್‌ ಖಾತೆಯನ್ನು ಆಫ್ ಮಾಡಿ: “ಈ iPadನಲ್ಲಿ ಬಳಸಿ” ಎಂಬುದನ್ನು ಆಫ್ ಮಾಡಿ.

    • ಮತ್ತೊಂದು ಈಮೇಲ್‌ ಖಾತೆಯನ್ನು ಆಫ್ ಮಾಡಿ: Mail ಆ್ಯಪ್ ಅನ್ನು ಆಫ್ ಮಾಡಿ.

ಸಲಹೆ: ನಿಮ್ಮ ಆಯ್ಕೆಯ ಸಮಯಗಳಲ್ಲಿ ನಿರ್ದಿಷ್ಟ ಈಮೇಲ್ ಖಾತೆಗಳಿಂದ ಮಾತ್ರ ನೋಟಿಫಿಕೇಷನ್‌ಗಳನ್ನು ಸ್ವೀಕರಿಸಲು ನೀವು ಫೋಕಸ್ ಫಿಲ್ಟರ್‌ಗಳನ್ನು ಬಳಸಬಹುದು. ಉದಾಹರಣೆಗೆ, ವಾರಾಂತ್ಯಗಳಲ್ಲಿ ಅಥವಾ ನೀವು ರಜೆಯಲ್ಲಿದ್ದಾಗ ನಿಮ್ಮ ಕೆಲಸದ ಈಮೇಲ್ ಖಾತೆಯಿಂದ ಬರುವ ನೋಟಿಫಿಕೇಷನ್‌ಗಳನ್ನು ನೀವು ನಿಶ್ಶಬ್ದಗೊಳಿಸಬಹುದು. iPadನಲ್ಲಿ ಫೋಕಸ್ ಅನ್ನು ಸೆಟಪ್ ಮಾಡುವುದು ಅನ್ನು ನೋಡಿ.

ಈಮೇಲ್‌ ಖಾತೆಯೊಂದನ್ನು ಡಿಲೀಟ್ ಮಾಡಿ

ನೀವು ಈಮೇಲ್ ಖಾತೆಯೊಂದನ್ನು Mail ಆ್ಯಪ್‌ನಿಂದ ಮತ್ತು ನಿಮ್ಮ iPadನಲ್ಲಿ ಅದನ್ನು ಬಳಸುವ ಎಲ್ಲಾ ಆ್ಯಪ್‌ಗಳಿಂದ ತೆಗೆದುಹಾಕಬಹುದು.

ಗಮನಿಸಿ: ಈ ಕ್ರಿಯೆಯಿಂದ ಈಮೇಲ್‌ ಖಾತೆಯು ರದ್ದಾಗುವುದಿಲ್ಲ; ಇದು ಕೇವಲ ನಿಮ್ಮ iPadನಿಂದ ಅದನ್ನು ತೆಗೆದುಹಾಕುತ್ತದೆ. ಖಾತೆಯನ್ನು ಸಂಪೂರ್ಣವಾಗಿ ಮುಚ್ಚಲು, ನಿಮ್ಮ ಈಮೇಲ್‌ ಖಾತೆ ಪೂರೈಕೆದಾರರನ್ನು ಭೇಟಿ ನೀಡಿ.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ಆ್ಯಪ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ Mail ಅನ್ನು ಟ್ಯಾಪ್ ಮಾಡಿ.

  3. Mail ಖಾತೆಗಳನ್ನು ಟ್ಯಾಪ್ ಮಾಡಿ, ನಂತರ ನೀವು ತೆಗೆದುಹಾಕಲು ಬಯಸುವ ಈಮೇಲ್ ಖಾತೆಯನ್ನು ಟ್ಯಾಪ್ ಮಾಡಿ.

  4. ಸೈನ್ ಔಟ್ ಮಾಡಿ ಅಥವಾ ಖಾತೆಯನ್ನು ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

    ಗಮನಿಸಿ: ನೀವು ನಂತರ ನಿಮ್ಮ ಮನಸ್ಸನ್ನು ಬದಲಾಯಿಸಿದರೆ, ‌ನಿಮ್ಮ iPadಗೆ ನೀವು ಈಮೇಲ್ ಅನ್ನು ಮರಳಿ ಸೇರಿಸಬಹುದು. ಈಮೇಲ್ ಖಾತೆಯನ್ನು ಸೇರಿಸಿ ಎಂಬಲ್ಲಿರುವ ಹಂತಗಳನ್ನು ಅನುಸರಿಸಿ.

Mail ಆ್ಯಪ್ ಅನ್ನು ನಿಮ್ಮ ಹೋಮ್ ಸ್ಕ್ರೀನ್‌ಗೆ ಮರಳಿ ಸೇರಿಸುವುದು

ನಿಮ್ಮ ಹೋಮ್ ಸ್ಕ್ರೀನ್‌ನಲ್ಲಿ ನಿಮಗೆ Mail ಆ್ಯಪ್ ಕಾಣದಿದ್ದರೆ, ನೀವು ಅದನ್ನು ಆ್ಯಪ್ ಲೈಬ್ರರಿಯಲ್ಲಿ ಕಾಣಬಹುದು ಮತ್ತು ಅದನ್ನು ಪುನಃ ಸೇರಿಸಬಹುದು.

  1. ಹೋಮ್ ಸ್ಕ್ರೀನ್‌ನಲ್ಲಿ, ನಿಮಗೆ ಆ್ಯಪ್ ಲೈಬ್ರರಿ ಕಾಣಿಸುವವರೆಗೆ ಎಡಕ್ಕೆ ಸ್ವೈಪ್ ಮಾಡಿ.

  2. ಹುಡುಕಾಟದ ಫೀಲ್ಡ್‌ನಲ್ಲಿ "Mail" ಎಂದು ನಮೂದಿಸಿ.

  3. Mail ಆ್ಯಪ್ ಐಕಾನ್ ಅನ್ನು ಒತ್ತಿ ಹಿಡಿಯಿರಿ, ನಂತರ ಹೋಮ್ ಸ್ಕ್ರೀನ್‌ಗೆ ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ನಿಮ್ಮ ಹೋಮ್ ಸ್ಕ್ರೀನ್ ಅನ್ನು ನಿಮಗೆ ಸರಿಹೊಂದುವಂತೆ ಮರುಹೊಂದಿಸಲು, ಆ್ಯಪ್‌ಗಳು ಮತ್ತು ವಿಜೆಟ್‌ಗಳನ್ನು ಅತ್ತಿತ್ತ ಮೂವ್ ಮಾಡಿ ಎಂಬುದನ್ನು ನೋಡಿ.

ಇದನ್ನು ಸಹ ನೋಡಿiPadನಲ್ಲಿನ Mail ಆ್ಯಪ್‌ನಲ್ಲಿ ನಿಮ್ಮ ಈಮೇಲ್‌ ಅನ್ನು ಪರಿಶೀಲಿಸುವುದುiPadನಲ್ಲಿನ Mail ಆ್ಯಪ್ ಮೂಲಕ ಈಮೇಲ್‌ ಅನ್ನು ಕಳುಹಿಸುವುದುiPadನಲ್ಲಿ iCloud Mailನೊಂದಿಗೆ ಕಸ್ಟಮ್ ಈಮೇಲ್‌ ಡೊಮೇನ್ ಅನ್ನು ಸೆಟಪ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.