iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿ ನೋಟಿಫಿಕೇಷನ್ ಸೆಟ್ಟಿಂಗ್ಸ್ ಅನ್ನು ಬದಲಾಯಿಸುವುದು

ನೋಟಿಫಿಕೇಷನ್‌ಗಳು ಯಾವಾಗ ಮತ್ತು ಹೇಗೆ ಕಾಣಿಸಿಕೊಳ್ಳಬೇಕು, ಯಾವ ಆ್ಯಪ್‌ಗಳು ಅವುಗಳನ್ನು ಕಳುಹಿಸಬಹುದು ಮತ್ತು ಅವು ಯಾವ ಸೌಂಡ್‌ಗಳನ್ನು ಮಾಡುತ್ತವೆ ಎಂಬುದನ್ನು ಆಯ್ಕೆಮಾಡಿ. ನೀವು ಸ್ಥಳ ಆಧಾರಿತ ಅಲರ್ಟ್‌ಗಳನ್ನು ಸಹ ಸೆಟಪ್ ಮಾಡಬಹುದು. ಹಲವು ನೋಟಿಫಿಕೇಷನ್ ಸೆಟ್ಟಿಂಗ್‌ಗಳು ಎಲ್ಲಾ ಆ್ಯಪ್ ನೋಟಿಫಿಕೇಷನ್‌ಗಳಿಗೆ ಅನ್ವಯಿಸುತ್ತವೆ, ಆದರೆ ಇತರ ನೋಟಿಫಿಕೇಷನ್ ಸೆಟ್ಟಿಂಗ್ಸ್ ಅನ್ನು ಆ್ಯಪ್‌ಗಳಿಗೆ ಪ್ರತ್ಯೇಕವಾಗಿ ಕಸ್ಟಮೈಸ್ ಮಾಡಬಹುದು.

ನೋಟಿಫಿಕೇಷನ್‌ಗಳ ನೋಟವನ್ನು ಬದಲಾಯಿಸಿ

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ನೋಟಿಫಿಕೇಷನ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನಿಮಗೆ ಲಾಕ್ ಸ್ಕ್ರೀನ್‌ನಲ್ಲಿ ನೋಟಿಫಿಕೇಷನ್‌ಗಳು ಹೇಗೆ ಕಾಣಬೇಕು ಎಂಬುದನ್ನು ಆರಿಸಿ:

    • ಕೇವಲ ನೋಟಿಫಿಕೇಷನ್‌ಗಳ ಸಂಖ್ಯೆಯನ್ನು ವೀಕ್ಷಿಸಿ: ಎಣಿಕೆ ಎಂಬುದನ್ನು ಟ್ಯಾಪ್ ಮಾಡಿ.

    • ಆ್ಯಪ್‌ನ ಪ್ರಕಾರ ಸ್ಟ್ಯಾಕ್‌ಗಳಾಗಿ ಗುಂಪು ಮಾಡಲಾದ ನೋಟಿಫಿಕೇಷನ್‌ಗಳನ್ನು ವೀಕ್ಷಿಸಿ: ಸ್ಟ್ಯಾಕ್ ಎಂಬುದನ್ನು ಟ್ಯಾಪ್ ಮಾಡಿ.

    • ನೋಟಿಫಿಕೇಷನ್‌ಗಳನ್ನು ಪಟ್ಟಿಯಲ್ಲಿ ವೀಕ್ಷಿಸಿ: ಪಟ್ಟಿ ಎಂಬುದನ್ನು ಟ್ಯಾಪ್ ಮಾಡಿ.

    ನೋಟಿಫಿಕೇಷನ್‌ಗಳು ಬಂದಾಗ, ನೀವು ಲಾಕ್ ಸ್ಕ್ರೀನ್‌ನಲ್ಲಿ ನೋಟಿಫಿಕೇಷನ್‌ಗಳನ್ನು ಪಿಂಚ್ ಮಾಡುವ ಮೂಲಕ ಲೇಔಟ್ ಅನ್ನು ಬದಲಾಯಿಸಬಹುದು.

ಆ್ಯಪ್‌ಗೆ ನೋಟಿಫಿಕೇಷನ್‌ಗಳನ್ನು ಆಫ್ ಮಾಡಲು, ಸೆಟ್ಟಿಂಗ್ಸ್  > ನೋಟಿಫಿಕೇಷನ್ಸ್ ಎಂಬಲ್ಲಿಗೆ ಹೋಗಿ, ಆ್ಯಪ್ ಅನ್ನು ಟ್ಯಾಪ್ ಮಾಡಿ, ನಂತರ ನೋಟಿಫಿಕೇಷನ್‌ಗಳನ್ನು ಅನುಮತಿಸಿ ಎಂಬುದನ್ನು ಆಫ್ ಮಾಡಿ.

ಲಾಕ್ ಸ್ಕ್ರೀನ್‌ನಲ್ಲಿ ನೋಟಿಫಿಕೇಷನ್ ಪ್ರಿವ್ಯೂಗಳು ಕಾಣಿಸಿಕೊಳ್ಳುವುದನ್ನು ತಡೆಯುವುದು

ನಿಮ್ಮ ಲಾಕ್ ಸ್ಕ್ರೀನ್‌ನಲ್ಲಿ ಆ್ಯಪ್‌ನ ನೋಟಿಫಿಕೇಷನ್‌ ಪ್ರಿವ್ಯೂಗಳು ಯಾವಾಗ ಕಾಣಿಸಿಕೊಳ್ಳಬೇಕು ಎಂಬುದನ್ನು ನೀವು ಆಯ್ಕೆಮಾಡಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ನೋಟಿಫಿಕೇಷನ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನೋಟಿಫಿಕೇಷನ್ ಶೈಲಿ ಎಂಬುದರ ಕೆಳಗೆ ಆ್ಯಪ್ ಒಂದನ್ನು ಟ್ಯಾಪ್ ಮಾಡಿ.

  3. ಕೆಳಕ್ಕೆ ಸ್ಕ್ರೋಲ್ ಮಾಡಿ, ಪ್ರಿವ್ಯೂಗಳನ್ನು ತೋರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಒಂದನ್ನು ಆಯ್ಕೆ ಮಾಡಿ:

    • ಯಾವಾಗಲೂ

    • ಅನ್‌ಲಾಕ್ ಆಗಿರುವಾಗ

    • ಎಂದಿಗೂ ಬೇಡ

ನೋಟಿಫಿಕೇಷನ್‌ಗಳ ಫ್ರೀಕ್ವೆನ್ಸಿಯನ್ನು ಬದಲಾಯಿಸಿ

ದಿನವಿಡೀ ಬರುವ ನೋಟಿಫಿಕೇಷನ್‌ಗಳಿಂದ ಉಂಟಾಗುವ ಅಡಚಣೆಗಳನ್ನು ಕಡಿಮೆ ಮಾಡಲು, ನೀವು ಏಕಕಾಲದಲ್ಲಿ ಹಲವಾರು ಆ್ಯಪ್‌ಗಳಿಗೆ ಸಂಬಂಧಿಸಿದ ನೋಟಿಫಿಕೇಷನ್‌ಗಳನ್ನು ಒಳಗೊಂಡಿರುವ ನೋಟಿಫಿಕೇಷನ್ ಸಾರಾಂಶವನ್ನು ನಿಗದಿಪಡಿಸಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ನೋಟಿಫಿಕೇಷನ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಿಗದಿಪಡಿಸಿದ ಸಾರಾಂಶ ಎಂಬುದನ್ನು ಟ್ಯಾಪ್ ಮಾಡಿ, ನಿಗದಿಪಡಿಸಿದ ಸಾರಾಂಶ ಎಂಬುದನ್ನು ಆನ್ ಮಾಡಿ, ನಂತರ ಮುಂದುವರಿಸಿ ಎಂಬುದನ್ನು ಟ್ಯಾಪ್ ಮಾಡಿ (ಅದು ಕಾಣಿಸಿಕೊಂಡರೆ).

  3. ನೋಟಿಫಿಕೇಷನ್ ಸಾರಾಂಶಕ್ಕಾಗಿ ಸಮಯವನ್ನು ನಿಗದಿಪಡಿಸಿ.

  4. A to Z ಅನ್ನು ಟ್ಯಾಪ್ ಮಾಡಿ, ನಿಮ್ಮ ನಿಗದಿಪಡಿಸಿದ ಸಾರಾಂಶದಲ್ಲಿ ಕಾಣಿಸಿಕೊಳ್ಳಬೇಕೆಂದು ನೀವು ಬಯಸುವ ಆ್ಯಪ್‌ಗಳನ್ನು ಆನ್ ಮಾಡಿ, ನಂತರ ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.

  5. ನಿಮಗೆ ನೋಟಿಫಿಕೇಷನ್ ಪ್ರಿವ್ಯೂಗಳು ಯಾವಾಗ ಕಾಣಿಸಿಕೊಳ್ಳಬೇಕು ಎಂಬುದನ್ನು ಆಯ್ಕೆಮಾಡಲು, ಪ್ರಿವ್ಯೂಗಳನ್ನು ತೋರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ಒಂದು ಆಯ್ಕೆಯನ್ನು ಆರಿಸಿ, ನಂತರ ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.

    ಪ್ರಿವ್ಯೂಗಳು ಪಠ್ಯ (ಸಂದೇಶ ಮತ್ತು Mailನಿಂದ) ಮತ್ತು ಆಹ್ವಾನದ ವಿವರಗಳನ್ನು (ಕ್ಯಾಲೆಂಡರ್‌ನಿಂದ) ಒಳಗೊಂಡಿರಬಹುದು. ಪ್ರತ್ಯೇಕ ಆ್ಯಪ್‌ಗಳಿಗಾಗಿ ನೀವು ಈ ಸೆಟ್ಟಿಂಗ್ ಅನ್ನು ಓವರ್‌ರೈಡ್ ಮಾಡಬಹುದು.

ನೀವು ಫೋಕಸ್ ಅನ್ನು ಬಳಸುವಾಗ, ಇದು ಅಡಚಣೆಗಳನ್ನು ತಡೆಯಲು iPadನಲ್ಲಿ ನೋಟಿಫಿಕೇಷನ್‌ಗಳ ಡೆಲಿವರಿಯನ್ನು ವಿಳಂಬಗೊಳಿಸುತ್ತದೆ. ನೀವು ಮಿಸ್ ಮಾಡಿಕೊಂಡಿರುವ ನೋಟಿಫಿಕೇಷನ್‌ಗಳ ಸಾರಾಂಶವನ್ನು ಸ್ವೀಕರಿಸಲು ನೀವು ಸಮಯವನ್ನು ನಿಗದಿಪಡಿಸಬಹುದು. ನೋಟಿಫಿಕೇಷನ್ ಸಾರಾಂಶವನ್ನು ನಿಗದಿಪಡಿಸಿ ಅನ್ನು ನೋಡಿ.

ಪ್ರತ್ಯೇಕ ಆ್ಯಪ್‌ಗಳಿಗಾಗಿ ನೋಟಿಫಿಕೇಷನ್ ಸೌಂಡ್‌ಗಳನ್ನು ಆಯ್ಕೆಮಾಡಿ

ಕೆಲವು ಆ್ಯಪ್‌ಗಳಿಗೆ (Mail, ಸಂದೇಶ ಮತ್ತು ಕ್ಯಾಲೆಂಡರ್ ಆ್ಯಪ್‌ ಸೇರಿದಂತೆ), ಆ್ಯಪ್‌ಗೆ ನೋಟಿಫಿಕೇಷನ್ ಬಂದಾಗ ಪ್ಲೇ ಆಗುವ ಸೌಂಡ್ ಅನ್ನು ನೀವು ಆರಿಸಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ನೋಟಿಫಿಕೇಷನ್‌‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನೋಟಿಫಿಕೇಷನ್ ಶೈಲಿ ಎಂಬುದರ ಕೆಳಗಿರುವ ಆ್ಯಪ್ ಒಂದನ್ನು ಆಯ್ಕೆಮಾಡಿ, ನಂತರ ನೋಟಿಫಿಕೇಷನ್‌ಗಳನ್ನು ಅನುಮತಿಸಿ ಎಂಬುದನ್ನು ಆನ್ ಮಾಡಿ.

  3. ಸೌಂಡ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ಸೌಂಡ್ ಒಂದನ್ನು ಆಯ್ಕೆಮಾಡಿ (ಯಾವುದಾದರೂ ಕಾಣಿಸಿಕೊಂಡರೆ), ನಂತರ ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.

ಆ್ಯಪ್‌ನ ನೋಟಿಫಿಕೇಷನ್‌ಗಳಿಗಾಗಿ ನೀವು ತಕ್ಷಣದ ಅಥವಾ ನಿಗದಿಪಡಿಸಿದ ಡೆಲಿವರಿಯನ್ನು ಮತ್ತು ಅವುಗಳು ಎಲ್ಲಿ ಕಾಣಿಸಿಕೊಳ್ಳಬೇಕು ಎಂಬುದನ್ನು (ಲಾಕ್ ಸ್ಕ್ರೀನ್‌ನಲ್ಲಿ, ನೋಟಿಫಿಕೇಷನ್ ಸೆಂಟರ್‌ನಲ್ಲಿ ಅಥವಾ ಸ್ಕ್ರೀನ್‌ನ ಮೇಲ್ಭಾಗದಲ್ಲಿ ಬ್ಯಾನರ್ ಆಗಿ) ಮತ್ತು ಇನ್ನೂ ಹೆಚ್ಚಿನದನ್ನು ಆಯ್ಕೆಮಾಡಬಹುದು .

ಪ್ರತ್ಯೇಕ ಆ್ಯಪ್‌ಗಳಿಗಾಗಿ ಆಯ್ದ ನೋಟಿಫಿಕೇಷನ್‌ಗಳನ್ನು ಆಫ್ ಮಾಡಿ

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ನೋಟಿಫಿಕೇಷನ್‌‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ಆ್ಯಪ್ ಒಂದನ್ನು ಟ್ಯಾಪ್ ಮಾಡಿ, ನಂತರ ನೋಟಿಫಿಕೇಷನ್‌‌ಗಳನ್ನು ಅನುಮತಿಸಿ ಎಂಬುದನ್ನು ಆಫ್ ಮಾಡಿ.

ಸ್ಥಳ-ಆಧಾರಿತ ಅಲರ್ಟ್‌ಗಳನ್ನು ಆಫ್ ಮಾಡಿ

ನೀವು ಇರುವ ಸ್ಥಳದ ಆಧಾರದ ಮೇಲೆ ಸಂಬಂಧಿತ ಅಲರ್ಟ್‌ಗಳನ್ನು ಕಳುಹಿಸಲು ಕೆಲವು ಆ್ಯಪ್‌ಗಳು ನಿಮ್ಮ ಸ್ಥಳವನ್ನು ಬಳಸುತ್ತವೆ. ಉದಾಹರಣೆಗೆ, ಹವಾಮಾನ ಆ್ಯಪ್ ನಿಮ್ಮ ಸ್ಥಳದ ಆಧಾರದ ಮೇಲೆ ನಿಮಗೆ ಅಲರ್ಟ್‌ಗಳನ್ನು ಕಳುಹಿಸಬಹುದು.

ನೀವು ಈ ರೀತಿಯ ಅಲರ್ಟ್‌ಗಳನ್ನು ನೋಡಲು ಬಯಸದಿದ್ದರೆ, ನೀವು ಅವುಗಳನ್ನು ಆಫ್ ಮಾಡಬಹುದು.

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ಗೌಪ್ಯತೆ ಮತ್ತು ಭದ್ರತೆ ಎಂಬುದನ್ನು ಟ್ಯಾಪ್ ಮಾಡಿ, ಸ್ಥಳ ಸೇವೆಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಥಳ ಸೇವೆಗಳನ್ನು ಆನ್ ಮಾಡಿ.

  3. ಆ್ಯಪ್ ಒಂದನ್ನು ಟ್ಯಾಪ್ ಮಾಡಿ (ಪಟ್ಟಿಯಲ್ಲಿ ಯಾವುದಾದರೂ ಕಾಣಿಸಿಕೊಂಡರೆ), ನಂತರ ನೀವು ಆ ಆ್ಯಪ್ ಅನ್ನು ಬಳಸುವಾಗ ನಿಮ್ಮ ಸ್ಥಳವನ್ನು ಹಂಚಿಕೊಳ್ಳಲು ಬಯಸುತ್ತೀರೋ ಇಲ್ಲವೋ ಎಂಬುದನ್ನು ಆಯ್ಕೆಮಾಡಿ.

ಇದನ್ನು ಸಹ ನೋಡಿApple ಬೆಂಬಲ ಲೇಖನ: ಗೌಪ್ಯತೆ ಮತ್ತು ಸ್ಥಳ ಸೇವೆಗಳ ಕುರಿತು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.