iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadಗಾಗಿ ಪ್ರಮುಖ ಸುರಕ್ಷತಾ ಮಾಹಿತಿ

ಎಚ್ಚರಿಕೆ: ಈ ಸುರಕ್ಷತಾ ಸೂಚನೆಗಳನ್ನು ಅನುಸರಿಸಲು ವಿಫಲರಾದರೆ ಬೆಂಕಿ, ವಿದ್ಯುತ್ ಆಘಾತ, ಗಾಯ ಅಥವಾ iPad ಅಥವಾ ಇತರ ಆಸ್ತಿಗೆ ಹಾನಿಯಾಗಬಹುದು. iPad ಬಳಸುವ ಮೊದಲು ಕೆಳಗಿನ ಎಲ್ಲಾ ಸುರಕ್ಷತಾ ಮಾಹಿತಿಯನ್ನು ಓದಿ.

ನಿರ್ವಹಣೆ.  iPad ಅನ್ನು ಎಚ್ಚರಿಕೆಯಿಂದ ನಿರ್ವಹಿಸಿ. ಇದನ್ನು ಲೋಹ, ಗಾಜು ಮತ್ತು ಪ್ಲಾಸ್ಟಿಕ್‌ನಿಂದ ತಯಾರಿಸಲಾಗಿದೆ ಮತ್ತು ಒಳಗೆ ಸೂಕ್ಷ್ಮ ಎಲೆಕ್ಟ್ರಾನಿಕ್ ಘಟಕಗಳನ್ನು ಹೊಂದಿದೆ. iPad ಅಥವಾ ಅದರ ಬ್ಯಾಟರಿಯನ್ನು ಬೀಳಿಸಿದರೆ, ಸುಟ್ಟುಹೋದರೆ, ಪಂಕ್ಚರ್ ಆದರೆ ಅಥವಾ ಪುಡಿಯಾದರೆ ಅಥವಾ ಅದು ದ್ರವದ ಸಂಪರ್ಕಕ್ಕೆ ಬಂದರೆ ಅದು ಹಾನಿಗೊಳಗಾಗಬಹುದು. iPad ಅಥವಾ ಬ್ಯಾಟರಿಗೆ ಹಾನಿಯಾಗಿದೆ ಎಂದು ನಿಮಗೆ ಅನುಮಾನ ಬಂದರೆ, iPad ಬಳಸುವುದನ್ನು ನಿಲ್ಲಿಸಿ, ಏಕೆಂದರೆ ಇದು ಅತಿಯಾಗಿ ಬಿಸಿಯಾಗಲು ಅಥವಾ ಹಾನಿಯಾಗಲು ಕಾರಣವಾಗಬಹುದು. ಬಿರುಕುಗೊಂಡ ಸ್ಕ್ರೀನ್ ಹೊಂದಿರುವ iPad ಅನ್ನು ಬಳಸಬೇಡಿ, ಏಕೆಂದರೆ ಅದು ಗಾಯವನ್ನು ಉಂಟುಮಾಡಬಹುದು. iPad ಮೇಲ್ಮೈ ಸ್ಕ್ರ್ಯಾಚ್ ಆಗುವ ಬಗ್ಗೆ ನಿಮಗೆ ಕಳವಳವಿದ್ದರೆ, ಕೇಸ್ ಅಥವಾ ಕವರ್ ಬಳಸುವುದನ್ನು ಪರಿಗಣಿಸಿ.

ದುರಸ್ತಿ.  iPad ಅನ್ನು ತರಬೇತಿ ಪಡೆದ ತಂತ್ರಜ್ಞರು ಮಾತ್ರವೇ ಸರ್ವೀಸ್ ಮಾಡಬೇಕು. iPadನ ಬಿಡಿಭಾಗಗಳನ್ನು ಬೇರ್ಪಡಿಸುವದರಿಂದ ಅದು ಹಾನಿಗೊಳಗಾಗಬಹುದು ಅಥವಾ ನಿಮಗೆ ಗಾಯವಾಗಬಹುದು. iPad ಹಾನಿಗೊಳಗಾಗಿದ್ದರೆ ಅಥವಾ ಸರಿಯಾಗಿ ಕೆಲಸ ಮಾಡದಿದ್ದರೆ, ಸರ್ವೀಸ್‌ಗಾಗಿ ನೀವು Apple ಅಥವಾ Apple ಅಧಿಕೃತ ಸೇವಾ ಪೂರೈಕೆದಾರರನ್ನು ಸಂಪರ್ಕಿಸಬೇಕು. ತರಬೇತಿ ಪಡೆಯದ ವ್ಯಕ್ತಿಗಳು ಮಾಡಿದ ದುರಸ್ತಿಗಳು ಅಥವಾ ನೈಜವಲ್ಲದ Apple ಬಿಡಿಭಾಗಗಳನ್ನು ಬಳಸುವುದರಿಂದ ಸಾಧನದ ಸುರಕ್ಷತೆ ಮತ್ತು ಕಾರ್ಯಕಾರಿತ್ವದ ಮೇಲೆ ಪರಿಣಾಮ ಬೀರಬಹುದು. ದುರಸ್ತಿ ಮತ್ತು ಸೇವೆಯ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನೀವು iPad ದುರಸ್ತಿ ಮತ್ತು ಸೇವೆಯ ವೆಬ್‌ಸೈಟ್‌ನಲ್ಲಿ ಕಾಣಬಹುದು.

ಬ್ಯಾಟರಿ.  ಬ್ಯಾಟರಿಗೆ ಆಗುವ ಹಾನಿಯು ಅತಿಯಾಗಿ ಬಿಸಿಯಾಗುವುದು, ಬೆಂಕಿ ಅವಘಡ ಅಥವಾ ಗಾಯಕ್ಕೆ ಕಾರಣವಾಗಬಹುದಾಗಿದ್ದು, ಆ ಹಾನಿಯನ್ನು ತಪ್ಪಿಸಲು iPad ಬ್ಯಾಟರಿಯನ್ನು ತರಬೇತಿ ಪಡೆದ ತಂತ್ರಜ್ಞರು ಮಾತ್ರವೇ ದುರಸ್ತಿ ಮಾಡಬೇಕು. ಬ್ಯಾಟರಿಗಳನ್ನು ಮರುಬಳಕೆ ಮಾಡಬೇಕು ಅಥವಾ ಮನೆಯ ತ್ಯಾಜ್ಯದಿಂದ ಪ್ರತ್ಯೇಕವಾಗಿ ಹಾಗೂ ಸ್ಥಳೀಯ ಪರಿಸರ ಕಾನೂನುಗಳು ಮತ್ತು ಮಾರ್ಗಸೂಚಿಗಳ ಪ್ರಕಾರ ವಿಲೇವಾರಿ ಮಾಡಬೇಕು. ಬ್ಯಾಟರಿ ಸರ್ವೀಸ್ ಮತ್ತು ಮರುಬಳಕೆಯ ಬಗೆಗಿನ ಮಾಹಿತಿಗಾಗಿ ಬ್ಯಾಟರಿ ಸರ್ವೀಸ್ ಮತ್ತು ಮರುಬಳಕೆಯ ವೆಬ್‌ಸೈಟ್ ಅನ್ನು ನೋಡಿ.

ಲೇಸರ್‌ಗಳು.  TrueDepth ಸಿಸ್ಟಂ ಮತ್ತು LiDAR ಸ್ಕ್ಯಾನರ್ ಒಂದು ಅಥವಾ ಹೆಚ್ಚಿನ ಲೇಸರ್‌ಗಳನ್ನು ಹೊಂದಿರುತ್ತವೆ. ಸಾಧನವು ಹಾನಿಗೊಳಗಾಗಿದ್ದರೆ ಅಥವಾ ಸರಿಯಾಗಿ ಕೆಲಸ ಮಾಡದಿದ್ದರೆ, ಸುರಕ್ಷತೆಯ ಕಾರಣಗಳಿಗಾಗಿ ಈ ಲೇಸರ್ ಸಿಸ್ಟಂಗಳನ್ನು ನಿಷ್ಕ್ರಿಯಗೊಳಿಸಬಹುದು. ನಿಮ್ಮ iPadನಲ್ಲಿ, ಲೇಸರ್ ಸಿಸ್ಟಂ ಅನ್ನು ನಿಷ್ಕ್ರಿಯಗೊಳಿಸಲಾಗಿದೆ ಎಂಬ ನೋಟಿಫಿಕೇಷನ್ ಅನ್ನು ನೀವು ಸ್ವೀಕರಿಸಿದರೆ, ನೀವು ಯಾವಾಗಲೂ ಅದನ್ನು Apple ಅಥವಾ Apple ಅಧಿಕೃತ ಸೇವಾ ಪೂರೈಕೆದಾರರಿಂದ ದುರಸ್ತಿ ಮಾಡಿಸಬೇಕು. ಸಮರ್ಪಕವಾಗಿರದ ದುರಸ್ತಿ, ಮಾರ್ಪಾಡು ಅಥವಾ ಲೇಸರ್ ಸಿಸ್ಟಂಗಳಲ್ಲಿ ಅಸಲಿಯಲ್ಲದ Apple ಬಿಡಿಭಾಗಗಳ ಬಳಕೆಯು ಸುರಕ್ಷತಾ ಕಾರ್ಯವಿಧಾನಗಳು ಸರಿಯಾಗಿ ಕಾರ್ಯನಿರ್ವಹಿಸದಂತೆ ತಡೆಗಟ್ಟಬಹುದು ಮತ್ತು ಅಪಾಯಕ್ಕೆ ಒಡ್ಡಿಕೊಳ್ಳುವಿಕೆ ಹಾಗೂ ಕಣ್ಣುಗಳು ಅಥವಾ ಚರ್ಮಕ್ಕೆ ಗಾಯವನ್ನು ಉಂಟುಮಾಡಬಹುದು.

ಅಡಚಣೆ.  ಕೆಲವು ಸಂದರ್ಭಗಳಲ್ಲಿ iPad ಅನ್ನು ಬಳಸುವುದರಿಂದ ನಿಮ್ಮ ಗಮನವನ್ನು ಬೇರೆಡೆಗೆ ಸೆಳೆಯಬಹುದು ಮತ್ತು ಇದು ಅಪಾಯಕಾರಿ ಪರಿಸ್ಥಿತಿಗೆ ಕಾರಣವಾಗಬಹುದು (ಉದಾಹರಣೆಗೆ, ಬೈಸಿಕಲ್ ರೈಡ್ ಮಾಡುವಾಗ ಹೆಡ್‌ಫೋನ್‌ಗಳನ್ನು ಬಳಸಿ ಸಂಗೀತ ಕೇಳುವುದನ್ನು ತಪ್ಪಿಸಿ ಮತ್ತು ಕಾರ್ ಡ್ರೈವ್ ಮಾಡುವಾಗ ಪಠ್ಯ ಸಂದೇಶ ಟೈಪ್ ಮಾಡುವುದನ್ನು ತಪ್ಪಿಸಿ). ಮೊಬೈಲ್ ಸಾಧನಗಳು ಅಥವಾ ಹೆಡ್‌ಫೋನ್‌ಗಳ ಬಳಕೆಯನ್ನು ನಿಷೇಧಿಸುವ ಅಥವಾ ನಿರ್ಬಂಧಿಸುವ ನಿಯಮಗಳನ್ನು ಗಮನಿಸಿ.

ನ್ಯಾವಿಗೇಷನ್.  ನಕ್ಷೆ ಆ್ಯಪ್ ಡೇಟ ಸೇವೆಗಳನ್ನು ಅವಲಂಬಿಸಿದೆ. ಈ ಡೇಟ ಸೇವೆಗಳು ಬದಲಾವಣೆಗೆ ಒಳಪಡುತ್ತವೆ ಮತ್ತು ಎಲ್ಲಾ ದೇಶಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿಲ್ಲದಿರಬಹುದು, ಇದರ ಪರಿಣಾಮವಾಗಿ ನಕ್ಷೆಗಳು ಮತ್ತು ಸ್ಥಳ-ಆಧಾರಿತ ಮಾಹಿತಿಯು ಲಭ್ಯವಿಲ್ಲದಿರಬಹುದು, ತಪ್ಪಾಗಿರಬಹುದು ಅಥವಾ ಅಪೂರ್ಣವಾಗಿರಬಹುದು. ನಕ್ಷೆ ಆ್ಯಪ್‌ನಲ್ಲಿ ಒದಗಿಸಿರುವ ಮಾಹಿತಿಯನ್ನು ನಿಮ್ಮ ಸುತ್ತಲಿನ ಪರಿಸರಕ್ಕೆ ಹೋಲಿಸಿ. ನ್ಯಾವಿಗೇಟ್ ಮಾಡುವಾಗ ಸಾಮಾನ್ಯ ಜ್ಞಾನವನ್ನು ಬಳಸಿ. ಯಾವುದೇ ವ್ಯತ್ಯಾಸಗಳನ್ನು ಪರಿಹರಿಸಲು ಪ್ರಸ್ತುತ ರಸ್ತೆ ಪರಿಸ್ಥಿತಿಗಳನ್ನು ಮತ್ತು ಪೋಸ್ಟ್ ಮಾಡಿದ ಸಂಕೇತಗಳನ್ನು ಯಾವಾಗಲೂ ಗಮನಿಸಿ. ಕೆಲವು ನಕ್ಷೆ ಆ್ಯಪ್‌ನ ಫೀಚರ್‌ಗಳಿಗೆ ಸ್ಥಳ ಸೇವೆಗಳ ಅಗತ್ಯವಿರುತ್ತದೆ.

ಚಾರ್ಜ್ ಮಾಡುವಿಕೆ.  iPadನ ಜೊತೆಯಲ್ಲೇ ಒದಗಿಸಲಾಗುವ USB ಕೇಬಲ್ ಮತ್ತು ಪವರ್ ಅಡಾಪ್ಟರ್‌ನೊಂದಿಗೆ iPad ಅನ್ನು ಚಾರ್ಜ್ ಮಾಡಿ. “iPadಗಾಗಿ ತಯಾರಿಸಲಾಗಿದೆ” ಅಥವಾ USB 2.0 ಅಥವಾ ನಂತರದ ಆವೃತ್ತಿಗೆ ಅನುಗುಣವಾಗಿರುವ ಇತರ ಥರ್ಡ್-ಪಾರ್ಟಿ ಕೇಬಲ್‌ಗಳು ಮತ್ತು ಪವರ್ ಅಡಾಪ್ಟರ್‌ಗಳ ಮೂಲಕ ಮತ್ತು ಅನ್ವಯವಾಗುವ ದೇಶದ ನಿಯಮಗಳು ಮತ್ತು ಅಂತಾರಾಷ್ಟ್ರೀಯ ಹಾಗೂ ಪ್ರಾದೇಶಿಕ ಸುರಕ್ಷತಾ ಮಾನದಂಡಗಳ ಮೂಲಕವೂ ನೀವು iPad ಅನ್ನು ಚಾರ್ಜ್ ಮಾಡಬಹುದು. ಇತರ ಅಡಾಪ್ಟರ್‌ಗಳು ಅನ್ವಯವಾಗುವ ಸುರಕ್ಷತಾ ಮಾನದಂಡಗಳನ್ನು ಪೂರೈಸದಿರಬಹುದು ಮತ್ತು ಅಂತಹ ಅಡಾಪ್ಟರ್‌ಗಳಿಂದ ಚಾರ್ಜ್ ಮಾಡಿದರೆ ಸಾವು ಅಥವಾ ಗಾಯದ ಅಪಾಯವನ್ನು ಉಂಟುಮಾಡಬಹುದು.

ಹಾನಿಗೊಳಗಾದ ಕೇಬಲ್‌ಗಳು ಅಥವಾ ಚಾರ್ಜರ್‌ಗಳನ್ನು ಬಳಸುವುದರಿಂದ ಅಥವಾ ತೇವಾಂಶವಿದ್ದಾಗ ಚಾರ್ಜ್ ಮಾಡುವುದರಿಂದ ಬೆಂಕಿ, ವಿದ್ಯುತ್ ಶಾಕ್, ಗಾಯ ಅಥವಾ iPadಗೆ ಅಥವಾ ಇತರ ಆಸ್ತಿಗೆ ಹಾನಿಯಾಗಬಹುದು. ನೀವು iPad ಅನ್ನು ಚಾರ್ಜ್ ಮಾಡುವಾಗ, ನೀವು ಅಡಾಪ್ಟರ್ ಅನ್ನು ಪವರ್ ಔಟ್‌ಲೆಟ್‌ಗೆ ಪ್ಲಗ್ ಮಾಡುವ ಮೊದಲು USB ಕೇಬಲ್ ಅನ್ನು ಪವರ್ ಅಡಾಪ್ಟರ್‌ನ ಒಳಗೆ ಸಂಪೂರ್ಣವಾಗಿ ಸೇರಿಸಲಾಗಿದೆ ಎಂಬದನ್ನು ಖಚಿತಪಡಿಸಿಕೊಳ್ಳಿ. ಬಳಕೆಯಲ್ಲಿರುವಾಗ ಅಥವಾ ಚಾರ್ಜ್ ಮಾಡುತ್ತಿರುವಾಗ iPad, USB ಕೇಬಲ್ ಮತ್ತು ಪವರ್ ಅಡಾಪ್ಟರ್ ಅನ್ನು ಉತ್ತಮವಾಗಿ ಗಾಳಿಯಾಡುವ ಪ್ರದೇಶದಲ್ಲಿ ಇಡುವುದು ಮುಖ್ಯವಾಗಿದೆ.

ಚಾರ್ಜಿಂಗ್ ಕೇಬಲ್ ಮತ್ತು ಕನೆಕ್ಟರ್.  ಚಾರ್ಜಿಂಗ್ ಕೇಬಲ್ ಪವರ್ ಸೋರ್ಸ್‌ಗೆ ಕನೆಕ್ಟ್ ಆಗಿರುವಾಗ ಚಾರ್ಜಿಂಗ್ ಕೇಬಲ್ ಮತ್ತು ಕನೆಕ್ಟರ್ ಜೊತೆಗೆ ದೀರ್ಘಕಾಲದ ಚರ್ಮದ ಸಂಪರ್ಕವನ್ನು ತಪ್ಪಿಸಿ, ಏಕೆಂದರೆ ಇದು ಅಸ್ವಸ್ಥತೆ ಅಥವಾ ಗಾಯವನ್ನು ಉಂಟುಮಾಡಬಹುದು. ಚಾರ್ಜಿಂಗ್ ಕೇಬಲ್ ಅಥವಾ ಕನೆಕ್ಟರ್ ಮೇಲೆ ಮಲಗುವುದನ್ನು ಅಥವಾ ಕುಳಿತುಕೊಳ್ಳುವುದನ್ನು ತಪ್ಪಿಸಬೇಕು.

ದೀರ್ಘಕಾಲ ಶಾಖಕ್ಕೆ ಒಡ್ಡಿಕೊಳ್ಳುವಿಕೆ.  iPad ಮತ್ತು ಅದರ Apple USB ಪವರ್ ಅಡಾಪ್ಟರ್‌ (ಪ್ರತ್ಯೇಕವಾಗಿ ಮಾರಾಟ ಮಾಡಲಾಗುತ್ತದೆ) ಅನ್ವಯವಾಗುವ ದೇಶದ ನಿಯಮಗಳು ಮತ್ತು ಅಂತಾರಾಷ್ಟ್ರೀಯ ಮತ್ತು ಪ್ರಾದೇಶಿಕ ಸುರಕ್ಷತಾ ಮಾನದಂಡಗಳಿಂದ ವ್ಯಾಖ್ಯಾನಿಸಲಾದ ಅಗತ್ಯ ಮೇಲ್ಮೈ ತಾಪಮಾನ ಮಿತಿಗಳನ್ನು ಅನುಸರಿಸುತ್ತದೆ. ಹಾಗಿದ್ದರೂ, ಈ ಮಿತಿಗಳೊಳಗೂ ಸಹ, ದೀರ್ಘಕಾಲದವರೆಗೆ ಬಿಸಿಯಾದ ಮೇಲ್ಮೈಗಳೊಂದಿಗಿನ ನಿರಂತರವಾದ ಸಂಪರ್ಕವು ಅಸ್ವಸ್ಥತೆ ಅಥವಾ ಗಾಯಕ್ಕೆ ಕಾರಣವಾಗಬಹುದು. ನಿಮ್ಮ ಸಾಧನವು ಸುದೀರ್ಘ ಅವಧಿಯವರೆಗೆ ಕಾರ್ಯನಿರ್ವಹಿಸುತ್ತಿರುವಾಗ ಅಥವಾ ಪವರ್ ಸೋರ್ಸ್‌ಗೆ ಕನೆಕ್ಟ್ ಆಗಿರುವಾಗ ನಿಮ್ಮ ಚರ್ಮವು ಸಾಧನ ಅಥವಾ ಅದರ ಪವರ್ ಅಡಾಪ್ಟರ್ ಅಥವಾ ವೈರ್‌ಲೆಸ್ ಚಾರ್ಜರ್‌ನೊಂದಿಗೆ ಸಂಪರ್ಕದಲ್ಲಿರುವ ಸಂದರ್ಭಗಳನ್ನು ತಪ್ಪಿಸಲು ಸಾಮಾನ್ಯ ಜ್ಞಾನವನ್ನು ಬಳಸಿ. ಉದಾಹರಣೆಗೆ, ಸಾಧನ ಅಥವಾ ಪವರ್ ಅಡಾಪ್ಟರ್ ಅನ್ನು ಪವರ್ ಸೋರ್ಸ್‌ಗೆ ಕನೆಕ್ಟ್ ಮಾಡಿದಾಗ ಅದರ ಮೇಲೆ ಮಲಗಬೇಡಿ ಅಥವಾ ಹೊದಿಕೆ, ದಿಂಬು ಅಥವಾ ನಿಮ್ಮ ದೇಹದ ಅಡಿಯಲ್ಲಿ ಅದನ್ನು ಇಡಬೇಡಿ. ಬಳಕೆಯಲ್ಲಿರುವಾಗ ಅಥವಾ ಚಾರ್ಜ್ ಮಾಡುತ್ತಿರುವಾಗ ನಿಮ್ಮ iPad ಮತ್ತು ಅದರ ಪವರ್ ಅಡಾಪ್ಟರ್ ಅನ್ನು ಉತ್ತಮವಾಗಿ ಗಾಳಿಯಾಡುವವ ಪ್ರದೇಶದಲ್ಲಿ ಇರಿಸಿ. ದೇಹಕ್ಕೆ ವಿರುದ್ಧವಾಗಿ ಶಾಖವನ್ನು ಗುರುತಿಸುವ ನಿಮ್ಮ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರುವ ದೈಹಿಕ ಸ್ಥಿತಿಯನ್ನು ನೀವು ಹೊಂದಿದ್ದರೆ, ವಿಶೇಷ ಕಾಳಜಿಯನ್ನು ತೆಗೆದುಕೊಳ್ಳಿ.

USB ಪವರ್ ಅಡಾಪ್ಟರ್.   Apple USB ಪವರ್ ಅಡಾಪ್ಟರ್ ಅನ್ನು ಸುರಕ್ಷಿತವಾಗಿ ಬಳಸಲು ಮತ್ತು ಶಾಖ-ಸಂಬಂಧಿತ ಗಾಯ ಅಥವಾ ಹಾನಿಯ ಸಾಧ್ಯತೆಯನ್ನು ಕಡಿಮೆ ಮಾಡಲು, ಪವರ್ ಅಡಾಪ್ಟರ್ ಅನ್ನು ನೇರವಾಗಿ ಪವರ್ ಔಟ್‌ಲೆಟ್‌ಗೆ ಪ್ಲಗ್ ಮಾಡಿ. ಸಿಂಕ್, ಬಾತ್‌ಟಬ್ ಅಥವಾ ಶವರ್ ಸ್ಟಾಲ್ ರೀತಿಯ ತೇವಗೊಂಡ ಸ್ಥಳಗಳಲ್ಲಿ ಪವರ್ ಅಡಾಪ್ಟರ್ ಅನ್ನು ಬಳಸಬೇಡಿ ಮತ್ತು ಒದ್ದೆಯಾದ ಕೈಗಳಿಂದ ಪವರ್ ಅಡಾಪ್ಟರ್ ಅನ್ನು ಕನೆಕ್ಟ್ ಅಥವಾ ಡಿಸ್‌ಕನೆಕ್ಟ್ ಮಾಡಬೇಡಿ. ಈ ಕೆಳಗಿನ ಯಾವುದಾದರೂ ಪರಿಸ್ಥಿತಿಗಳು ಅಸ್ತಿತ್ವದಲ್ಲಿದ್ದರೆ ಪವರ್ ಅಡಾಪ್ಟರ್ ಮತ್ತು ಯಾವುದೇ ಕೇಬಲ್‌ಗಳನ್ನು ಬಳಸುವುದನ್ನು ನಿಲ್ಲಿಸಿ:

  • ಪವರ್ ಅಡಾಪ್ಟರ್ ಪ್ಲಗ್ ಅಥವಾ ಪ್ರಾಂಗ್‌ಗಳು ಹಾಳಾಗಿವೆ.

  • ಚಾರ್ಜ್ ಕೇಬಲ್ ಹಾಳಾಗಿದೆ ಅಥವಾ ಬೇರೆ ರೀತಿಯಲ್ಲಿ ಹಾನಿಗೊಳಗಾಗಿದೆ.

  • ಪವರ್ ಅಡಾಪ್ಟರ್ ಅತಿಯಾದ ತೇವಾಂಶಕ್ಕೆ ಒಳಗಾಗಿದೆ ಅಥವಾ ಪವರ್ ಅಡಾಪ್ಟರ್‌ನಲ್ಲಿ ದ್ರವವು ಚೆಲ್ಲಿದೆ.

  • ಪವರ್ ಅಡಾಪ್ಟರ್ ಕೆಳಗೆ ಬಿದ್ದಿದೆ ಮತ್ತು ಅದರ ಎನ್‌ಕ್ಲೋಶರ್ ಹಾಳಾಗಿದೆ.

USB ಪವರ್ ಅಡಾಪ್ಟರ್ ಸ್ಪೆಸಿಫಿಕೇಷನ್‌ಗಳು:

ಫ್ರೀಕ್ವನ್ಸಿ

50 ರಿಂದ 60 Hz, ಸಿಂಗಲ್ ಫೇಸ್

ಲೈನ್ ವೋಲ್ಟೇಜ್

100 - 240 Vac

ಔಟ್‌ಪುಟ್ ವೋಲ್ಟೇಜ್

ಪವರ್ ಅಡಾಪ್ಟರ್‌ನಲ್ಲಿನ ಔಟ್‌ಪುಟ್ ಗುರುತನ್ನು ನೋಡಿ

ಆಲಿಸುವಿಕೆ ನಷ್ಟ.  ಹೆಚ್ಚಿನ ವಾಲ್ಯೂಮ್‌ಗಳಲ್ಲಿ ಸೌಂಡ್ ಅನ್ನು ಕೇಳುವುದರಿಂದ ನಿಮ್ಮ ಆಲಿಸುವಿಕೆಯನ್ನು ಹಾನಿಗೊಳಿಸಬಹುದು. ಹಿನ್ನೆಲೆ ಶಬ್ದ ಮತ್ತು ಹೆಚ್ಚಿನ ವಾಲ್ಯೂಮ್ ಮಟ್ಟಗಳಿಗೆ ನಿರಂತರವಾಗಿ ಒಡ್ಡಿಕೊಳ್ಳುವುದರಿಂದ ಸೌಂಡ್‌ಗಳು ನಿಜವಾಗಿ ಇರುವದಕ್ಕಿಂತ ನಿಶ್ಯಬ್ದವಾಗಿ ಇರುವಂತೆ ಮಾಡಬಹುದು. ನಿಮ್ಮ ಕಿವಿಯಲ್ಲಿ ಏನನ್ನಾದರೂ ಇನ್ಸರ್ಟ್ ಮಾಡುವ ಮೊದಲು ಆಡಿಯೊ ಪ್ಲೇಬ್ಯಾಕ್ ಅನ್ನು ಆನ್ ಮಾಡಿ ಮತ್ತು ವಾಲ್ಯೂಮ್ ಅನ್ನು ಪರಿಶೀಲಿಸಿ. iPadನಲ್ಲಿ ಗರಿಷ್ಠ ವಾಲ್ಯೂಮ್ ಮಿತಿಯನ್ನು ಸೆಟ್ ಮಾಡುವುದು ಹೇಗೆ ಎಂಬುದರ ಕುರಿತು ಮಾಹಿತಿಗಾಗಿ, ಸೆಟ್ಟಿಂಗ್ಸ್‌ನಲ್ಲಿ ಜೋರಾದ ಹೆಡ್‌ಫೋನ್ ಸೌಂಡ್‌ಗಳನ್ನು ಕಡಿಮೆ ಮಾಡಿ ಅನ್ನು ನೋಡಿ. ಆಲಿಸುವಿಕೆ ನಷ್ಟದ ಕುರಿತು ಹೆಚ್ಚಿನ ಮಾಹಿತಿಗಾಗಿ, ಸೌಂಡ್ ಮತ್ತು ಹಿಯರಿಂಗ್ ವೆಬ್‌ಸೈಟ್ ನೋಡಿ.

ಎಚ್ಚರಿಕೆ: ಸಂಭಾವ್ಯ ಆಲಿಸುವಿಕೆ ಹಾನಿಯನ್ನು ತಡೆಯಲು, ಹೆಚ್ಚಿನ ವಾಲ್ಯೂಮ್ ಮಟ್ಟಗಳಲ್ಲಿ ದೀರ್ಘಾವಧಿಯವರೆಗೆ ಆಲಿಸಬೇಡಿ.

ರೇಡಿಯೊ ಫ್ರೀಕ್ವೆನ್ಸಿ ಎಕ್ಸ್‌ಪೋಷರ್.  ವೈರ್‌ಲೆಸ್ ನೆಟ್‌ವರ್ಕ್‌ಗಳಿಗೆ ಕನೆಕ್ಟ್ ಆಗಲು iPad ರೇಡಿಯೋ ಸಿಗ್ನಲ್‌ಗಳನ್ನು ಬಳಸುತ್ತದೆ. ರೇಡಿಯೋ ಸಿಗ್ನಲ್‌ಗಳಿಂದ ಉಂಟಾಗುವ ರೇಡಿಯೋ ಫ್ರೀಕ್ವೆನ್ಸಿ (RF) ಎನರ್ಜಿಯ ಕುರಿತು ಮಾಹಿತಿಗಾಗಿ ಮತ್ತು ಎಕ್ಸ್‌ಪೋಷರ್ ಅನ್ನು ಕಡಿಮೆ ಮಾಡಲು ನೀವು ತೆಗೆದುಕೊಳ್ಳಬಹುದಾದ ಕ್ರಮಗಳಿಗಾಗಿ, ಸೆಟ್ಟಿಂಗ್ಸ್ ಆ್ಯಪ್ > ಸಾಮಾನ್ಯ > ಕಾನೂನು ಮತ್ತು ನಿಯಂತ್ರಣ > RF ಎಕ್ಸ್‌ಪೋಷರ್ ಎಂಬಲ್ಲಿಗೆ ಹೋಗಿ ಅಥವಾ RF ಎಕ್ಸ್‌ಪೋಷರ್ ವೆಬ್‌ಸೈಟ್ ನೋಡಿ.

ರೇಡಿಯೊ ಫ್ರೀಕ್ವೆನ್ಸಿ ಇಂಟರ್‌ಫರೆನ್ಸ್.  ಮೊಬೈಲ್ ಸಾಧನಗಳ ಬಳಕೆಯನ್ನು ನಿಷೇಧಿಸುವ ಅಥವಾ ನಿರ್ಬಂಧಿಸುವ ಸಂಕೇತಗಳು ಮತ್ತು ಸೂಚನೆಗಳನ್ನು ಗಮನಿಸಿ. iPad ಅನ್ನು ರೇಡಿಯೊ ಫ್ರೀಕ್ವನ್ಸಿ ಎಮಿಷನ್‌ಗಳನ್ನು ನಿಯಂತ್ರಿಸುವ ನಿಯಮಗಳಿಗೆ ಅನುಸಾರವಾಗಿ ವಿನ್ಯಾಸಗೊಳಿಸಿ, ಪರೀಕ್ಷಿಸಿ, ತಯಾರಿಸಲಾಗಿದ್ದರೂ, iPadನಿಂದ ಎಮಿಷನ್‌ಗಳು ಇತರ ಎಲೆಕ್ಟ್ರಾನಿಕ್ ಸಾಧನಗಳ ಕಾರ್ಯಾಚರಣೆಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರಬಹುದು, ಇದು ಅವುಗಳ ಅಸಮರ್ಪಕ ಕಾರ್ಯನಿರ್ವಹಿಸುವಿಕೆಗೆ ಕಾರಣವಾಗುತ್ತದೆ. ಬಳಕೆಯನ್ನು ನಿಷೇಧಿಸಿದಾಗ, ಉದಾಹರಣೆಗೆ ವಿಮಾನದಲ್ಲಿ ಪ್ರಯಾಣಿಸುವಾಗ ಅಥವಾ ಅಧಿಕಾರಿಗಳು ಹಾಗೆ ಮಾಡಲು ಕೇಳಿದಾಗ, iPad ಅನ್ನು ಆಫ್ ಮಾಡಿ ಅಥವಾ ಏರ್‌ಪ್ಲೇನ್ ಮೋಡ್ ಬಳಸಿ ಅಥವಾ iPad ವೈರ್‌ಲೆಸ್ ಟ್ರಾನ್ಸ್‌ಮಿಟರ್‌ಗಳನ್ನು ಆಫ್ ಮಾಡಲು ಸೆಟ್ಟಿಂಗ್ಸ್  > Wi-Fi ಮತ್ತು ಸೆಟ್ಟಿಂಗ್ಸ್ > Bluetooth ಎಂಬಲ್ಲಿಗೆ ಹೋಗಿ.

ವೈದ್ಯಕೀಯ ಸಾಧನದ ಇಂಟರ್‌ಫರೆನ್ಸ್.  iPad, iPad Smart Cover, Smart Folio, Smart Keyboard Folio, Magic Keyboard, Magic Keyboard Folio ಮತ್ತು Apple Pencil ವಿದ್ಯುತ್ಕಾಂತೀಯ ಫೀಲ್ಡ್‌ಗಳನ್ನು ಹೊರಸೂಸುವ ಆಯಸ್ಕಾಂತಗಳು ಹಾಗೂ ಘಟಕಗಳು ಮತ್ತು/ಅಥವಾ ರೇಡಿಯೋಗಳನ್ನು ಒಳಗೊಂಡಿರುತ್ತವೆ. ಈ ಆಯಸ್ಕಾಂತಗಳು ಮತ್ತು ವಿದ್ಯುತ್ಕಾಂತೀಯ ಕ್ಷೇತ್ರಗಳು ವೈದ್ಯಕೀಯ ಸಾಧನಗಳಿಗೆ ಅಡ್ಡಿಯಾಗಬಹುದು.

ನಿಮ್ಮ ವೈದ್ಯಕೀಯ ಸಾಧನಕ್ಕೆ ಸಂಬಂಧಿಸಿದ ನಿರ್ದಿಷ್ಟ ಮಾಹಿತಿಗಾಗಿ ಮತ್ತು ನಿಮ್ಮ ವೈದ್ಯಕೀಯ ಸಾಧನ ಮತ್ತು iPad, iPad Smart Cover, Smart Folio, Smart Keyboard Folio, iPadಗಾಗಿ Magic Keyboard ಅಥವಾ Apple Pencil ನಡುವೆ ನೀವು ಸುರಕ್ಷಿತ ಅಂತರವನ್ನು ಕಾಪಾಡಿಕೊಳ್ಳಬೇಕೇ ಎಂದು ತಿಳಿದುಕೊಳ್ಳಲು ನಿಮ್ಮ ವೈದ್ಯರನ್ನು ಮತ್ತು ವೈದ್ಯಕೀಯ ಸಾಧನ ತಯಾರಕರನ್ನು ಸಂಪರ್ಕಿಸಿ. ಸಂಭಾವ್ಯ ಇಂಟರ್‌ಫರೆನ್ಸ್ ಅನ್ನು ತಡೆಯಲು ತಯಾರಕರು ಸಾಮಾನ್ಯವಾಗಿ ವೈರ್‌ಲೆಸ್ ಅಥವಾ ಮ್ಯಾಗ್ನೆಟಿಕ್ ಉತ್ಪನ್ನಗಳ ಸುತ್ತ ತಮ್ಮ ಸಾಧನಗಳ ಸುರಕ್ಷಿತ ಬಳಕೆಯ ಕುರಿತು ಶಿಫಾರಸುಗಳನ್ನು ನೀಡುತ್ತಾರೆ. iPad, iPad Smart Cover, Smart Folio, Smart Keyboard Folio, iPadಗಾಗಿ Magic Keyboard ಅಥವಾ Apple Pencil ನಿಮ್ಮ ವೈದ್ಯಕೀಯ ಸಾಧನದಲ್ಲಿ ಹಸ್ತಕ್ಷೇಪ ಮಾಡುತ್ತಿದೆ ಎಂಬ ಅನುಮಾನ ನಿಮ್ಮಲ್ಲಿ ಮೂಡಿದರೆ, ಈ ಉತ್ಪನ್ನಗಳನ್ನು ಬಳಸುವುದನ್ನು ನಿಲ್ಲಿಸಿ.

ಇಂಪ್ಲಾಂಟೆಡ್ ಪೇಸ್‌ಮೇಕರ್‌ಗಳು ಮತ್ತು ಡಿಫಿಬ್ರಿಲೇಟರ್‌ಗಳಂತಹ ವೈದ್ಯಕೀಯ ಸಾಧನಗಳು ನಿಕಟ ಸಂಪರ್ಕದಲ್ಲಿರುವಾಗ ಅಯಸ್ಕಾಂತಗಳು ಮತ್ತು ರೇಡಿಯೋಗಳಿಗೆ ಪ್ರತಿಕ್ರಿಯಿಸುವ ಸೆನ್ಸರ್‌ಗಳನ್ನು ಹೊಂದಿರಬಹುದು. ಈ ಸಾಧನಗಳೊಂದಿಗೆ ನಡೆಯಬಹುದಾದ ಯಾವುದೇ ಸಂಭಾವ್ಯ ಸಂವಹನಗಳನ್ನು ತಪ್ಪಿಸಲು, ನಿಮ್ಮ iPad, iPad Smart Cover, Smart Folio, Smart Keyboard Folio, Magic Keyboard for iPad ಮತ್ತು Apple Pencil ಅನ್ನು ನಿಮ್ಮ ಸಾಧನದಿಂದ ಸುರಕ್ಷಿತ ಅಂತರದಲ್ಲಿರಿಸಿ (6 ಇಂಚು/15cm ಗಿಂತ ಹೆಚ್ಚು, ಆದರೆ ನಿರ್ದಿಷ್ಟ ಮಾರ್ಗಸೂಚಿಗಳಿಗಾಗಿ ನಿಮ್ಮ ವೈದ್ಯರು ಮತ್ತು ನಿಮ್ಮ ಸಾಧನ ತಯಾರಕರೊಂದಿಗೆ ಸಮಾಲೋಚಿಸಿ).

ವೈದ್ಯಕೀಯ ಸಾಧನವಲ್ಲ.  iPad ವೈದ್ಯಕೀಯ ಸಾಧನವಲ್ಲ ಮತ್ತು ಇದನ್ನು ವೃತ್ತಿಪರ ವೈದ್ಯಕೀಯ ತೀರ್ಮಾನಕ್ಕೆ ಬದಲಿಯಾಗಿ ಬಳಸಬಾರದು. ಕಾಯಿಲೆಯ ರೋಗನಿರ್ಣಯದಲ್ಲಿ ಅಥವಾ ಇತರ ಪರಿಸ್ಥಿತಿಗಳಲ್ಲಿ ಅಥವಾ ಯಾವುದೇ ಕಾಯಿಲೆ ಅಥವಾ ಕಾಯಿಲೆಯ ಗುಣಪಡಿಸುವಿಕೆ, ತಗ್ಗಿಸುವಿಕೆ, ಚಿಕಿತ್ಸೆ ಅಥವಾ ತಡೆಗಟ್ಟುವಿಕೆಯಲ್ಲಿ ಬಳಸಲು ಇದನ್ನು ವಿನ್ಯಾಸಗೊಳಿಸಲಾಗಿಲ್ಲ ಅಥವಾ ಉದ್ದೇಶಿಸಲಾಗಿಲ್ಲ. ನಿಮ್ಮ ಆರೋಗ್ಯಕ್ಕೆ ಸಂಬಂಧಿಸಿದ ಯಾವುದೇ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಮೊದಲು ನಿಮ್ಮ ಆರೋಗ್ಯ ರಕ್ಷಣೆ ಒದಗಿಸುವವರನ್ನು ಸಂಪರ್ಕಿಸಿ.

ವೈದ್ಯಕೀಯ ಪರಿಸ್ಥಿತಿಗಳು.  iPad ಅಥವಾ ಫ್ಲ್ಯಾಶ್ ಲೈಟ್‌ಗಳಿಂದ (ಉದಾಹರಣೆಗೆ, ಮೂರ್ಛೆ, ತಾತ್ಕಾಲಿಕ ಪ್ರಜ್ಞೆ ತಪ್ಪುವುದು, ಕಣ್ಣಿನ ಮೇಲೆ ಒತ್ತಡ ಅಥವಾ ತಲೆನೋವು) ಯಾವುದೇ ವೈದ್ಯಕೀಯ ಸ್ಥಿತಿಯನ್ನು ಹೊಂದಿದ್ದರೆ ಅಥವಾ ರೋಗಲಕ್ಷಣಗಳನ್ನು ಅನುಭವಿಸಿದರೆ iPad ಬಳಸುವ ಮೊದಲು ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

ಸ್ಫೋಟಕ ಮತ್ತು ಇತರ ವಾತಾವರಣದ ಪರಿಸ್ಥಿತಿಗಳು.  ಗಾಳಿಯಲ್ಲಿ ಹೆಚ್ಚಿನ ಮಟ್ಟದ ದಹಿಸುವ ರಾಸಾಯನಿಕಗಳು, ಆವಿಗಳು ಅಥವಾ ಕಣಗಳು (ಧಾನ್ಯ, ಧೂಳು ಅಥವಾ ಲೋಹದ ಪುಡಿಗಳಂತಹ) ಇರುವ ಪ್ರದೇಶಗಳಂತಹ ಸಂಭಾವ್ಯ ಸ್ಫೋಟಕ ವಾತಾವರಣವಿರುವ ಯಾವುದೇ ಪ್ರದೇಶದಲ್ಲಿ iPad ಅನ್ನು ಚಾರ್ಜ್ ಮಾಡುವುದು ಅಥವಾ ಬಳಸುವುದು ಅಪಾಯಕಾರಿಯಾಗಬಹುದು. ಹೀಲಿಯಂನಂತಹ ಸುಮಾರು ಆವಿಯಾಗುವ ದ್ರವೀಕೃತ ಅನಿಲಗಳು ಸೇರಿದಂತೆ ಕೈಗಾರಿಕಾ ರಾಸಾಯನಿಕಗಳ ಹೆಚ್ಚಿನ ಸಾಂದ್ರತೆಯನ್ನು ಹೊಂದಿರುವ ಪರಿಸರಕ್ಕೆ iPad ಅನ್ನು ಒಡ್ಡುವುದು, iPad ಕಾರ್ಯಕ್ಷಮತೆಯನ್ನು ಹಾನಿಗೊಳಿಸಬಹುದು ಅಥವಾ ದುರ್ಬಲಗೊಳಿಸಬಹುದು. ಎಲ್ಲಾ ಸಂಕೇತಗಳು ಮತ್ತು ಸೂಚನೆಗಳನ್ನು ಪಾಲಿಸಿ.

ಪುನರಾವರ್ತಿತ ಮೋಷನ್.  iPadನಲ್ಲಿ ಟೈಪ್ ಮಾಡುವುದು, ಸ್ವೈಪ್ ಮಾಡುವುದು ಅಥವಾ ಗೇಮ್‌ಗಳನ್ನು ಆಡುವಂತಹ ಪುನರಾವರ್ತಿತ ಚಟುವಟಿಕೆಗಳನ್ನು ನೀವು ಮಾಡಿದಾಗ, ನಿಮ್ಮ ಕೈಗಳು, ತೋಳುಗಳು, ಮಣಿಕಟ್ಟುಗಳು, ಭುಜಗಳು, ಕುತ್ತಿಗೆ ಅಥವಾ ನಿಮ್ಮ ದೇಹದ ಇತರ ಭಾಗಗಳಲ್ಲಿ ನಿಮಗೆ ಅಸ್ವಸ್ಥತೆ ಉಂಟಾಗಬಹುದು. ನೀವು ಅಸ್ವಸ್ಥತೆಯನ್ನು ಅನುಭವಿಸಿದರೆ, iPad ಬಳಸುವುದನ್ನು ನಿಲ್ಲಿಸಿ ಮತ್ತು ವೈದ್ಯರನ್ನು ಸಂಪರ್ಕಿಸಿ.

ಹೆಚ್ಚಿನ-ಪರಿಣಾಮದ ಚಟುವಟಿಕೆಗಳು.  ಸಾಧನದ ವೈಫಲ್ಯವು ಸಾವಿಗೆ, ವೈಯಕ್ತಿಕ ಗಾಯಕ್ಕೆ ಅಥವಾ ತೀವ್ರ ಪರಿಸರ ಹಾನಿಗೆ ಕಾರಣವಾಗಬಹುದಾದ ಸ್ಥಳದಲ್ಲಿ ಈ ಸಾಧನವನ್ನು ಬಳಸಲು ಉದ್ದೇಶಿಸಿಲ್ಲ.

ಉಸಿರುಗಟ್ಟಿಸುವಿಕೆಯ ಅಪಾಯ.  ಕೆಲವು iPad ಆ್ಯಕ್ಸೆಸರಿಗಳು ಚಿಕ್ಕ ಮಕ್ಕಳಿಗೆ ಉಸಿರುಗಟ್ಟಿಸುವ ಅಪಾಯವನ್ನು ಉಂಟುಮಾಡಬಹುದು. ಈ ಆ್ಯಕ್ಸೆಸರಿಗಳನ್ನು ಚಿಕ್ಕ ಮಕ್ಕಳಿಂದ ದೂರವಿಡಿ.

ಮ್ಯಾಗ್ನೆಟಿಕ್ ಇಂಟರ್‌ಫರೆನ್ಸ್.  Magic Keyboard ಮತ್ತು Magic Keyboard Folio, iPad ಅನ್ನು ಸುರಕ್ಷಿತವಾಗಿ ಹಿಡಿದಿಡುವ ಮ್ಯಾಗ್ನೆಟ್‌ಗಳನ್ನು ಹೊಂದಿರುತ್ತವೆ. iPadಗೆ ಅಟ್ಯಾಚ್ ಆಗುವ, Magic Keyboard and Magic Keyboard Folio ಮೇಲ್ಮೈಗಳ ಮೇಲೆ ಮ್ಯಾಗ್ನೆಟಿಕ್ ಸ್ಟ್ರಿಪ್‌ನಲ್ಲಿ ಮಾಹಿತಿಯನ್ನು ಸಂಗ್ರಹಿಸುವ ಕಾರ್ಡ್‌ಗಳನ್ನು ಇರಿಸುವುದನ್ನು ತಪ್ಪಿಸಿ—ಉದಾಹರಣೆಗೆ ಕ್ರೆಡಿಟ್ ಕಾರ್ಡ್‌ಗಳು ಅಥವಾ ಹೋಟೆಲ್ ಕೀ ಕಾರ್ಡ್‌ಗಳು, ಏಕೆಂದರೆ ಹಾಗೆ ಸಂಪರ್ಕಕ್ಕೆ ಬರುವುದರಿಂದ ಅವುಗಳ ಮ್ಯಾಗ್ನೆಟಿಕ್ ಗುಣ ಹೊರಟುಹೋಗಬಹುದು.

ಆಸ್ಟ್ರೇಲಿಯಾದ ಗ್ರಾಹಕರಿಗೆ, ಆನ್‌ಲೈನ್ ಸುರಕ್ಷತೆ ಸಂಪನ್ಮೂಲಗಳ ವೆಬ್‌ಸೈಟ್ ನೋಡಿ.

Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.