iPadನಲ್ಲಿ ಸಂದೇಶ ಆ್ಯಪ್ ಅನ್ನು ಸೆಟಪ್ ಮಾಡುವುದು

ಸಂದೇಶ ಆ್ಯಪ್‌ನಲ್ಲಿ, ನೀವು ಎರಡು ವಿಭಿನ್ನ ರೀತಿಯಲ್ಲಿ ಪಠ್ಯ ಸಂದೇಶಗಳನ್ನು ಕಳುಹಿಸಬಹುದು:

  • iMessage ಅನ್ನು ಬಳಸುವ ಇತರರೊಂದಿಗೆ iMessage ಅನ್ನು ಬಳಸುವುದು. ನಿಮ್ಮ iMessage ಪಠ್ಯಗಳು ನೀಲಿ ಬಣ್ಣದ ಬಬಲ್‌ಗಳಲ್ಲಿ ಕಾಣಿಸಿಕೊಳ್ಳುತ್ತವೆ.

  • ನಿಮ್ಮ iPhoneನಿಂದ ಫಾರ್ವರ್ಡ್ ಮಾಡಿದ SMS, MMS ಮತ್ತು RCS ಸಂದೇಶಗಳೊಂದಿಗೆ. ನಿಮ್ಮ SMS, MMS ಮತ್ತು RCS ಸಂದೇಶಗಳು ಹಸಿರು ಬಣ್ಣದ ಬಬಲ್‌ಗಳಲ್ಲಿ ಗೋಚರಿಸುತ್ತವೆ. iPhone ಬಳಕೆದಾರರ ಮಾರ್ಗದರ್ಶಿಯಲ್ಲಿ SMS/MMS/RCS ಸಂದೇಶ ಕಳುಹಿಸಲು ಇತರ ಸಾಧನಗಳನ್ನು ಆರಿಸಿ ಎಂಬುದನ್ನು ನೋಡಿ. (RCS ಸಂದೇಶಗಳು ಎಲ್ಲಾ ನೆಟ್‌ವರ್ಕ್ ಪೂರೈಕೆದಾರರಿಂದ ಅಥವಾ ಎಲ್ಲಾ ದೇಶಗಳು ಅಥವಾ ಪ್ರದೇಶಗಳಲ್ಲಿ ಬೆಂಬಲಿತವಾಗಿರುವುದಿಲ್ಲ.)

ಹೆಚ್ಚಿನ ಮಾಹಿತಿಗಾಗಿ, iMessage, RCS ಮತ್ತು SMS/MMS ನಡುವಿನ ವ್ಯತ್ಯಾಸವೇನು? ಎಂಬ Apple ಬೆಂಬಲ ಲೇಖನವನ್ನು ನೋಡಿ ಮತ್ತು iOS ಮತ್ತು iPadOS ಫೀಚರ್ ಲಭ್ಯತೆ ವೆಬ್‌ಸೈಟ್ ಅನ್ನು ನೋಡಿ.

iMessage ಅನ್ನು ಆನ್ ಮಾಡಿ

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ಆ್ಯಪ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸಂದೇಶ ಆ್ಯಪ್‌ ಅನ್ನು ಟ್ಯಾಪ್ ಮಾಡಿ.

  3. iMessage ಅನ್ನು ಆನ್ ಮಾಡಿ.

  4. ನೀವು iMessageನೊಂದಿಗೆ ನಿಮ್ಮ ಯಾವ ಫೋನ್ ಸಂಖ್ಯೆಗಳು ಮತ್ತು ಈಮೇಲ್‌ಗಳನ್ನು ಬಳಸಲು ಬಯಸುತ್ತೀರಿ ಎಂಬುದನ್ನು ಆರಿಸಲು, ಕಳುಹಿಸಿ ಮತ್ತು ಸ್ವೀಕರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ “ನೀವು ಇವುಗಳಲ್ಲಿ iMessagಗಳನ್ನು ಸ್ವೀಕರಿಸಬಹುದು ಮತ್ತು ಇವುಗಳಿಂದ ಪ್ರತ್ಯುತ್ತರವನ್ನು ಪಡೆಯಬಹುದು” ಎಂಬುದರ ಕೆಳಗಿರುವ ಆಯ್ಕೆಗಳಿಂದ ಆರಿಸಿ.

iMessage ಕುರಿತು ಇನ್ನಷ್ಟು ತಿಳಿಯಿರಿ.

iMessage ಆನ್ ಆಗಿರುವ ಸಂದೇಶ ಆ್ಯಪ್‌ನ ಸೆಟ್ಟಿಂಗ್ಸ್ ಫಲಕ.

ನಿಮ್ಮ ಎಲ್ಲಾ Apple ಸಾಧನಗಳಲ್ಲಿ ಸಂದೇಶಗಳನ್ನು ಸಿಂಕ್ ಮಾಡುವುದು

ನೀವು iCloudನಲ್ಲಿ ಸಂದೇಶ ಆ್ಯಪ್ ಅನ್ನು ಆನ್ ಮಾಡಿದಾಗ, ನಿಮ್ಮ iPadನಲ್ಲಿ ನೀವು ಕಳುಹಿಸುವ ಮತ್ತು ಸ್ವೀಕರಿಸುವ ಸಂದೇಶಗಳನ್ನು iCloudನಲ್ಲಿ ಸೇವ್ ಮಾಡಲಾಗುತ್ತದೆ. ನೀವು ಒಂದೇ Apple ಖಾತೆಗೆ ಸೈನ್ ಇನ್ ಮಾಡಿದಾಗ ಮತ್ತು ಬೇರೊಂದು ಸಾಧನದಲ್ಲಿ iCloudನಲ್ಲಿ ಸಂದೇಶ ಆ್ಯಪ್ ಅನ್ನು ಆನ್ ಮಾಡಿದಾಗ, ನಿಮ್ಮ ಸಂಭಾಷಣೆಗಳು ಅಲ್ಲಿ ಸಹ ಕಾಣಿಸಿಕೊಳ್ಳುತ್ತವೆ. ನೀವು ಹೊಸ ಸಾಧನವೊಂದನ್ನು ಸೆಟಪ್ ಮಾಡಿದಾಗಲೂ ಸಹ, ಆ ಸಾಧನಗಳಾದ್ಯಂತ ನಿಮ್ಮ ಸಂಪೂರ್ಣ ಸಂದೇಶಗಳ ಇತಿಹಾಸವನ್ನು ಅಪ್ ಟು ಡೇಟ್ ಆಗಿ ಇರಿಸಲಾಗುತ್ತದೆ. ಇದು SMS, MMS, RCS, ಅಥವಾ iMessage ಮೂಲಕ ಕಳುಹಿಸಿದ ಅಥವಾ ಸ್ವೀಕರಿಸಿದ ಸಂದೇಶಗಳನ್ನು ಒಳಗೊಂಡಿದೆ.

  1. ನಿಮ್ಮ iPad ಆನ್ ಆಗಿದೆ ಮತ್ತು Wi-Fi ನೆಟ್‌ವರ್ಕ್‌ಗೆ ಕನೆಕ್ಟ್ ಆಗಿದೆ ಮತ್ತು ನೀವು ಪ್ರತಿ ಸಾಧನದಲ್ಲಿ ಅದೇ Apple ಖಾತೆಗೆ ಸೈನ್ ಇನ್ ಆಗಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

  2. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  3. ನಿಮ್ಮ ಹೆಸರನ್ನು ಟ್ಯಾಪ್ ಮಾಡಿ, iCloud ಅನ್ನು ಟ್ಯಾಪ್ ಮಾಡಿ, ನಂತರ ಸಂದೇಶಗಳು ಎಂಬುದನ್ನು ಟ್ಯಾಪ್ ಮಾಡಿ.

    ಸಂದೇಶಗಳು ಕಾಣಿಸದಿದ್ದರೆ, iCloudನಲ್ಲಿ ಸೇವ್ ಮಾಡಿರುವುದು ಎಂಬ ವಿಭಾಗದಲ್ಲಿ ಎಲ್ಲವನ್ನೂ ನೋಡಿ ಎಂಬುದನ್ನು ಟ್ಯಾಪ್ ಮಾಡಿ.

  4. “ಈ iPadನಲ್ಲಿ ಬಳಸಿ” ಎಂಬುದನ್ನು ಆನ್ ಮಾಡಿ. (ಇದನ್ನು ಆನ್ ಮಾಡಿರದಿದ್ದರೆ).

ನೀವು iPhone ಅನ್ನು ಹೊಂದಿದ್ದರೆ, ನೀವು SMS, MMS ಅಥವಾ RCS ಸಂದೇಶವನ್ನು ಕಳುಹಿಸಿದಾಗ ಅಥವಾ ಸ್ವೀಕರಿಸಿದಾಗ, ಅದು ನಿಮ್ಮ iPadನಲ್ಲಿಯೂ ಕಾಣಿಸಿಕೊಳ್ಳುವಂತೆ ನೀವು ಅದನ್ನು ಸೆಟಪ್ ಮಾಡಬಹುದು. iPhone ಬಳಕೆದಾರರ ಮಾರ್ಗದರ್ಶಿಯಲ್ಲಿ SMS, MMS ಮತ್ತು RCS ಸಂದೇಶ ಕಳುಹಿಸಲು ಇತರ ಸಾಧನಗಳನ್ನು ಆರಿಸಿ ಎಂಬುದನ್ನು ನೋಡಿ.

ನೀವು iCloudನಲ್ಲಿ ಸಂದೇಶ ಆ್ಯಪ್ ಅನ್ನು ಆನ್ ಮಾಡಿದ ನಂತರ, ನೀವು iPadನಿಂದ ಯಾವುದೇ ಸಂದೇಶಗಳು ಅಥವಾ ಅಟ್ಯಾಚ್‌ಮೆಂಟ್‌ಗಳನ್ನು ಡಿಲೀಟ್ ಮಾಡಿದರೆ iCloud ಆನ್ ಆಗಿರುವ ನಿಮ್ಮ ಇತರೆ Apple ಸಾಧನಗಳಿಂದಲೂ (iOS 11.4, iPadOS 13, macOS 10.13.5, watchOS 1, visionOS 1, ಅಥವಾ ನಂತರದ ಆವೃತ್ತಿಗಳು) ಅವುಗಳನ್ನು ಡಿಲೀಟ್ ಮಾಡಲಾಗುತ್ತದೆ. iCloud ಬಳಕೆದಾರರ ಮಾರ್ಗದರ್ಶಿಯಲ್ಲಿರುವ ನಿಮ್ಮ ಎಲ್ಲಾ ಸಾಧನಗಳಲ್ಲಿ ಸಂದೇಶ ಆ್ಯಪ್‌ಗಾಗಿ iCloud ಅನ್ನು ಸೆಟಪ್ ಮಾಡುವುದು ಎಂಬುದನ್ನು ನೋಡಿ.

ಗಮನಿಸಿ: iCloudನಲ್ಲಿನ ಸಂದೇಶ ಆ್ಯಪ್ iCloud ಸಂಗ್ರಹವನ್ನು ಬಳಸುತ್ತದೆ. ನಿಮ್ಮ Apple ಖಾತೆಗೆ ಸೈನ್ ಇನ್ ಮಾಡಿ ಮತ್ತು ಅದನ್ನು ನಿರ್ವಹಿಸಿ ಎಂಬುದನ್ನು ನೋಡಿ.

ನಿಮ್ಮ ಹೆಸರು ಮತ್ತು ಫೋಟೋವನ್ನು ಹಂಚಿಕೊಳ್ಳಿ

ಸಂದೇಶ ಆ್ಯಪ್‌ನಲ್ಲಿ, ನಿಮ್ಮ ಹೆಸರು ಮತ್ತು ಫೋಟೋವನ್ನು* ನೀವು ಇತರರೊಂದಿಗೆ ಹಂಚಿಕೊಳ್ಳಬಹುದು. ನೀವು ಯಾವುದೇ ಸಂದರ್ಭದಲ್ಲಿ ಹೊಸ ವ್ಯಕ್ತಿಗೆ ಸಂದೇಶವನ್ನು ಕಳುಹಿಸಿದಾಗ ಅಥವಾ ಅವರಿಂದ ಸಂದೇಶ ಸ್ವೀಕರಿಸಿದಾಗ ಅದನ್ನು ಹಂಚಿಕೊಳ್ಳಬೇಕೇ ಬೇಡವೇ ಎಂಬುದನ್ನು ನೀವೇ ನಿರ್ಧರಿಸುತ್ತೀರಿ.

ಸಂದೇಶ ಆ್ಯಪ್‌ನಲ್ಲಿರುವ ಸಂಭಾಷಣೆ. ಸಂಭಾಷಣೆಯಲ್ಲಿರುವ ಇತರ ವ್ಯಕ್ತಿಯೊಂದಿಗೆ ಬಳಕೆದಾರರ ಹೆಸರು ಮತ್ತು ಫೋಟೋವನ್ನು ಹಂಚಿಕೊಳ್ಳಬೇಕೇ ಎಂದು ಕೇಳುವ ನೋಟಿಫಿಕೇಷನ್ ಮೇಲ್ಭಾಗದಲ್ಲಿ ಕಾಣಿಸಿಕೊಳ್ಳುತ್ತದೆ.

  1. ನಿಮ್ಮ iPadನಲ್ಲಿರುವ ಸಂದೇಶ ಆ್ಯಪ್‌ಗೆ ಹೋಗಿ.

  2. ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • ಸಂಭಾಷಣೆ ಪಟ್ಟಿಯ ಮೇಲ್ಭಾಗದಲ್ಲಿನ ಎಡಿಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಹೆಸರು ಮತ್ತು ಫೋಟೋವನ್ನು ಸೆಟಪ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

    • ಸಂಭಾಷಣೆ ಪಟ್ಟಿಯ ಮೇಲ್ಭಾಗಕ್ಕೆ ಹೋಗಲು ಮೇಲಕ್ಕೆ ಸ್ವೈಪ್ ಮಾಡಿ, ನಂತರ ನಿಮ್ಮ ಹೆಸರು ಮತ್ತು ಫೋಟೋ ಹಂಚಿಕೊಳ್ಳಿ ಎಂಬುದನ್ನು ಟ್ಯಾಪ್ ಮಾಡಿ.

  3. ನಿಮ್ಮನ್ನು ನೀವು ಹೇಗೆ ತೋರಿಸಲು ಬಯಸುತ್ತೀರಿ ಎಂಬುದನ್ನು ಆರಿಸಿ, ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ಹೆಸರು ಮತ್ತು ಫೋಟೋ ಹಂಚಿಕೆಯನ್ನು ಆನ್ ಮಾಡಿ.

  4. ಸ್ವಯಂಚಾಲಿತವಾಗಿ ಹಂಚಿಕೊಳ್ಳಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಒಂದನ್ನು ಆರಿಸಿ:

    • ಸಂಪರ್ಕಗಳು ಮಾತ್ರ: ಸೇವ್ ಮಾಡಿದ ಸಂಪರ್ಕವಾದ ಯಾವುದೇ ವ್ಯಕ್ತಿಯು ನಿಮ್ಮೊಂದಿಗೆ ಸಂವಹನ ನಡೆಸುವಾಗ ನೀವು ಆರಿಸಿದ ಹೆಸರು ಮತ್ತು ಚಿತ್ರವನ್ನು ಬಳಸುವ ಆಯ್ಕೆಯನ್ನು ಪಡೆಯುತ್ತಾರೆ.

    • ಯಾವಾಗಲೂ ಕೇಳಿ: ನೀವು ಪ್ರತಿ ಸಂಪರ್ಕದೊಂದಿಗೆ ಸಂವಹನ ನಡೆಸುತ್ತಿರುವಾಗ ನಿಮ್ಮ ಹೆಸರು ಮತ್ತು ಫೋಟೋವನ್ನು ಹಂಚಿಕೊಳ್ಳಲು ನಿರ್ಧರಿಸುವ ಆಯ್ಕೆಯನ್ನು ನೀವು ಹೊಂದಿರುತ್ತೀರಿ.

  5. ನಿಮ್ಮ ಬದಲಾವಣೆಗಳನ್ನು ಸೇವ್ ಮಾಡಲು ಮುಗಿದಿದೆ ಬಟನ್ ಎಂಬುದನ್ನು ಟ್ಯಾಪ್ ಮಾಡಿ.

ನೀವು ಈ ಸೆಟ್ಟಿಂಗ್ಸ್ ಅನ್ನು ಸೆಟಪ್ ಮಾಡಿದ ನಂತರ ಅವುಗಳನ್ನು ಬದಲಾಯಿಸಲು, ಎಡಿಟ್ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಹೆಸರು ಮತ್ತು ಫೋಟೋ ಎಂಬುದನ್ನು ಟ್ಯಾಪ್ ಮಾಡಿ.

ಗಮನಿಸಿ: ನೀವು Apple ಅಲ್ಲದ ಸಾಧನಗಳನ್ನು ಬಳಸುವ ಸ್ವೀಕೃತದಾರರಿಗೆ ಸಂದೇಶಗಳನ್ನು ಕಳುಹಿಸಿದಾಗ ನಿಮ್ಮ ಹೆಸರು ಮತ್ತು ಫೋಟೋ ನಿರೀಕ್ಷಿಸಿದಂತೆ ಕಾಣಿಸದೇ ಇರಬಹುದು.

*ಲಭ್ಯತೆಯು ಪ್ರದೇಶವನ್ನು ಆಧರಿಸಿ ಬದಲಾಗುತ್ತದೆ.
ಇದನ್ನು ಸಹ ನೋಡಿApple ಬೆಂಬಲ ಲೇಖನ: ಸಂದೇಶ ಆ್ಯಪ್ ಅಥವಾ FaceTimeನಲ್ಲಿ ನಿಮ್ಮ ಫೋನ್ ಸಂಖ್ಯೆಯನ್ನು ಸೇರಿಸಿ ಅಥವಾ ತೆಗೆದುಹಾಕಿiPadನಲ್ಲಿ ಸಂದೇಶಗಳನ್ನು ಕಳುಹಿಸುವುದು ಮತ್ತು ಅವುಗಳಿಗೆ ಪ್ರತ್ಯುತ್ತರಿಸುವುದುiPadನಲ್ಲಿ ಸಂದೇಶದ ನೋಟಿಫಿಕೇಷನ್‌ಗಳನ್ನು ನಿಲ್ಲಿಸುವುದು, ಮ್ಯೂಟ್ ಮಾಡುವುದು ಮತ್ತು ಬದಲಾಯಿಸುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.