iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPad ಬಳಸಿ ವ್ಯಕ್ತಿಯೊಬ್ಬರ ಎತ್ತರವನ್ನು ಅಳೆಯುವುದು

ಬೆಂಬಲಿತ ಮಾಡಲ್‌ಗಳಲ್ಲಿ, ವ್ಯಕ್ತಿಯೊಬ್ಬರ ಎತ್ತರವನ್ನು ನೆಲದಿಂದ ಅವರ ತಲೆ, ಕೂದಲು ಅಥವಾ ಟೋಪಿಯ ಮೇಲ್ಭಾಗದವರೆಗೆ ನೀವು ತ್ವರಿತವಾಗಿ ಅಳೆಯಬಹುದು. (ನೀವು ಒಬ್ಬ ವ್ಯಕ್ತಿಯು ಕುಳಿತಿರುವಾಗಲೂ ಅವರ ಎತ್ತರವನ್ನು ಅಳೆಯಬಹುದು.)

ವ್ಯಕ್ತಿಯ ಎತ್ತರವನ್ನು ಮಾಪಪ ಆ್ಯಪ್‌ನಲ್ಲಿ ಅಳೆಯಲಾಗುತ್ತದೆ ಮತ್ತು ಅಳತೆಯನ್ನು ವ್ಯಕ್ತಿಯ ತಲೆಯ ಮೇಲೆ ಅಲ್ಲಿ ಎತ್ತರದ ಅಳತೆಯನ್ನು ತೋರಿಸಲಾಗುತ್ತದೆ. ಮಾಪನದ ಪಿಕ್ಚರ್ ತೆಗೆದುಕೊಳ್ಳಲು ಕೆಳಗಿನ ಬಲ ಮೂಲೆಯ ಬಳಿ ಪಿಕ್ಚರ್ ತೆಗೆದುಕೊಳ್ಳಿ ಎಂಬ ಬಟನ್ ಇದೆ. ಕ್ಯಾಮರಾ ಬಳಕೆಯಲ್ಲಿದೆ ಎಂಬ ಹಸಿರು ಬಣ್ಣದ ಇಂಡಿಕೇಟರ್ ಮೇಲ್ಭಾಗದಲ್ಲಿ ಕಾಣಿಸಿಕೊಳ್ಳುತ್ತದೆ.

  1. ನಿಮ್ಮ iPadನಲ್ಲಿನ ಮಾಪನ ಆ್ಯಪ್‌ಗೆ (ಪರಿಕರ ಎಂಬ ಫೋಲ್ಡರ್‌ನಲ್ಲಿರುತ್ತದೆ) ಹೋಗಿ.

  2. ನೀವು ಯಾವ ವ್ಯಕ್ತಿಯ ಎತ್ತರವನ್ನು ಅಳೆಯಲು ಬಯಸುತ್ತೀರೋ ಅವರು ತಲೆಯಿಂದ ಪಾದದವರೆಗೆ ಸ್ಕ್ರೀನ್‌ನಲ್ಲಿ ಕಾಣಿಸುವಂತೆ iPad ಅನ್ನು ಇರಿಸಿ.

    ವ್ಯಕ್ತಿಯ ತಲೆಯ (ಅಥವಾ ಕೂದಲು ಅಥವಾ ಟೋಪಿಯ ಮೇಲೆ) ಮೇಲೆ ಒಂದು ರೇಖೆ ಕಾಣಿಸಿಕೊಳ್ಳುತ್ತದೆ, ಅದರ ಕೆಳಗೆ ಎತ್ತರದ ಅಳತೆಯು ಕಾಣಿಸುತ್ತದೆ.

  3. ಅಳತೆಯ ಫೋಟೋ ತೆಗೆದುಕೊಳ್ಳಲು ಪಿಕ್ಚರ್ ತೆಗೆದುಕೊಳ್ಳಿ ಬಟನ್ ಅನ್ನು ಟ್ಯಾಪ್ ಮಾಡಿ.

  4. ಫೋಟೋವನ್ನು ಸೇವ್ ಮಾಡಲು, ಕೆಳಗಿನ ಎಡ ಮೂಲೆಯಲ್ಲಿರುವ ಸ್ಕ್ರೀನ್‌ಶಾಟ್ ಅನ್ನು ಟ್ಯಾಪ್ ಮಾಡಿ, ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಫೋಟೋಸ್‌ಗೆ ಸೇವ್ ಮಾಡಿ ಎಂಬುದನ್ನು ಅಥವಾ ಫೈಲ್ಸ್ ಆ್ಯಪ್‌ನಲ್ಲಿ ಸೇವ್ ಮಾಡಿ ಎಂಬುದನ್ನು ಆಯ್ಕೆಮಾಡಿ.

    iPadನಲ್ಲಿನ ಫೋಟೋಸ್ ಅಥವಾ ಫೈಲ್ಸ್ ಆ್ಯಪ್‌ಗಳಿಂದ ನೀವು ಎತ್ತರದ ಅಳತೆಯ ಚಿತ್ರವನ್ನು ಯಾವಾಗ ಬೇಕಾದರೂ ಸುಲಭವಾಗಿ ಆ್ಯಕ್ಸೆಸ್ ಮಾಡಬಹುದು ಮತ್ತು ಹಂಚಿಕೊಳ್ಳಬಹುದು.

ಮತ್ತೊಮ್ಮೆ ಅಳೆಯುವುದಕ್ಕಾಗಿ, ಎತ್ತರವನ್ನು ರೀಸೆಟ್ ಮಾಡಲು iPad ಅನ್ನು ಒಂದು ಕ್ಷಣ ಬೇರೆಡೆಗೆ ತಿರುಗಿಸಿ.

Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.