iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿ ಸಲಹೆ ಆ್ಯಪ್ ಅನ್ನು ಬಳಸುವುದು

ಸಲಹೆ ಆ್ಯಪ್‌ನಲ್ಲಿ, ನಿಮ್ಮ iPadನಿಂದ ಗರಿಷ್ಠ ಪ್ರಯೋಜನಗಳನ್ನು ಪಡೆಯಲು ನಿಮಗೆ ಸಹಾಯ ಮಾಡುವ ಸಲಹೆಗಳ ಸಂಗ್ರಹಗಳನ್ನು ನೋಡಿ. ನೀವು ಪ್ರತಿ ಬಾರಿ ಸ್ವಲ್ಪ ಸಮಯದ ನಂತರ ನೋಟಿಫಿಕೇಷನ್‌ಗಳನ್ನು ಪಡೆಯಬಹುದು, ಇದರಿಂದಾಗಿ ನೀವು ಕಾಲಾನಂತರದಲ್ಲಿ ಹೊಸ ವಿಷಯಗಳನ್ನು ಕಲಿಯುವುದನ್ನು ಮುಂದುವರಿಸಬಹುದು.

ಎಡಭಾಗದಲ್ಲಿರುವ ಸೈಡ್‌ಬಾರ್‌ನಲ್ಲಿ ಸಲಹೆ ಆ್ಯಪ್‌ನ ಸಂಗ್ರಹವನ್ನು ಮತ್ತು ಬಲಭಾಗದಲ್ಲಿ ಆಯ್ಕೆಮಾಡಿರುವ ಸಲಹೆಯು ತೆರೆದಿರುವುದನ್ನು ತೋರಿಸುತ್ತಿರುವ ಸ್ಕ್ರೀನ್.

ಸಲಹೆಗಳನ್ನು ಪಡೆಯಿರಿ

ಸಲಹೆ ಆ್ಯಪ್‌ನಲ್ಲಿ, ನಿಮ್ಮ ಲಾಕ್ ಸ್ಕ್ರೀನ್ ಅನ್ನು ವೈಯಕ್ತೀಕರಿಸುವುದು ಹೇಗೆ, ಗಣಿತದ ಸಮಸ್ಯೆಗಳನ್ನು ಪರಿಹರಿಸಲು ಕ್ಯಾಲ್‌ಕ್ಯುಲೇಟರ್ ಅನ್ನು ಬಳಸುವುದು ಹೇಗೆ, ನಿಮ್ಮ ಪಾಸ್‌ವರ್ಡ್‌ಗಳನ್ನು ಆ್ಯಕ್ಸೆಸ್ ಮಾಡುವುದು ಹೇಗೆ ಮತ್ತು ಇನ್ನೂ ಹೆಚ್ಚಿನದನ್ನು ನೀವು ಕಲಿಯಬಹುದು. ಹೊಸ ಸಲಹೆಗಳನ್ನು ನಿಯಮಿತವಾಗಿ ಸೇರಿಸಲಾಗುತ್ತದೆ.

ಕಲಿಕೆಯನ್ನು ಪ್ರಾರಂಭಿಸಲು, ಸಲಹೆ ಆ್ಯಪ್‌ಗೆ ಹೋಗಿ, ಸಂಗ್ರಹವನ್ನು ಟ್ಯಾಪ್ ಮಾಡಿ, ನಂತರ ಸಲಹೆಯನ್ನು ಟ್ಯಾಪ್ ಮಾಡಿ.

ಹೊಸ ಸಲಹೆಗಳು ಬಂದಾಗ ಸೂಚನೆ ಪಡೆಯಿರಿ

  1. ನಿಮ್ಮ iPadನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ  ಹೋಗಿ.

  2. ನೋಟಿಫಿಕೇಷನ್‌ ಎಂಬುದನ್ನು ಟ್ಯಾಪ್ ಮಾಡಿ, ನೋಟಿಫಿಕೇಷನ್ ಶೈಲಿ ಎಂಬುದರ ಕೆಳಗಿರುವ ಸಲಹೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನೋಟಿಫಿಕೇಷನ್‌ಗಳನ್ನು ಅನುಮತಿಸಿ ಎಂಬುದನ್ನು ಆನ್ ಮಾಡಿ.

  3. ನೀವು ಸ್ವೀಕರಿಸಲು ಬಯಸುವ ನೋಟಿಫಿಕೇಷನ್‌ಗಳ ಶೈಲಿ, ಅವು ಹೇಗೆ ಕಾಣಿಸಿಕೊಳ್ಳಬೇಕು ಮತ್ತು ಇತ್ಯಾದಿಗಳಿಗಾಗಿ ಆಯ್ಕೆಗಳನ್ನು ಆರಿಸಿ.

ಸಲಹೆಗಳನ್ನು ಸೇವ್ ಮಾಡಿ

ನಿಮ್ಮ ಅನನ್ಯ ಸೇವ್ ಮಾಡಲಾದ ಸಲಹೆಗಳ ಸಂಗ್ರಹಕ್ಕೆ ನೀವು ಸಲಹೆಗಳನ್ನು ಸೇರಿಸಬಹುದು, ಇದರಿಂದ ನೀವು ನಂತರ ಅವುಗಳನ್ನು ತ್ವರಿತವಾಗಿ ಪಡೆಯಬಹುದು.

  1. ನಿಮ್ಮ iPadನಲ್ಲಿ ಸಲಹೆ ಆ್ಯಪ್‌ಗೆ ಹೋಗಿ.

  2. ಸಲಹೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಅದನ್ನು ನಿಮ್ಮ ಸೇವ್ ಮಾಡಿದ ಸಂಗ್ರಹಕ್ಕೆ ಸೇರಿಸಲು ಸೇವ್ ಬಟನ್ ಅನ್ನು ಟ್ಯಾಪ್ ಮಾಡಿ. ನಿಮ್ಮ ಸೇವ್ ಮಾಡಿದ ಸಂಗ್ರಹದಿಂದ ಸಲಹೆಯನ್ನು ತೆಗೆದುಹಾಕಲು ಮತ್ತೊಮ್ಮೆ ಟ್ಯಾಪ್ ಮಾಡಿ.

ನೀವು ಸೇವ್ ಮಾಡಿರುವ ಎಲ್ಲಾ ಸಲಹೆಗಳನ್ನು ನೋಡಲು, ನೀವು ಸಂಗ್ರಹಗಳ ಪಟ್ಟಿಗೆ ಹಿಂತಿರುಗುವವರೆಗೆ ಸೈಡ್‌ಬಾರ್ ತೋರಿಸಿ ಬಟನ್ ಅಥವಾ ಸಲಹೆಗಳ ಸಂಗ್ರಹಣೆಗಳ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ “ಸೇವ್ ಮಾಡಿದ ಸಲಹೆಗಳು” ಎಂಬುದನ್ನು ಟ್ಯಾಪ್ ಮಾಡಿ.

ಸಲಹೆಯನ್ನು ಹಂಚಿಕೊಳ್ಳಿ

ನೀವು ಸಲಹೆಯನ್ನು ಸ್ನೇಹಿತರ ಜೊತೆ ಸಂದೇಶ ಮತ್ತು Mail ಅಥವಾ AirDrop ಮೂಲಕ ಹತ್ತಿರವಿರುವ ಯಾರೊಂದಿಗಾದರೂ ಹಂಚಿಕೊಳ್ಳಬಹುದು. ನೀವು ಟಿಪ್ಪಣಿ ಆ್ಯಪ್ ಮತ್ತು Freeform ಬೋರ್ಡ್‌ಗಳಂತಹ ಡಾಕ್ಯುಮಂಟ್‌ಗಳಿಗೆ ಸಲಹೆಗಳನ್ನು ಸಹ ಸೇರಿಸಬಹುದು.

  1. ನಿಮ್ಮ iPadನಲ್ಲಿ ಸಲಹೆ ಆ್ಯಪ್‌ಗೆ ಹೋಗಿ.

  2. ಸಲಹೆ ಎಂಬುದನ್ನು ಟ್ಯಾಪ್ ಮಾಡಿ, ಹಂಚಿಕೊಳ್ಳಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ Mail ಆ್ಯಪ್, ಸಂದೇಶ ಆ್ಯಪ್ ಅಥವಾ AirDropನಂತಹ ಹಂಚಿಕೆ ಆಯ್ಕೆಯನ್ನು ಆರಿಸಿ.

ನಿಮ್ಮ ಇತರ Apple ಸಾಧನಗಳ ಕುರಿತು ಇನ್ನಷ್ಟು ತಿಳಿಯಿರಿ

ನೀವು ಇತರ Apple ಸಾಧನಗಳನ್ನು ಹೊಂದಿದ್ದರೆ—ಉದಾಹರಣೆಗೆ Apple TV 4K, AirPods ಅಥವಾ HomePod—ನೀವು ಸಲಹೆ ಆ್ಯಪ್‌ನಲ್ಲಿ ಅವುಗಳ ಬಗ್ಗೆ ಓದಬಹುದು.

  1. ನಿಮ್ಮ iPadನಲ್ಲಿ ಸಲಹೆ ಆ್ಯಪ್‌ಗೆ ಹೋಗಿ.

  2. ಸಲಹೆ ಆ್ಯಪ್‌ನ ಕೆಳಭಾಗಕ್ಕೆ ಸ್ಕ್ರೋಲ್ ಮಾಡಿ, ನಂತರ ನೀವು ಬ್ರೌಸ್ ಮಾಡಲು ಬಯಸುವ ಬಳಕೆದಾರರ ಮಾರ್ಗದರ್ಶಿಯನ್ನು ಟ್ಯಾಪ್ ಮಾಡಿ.

ಇದನ್ನು ಸಹ ನೋಡಿApp Storeನಲ್ಲಿ ಆ್ಯಪ್‌ಗಳನ್ನು ಪಡೆಯಿರಿನೋಟಿಫಿಕೇಷನ್ ಸೆಟ್ಟಿಂಗ್ಸ್ ಅನ್ನು ಬದಲಾಯಿಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.