iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿನ ಗಡಿಯಾರ ಆ್ಯಪ್‌ನಲ್ಲಿ ಟೈಮರ್‌ಗಳನ್ನು ಸೆಟ್ ಮಾಡುವುದು

ನಿರ್ದಿಷ್ಟಪಡಿಸಿದ ಸಮಯಗಳಿಂದ ಕೌಂಟ್‌ಡೌನ್ ಮಾಡಲು ನೀವು ಟೈಮರ್‌ಗಳನ್ನು ಸೆಟ್ ಮಾಡಬಹುದು.

Siri: ಈ ರೀತಿ ಏನಾದರೂ Siriಯನ್ನು ಕೇಳಿ: “Set the timer for 3 minutes.”Siriಯನ್ನು ಬಳಸುವುದು ಹೇಗೆಂದು ತಿಳಿಯಿರಿ.

ಕಸ್ಟಮ್ ಟೈಮರ್ ಅನ್ನು ಸೆಟ್ ಮಾಡುವುದು

  1. ನಿಮ್ಮ iPhoneನಲ್ಲಿನ ಗಡಿಯಾರ ಆ್ಯಪ್‌ಗೆ ಹೋಗಿ.

  2. ಟೈಮರ್‌ಗಳನ್ನು ಟ್ಯಾಪ್ ಮಾಡಿ, ನಂತರ ಸಮಯದ ಅವಧಿಯನ್ನು ಸೆಟ್ ಮಾಡಿ.

  3. ಈ ಕೆಳಗಿನ ಯಾವುದೇ ಆಯ್ಕೆಗಳನ್ನು ಆರಿಸಿ:

    • ಲೇಬಲ್: ಟೈಮರ್‌ಗೆ “ಓವನ್‌ನಿಂದ ಕುಕೀಗಳನ್ನು ಹೊರತೆಗೆಯಿರಿ” ಎಂಬಂತಹ ಹೆಸರನ್ನು ನೀಡಿ.

    • ಟೈಮರ್ ಕೊನೆಗೊಂಡಾಗ: ಟೈಮರ್ ಕೊನೆಗೊಂಡಾಗ ಪ್ಲೇ ಮಾಡಲು ಸೌಂಡ್ ಅನ್ನು ಆರಿಸಿ.

  4. ಪ್ರಾರಂಭಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಗಮನಿಸಿ: ನೀವು ಇನ್ನೊಂದು ಆ್ಯಪ್ ಅನ್ನು ತೆರೆದರೂ ಅಥವಾ iPad ನಿದ್ರೆಗೆ ಹೋದರೂ ಟೈಮರ್ ಮುಂದುವರಿಯುತ್ತದೆ.

ನೀವು ಕಸ್ಟಮ್ ಟೈಮರ್ ಅನ್ನು ಸೆಟ್ ಮಾಡಿದಾಗ, ಅದು ಇತ್ತೀಚಿನದು ಎಂಬುದರ ಕೆಳಗೆ ಕಾಣಿಸಿಕೊಳ್ಳುತ್ತದೆ—ಇದರಿಂದ ನೀವು ಯಾವಾಗ ಬೇಕಾದರೂ ಅದೇ ಟೈಮರ್ ಅನ್ನು ಪ್ರಾರಂಭಿಸಬಹುದು.

ಆಡಿಯೊ ಅಥವಾ ವೀಡಿಯೊ ಪ್ಲೇ ಮಾಡುವುದನ್ನು ನಿಲ್ಲಿಸಲು ಟೈಮರ್ ಒಂದನ್ನು ಸೆಟ್ ಮಾಡುವುದು

ನಿರ್ದಿಷ್ಟ ಸಮಯದ ನಂತರ ನೀವು ಆಡಿಯೊ ಅಥವಾ ವೀಡಿಯೊ ಪ್ಲೇ ಮಾಡುವುದನ್ನು ನಿಲ್ಲಿಸಲು ಬಯಸಿದರೆ, ಪ್ಲೇಬ್ಯಾಕ್ ಅನ್ನು ನಿಲ್ಲಿಸಲು ನೀವು ಟೈಮರ್ ಅನ್ನು ಸೆಟ್ ಮಾಡಬಹುದು—ಉದಾಹರಣೆಗೆ, ನೀವು ರೇಡಿಯೊ ಆಲಿಸುವಾಗ ನಿದ್ರೆಗೆ ಜಾರಿದರೆ.

  1. ನಿಮ್ಮ iPhoneನಲ್ಲಿನ ಗಡಿಯಾರ ಆ್ಯಪ್‌ಗೆ ಹೋಗಿ.

  2. ಮೇಲಿನಂತೆ ಕಸ್ಟಮ್ ಟೈಮರ್ ಅನ್ನು ಸೆಟ್ ಮಾಡಿ.

  3. ಟೈಮರ್ ಕೊನೆಗೊಂಡಾಗ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸೌಂಡ್‌ಗಳ ಪಟ್ಟಿಯ ಕೆಳಭಾಗದಲ್ಲಿರುವ ಪ್ಲೇ ಮಾಡುವುದನ್ನು ನಿಲ್ಲಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  4. ಸೆಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಪ್ರಾರಂಭಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಅನೇಕ ಟೈಮರ್‌ಗಳನ್ನು ಸೆಟ್ ಮಾಡುವುದು

ನೀವು ಕಸ್ಟಮ್ ಟೈಮರ್ ಅನ್ನು ಪ್ರಾರಂಭಿಸಿದ ನಂತರ, ಒಂದೇ ಸಮಯದಲ್ಲಿ ವಿವಿಧ ಕಾರ್ಯಗಳನ್ನು ಟ್ರ್ಯಾಕ್ ಮಾಡಲು ನೀವು ಹೆಚ್ಚಿನ ಟೈಮರ್‌ಗಳನ್ನು ಸೇರಿಸಬಹುದು.

ಟೈಮರ್ ಅನ್ನು ಸೆಟ್ ಮಾಡಲು ಸೆಟ್ಟಿಂಗ್ಸ್ ಅನ್ನು ತೋರಿಸುತ್ತಿರುವ ಟೈಮರ್‌ಗಳ ಟ್ಯಾಬ್. ಇತ್ತೀಚೆಗೆ ರಚಿಸಲಾದ ಟೈಮರ್, ಟೈಮರ್ ಸೆಟ್ಟಿಂಗ್ಸ್‌ನ ಕೆಳಭಾಗದಲ್ಲಿದೆ. ವಿಶ್ವ ಗಡಿಯಾರ, ಅಲಾರಂ, ಸ್ಟಾಪ್‌ವಾಚ್ ಮತ್ತು ಟೈಮರ್‌ಗಳ ಬಟನ್‌ಗಳು ಕೆಳಭಾಗದಲ್ಲಿವೆ.

  1. ನಿಮ್ಮ iPhoneನಲ್ಲಿನ ಗಡಿಯಾರ ಆ್ಯಪ್‌ಗೆ ಹೋಗಿ.

  2. ಟೈಮರ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಟೈಮರ್ ಅನ್ನು ಪ್ರಾರಂಭಿಸಿ.

  3. ಮೇಲಿನ ಬಲಭಾಗದಲ್ಲಿರುವ ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • ಕಸ್ಟಮ್ ಟೈಮರ್ ಸೇರಿಸಿ: ಸಮಯದ ಅವಧಿಯನ್ನು ಹೊಂದಿಸಿ, ಲೇಬಲ್ ಅಥವಾ ಸೌಂಡ್ ಅನ್ನು ಸೇರಿಸಿ, ನಂತರ ಪ್ರಾರಂಭಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

    • ಪ್ರೀಸೆಟ್ ಟೈಮರ್ ಅನ್ನು ಸೇರಿಸಿ: ಪ್ರೀಸೆಟ್‌ಗಳ ಕೆಳಗೆ ಎಡಕ್ಕೆ ಸ್ವೈಪ್ ಮಾಡಿ, ನಂತರ ಪ್ರೀಸೆಟ್ ಅವಧಿಯನ್ನು ಟ್ಯಾಪ್ ಮಾಡಿ (ಉದಾಹರಣೆಗೆ 1, 5 ಅಥವಾ 10 ನಿಮಿಷಗಳು).

    • ಇತ್ತೀಚಿನ ಟೈಮರ್ ಅನ್ನು ಸೇರಿಸಿ: ನೀವು ಇತ್ತೀಚೆಗೆ ಸೆಟ್ ಮಾಡಿರುವ ಟೈಮರ್‌ನ ಪಕ್ಕದಲ್ಲಿರುವ ಪ್ರಾರಂಭಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

      ನೀವು ಪ್ರೀಸೆಟ್ ಅಥವಾ ಇತ್ತೀಚಿನ ಟೈಮರ್ ಅನ್ನು ಆಯ್ಕೆಮಾಡಿದರೆ, ಲೇಬಲ್ ಮತ್ತು ಸೌಂಡ್ ಅನ್ನು ಎಡಿಟ್ ಮಾಡಲು ಟೈಮರ್ ಅನ್ನು ಟ್ಯಾಪ್ ಮಾಡಿ.

ಟೈಮರ್ ಅನ್ನು ನಿಲ್ಲಿಸುವುದು, ವಿರಾಮಗೊಳಿಸುವುದು ಅಥವಾ ತೆಗೆದುಹಾಕುವುದು

ಟೈಮರ್ ಕೊನೆಗೊಂಡಾಗ, ನೀವು ಯಾವ ಆ್ಯಪ್ ಅನ್ನು ಬಳಸುತ್ತಿದ್ದರೂ ನಿಮ್ಮ ಸ್ಕ್ರೀನ್‌ ಮೇಲ್ಭಾಗದಲ್ಲಿ ನೀವು ನೋಟಿಫಿಕೇಷನ್ ಒಂದನ್ನು ಪಡೆಯುತ್ತೀರಿ. ನೋಟಿಫಿಕೇಷನ್ ಅನ್ನು ತೆರವುಗೊಳಿಸಲು ರದ್ದು ಬಟನ್ ಅನ್ನು ಟ್ಯಾಪ್ ಮಾಡಿ ಅಥವಾ ಟೈಮರ್ ಮತ್ತೆ ರನ್ ಆಗಬೇಕೆಂದು ನೀವು ಬಯಸಿದರೆ ರೀಸೆಟ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ. ನೀವು ಲಾಕ್ ಸ್ಕ್ರೀನ್‌ನಿಂದ ಪುನರಾವರ್ತಿಸಿ ಅಥವಾ ನಿಲ್ಲಿಸಿ ಎಂಬುದನ್ನು ಸಹ ಟ್ಯಾಪ್ ಮಾಡಬಹುದು.

ಟೈಮರ್ ಕೊನೆಗೊಳ್ಳುವ ಮೊದಲು ನೀವು ಅದನ್ನು ವಿರಾಮಗೊಳಿಸಬಹುದು ಅಥವಾ ತೆಗೆದುಹಾಕಬಹುದು.

  1. ನಿಮ್ಮ iPhoneನಲ್ಲಿನ ಗಡಿಯಾರ ಆ್ಯಪ್‌ಗೆ ಹೋಗಿ.

  2. ಟೈಮರ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಮಾಡಿ:

    • ಟೈಮರ್ ಅನ್ನು ವಿರಾಮಗೊಳಿಸಿ: ಟೈಮರ್ ಅನ್ನು ಸ್ವಲ್ಪ ಸಮಯದ ಮಟ್ಟಿಗೆ ನಿಲ್ಲಿಸಲು ಅದರ ಪಕ್ಕದಲ್ಲಿರುವ ವಿರಾಮಗೊಳಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ. ಕೌಂಟ್‌ಡೌನ್ ಮಾಡುವುದನ್ನು ಮುಂದುವರಿಸಲು ಪ್ರಾರಂಭಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

    • ಟೈಮರ್ ಅನ್ನು ತೆಗೆದುಹಾಕಿ: ತೆಗೆದುಹಾಕಿ ಬಟನ್ ಅನ್ನು ಟ್ಯಾಪ್ ಮಾಡಿ.

ಇದನ್ನು ಸಹ ನೋಡಿiPadನಲ್ಲಿನ ಗಡಿಯಾರ ಆ್ಯಪ್‌ನಲ್ಲಿ ಸ್ಟಾಪ್‌ವಾಚ್ ಬಳಸಿ ಸಮಯವನ್ನು ಟ್ರ್ಯಾಕ್ ಮಾಡುವುದುiPadನಲ್ಲಿನ ಗಡಿಯಾರ ಆ್ಯಪ್‌ನಲ್ಲಿ ಅಲಾರಂ ಅನ್ನು ಸೆಟ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.